海王漁港 (裝修中)

次次經過外面都覺得呢間酒樓好大，今次終於可以同同事嚟呢度飲下午茶。星期一下午攞咗籌等咗大概十五分鐘就有位，裏面真係幾大喎。一行三人坐一張可以坐到四五人嘅位，夠晒闊落，食物可以，價錢都幾抵。翡翠筍蝦餃王，都幾大粒飽滿。蟹籽燒賣皇，唔錯。鮮竹牛肉球。豉汁煎釀尖椒，呢個辣嘅，我食唔到，朋友話ok嘅。醬汁蒸鳳爪，好味。家鄉煎薄罉，好多好多年無食過喇，好香。蜜汁叉燒腸，腸粉夠滑。叉燒飯，叉燒做得唔錯，唔肥但又夠鬆軟。豉油皇炒麵，一直都唔會食呢個，覺得啲麵會好似橡筋咁，又硬又乾，原來唔係咁，都幾好食。

今時今日嘅香港，又話經濟衰退，股市大跌，疫症橫行，中美貿易大戰……但係星期日晏晝去茶樓食餐飯，都真係估唔到要等成個鐘頭飛，痴線。其實咁多人排隊等飛，得兩個原因：一係間餐廳好好食，一係間餐廳賣啲嘢好鬼平。而今次海王漁港又真係好食得黎又幾平。我哋一行四人，被安排入咗一間類似雜物房嘅廳，依個間出嚟嘅「廳」放咗兩張枱，同埋一大堆一大堆唔用又疊左高嘅枱櫈，真係頂佢唔順，等咗成個鐘頭飛坐雜物房。終於換咗另一個位，個支客面口西下西下，好似覺得我哋嫌三嫌四咁，但將心比己，坐雜物房依樣野真係痴線。我哋叫咗個超值龍蝦鮑魚四人餐$880，連埋+1同埋茶錢$1012，平均～$250一個人。青瓜海蜇拼沙薑豬蹄粒 🤤啲黑醋酸酸尾尾幾開胃，海蜇正常味，豬蹄粒好食，連埋佢嗰粒生嘅紅洋蔥🧅一齊食，辣辣地又酸酸地又爽爽地，嘩，諗起都好肚餓。紅燒脆皮乳鴿（每位半隻）由於乳鴿賣晒，轉左燒腩仔例牌😐個皮都係脆嘅，啲肉都唔算鹹，但稍嫌肥咗啲，酒樓黎講算係正常水準。上湯焗開邊龍蝦伊麵（每位半隻）🤤每人有半隻，其實都唔係話特別多肉，但啲肉食起上嚟係爽甜，feel到係新鮮嘅，酒樓黎講，難得！伊麵都煮得唔太淋，味道唔鹹，但稍嫌油咗啲，食

首先員工冇禮貌， 日日去飲茶都見到D熟客唔使攞飛入去搵部長攞位, 有吉枱即刻走埋去, 出面排曬長隊, 點解可以咁唔公平, 係咪中秋節買月餅卷，新年買年糕畀利是就可以快啲有位， 已投訴多次但冇改善, 我都知道間間酒樓都有呢個問題但係呢度極之嚴重， 真係好誇張， 我相信應該好多茶客都知！

我都好耐冇飲過茶，有啲心掛掛，所以同朋友去飲茶傾計。唔知係咪太耐冇去過飲茶嘅原故，覺得服務同水平都差咗，有些少失望。等左15分鐘位，一入去，迫食客只可以用安心出行，唔可以寫紙字登記資料。同一般茶樓餐廳做法有異。上菜速度正常，但伙記唔係好收籠同埋碟，令枱面空間不足。添水都比較慢 (時間下晝2點，過左最忙時間)。食物方面，有叉燒米線但係冇叉燒瀨粉，唔夠正宗，叉燒份量都比較少。試咗黑金流沙包，賣相吸引，食落多好夠熱，但流出來嘅奶黃，冇乜味，唔知自已食緊咩。其他食物都係普普通通，下次唔會想再嚟。

