海皇園林酒家

營業中

休息中

29 June 2007 (Fri) - 晚飯同事離職，請各位黎呢度食海鮮宴，好正！！喺妹記買海鮮，再黎呢度食！食物有：豉油皇中蝦- 原來好正，我未試過食豉油皇咁整，隻中蝦好大隻，一人一隻，味道相當好，唔咸！一魚兩味：炒球+炆班頭腩，本想蒸魚，但有人提議咁樣整，可以買大條啲魚！呢個菜式被大家所讚，因為大家都覺得炒得及炆得唔油，係好既煮術！鮑魚- 亦係一人一隻唔大唔細鮑魚，對於鮑魚，我真係無乜特別喜愛，但同事們郤好鍾意，亦對之大讚，話唔靭，唔似擦紙膠！椒鹽瀨尿蝦- 呢個係我既favourite 啦，我都唔明點解自己咁鍾意食呢一味！只知椒鹽味好好味，隻蝦好大隻吓，有膏！薑葱膏蟹- 呢種整法都好正，有兩大隻蟹，蟹蓋好多膏，我將其中一隻據為己有，太正啦，蟹膏真係無得頂，yeah~~上湯龍蝦伊麵- 咁樣整法真係好味好多，唔會話啲芝士味冚晒啲龍蝦既鮮味！菜- 較油，我唔鍾意！大家都對呢度既海鮮既新鮮度，煮法，味道極其滿意，我都覺得唔錯，絕對係非常抵食，我哋七個人，都係食咗$2800左右，要再來！可惜個電視機壞咗，冇得睇~~

妹記買了海鮮,老闆介紹了我們來這裡試試...剛在妹記買了的海鮮在這店加工,各樣都做得很好,清蒸的恰到好處,椒鹽的野味十足.只是蒸魚的調味豉油偏甜了一點點...我們還加了蝦醬炒通菜,紅燒豆腐同酸甜骨。蝦醬炒通菜－再多點蝦醬會更好紅燒豆腐－家常菜，OK！（豆腐幾滑）酸甜骨－排骨炸得剛剛好，不會太乾，酸甜汁開胃而不膩！由於每碟份量不少，最後要”打包”半碟酸甜骨同幾件豆腐。計埋油料錢（加工費）同啤酒汽水，這兒收費HKD772。不算貴！還要讚讚這店的老闆娘...吸取食客的意見,加以改善.談吐溫文友善.是次慶祝父親節的飯局，不論食物同環境皆不俗，收費也只是每位HKD326（包括海鮮）而已。媽媽說...下次做節會再來！

25-1-2006 1930自己都係有生以來第1次來呢度食，真係大鄉里出城。約左食友一齊去鯉魚門食海鮮，當然要有熟人帶路點樣選擇海鮮，我地經過一輪開價及修改後，便將其材料送到這裡加工，變成佳餚。第1道上的是蒜茸粉絲蒸扇貝，味道係幾野味，自己則應為還有改善空間：蒜蓉份量減少三分一，蒸出來的汁落少少鹽，然後與粉絲混合一齊；避風塘炒瀨尿蝦不會因蒜及辣度而蓋\過新鮮，野味程度只是點到即止；白灼菜心大棵得來，沒有渣，加埋豉油及熟油就得，其實係靚貨的話，只須在水中落少少油及鹽已經搞貼，當然出面好少會咁做；清蒸鮑魚剛剛好一人一隻，幾鮮甜，排番好睇少少就更理想；白灼鮮魷係咁多菜式之中最清淡，極其量只係落少少鹽，但係所伴的蝦膏就不太好，一來對來講自己比較喜歡蝦醬，二來落左糖，會稍為破壞原味。蟹就分開左避風塘及薑葱，有食友唔食得辣，味道都幾鮮甜，食其鮮味先至係食蟹的最終境界，而不只是有沒有膏；芝士焗龍蝦，龍蝦稍為細隻左，但勝在用卡夫車打芝士，會比一般的更濃，有伊麵係底，係要有多少少汁去送麵，可惜不多；全晚最出色的都係大蝦兩味，蝦頭就用避風塘，身就以乾煎加豉油，好少蝦頭仍然好肉，亦好少可以成隻頭食到連渣都冇

呢間D 海鮮都好新鮮下。其中最特別係D蟹用水蛋做底，兩者交溶真係好正。炒飯、甜品都幾好。(呢餐係跟某團體食，有議員請，所以唔知價。)

上星期日跟團去迪欣湖一日遊(85元全包),中午到此酒家吃飯,一日遊早上去迪欣湖,正午就到鯉魚門吃午飯,入到去酒家的中間段見到有個養龜池,養了很多大龜,D龜淨個龜殼都有3隻手扳大,看看下阿仔突然大叫有隻龜霸,成隻海龜咁大的....午餐的餸都幾好食,阿仔連吃了3碗飯,又說生炒骨好吃,個魚湯都很好飲(本人不喜喝魚湯,都喝了不少);但侍應好像很趕似的,需然很快上菜,這樣我們亦食得快快,但一碟餸都未清底就想拿走,他一拿起隻碟,又剛巧有團友夾這碟生炒骨的青椒,侍應就說你還要呀??人家當然說要(骨都還有幾件剩),張檯又不是沒位,碟嘢又未食完,好像趕著我們走似的...都是旅行例牌十味----1.白飯,2.魚湯,3.蝦,4.油菜,5.蒸魚,6.西芹鮮尤,7.雞,8.蒜茸粉絲蒸扇貝,9.生炒排骨,10.蒜茸蒸豆腐......這樣跟團吃好像都很便宜http://i10.photobucket.com/albums/a113/maryho24354859/DSCI01081.jpghttp://i10.photobucket.com/albums/a113/maryho24354859/DSCI01091.j

中午時師生們在鯉魚門附近拍攝, 黃昏過後順道來一個海鮮晚餐, 先來了一個白灼海蝦, 肉質和味道鮮美, 略嚴比例細小了一點; 粉絲蒸扇貝味道同樣鮮美, 扇貝新鮮粉絲爽身; 老師喜歡一嗜炸生蠔, 火喉剛剛好, 肉質滑而且多汁; 上湯豆苗味道甘香討好; 蛋白花雕蟹, 花雕味道十分輕清, 花蟹肉質鮮味; 咕嚕肉可說是全晚比較失色的一個, 肉質和火喉十分理想, 唯獨味道有點過於輕清, 尚欠了一點神緒; 老師意猶未盡, 再點一客糯米飯, 份量比想像中大得多, 而且用料豐富, 偏向爽身討好; 甜品來了一個南瓜露, 南瓜味道中庸, 不過不失. 老師跟我們共對了兩支白酒, 談談已往的舊同學, 談談我們的新去向, 給了我們一點意見和一點勉勵.

去鯉魚門食海鮮, 我家人一定去這間酒家, 可能去熟啦... 所以好有感情的..味道ok la.. 我最喜歡鼓油王大蝦! 正!!不過貴了少少...