海老名沾麵

營業中

休息中

深水埗有很多美食，今次黎試呢間人氣拉麵店，開頭並不認識呢間店， 只系有次經過見有人排隊，就決定黎食。雖然位於深水埗平民區，鋪面裝潢又比較簡約，不過湯底和麵條都做得好講究, 話說湯底系大廚用足20斤新鮮海蝦頭來熬湯，未吃已經聞到很鮮蝦味。間舖細細間， 其實都系得十幾個位，好有日本feel，雖然店舖唔系於中環、銅鑼灣和尖沙咀這些旺區，不過過沾麵及湯底都有水準，治麵份量亦足夠，不用追加，有三款沾麵,，都有海老即系蝦，味道分別係味噌、醬油、蕃茄， 如果中意食沾麵者，可以黎支持下小店

抗疫期間少去咗大型商場，搵食自然去左唔同街頭的小店，都成為咗一種習慣。今次就落咗長沙灣，找到一間好細好細好細間的日本🇯🇵麵店......驚喜往往就係呢啲環境下育成店的選擇不多，亦無須多，只有三款，三款都有海老作湯底，鮮！係店你會睇或體會到.....1師傅的認真2侍應的禮物3學徒的謹慎4食物的滋味換來食客的滿足咁樣寫食評，比主觀的味蕾更中肯呢係疫情下，希望大家都食得開心輕鬆啦小店的濃情確實在亂世中發光發亮利申：我係沾麵控🍜我會再光顧

本身一行三人係附近行街，有人推介話不如來呢間食沾麵啦。呢間野本身都難搵，門口連個牌都無好似臨時頂人間野來做咁。去到見到得2個人等緊咁唔係好多人就等下，點知等左成20min先入到去。最搞笑個店員咩都唔講，比左張紙我地，咁本身無野就咁圈姐，佢紙係hea到一個點係得個名咁，姐係XXX沾麵得個名 同日文 咁我叫樱花醬油沾麵 我唔知有咩啦 ，我就加蛋加叉燒果d ,佢無啦啦係到話有曬係入面 個feel好似玩緊我咁咁最緊要睇佢好唔好食姐，一來到真係出曬事。差d想走咁，本身滿懷希望。佢個沾麵汁可以係唔熱，仲要勁油勁重口味。真係出曬事，你咁油膩都唔知點食，好似飲緊d油咁，仲鹹到傻左，要不停係咁飲水先得，沖話加上湯飲真係笑左，我仲以為我飲緊打邊爐d湯仲要係凍左嘅。同行ge人同我打左個眼色，咁我都知食完快d走算。機會我就唔會再比佢，唔會有下次。

想食拉麵, 上網search一search之後就見到le間係最近ge, 所以就去左試下。門口細細, 鋪面無特別裝 修, 唔係有堆人係門口排隊應該唔係好睇到佢。我地前面有3-4批人, 不過條隊都算快, 15mins到就有得入。叫左一個醬油沾麵, 一個味噌沾麵, 2個餐都無追加, 不過都夠食lu~個麵係麵質偏硬ge, 份量好~~~大。真係唔好追加麵底, 因為本身個個都夠你食到飽。醬油沾麵 同 味噌沾麵都好油。醬油沾麵 個味都ok ge, 味噌沾麵我地都覺得麻麻地, 淡味左少少。成個麵最好味係隻蛋。佢唔平ge, 不過以依家出街食拉麵黎講佢唔貴, 但係太油。行開附近諗唔到食咩可以試下ge, 不過特登去食就唔洗lu。

今次係同朋友第二次嚟食，因為第一次食過覺得還可以，諗住再試多次！我地到時時間尚早，冇人排隊，滿心期待食碗熱辣辣嘅沾麵！點知嘢食到咗，個湯只能說微暖，唔夠熱，又冇上次咁好味，而且仲好油！另外個麵又太硬！個廚師係咁玩電話，都冇乜理煮緊嘅嘢食，可能因為咁而煮得唔好味，非常失望！廚房係開放式而且細，一眼望得哂，衛生環境好差，幾污糟。。而且收客人垃圾同煮嘢食嘅係同一個人=廚師諗起都驚。。最嬲嘅事就係到我地終於食完嗰時，傾咗幾句，叫咗杯可樂都未飲完！個待應好似傻咗咁，喺我地後面大叫: 多謝哂！比佢嚇一嚇，唔知咩事就冇理佢，點知隔多分零鐘又喺我地後面大叫多謝哂！ 重點係全場滿人但冇人要埋單，冇人要走。。心諗:即係趕緊我地走？但我地杯嘢都仲未飲完！之後入面個廚師仲衰嘅語氣大叫:出面有兩位係咪呀？ 比說話我地聽。。。永遠不會再來，永不推介朋友，而且仲會叫人不要來。

