海記合桃坊甜品

營業中

休息中

同男朋友的家人吃飯後，其實麻麻地夠飽所以就去咗附近嘅糖水舖作最後的醫胃入到去最吸引我呢個紫薯控嘅，當然係呢客紫薯芋圓啦! 等佢上碟嘅時間唔算太耐，可以話係呢頭落嗰頭就有單睇佢未攪勻嘅賣相，已經相當討好~ 五顏六色的芋圓，雖然唔夠林，但係都算煙韌同埋係香港都真係唔係好多地方食到芋圓，所以我都把握機會過下口癮~ 加上一大球紫薯泥，好足料 !  椰汁夠甜又無再額外加糖漿~ 自我安慰其實真係好健康~  總括嚟講，真係可以再食多次~ 

一入去，店舖裏已經只剩下一張大枱餐牌裏粗略估計有約70道菜式，但無編號代表其菜式，某些菜名又極為長，導致點菜極為麻煩，不過這都只是小事。粗略一看，店舖裏有2個員工負責內場，只有1個員工在外場。該外場員工既要收錢又要下單。要落單時，叫喚了該外員3次，我很確定佢在第1次已經看到我並確定她知道我係想落單。但佢選擇左無視我。最後第3次佢一邊收錢一邊同其他客人講野一邊幫我落單。雖然我佩服佢嘅工作能力但這舉動略為無禮。佢仲要落錯左單!叫左一個芋頭雪樂冰豆腐花?(忘記了名字)，上面芋頭的冰是凍的，旁邊的小丸子是熱的，下面的豆腐花是暖的，感覺不倫不類。友人叫了一個草莓雪樂冰豆腐花，草莓是酸的，導致下面的豆腐花的味道有點淡，而且很奇怪

食完飯, 當然要食返個甜品做Ending~呢度出面既係中式糖水, 上次試過西式一般般, 今晚再戰中式糖水💪🏻💪🏻💪🏻木瓜杏仁燉雪耳 $21甜甜地既冰糖木瓜燉雪耳令人有生津潤喉既感覺, 白雪雪既雪耳有點爽口而且木瓜煮既火喉都岩岩好~不過個人感覺熱食比凍食味道會更加好!😊

今日同男朋友食完飯想黎個飯後甜品🍧都幾多分店既海記, 雖然係平日晚上9:30既時間, 不過都幾多人, 但又未至於要去到排隊等位咁誇張～好在岩岩一入黎就有位, 呢度既入座率差不多有9成今晚好想食芒果, 所以叫左2個芒果系列既甜品😁😁😁芒果腸粉 $36外形真係同腸粉一樣, 椰汁皮白雪雪, 面層既係芒果醬汁, 入面仲有一條好長好粗既芒果肉😍賣相相當之吸引, 食落椰汁皮好滑溜呀～～～滑luke luke😝 唔會好厚皮! 而且芒果肉好鮮甜一d都唔酸😍, 整體味道又唔會太甜, 唔錯👏🏻👏🏻👏🏻😊芒果布甸 $35布甸好足料, 濃濃既芒果布甸呈現出橙黃色,切落去個質感唔似一般出去食果d咁粉, 用匙羹不起身會有d重量, 食落芒果味都幾重嫁!撈埋花奶食整體唔會太甜雲呢拿雪糕球唔係好濃味, 不過芒果布甸配上雲呢拿雪糕唔係好襯🤔🤔🤔始終之前食左芒果腸粉~~前者仲要係原條芒果, 所以比較起上黎呢個有d失色

今日同仔仔食完飯入去食糖水仔仔好中意食芒果，叫左碗圖中所影出嚟既紫醉金迷...新價32元嚟到搵晒成碗都係得4小粒芒果，圖中最小都13，14粒，我禮貌地詢問四眼男店員，點知佢態度極差，講「係咁架啦，伴碟嚟架麻」，當場呆左...加價唔緊要，價不對辦都唔緊要，態度差先大件事，食完條氣都頂住我真係熟客仔嚟，一星期都起碼兩次街坊生意都咁...可以專心減肥啦

中式傳統糖水，海記真係無得輸！平時叫開佢啲"糊"，貪佢地自家製，無論是杏仁芝麻核桃甚至是秋冬才登場的栗子，都是磨得香濃幼滑，每一口滋味都感受到師傅的用心但今次我幫襯的並不是"糊"，而是另一款傳統中式糖水~桑寄生蓮子蛋茶呢款糖水據聞對肝腎有益！當然功效的東西並不是一朝一夕的，我今次都只係感受到其美味，藥效方面便不多說了說回蛋茶，其實最令我驚喜的時是當中的蓮子，咬下去芳香撲鼻，好像蓮蓉月餅，而且蓮心已去，所以一點也不苦澀，實屬高山準之作！另外蛋也浸得"出色"，染上了桑寄生的啡色，咬下去依然有彈性，火候控制出色，並無浸得過熟也十分入味！真的可試試呢！

男朋友話我樣子甜美，食乜甜品都會變做唔甜，咁識講嘢真抵錫琴晚去完海旁談心，落雨撐傘，仲要喺黃色嘅，鬼仔峰拖住我去食糖水佢揀咗碗有蜂巢嘅薑汁二重奏俾我，話我有蜜糖咁甜兼有個蜂字代表佢食嗰時薑汁點樣二重奏? 係薑雪糕同薑布甸，薑味好勁又唔會辣仲要甜，薑布甸好似飲薑奶，好滑，Ｄ粉攪暈冇粒粒，即係冇奶粉做。薑雪糕唔會好甜，食入口好似沙冰，好似7仔思樂冰咁沙，喺個口溶好快，好味。蜂巢好甜蜜蜂味，咬咬咬變咗做膠，好似香口膠咁×膠。禮尚往來我嗌碗合桃布甸俾男朋友，阿媽話合桃糊好啱男人食，補腰補腎好男人合桃糊有合桃味，唔臭，合桃糊好糊，冇一patpat，冇水尿尿。牛奶布甸好滑，彈彈下，牛奶味香，穌味唔講得，味道好似台灣統一牛奶布甸咁好食。