2020年除夕夜，在家吃飯也要豐盛一點，慰勞家人一年來對抗疫情的辛苦努力。看見海港集團的海鮮2人餐很抵食，有龍蝦有鮑魚叫2個2人餐5個人食，真係好正。拎返屋企果陣已經聞到好香，澳洲龍蝦啖啖肉又鮮甜，有埋伊麵墊底，飯都唔使煲。兩條沙巴龍躉一啲都唔hea場，大大條，是新鮮的，小朋友都中意。唯一係拎返屋企時要小心豉油灑出，個紙袋都過底。呢個鹽燒鮑魚又幾得意，唔係傳統煮法，少少辣，又彈牙，好評。燒鵝拼叉燒就要襯熱食，天氣凍，叉燒啲汁好快凝固到白色，但頭三樣餸太吸引，唔會好快食到燒味，結果尾段時間要用蒸焗爐輕輕加減幾分鐘，啲汁出返黎，肉亦軟返，又清碟。薑汁芥蘭有heart，有批頭批皮，食得爽口啲。甜品有好啱冬季既燉雪梨，唔算太甜，不錯。加插小食，去拎外賣時，叫到好多小食可外賣，好吸引。但太多餸，只揀左鹵水豬手，$38六件，大大件迫逼盒，好入味。

一年一度🎉🎉牛一🎉🎉長假期，當然要陪女朋友飲下茶啦，係疫情之下，服務態度都唔錯，食物係我搬將軍澳5年，除左名苑，這裡都係我心目中覺得好食，例牌會食燒賣，山竹牛肉，蝦餃（蝦好鮮）， 炸兩係脆嘅， 不過阿姐淋咗豉油喺上面差少少，仲有黑金流沙包， 蘿蔔千絲酥（ 食過最好食），蝦腸（ 啲蝦好大隻），雞扎（ 正常啦），總括嚟講，80分啦，希望疫情過左約埋家姐來食啦

細細個唔中意飲茶 但人越大唔知點解就會中意食中菜同飲茶 今日難得假日可以一家人去飲茶🤩 可能假日所以都比較多人 等既時間都比較耐 另外講講員工都比較忙服務態度都唔係幾好 煎堆碌碌$29.8 煎得幾香熱氣野就最好味啦哈哈😄櫻花蝦煎薄撐有冇人都好中意食麵粉🤭餅皮幾Q 可惜上菜嘅時候已經凍左唔夠熱🥴XO醬蘿蔔糕 因為有XO醬令到蘿蔔糕好有味道 但係就炒到散咗 賣相普通西杏百花球 其實就係炸蝦球 表層既杏仁片炸到脆卜卜 加埋泰式辣醬好好味 蝦餃係飲茶必叫 蝦都大大粒 餃皮唔黏 好食黑金流沙包 奶黃餡料係流心既 熱辣辣幾好燒賣都足料👍🏼👍🏼鳳爪排骨飯 排骨既肉好淋唔肥 配埋豉油好送飯 Overall 唔算太貴食完咁多樣野真係非常飽 飲茶主要都係一家人聚下 食物質素又ok

坦白講其實我地呢代人開始有d食厭傳統酒樓，原因好簡單，收費唔平加食物質素參差，好多時都失望而回，不過今次不抱住期望去反而有驚喜。清蒸阿拉斯加長腳蟹，最近酒樓都好興食長腳蟹，多人食更加抵食，呢度蒸得岩岩好，唔會過生或過老，蟹肉鮮甜肥美多汁，蟹膏甘香，蟹蓋size好比一個人頭，直接食或是撈飯都好正。鹽燒八頭南非鮑魚爽口彈牙，平常多數以醬油清蒸方法，今次鹽燒仍然可以保持鮑魚肉質嫩滑，將鮮味大大提升。瑤柱香妃雞皮薄肉嫩，個人比較中意直接食、唔沾任何醬汁，食到原本雞的鮮味。海王燒鵝皇食左太多肉，點都要叫返d蔬菜解下膩，蘭花如意炒帶子、金瑤扒豆苗同樣係誠意之作，份量好足夠，新鮮美味。

中午飲茶，入座後15分鐘還未有餐具，問個侍應，她態度極差，發脾氣，鬧客人！ 經理沒有理會，叫顧客自己去拎餐具，其實已經唔係第一次發生！ 我認為一間餐廳需要服務態度及食物質素有同等位置～ 各位要小心，唔好再幫襯還有，食物等緊30分鐘未到，我們就去追下，但佢哋話追唔到廚房，要求我地唔好追單！ 簡直過分，沒有管理層！侍應就一直跟客人聊天，跟其他侍應聊天，沒有處理客人問題，食物就正正常常，不是太差，價錢就偏高！！過分

等左成半個鐘先入地張單，原來之前白等，如果唔追真係等到2046都未有。黎到第一碟釀青椒，頂，凍的！d伙記個個不在狀態，反應又慢，傳菜係慢慢行(公園散步個速度，無誇張), 唔怪之得d餸會凍啦。對顧客愛理不理，好似唔知你講乜咁。係我見過最不專業的酒樓侍應。食到成肚氣，劣質茶樓 永不光顧😡

