海灣茶居

營業中

休息中

酒樓吃點心心，這店子也有的點心～看到滿滿特別的小店，真的很不錯喔～ 打開份食物牌子，被蒸魚吸引，點了兩份蒸魚，好吃，點多份點心。 瑤柱水旦 瑤柱絲很多，蒸碟份量亦大，旦液過濾後加入，好口吃。蒸水旦完美滑嫩，像布丁味～水和旦之黃金比例蒸旦時間蒸滑滑水旦的秘密是很難喔。蒸出滑溜，香滑蒸水旦是好下飯呢。新手零失敗完成這個不易喔！輕鬆做出完美的水旦不易呢 優酪乳兔 慕斯優酪乳兔卡通樣可愛，小兔子糕點，有點日式感～網紅感滿滿喔。甜而不膩。香，奶味都好重。 古法蒸黃花 配上大量之薑絲，可以辟除魚之腥味，魚肉感覺好滑身，啖啖的肉～ 吃得到是新鮮製作～勾勒出鮮甜感覺。 蒸黃花魚是家常食物的，店子帶出家的味，鮮嫩香濃！棒 吃起來亦特別腍滑鬆軟。】蒸魚濃香美味！吃很多飯亦沒問題～百搭醬汁跟這道蒸魚菜式，那是很棒之感 晚餐想吃點心但又不想光顧酒樓，這天多了一個貼地選擇！朋友最近發掘的這個有點心之點心店子。店子有很多酒樓來說，必叫的點心。 下一次來可以一吃點心，看來也很棒，小菜味道，很有家的感覺。

是日約咗個長輩見下面, 佢帶咗我去佢屋企附近飲茶.佢話呢間茶居經濟實惠, 又坐得舒適. 我哋選擇咗近玻璃嘅卡位, 座位的確寬敞闊落, 仲有少少日光照落嚟.茶具幾別緻, 但茶位都只係茶位5蚊一位! <<鹽焗手撕雞腸粉>>估唔到呢D新式FUSION點心都有.腸粉淋上甜醬, 麻醬同芝麻. 雞肉連皮上，配上芝麻, 口感惹味! <<蟹籽燒賣>>賣相唔錯, 上枱仲熱辣辣.一粒一口, 爽口彈牙. <<蔥燒黃金大餅>>外酥脆內鬆軟, 食到淡淡嘅蔥味.<<窩蛋牛肉生滾粥>>大大窩, 白雪雪. 撈起見到牛肉片, 同好靚嘅流心蛋.<<奶皇包>>熱辣辣軟綿綿, 好食. 

餐廳：海灣茶居 (大角咀)地址：大角咀福利街8號港灣豪庭廣場地下G05號舖1️⃣ 靚姐潮州蒸粉果(3隻) $28粉果口感軟糯，晶瑩剔透，餡料豐富，質感非常好，而且皮薄餡靚，食起嚟非常爽口，加埋特製嘅辣椒油，更加美味可口。2️⃣ 封煎香軟蔥油餅(2件) $28蔥油餅入口酥脆同香脆，外酥內軟，具有濃郁嘅蔥香味同油香味，香氣四溢。3️⃣ 黃金炸饅頭(4個) $28炸饅頭外層炸至金黃色，食落非常鬆脆，內裡鬆軟細膩，而且即叫即炸，夠曬新鮮熱辣辣，配埋煉奶一齊食，更加香甜惹味。4️⃣ 懷舊混醬腸粉 $28腸粉口感滑嫩，醬料搭配得非常均勻，味道層次分明。5️⃣ 海灣蟹籽燒賣(4粒) $38蟹籽燒賣好鮮美，外皮薄而有彈性，內餡鮮嫩多汁，配上鮮甜嘅蟹籽，爽口又彈牙，口感十足。6️⃣ 鳳爪排骨蒸飯 $39排骨肉質嫩滑，鳳爪輕鬆皮骨分離，入口即化，讓人回味無窮。7️⃣ 茶位 $5/位