今日放假，唔打唔撞去左這間沾麵食lunch。起初以為這間店舖已結業，因為行到去只見到一間好大間的M記，原來它在轉角位，真係非常之隱世。門口好有日本feel，令我想起在日本大板食過的麵家，真係超相似。個feel好正丫，圍住個廚房座😍後面的牆壁上有衣架，俾客人掛衣服，同日本一樣👍🏻👍🏻服務唔錯，由店舖員安排入座，知道我第一次來就主動介紹幾個麵的分別，結果我揀左個中位價的沾麵。义燒雖然無日本食的咁厚身，但見師傅用火槍燒出來，好有風味，味道唔錯。最最值得欣賞的係「溫泉蛋」，超超超好食，食完好想追加，但因太飽無加到。這個價錢，有這質素，超級唔錯。這碗暫時在香港食過最好食的日本沾麵😍😍😍😍

間鋪頭隱世到差啲搵唔到，門口排咗一堆人。本來滿心歡喜入去食，食完之後真係好後悔。間鋪頭只有三款味道嘅沾麵，全部都有海老（蝦），味道分別係味噌、醬油、蕃茄😯😯兩個人分別嗌咗蝦汁味噌沾麵，蝦汁醬油沾麵。首先，醬汁嘅櫻花蝦味真係過重，連我係蝦嘅愛好者都頂唔順😂雖然沾麵出名味道好鹹，但呢間嘅面係又咸又腥😂有一陣怪味，亦可能因為我食唔慣👿👿值得一讚嘅係啲面好特別，而且即叫即煮👍再者，啲叉燒都好好食，推介👍本來諗住食完啲面叫店員加湯，但由於唔太鍾意食，所以食完就走咗😂😂😂

成日經過見到呢間嘢，但又唔知係食咩嘅~淨係知道係食日本嘢門口細細，好有神秘感~直到有一次有個朋友話食過佢~先知道原來係食沾麵~仲話好好食~叫我一定要去食吓~於是我就約咗朋友去會一會佢～唔睇真啲...仲以為無名嘅😂原來呢間日本野係叫海老名～好耐之前食過一間海老拉麵，但是係一個恐佈嘅回憶~所以其實抱住一個怕怕嘅心態去食~坐低侍應就會每人放一碟紫菜脆脆~雖然我唔知道正確食法係點，但我第一時間就食咗啲脆脆喇~用紫菜包住啲脆脆一啖食咗~我揀咗蝦汁味噌沾麵~就咁睇樣都知湯汁極濃，有濃烈蝦味，但又唔會腥~的而且確係好味嘅~拉麵粗粗的，食落有質感~叉燒有闊闊的兩大塊，邊邊有小小燶燶哋增添口感~有濃郁豬肉味道，無比湯汁掩蓋住~溏心蛋有整整一粒(平時食開嗰啲多數得半粒)食落流心，超級好食~食完晒啲麵同餸之後，可以同侍應講佢會過嚟加湯溝稀剩餘嘅濃湯，之後就可以飲埋碗湯~完完全全食晒同飲晒成個湯麵~整體嚟講係好味嘅~係佢令到我對蝦湯從拾返信心~多謝你呀~海老名~

🍴蝦汁蕃茄沾麵 $99元上次食過蝦汁醬油沾麵，念念不忘，哈哈！所以今日嚟encore試吓其他口味！今始叫左蕃茄醬油沾麵試！嗯嗯，咁啱我啲番茄有啲酸 豬肉有少少‘蘇’！我還是推介下蝦汁醬油沾麵好了仲有每碗麵其實已經包左溫泉蛋、兩塊豚肉、米通、紫菜、筍！你需要時，先額外加份！你食飽之後，最後職員仲會倒入清湯，比你試下個湯底，十分飽🤰🏻一個女仔可能食唔晒啲麵😅 服務：唔錯，職員友善環境：狹窄，得十幾個位門口：沒有裝修既門面，冇招牌，好難搵

