海記美食坊

營業中

休息中

兩個人叫咗三碟餸，加一碗白飯一共$229。有包茶錢，24款查普浬香片水仙。泰生骨，似 咕嚕肉豬扒多啲叫雜菜粉絲煲但係有八爪魚喺度變得好豐富，但係個湯底好味味精。 Wasabi海蜇手撕雞$88，Wasabi好攻鼻。雖然係涼菜但係超級凍。好似喺雪櫃啱啱攞出嚟㗎

食茶餐廳我知道唔需要太過挑剔，但係茶餐廳嚟講海記嘅粉麵同埋牛腩我覺得做得算係比較有誠意，老實講茶餐廳我就真係唔會要求有咩五星級嘅服務，但求侍應同埋收銀有禮貌就已經係很好了。態度佢哋都算唔錯而且選擇亦都夠多，同埋啲餸食落口味道好之餘亦都感覺到製作過程算係有誠意。所以以大眾化的價錢大眾化的食物來講，佢算性價比很高的茶記了。總括嚟講都是一間值得聚腳食野嘅茶餐廳👍

跟朋友食午餐，來到聯和墟街市，這裡選擇很多，最後揀了這間海記。點了梅菜扣肉飯，梅菜很少但夠味，扣肉亦很厚身，水準不錯。朋友的茄子火腩飯比較一般，茄子不淋身，較失望。另外芝士班腩飯，汁很足夠，送飯一流。40多的價錢大眾化。

爬完成日石, 見夜就約左住附近既同事出泥食飯,佢就推介左粉嶺聯和墟附近呢間大排檔食飯,好耐無去過呢d餐廳, 我緊係即刻話好啦.一去到開左茶, 洗緊野都未睇菜單就已經送左1大鍋湯比我.我心諗我仲未叫餸wo, 點知d侍應同我講送ga, 唔收錢,之後我見佢個老火湯好飲話想加仲真係有得加添.同事點左招牌既金沙南瓜鮮魷同北菇扒生菜,金沙鹹蛋黃炸南瓜同鮮魷一肉一素配起上泥balance返鹹蛋黃既鹽味, 無諗到配埋南瓜件事可以差咁遠,而北菇扒生菜入面d菇煮得夠腍又入味, 勾埋個芡剛剛好送飯一流.聽講呢間d奶茶都好出面, 不過要等下次泥先可以再試lo

今日陪咗媽咪去北區醫院做術前檢查，所以又冇煮飯，一家大細又周圍去揾食!今次嚟到聯和墟街市上面嘅大排檔，呢度有好幾間小炒，我哋揀咗入門口右手邊嘅海記美食坊!同一般市政大樓上面嘅大排檔都冇乜分別，海記有兩個舖位，藍底白字嘅招牌好搶眼，都幾襯到個海字，唔知老細係咪咁嘅用意呢?!合掌瓜紅蘿白豬骨湯唔理你叫咩餸，一坐底就送上一煲老火例湯，雖然都係有師傅，大排檔貨式，算係咁啦!西蘭花炒鮮魷魷魚新鮮彈牙，除咗西蘭花之外，仲有好多配料韭黃、草菇同甘筍片，令到成碟餸變得好豐富。菠蘿咕嚕肉正常水準嘅咕嚕肉，酸酸may may B頭最愛，不過菠蘿少咗d!海味雜菜煲正常嘢冇乜特別~支竹火腩鱔煲屋企人話好好味!三杯酒肥腸豬大腸係我其中一樣好鍾意食嘅嘢，再配搭埋「三杯」嘅煮法，用醬油、米酒、麻油各一杯，再加埋九層塔、薑同蒜頭，一齊爆炒非常惹味!「三杯」源自江西，相傳係一個江西籍獄卒喺獄中用咗酒釀、豬油、醬油各一杯燉製雞塊俾文天祥食而得名。而家為咗方便同健康嘅關係酒釀改為米酒、豬油改為麻油。

今日一行四人去新街市個熟食中心搵食，見呢檔最就腳又多人食就決定食呢間啦。一坐低即刻有人問我地開咩茶同埋擺低左煲例湯，原來個湯係送嘅，飲落唔覺好味精，不過因為冇咩湯渣我只飲得出係瓜湯。腰果蠔酥 - 即係炸腰果同炸蠔仔，口感香脆唔太鹹，OK 好食。金銀蛋白菜仔 - 佢個味教得啱啱好，又足料，呢個必食!黑椒薯仔牛肉粒 - 成個餸好香黑椒味，唔太辣送飯一流，啲薯仔炸過又索晒啲汁好味。牛肉粒冇雪味又夠淋，正。重點推介惹味胡椒蝦 - 好夠味仲好辣，攪到我地忍唔住叫返支啤酒飲。呢個一定要最後食，因為好濃味，食完之後食其他野會變左冇味。

今晚我們喺粉嶺聯和墟熟食中心嘅「海記美食坊」買外賣自取返屋企食！我們買咗梅菜蒸鯇魚蒸嘅時間火候控制得啱啱好，肉質非常鮮甜嫩滑，而且份量都幾大件，梅菜亦相當香甜！菜遠牛肉炒河嘅河粉麵質好煙煙韌韌，牛肉嘅肉質亦好軟滑，唔會有韌或過老嘅感覺，而且份量超多，多到舖滿整個表面，平日喺其他食店食嘅通常都係啲河粉多過牛肉，但呢度可以話牛肉比河粉多，真係好抵食呀！星洲炒米炒得唔算好乾身，但味道都幾香辣惹味，火腿絲同叉燒絲嘅份量亦都好足料！揚州炒飯炒得好夠鑊氣，而且都算幾乾身同粒粒分明！