📍海灣茶居（大角咀） 大角咀福利街8號港灣豪庭廣場地下G05號舖岩岩同朋友係大角咀買完野，經過港灣豪庭廣場，見到呢間裝修得超靚的茶樓，朋友就話晚餐係呢度食啦，我都係第一次夜晚飲茶，睇完menu，原來茶居晚市有不止有點心選擇，還有小菜、煲仔菜、養生燉湯同埋甜品。茶居裝修清雅有格調，卡位寬闊，桌面整潔，餐具茶壺配了裝潢，很美，感覺食物都會變得更美味！我和朋友都叫了晚市小菜套餐，套餐除了一個小菜，仲包埋一碗白飯同香草綠豆沙，超抵食。另外，惠顧晚市小菜套餐可以無限加購指定款式的點心、生菜和燉湯。套餐1：豉汁蒸倉魚 $70因爲係即叫即蒸，所以等的時間會耐少少，大概15分鐘。熱騰騰的原條倉魚好吸引，食魚最怕多刺，呢條魚極少刺，魚肉嫩滑易起，正反面魚肉好多，剩下的豉汁用來撈飯一流。套餐2：絕味沙薑雞 半隻 $98發覺幾多人叫呢個餐，我地都想一試。果然沒有失望，真的有半隻雞多，鷄件輕輕地調了咸味，點上一些沙薑醬汁，帶出鷄肉的鮮味，每件雞的肉非常厚滑，鷄皮連著少少脂肪，朋友食完都話好滿足。另加$12配了斑欄千層糕，一籠有3件，松軟不會太甜；另加$10雙皮奶，好滑好濃奶味；而套餐送的香草綠豆沙，綠豆起沙，

這裡全日都可以嘆點心，晚市有多款家常菜套餐， 還可以用優惠價追加糖水， 小食， 甜品，免加一，每個茶位只需五元， 真係好抵食。西蘭花蝦球配上惹味XO醬，蝦球爽口， 西蘭花清甜，香味濃郁餸飯一流。煎釀茄子以蝦膠做餡，煎至金黃色再上茨汁， 豐富食客的味蕾體驗。每次食蝦餃，都會被晶瑩剔透的外皮吸引，內裡多汁的蝦肉，爽口的竹筍， 皮薄餡靚，粒粒飽滿。綠豆沙清熱解毒，入口順滑，綠豆的香味配合香草吃起來滿嘴生香。白滑的雙皮奶是家喻戶曉、老少咸宜的甜品，奶味濃郁，香滑可口 。斑蘭椰汁千層糕甜度適中，口感清新，綠悠悠的顏色非常吸引，口感鬆軟柔嫩。黑糖蜂巢糕有濃濃的黑糖香味，不會太甜膩，Q彈有韌性，橫切看起來像蜂巢，鬆軟綿密。

作為大角咀嘅街坊，點可以唔清楚哩度嘅衣食住行，今日就再嚟哩間位於港灣商場嘅海灣茶居，不過今次唔系食點心，而系食晚餐小菜，味道一樣出色。▶️絕味沙薑雞套餐($98/半隻)隻雞都幾大隻，雞油豐富，肉質嫩滑。每個套餐都跟飯同飯後糖水一碗，滿足！▶️古法蒸黃花魚($70)古法意思系將冬菇絲、炸菜絲、肉絲等放在魚面一齊蒸，帶出魚嘅鮮味，做法簡單又好味！▶️是日燉湯($28)足料燉湯，裡面仲有好多蟲草花同瘦肉嘅湯料，令人回味！餐廳全日免加一，而且無論何時到訪都有點心供應，想舒舒服服坐低一盅兩件哩度真係吾錯嘅～

今日同阿仔係大角咀攞野比朋友, 經過港灣豪庭廣場地面有一間新派點心店, 主打即叫即蒸點心。好耐冇飲茶☕🥢, 見唔使等位, 諗都唔使諗, 即入去嘆個下午茶先。蝦餃四粒 - $40蝦餃一到, 4粒都係一個個元寶好靚, 蝦餃皮平滑, 有光澤, 半透明, 食落口軟滑韌度適中, 蝦肉新鮮彈口, 夾起來蝦餃皮無散開, 絶對係水準之作。唔怪得每枱都叫啦!海灣蟹籽燒賣4粒 - $38飲茶一定唔少得的燒賣, 外型齊整美觀, 粒粒大小一樣, 燒賣啖啖鮮蝦同豬肉餡, 燒賣上面仲有蟹籽, 食落新鮮飽滿, 口感豐富。係必叫之選之一。牛肉腸粉 - $30牛肉腸粉皮薄, 有韌性, 牛肉鮮嫩口感, 唔會係雪藏牛肉, 牛肉柔軟, 調味同豉油都恰到好處. 互相輝映，熔岩蝦球4粒- $38 熔岩蝦球外觀金黃酥脆, 蝦肉新鮮鮮甜, 口感彈牙, 流心蛋黃口感濃郁, 烹調適當, 口感唔錯。鳳爪排骨飯- $39鳳爪及排骨肉汁豐滿, 口感嫩滑, 並沒有太柴硬嘅感覺, 米飯軟爛, 又有趙勁, 口感鬆散, 能夠與鳳爪排骨的醬汁相親, 仲要用煲仔上惹味非常。 茶位每位 - $10免收加一#海灣茶居#香港美食 #香港茶樓 #港式茶樓 #香港