星期六早上唔小心早左起身...😅😅就同老公一齊去飲茶~特登搭車出寶琳海皇漁港, 因為之前食過佢哋嘅點心都幾好味😁😁😁9點前黎到唔需要等位, 又唔使搭枱佢哋嘅燒賣大大粒！而且有好多隻蝦！食落仲好多肉汁！值得推薦！另外有我地最鍾意嘅西杏百花球~~面頭有好脆, 好香嘅杏仁片包住入面係一粒蝦丸🤤🤤點埋甜酸醬一齊食，好正相信大人細路都會鍾意❤️其他點心好似煎羅白糕, 粟米淮山排骨粥(超多排骨), 春風得意腸... 全部都係正常水準所以話黎呢度飲茶, 好少失望☺️☺️

Came here for Saturday breakfast. I believe most of the customers would be people who live nearby. This is my first time here. So glad I tried it since I now think it is the best dimsum of its kind in Po Lam!We arrived around 10:30, there was a short line. Since I only came with my aunt we agreed to share a table with others. We were seated in around 5 minutes. We had 5 dimsums: ‘snow mountain’ BBQ pork bun, red date pudding, glutinous rice bun, ma lai go (sponge cake) and chives and shrimp crys

星期六早上特登去寶琳飲茶選擇搭枱，唔需要等位我覺得佢哋嘅點心做得幾好，全部都做得好精緻！蝦餃同埋鮮蝦菜苗餃都係皮薄餡靚，晶瑩剔透另外燒賣都好好味賣相都唔錯每一隻都有蝦同埋爽口嘅豬肉～我最鍾意佢哋嘅珍珠雞！添加左紅米，咬落去口感一流～另外入面有好多雞肉同埋冬菇冬菇味好出，非常夾！今次仲試咗雞蛋叉燒腸都幾特別！就好似普通叉燒腸，不過中間加咗雞蛋🥚估唔到真係食到雞蛋嘅香味🤤🤤唔錯，唔錯值得一試我覺得美中不足嘅係佢價錢偏貴雖然係星期六嘅早上九點但都唔似一般街坊酒樓有啲精選優惠點心兩個人叫咗七樣野（其實都多得滯嘅⋯）咁就食咗$220喇

平時飲茶去得多，今次係第一次去食晚飯。點了幾個簡單小菜，包括黃金蟹肉蝦球伊麵、蜜椒薯角牛柳粒、豉油皇焗海蝦、豉椒炒蜆、海鮮湯淮山浸菜芯曲。想不到小菜沒有點心精彩，有點失望😞 先說個伊麵，用料是十足，個芡汁味道還可以，不過蝦球完全唔爽無𡁻口，而且失去鮮味。豉椒炒蜆同樣味道不錯，但係唔夠鑊氣，蜆就不算太肥美，不過不失啦。比較欣賞的是焗蝦，有番蝦應有的爽甜，用豉油吊味，鮮味更突出。個菜就平平無奇，似個雜菜煲。這裡還是點心比較出色，晚飯就一般般了。

難得放假,本身諗住北上深圳玩一日,但天文台話呢幾日天氣唔好,所以最後取消左,改左陪媽咪飲茶,假日實在太多人,所以一早出門去左攞位,但都要等成個鐘先入到去,所以假日飲茶真係唔早起都唔得!入到酒樓裡面超大,周圍都係枱,擺放得密密麻麻,枱和枱之間距離超近,成日都聽到隔離枱講咩,不過唔緊要,酒樓嘈先係正常,證明這裡人流真係超高!打開點餐紙,彩色印刷,圖文並茂,點心選擇多,最後我們選左5款點心!<鳳爪排骨飯> 飯粒軟硬適中夠哂熱, 隨心加點豉油再搞拌一齊食!飯裡有幾粒豉椒十分惹味!不過賣相就一般!<香煎蝦米腸> 每條蝦米腸都鋪滿蝦米和蔥花,雖然要用油煎,但煎得好香脆,食起來唔係好油膩,雖然又粗又大條,但唔係好熱,可能放在廚房放得耐就凍左!<紫心香芋丸> 圓碌碌的香芋丸煎到金黃色,咬落去煙煙韌韌,好似食麻糬咁,食到中間見到香芋饀,好似奶油般順滑,真係好好味!<上海小籠包> 小籠包皮薄多饀,豬肉鮮嫩,輕輕夾起來幸好粒粒都無穿,但湯汁唔多,食起來比較乾.<晶瑩韮菜餃> 韮菜餃剔透,脹卜卜的餃內,包住好多蝦和韮菜餡,食起來口