好野唔好比佢停😆繼續Encore‼️長沙灣隱世小店！主打「沾麵」🍜上次食過醬油湯，今次黎個味噌湯🤤睇下係咪同樣咁出色🤩🔹味噌湯底沾麵：湯入面有好濃郁嘅櫻花蝦味同埋味噌嘅味道，兩者混合埋都幾夾👍🏻味噌味道濃，但唔會太咸！估計應該係用唔到既味噌混合製成！溏心蛋超正！做到流心較果👍🏻而佢塊叉燒最令我念念不忘🤤雖然係簿身，但肥瘦適中，又長！仲要係見住佢即刻燒😍真係冇得輸！提提大家，記住食完之後一定要加湯，連湯都可以飲埋！加左湯之後又係另一種風味🤤完全係捧住個肚離場😎評分味道：5/5環境：4/5性價比：5/5回頭率：5/5

🔖位置比較難揾 因為冇大大門牌 大家去之前記得睇清楚營業時間 有落場時間🕐💰$99超濃縮櫻花蝦蕃茄湯底沾麵👍🏻另外有櫻花蝦醬油同味增湯底，個人比較喜歡蕃茄湯 重蕃茄味亦保留櫻花蝦味麵好面好煙韌份量足夠 配埋半熟🥚 超大塊炙燒叉燒 厚薄均勻🥢

長沙灣其實收收埋埋好多隱世小店！今次呢間海老名真係隱到差啲搵唔到😂真係經過左門口都唔知鋪頭入面地方唔大，但裝修都偏向日式設計！餐廳主要係食沾麵，所以餐牌好簡單，就係揀湯底！湯底總共有三款，醬油、味噌、蕃茄😋入面包含左有大量櫻花蝦、叉燒2片、竹筍同埋溏心蛋1隻😎當然配料同麵如果唔夠，係可以追加🤩晚上7點去到，味噌湯底已經賣晒，我唯有叫醬油湯底試一試😁個店員一遞埋黎.....嘩....出事！香到一個點😍其實一入鋪果下已經聞到好香既蝦味，冇估到上枱果下仲離譜🤤即刻成個人都超肚餓！成個煮麵過程你都可以睇到晒，麵會過冷河，變得更爽口！叉燒全部都係即叫即燒👍🏻塊叉燒又係值得一讚👍🏻薄得黎肥瘦均勻！仲要長過我塊面🤣溏心蛋唔使講，超晒班😎當你食完碗麵之後，可以叫店員加湯，連湯都可以飲埋！大滿足呀❤️❤️

路過見到冇裝修，但有人龍，一直想試！今日路過，見冇人排隊，所以來拜會一下一入店內，好濃郁既蝦汁，口水流埋 更加期待！餐單只有三款，就試個最基本的蝦汁醬油沾麵，佢個餐每樣食材都有跟，如果有特別愛好，先需要加多份！味道冇令我失望，可能平時食開豬骨、黑蒜味，今次食蝦汁味好有新鮮感 但本人覺得鹹左DD（又有人話沾麵係會濃味啲，有人知真相嗎？）食完後，佢會加啲湯比你試下個蝦湯！而服務亦都ok, 感覺親切！我會再來

呢日同朋友去咗長沙灣/深水埗交界既海老名食沾麵Google下先知道海老名係位於日本神奈川縣既一個市仔其實好耐之前已經想去食架喇可惜一直無機會終於有機會約到時間就去試一試呢間野個門面極度神秘，低調係無招牌架!路人經過其實完全唔起眼如果唔熟呢頭，或者唔係上網搵地圖查定資料真係幾難發現入面係一間食沾麵既舖頭店舖面積細小總共大約得十個位左右標準日式坐法客人對住拉麵師傅食拉麵師傅亦喺客人面前整好鍾意呢個設計客人對師傅亦好有信心同埋拉麵師傅都好好服務同笑容喺香港嚟講好難得!重點講食物先一客沾麵包兩片叉燒同一隻溫泉蛋麵質係有咬口，非常掛湯因為我本身大食，同埋好胃口我食食下要加個底先夠食得飽如果普通食量既食客應該唔洗加底都可以總括嚟講呢間我一定會再encore!

自從之前食過沾麵之後，發現沾麵真係好好食，所以上次去左荔枝角探舊同事，之後佢就帶左我去長沙灣元州街，佢話有一問好正的沾麵店。呢間海老名沾麵店，門面真係平平無期，未必好起眼，但原來佢地成間店都係做蝦味濃湯的沾麵，一聽就已經好正啦，我就揀左最common的醬油沾麵。真係唔好睇少呢個沾麵，個湯真係好足料，好濃厚的蝦味，而且亦有蝦和叉燒做配料，令呢個沾麵絕不遜色，而且麵線軟硬適中，確實不錯，亦有櫻花蝦可以自行選擇加唔加同加幾多，令蝦湯味道更上一層樓。