川貝麥冬燉雪梨 ($24)天氣又乾又凍，司令手乾👐🏻面乾👶🏼喉嚨乾👄，緊係急急搵啲糖水潤下佢啦。川貝潤肺，麥冬清心，雪梨消痰，燉埋一齊即刻暖哂又潤哂😽👍🏻 司令覺得海記嘅燉雪梨，甜度適中，應該只係落左少量冰糖吊味，另外仲加左幾粒杞子，份外清甜，可以話係誠意之作。

沙沙合桃糊 ($22)司令早兩日食完大閘蟹之後未夠飽，係附近見喱間糖水舖感覺幾好，決定入去試試。喱度嘅招牌係合桃，標榜用頂級合桃而且係自家磨製，司令叫嘅沙沙合桃糊，係有加入埋合桃粒。碗野一上到枱，已經有好香嘅合桃味，令司令好期待。果然無令人失望，首先，面頭嘅合桃粒炒得好香、好鬆脆，糊嘅口感同火喉掌握得好好，唔會過稀或者過稠。而甜度亦好適中，無搶走合桃本身嘅味道。食得出小店好用心去挑選同烹調。司令好推介鐘意食傳統甜品嘅人黎試下。

食到幾飽都抗拒唔到甜品既誘惑😍雖然已經食到好飽，但同友人都每人嗌左個甜品。紫霞仙子$26是我的最愛滿滿既椰汁紫米露，至愛既香芋雪米滋，食極都食唔完既小丸子，哈蜜瓜同西瓜，呢個配搭一啲都唔漏！口感非常豐富，又暖粒粒又冰凍又煙煙unun有咬口，真係好正好滿足😌友人叫既係宇治金時涼粉$29份量非常足，不論是涼粉、紅豆還是小丸子，都有種食極都食唔完既感覺。配上綠茶雪糕真係幾大碗都食得落！雖然呢度環境唔算優美，多人起上黎仲有啲逼澀,但係呢個價錢相比起其他甜品鋪真係抵食好多！服務態度又好，落單出野食都快，強烈推介！😆

焦糖很香,燉蛋十分好吃,不會太甜,也很滑,草莓和藍莓都甜,不會酸到吃不下椰汁腸粉很香,椰汁味很濃,腸粉很爽口,而且厚度也算足夠,芒果很甜不酸,兩者配搭得很好,很好吃

抹茶雪糕的抹茶味不及抹茶布丁濃，不過我覺得抹茶布丁的抹茶味可淡一些。紅豆雪糕的份量比抹茶雪糕多，又有很多紅豆粒，吃到最後會有點膩，可減少些紅豆雪糕或紅豆粒的份量或增加抹茶雪糕或抹茶布丁的份量。可建議客人把抹茶雪糕和布丁與紅豆雪糕和紅豆粒合在一起吃，這樣味道會更好而且不會那麼膩。

見係新出口味就ORDER來試先, 個圖賣相都幾誘人2球好似雪芭味道有D話梅加BERRIES, 可埋鮮水果好似香蕉, 奇異果, 好似好珍貴得一粒架西瓜密果球, 知但係好果唔甜唔夠靚, 視線都係返去球雪葩上面好啦。插係上面片綠色係帶有D綠茶味字脆片, 食感一般啦,對個甜品都起唔到加分作用‧好多涼粉呀, D糯米小丸子係低溫下會硬身變QQ, 仲有紅豆, 白色個PAT野以為是椰漿, 食入口先知係個溶到阿嫖都唔認得架椰子味雪糕, 球綠茶味架雪糕都糸平平無奇, 毫無綠茶味架, 比較重奶味啦。

我相信呢個楊支甘露係我食過最差,$29但D芒果生到你唔信，仲酸過lemon, 柚子又超腎同有渣，仲要咁貴，我最後唔浪費飲哂D糖水，但真係頂唔順D生芒，不過我都終於見識乜叫無良，真係好唔掂。

零晨12:00，本來應該是上床休息的時間，為了一張設計圖，仍然需要在外邊趕工。公司最近搞的新項目真的很磨人，但願這種非人生活會在增聘人手下慢慢得以改善。四月非常喜歡薑汁撞奶，試過最厲害在佛山連續兩日日食三碗，不過海記這兒只有薑汁燉奶，也好，至少可以頂頂癮。正常飯碗大小收$23算是平常，燉奶比撞奶更結實，與一般燉奶相比，質感算嫩滑，有濃郁奶香。最愛的是那股薑汁的香辣，入秋的晚上有點冰涼，吃這個剛好。朋友點了川貝蜜冬燉雪梨，似乎同樣需要滋補一下。蜜冬=麥冬，是一種草本植物，外表有點像無紋的當歸，具有清熱、補中氣、解毒、滋潤防燥和止痛的功效。雪梨非常潤喉，當中除了蜜冬，還有龍眼肉、杞子和果皮，所以除了雪梨的清甜，還多了一份果皮的幽香。感謝老闆給我們慢慢把圖畫完，明明要打烊卻沒有催趕，亦非常感謝朋友R的幫忙，沒有他，今天的稿子便無法順利完成。看着朋友R的手在雪白的畫紙上飛快地舞動，很羨慕他擁有這種繪畫天賦。雖然我沒有這種才能，但我卻很慶幸有你這個朋友。