哈哈🙂去過的地方去到番尋味😊上個禮拜去左奧海城😂今個禮拜去左港灣豪庭廣場🤩同朋友嘆茶🫖食點心😋原來呢間點心專門店😄全日免收加一😀茶位/白開水/座位費一律每位$5😃任何時間過嚟幫襯都超值呀😆不過我地係下午茶時間幫襯🤭唔知道食物質素係點樣呢😉懷舊混醬腸粉配懷舊奶皇包（2隻）$38我地再加$10 轉鹽焗手撕雞腸粉 ［$38+$10=$48］腸粉美味滑嘟嘟🤩豉油麻醬無得頂☺️手撕雞雞肉嫩滑😏口水汁花生碎佳🤤懷舊奶皇包奶皇包食落唔黏牙😬餡料味道可再豐富就更好🤫香菇什菌生滾粥 $48估唔到生滾粥份量十足🤠兩人食每人大概有三小碗份量🤓香菇配上生滾粥😯新奇配搭🥸海灣蟹籽燒賣（4粒）$38飲茶一定唔少得的燒賣😎燒賣啖啖鮮蝦同豬肉餡😗好想一人獨享4粒😂醬皇金錢肚 $32每舊大大件😍配上惹味醬汁😝仲有兩件芋頭做配菜😉食落好滋味☺️香煎黃金糕（2件）$20黃金糕口感唔錯😘係我兒時回憶的味道🤪📍 海灣茶居 (大角咀)🔍 大角咀福利街8號港灣豪庭廣場地下G05號舖

經開大角咀附近見到依間餐廳可以飲茶擇日不如撞日咁食點心入到去餐廳仲有窗邊位卡坐 下午時段有陽光曬入黎都幾舒服點心紙上寫點心現場製作 基本點心 包點 粥 腸粉都有下午茶時段仲有特惠孖寶等你可以嘆多幾款點心盅飯都幾搶手賣哂試唔到 點左碗皮蛋瘦肉粥 味道比較濃厚粥同皮蛋已經煮成融合 可以唔駛再加胡椒粉都夠味流沙包好出色係用鹹蛋黃餡新鮮出爐比較熱餡料都急不及待湧出黎鮮蝦腸粉搵得都夠滑口而且蝦都幾大隻蝦餃同燒賣當然要試同埋都幾大粒可以揀兩粒裝或四粒裝兩樣都食到唔駛擔心浪費雖然無酒樓咁有氣氛但食物質素都好好

《新派街坊小菜🤤》———————————————-#海灣茶居 🫖 -早排去大角咀朋友屋企，夜晚諗唔到食乜就落咗去屋企樓下嘅一間新派菜館，同一般嘅茶樓唔一樣，茶居空間感寬闊，開揚光猛🥰-佢嘅晚市套餐種類款式都幾多，而且經濟實惠，跟餐有白飯同甜品，我哋嗌咗個雲吞雞，以一人份量來講都幾足料，大大件滑雞同幾大粒雲吞，佐以清甜嘅高湯，感覺健康🐥 跟餐嘅紅豆沙都幾正，煮到起沙，甜而不膩🫘-另一款我哋就揀咗惹味啲嘅豉椒炒花甲，蜆肉爽口彈牙，都幾豐富，加埋啲醬汁撈飯一流😃-⭐ 參考價錢︰（另收加一）雲吞雞晚市套餐：$108豉椒炒花甲：$88🍌 抵deal 指數：7/10💰 人均消費：$100

依家喺大角咀港灣豪庭嘅茶樓 我係佢嘅常客櫻花蝦蘿蔔酥： 每一次都一定會食佢嘅櫻花蝦蘿蔔酥，非常之鬆脆蘿蔔好鮮甜，酥皮係新鮮製造新鮮炸出嚟。 好味到Dum一聲， 係目前我食過最高分嘅點心店。 煎蘿蔔糕 ：呢個正常不過不失，冇驚喜綿花雞： 雞肉都幾嫩滑 ， 綿花好好味， 調味做得幾好。 午餐套餐飯： 叉燒煎蛋飯， 叉燒3分1 肥肉， 3 分2 瘦肉， 甜豉油汁。 環境非常之乾淨， 服務又好。 總體來講， 我會非常推介大家去食，而且必食必食櫻花蝦蘿蔔酥。

