海王漁港 (裝修中)

過去幾年都有幫襯過海港集團，原因係以將軍澳區嚟講可以話係較好既酒樓。但係近幾次食我覺得質素上係一直下降中。唔可以話好差，但相比起從前仍然差好遠。沙巴龍躉沙巴龍躉以前喺呢間酒樓食過其實唔錯，魚最重要蒸得僅僅熟。但係今次食，上枱時魚係未熟，waitress 拎番入去蒸，蒸多次都係未熟...魚蒸既時間真係要計得好準確，否則就浪費左條靚魚。乳豬乳豬燒得外皮幾脆，豬肉亦唔鞋口，但可惜既係豬既臊味太重，影響左成隻豬既味道。蒜蓉蒸蟶子蒜蓉蒸蟶子，算係全晚較令人滿意既菜式。蟶子無沙，幾大隻，亦幾爽滑，唔錯！希望既係，呢間食店質素會回升番d啦!

唸住嘆茶，卻換來一肚氣。本來此酒樓已經食物一般，再加一個懶惰的女侍應，就以後都不會再光顧。乳鴿肉質"鞋"口，腸粉皮唔滑，炒蘿蔔糕唔熱。叫女侍應落單，無人應，要自己去櫃枱找人落單。不如去快餐店好過。

假期既第二日，約了父母及舅母表妹一起飲茶，由於前晚試過這裡的火鍋覺得唔錯，所以決定試埋點心。我諗係假日既關係，我地等左一小時才入座，點心選擇唔少，除左大路蝦餃外，還有一些新款點心，例如冬蟲夏草蒸千層腐皮﹑金紗米網腸﹑燒汁釀冬菇等，另外也有幾款特色小吃，如麻辣五寶﹑脆皮咖哩牛腩拼法包等。我們一行7人點了18款點心，如下：1. 蝦餃王- 一般2. 蝦籽燒賣- 一般3. 蠔皇叉燒包- 一般4. 熱辣辣叉燒餐包- 一般5. 鮑汁鳳爪- 一般6. 燒豬頸肉-叉燒做法，豬頸肉口感...但我會比較喜歡泰式做法多一點！7. 上湯鮮竹卷- 一般8. 四寶滑雞紮- 雞肉不會太肥，火腿及蟹柳好味！9. 野菌浸芥蘭-菜有點腍得滯。10. 燒鵝例牌- 一貫的好味！好厚肉，HK$78，抵！11. 北菇滑雞煲仔飯-濕左啲12. 金錢肚13. 黑椒牛柳粒- 有少少牛味，沒有過份用梳打粉醃，保留肉質口感，不錯！14. 金紗米網腸- 初時以為同鹹蛋黃有關，原來只是包著炸蝦膠，都好味！15. 韮王蝦腸- 正常16. 麻辣五寶- 有豬皮﹑豬腸﹑豬紅﹑豬肚﹑豆卜，少辣，味道一般。17. 燒汁釀冬菇- 魚肉幾好味，燒汁雖然較杰身

今個星期不停加班，週四又同朋友晚飯，所以今晚陪老公吃餐好，以補償前兩晚沒好好陪佢啦！老公話想打邊邊，所以就嚟左呢間新開一排既海王漁港。同屬海港集團，餐牌一樣精美，價錢亦好接近，但都唔算太貴既，肉類餸菜約HK$58-68起，海鮮類大概HK$88起，龍蝦孖寶特價HK$368 (跟半隻脆皮雞)... 下次一定嚟試！講番火鍋，九點後有宵夜特價，火鍋配料HK$18起，最抵係美國肥牛，HK$22一碟但質素非常高，色澤靚又有肉味，不會過肥，絕不欺場，有相為證架！羊肉片也很不錯，肉質好之餘不會太大味(即所謂太"騷")。螺片好鮮甜，HK$32一份，份量也不少，食極都食唔完咁。貪得意點左HK$18一客4粒既小籠包，都係火鍋料，賣相好靚，但唔好味！好怪，唔啱我地！仲點左一客鹿兒島豚肉，這個讓我深深體會到乜野係"圖片只作參考"，個碟超大，豚肉卷起得嗰少少，佢換隻細碟可能感覺會好啲囉，至於味道，冇乜特別，HK$58一份有點唔值呀！最後講番個湯底，九點特價有個1蚊麻辣雞煲，即先吃辣雞件再加湯或水打邊邊呢，咁抵梗係要叫啦！賣相唔錯既，但唔夠辣之餘啲雞真係冇味，始終唔係鮮雞嘛，收你1蚊仲想點，不過好彩大部份火鍋料有誠