二訪#海灣茶居 最愛呢到冇加一收費 茶位都係$5🥰🥰晚市小菜套餐😋蝦仁叉燒炒蛋配白飯🥚蝦仁炒蛋非常嫩滑👍🏻👍🏻蝦仁大大隻好足料下添😘 彈牙爽口 撈飯都好好味😋手撕雞腸粉 🐥鹽焗手撕雞同腸粉一齊食超級滋味😋豉油麻醬淋落去腸粉到 真係一流奶黃流沙包 🍞上次食覺得呢度嘅流沙包好好食😋不過唔知點解今次冇整得咁軟熟 希望下次你會更好👍🏻🙂黑松露豬肉燒賣🐷🐷有黑松露燒賣，見到根本欲罷不能🙈

🥚🥬金銀蛋浸時菜 (配白飯）$68我去嘅嗰一日時菜係菠菜，菠菜嘅份量好多，配埋鹹蛋、皮蛋、雞蛋同埋肉碎去煮，啲湯汁啱啱好就俾菠菜吸晒，非常好食，啱晒餸飯，我今次成碗白飯清晒架！（btw聽呀媽講菠菜有豐富嘅鐵質, 要食多啲🤣) 🐔絕味沙薑雞（半隻）配白飯$98 本來想叫個口水雞，點知太好賣是日沽清，咁我唯有叫埋最後一份沙薑雞😂真係手快有手慢冇㗎🙈個雞除左有沙薑香，仲有咸香，隻雞似係浸熟，所謂連胸肉都好香同唔鞋口，連雞胸肉都唔鞋口，咁雞髀有幾滑唔使講啦！👍🏻👍🏻蟲草花燉雞湯+$28自從搬咗出嚟住，想飲啖似樣既湯真係好難，放工返去連淥個面都懶，更加唔好話煮飯啦（淨係想躺平😂😂）同埋燉湯唔喺度都有！所以今次見到有點都要叫啦，呢個燉湯簡直係雞嘅濃縮精華，湯料有蟲草花、龍眼，瘦肉同埋雞肉💓💓我碗湯入面有隻雞翼，隻雞翼咬落去連骨都化晒，就知呢碗湯花左幾多時間燉啦，真係真材實料㗎！陳皮紅豆沙呢個陳皮紅豆沙係上面兩個主菜送嘅，啲紅豆已經煲到溶晒，仲有幾重嘅陳皮味，味道方面唔會太甜，都幾適合香港人嘅口味！就算係老人家都可以放心食🥰👍🏻

懶洋洋既星期日，起身無咩特別地方要去，就亂咁行左去大角咀，當日都比較熱，行到就忍唔住搵個商場涼下冷氣先，咁岩就見到呢間點心餐廳而家愈開愈多點心餐廳，呢間算係裝修光猛地方整潔飲茶梗係唔少得一壺靚茶，個人比較鐘意飲普洱蝦餃（$18）、燒賣（$18）飲茶必食既蝦餃燒賣呢度係可以兩粒咁order，岩曬兩個人飲茶，可以試多d其他食物瑤柱珍珠雞（$32）、鮮竹牛肉（$28）、北菇棉花雞（$33）、鮮竹卷（$22）呢度係有下午茶時段，訓晏左黎食就岩曬，全部點心都熱辣辣新鮮上檯，放假慢慢飲下茶食下野hea下就最岩蘿蔔絲酥（$38）估唔到呢度有我既最愛蘿蔔絲酥食，酥皮鬆化，內裡係軟淋淋既蘿蔔絲，手工野非常好味

大角咀平時都有好多嘢食今日去完朋友屋企，諗住落去樓下食下午茶原來商場都有間新式嘅茶居我哋兩個人都叫咗好多點心🤭鹹水角 新鮮炸出嚟好脆 入面仲熱辣辣黑松露燒賣 朋友都讚呢個真係好好食👍🏻蝦大大粒 仲有好香黑松露味 蝦餃 蝦餃入面蝦大大粒 皮薄 食多兩粒都唔會好飽流沙包 足料 一搣開個包就有流沙湧出來 👍🏻👍🏻👍🏻👍🏻蒸排骨以為係好普通嘅蒸排骨但係估唔到都好好食上面好多蒜蓉蒸 好香 如果唔係飽咗嘅話攞嚟送飯一流最後驚唔夠食，仲叫埋鳳爪 鮮蝦腸 買單，計埋茶介先係220蚊！真係好抵食