聽聞有新舖開張，我同老婆大人梗係去試吓啦！(當然之後知道去錯咗，新舖果日咁啱休息)見到佢有蠔餅，而老婆大人又係蠔控，咁就二話不說坐低睇吓仲有啲咩啱食。最終叫咗炸大腸，馬拉盞通菜，黃金南瓜鮮魷，同埋滿心期待嘅蠔餅。炸大腸 - 不過不失，老婆大人覺得佢炸得比較乾，乾到有啲"柴"馬拉盞通菜 - 我地兩個都覺得夠惹味 (自己應該整唔到咁嘅味道)黃金南瓜鮮魷 - 一致讚好 (如果唔係有佢應該俾咗喊樣)，因為極邪惡(咸蛋黃+魷魚)但又超好味。南瓜軟硬適中，魷魚夠爽口蠔餅 - 老婆大人食咗少少就停咗手。細問之下佢覺得粉太多，蠔太細，仲有蛋殼，再加上勁多油，食唔落。我就淨係覺得粉太多(雖然平心而論蠔都唔少)，但真係食1/4塊已經飽咗一半。最終我淨係食晒啲蠔就算啦。雖然街市入面嘅大排檔唔會好高預期，但真係俾唔落笑樣(投先都講過冇個黃金南瓜鮮魷就一早俾咗喊樣)，所以……OK啦

我會告訴你，海記係做碟頭飯的街市熟食檔，33元有碟頭飯食，加2元有凍飲，就係熟食中心質素。我覺得你想35元食lunch 已經係好難的了，但海記有！老闆一家人做左好多年，快手。中午都做碟頭飯的，我會用工人飯堂形容整個熟食中心。但！你不會估到有一份蠔餅炸到酥脆而且入面有羅勒葉！羅勒葉不平的！這一份我買了65元，如果你不想吃碟頭飯可以嚐嚐叫下他們的餸，我覺得不應該只針對33元的碟頭飯。

復活假繼續無飯家庭，到聯和墟街市「海記美食坊」，又是叫菜甫肉碎煎蛋，枝竹火腩煲。發覺。煎蛋由4大塊，變為3塊，由1月尾到3月尾的48元加到58元。味道淡了，肉碎很少。枝竹火腩煲由1月尾到3月尾的58元加到68元，少了配菜草菇及蒜子，味精多了。這次很失望，希望下次不是假期時會有好水準。ps加幅最厲害是肉餅，由48元加到68元，百物騰貴。

星期六放假到粉嶺探完外母，行了一陣商場，肚子餓想起到联和墟街市醫肚，就到海記美食坊，一坐低先送上一小㷛例湯，足料鮮甜無味精，點咗枝竹火腩大鱔㷛，鱔魚有7-8件，都算新鮮$88的價錢，算是超值不過火腩略嫌過火燒肉皮是燒黑了的，芝士焗牛仔骨伊麵底$78,芝士味濃有四大件牛仔骨鮮滑伊麵足有三四人份量，二個人吃不消，加一碟椒絲腐乳通菜，啤酒二支凍檸茶一杯，$250多元都算超值。

晚上的街市裏，有營業的食店不多。看到海記以「在粉嶺扎根30年」為噱頭，於是試試。點了圍村砵仔醬爆骨及魚湯魚腐雜菜煲。圍村砵仔醬爆骨，醬汁比較特別，帶甜味，有很多欖角，排骨不太似雪藏貨，算是不錯。魚湯魚腐雜菜煲，就比較差，雜菜似是餸頭餸尾，有些變黑變黃。雖然如此，都會有下次光顧的，因為粉嶺晚上可以食得落又平的食店不多。

夜晚七點幾，三個人貪方便唔想行咁遠，就去左聯和墟街市食飯。見呢間幾多人幫襯，仲有報紙報導過，諗住應該唔錯，所以就坐低左。叫左三個小菜：馬拉盞生菜、蒜茸牛仔骨同豉椒炒蜆，落完單十五分鐘後話冇蜆，叫我地揀第二樣。見佢擺出黎既牌介紹咖哩芥蘭豬頸肉煲，都幾吸引，所以就轉做呢個菜。點知過差唔多十五分鐘之後，又走過黎話冇芥蘭，問可唔可以轉菜心。覺得反正都差唔多，所以就轉菜心。由坐低開始計起成四十五分鐘都冇小菜到，直到催左二、三次先黎左個牛仔骨，隔多陣先有生菜。個牛仔骨唔怕韌，而且好香蒜茸味，的確唔錯。個馬拉盞生菜都OK，但成碟野比較多水，所以D味唔係太濃。個煲一路都未黎，唯有唔食住等佢，等緊既時候見隔離台台都有湯飲，淨係我地冇，覺得有D奇怪。依稀記得之前同屋企人幫襯好似有例湯送，問一問佢先俾湯我地。我真係不禁疑惑：唔通係見我地幾個十幾歲所以就HUP我地？催住等等到差不多九點終於頂唔順問佢，究竟係唔係漏左單，但幾次都淨係應我地話等佢CHECK下，跟住又冇話番俾我地聽結果係點樣。追問左好多次都係咁，都估到佢可能係落漏左但又唔想我地取消，最後嬲嬲地直接同佢講我地取消個菜同埋單，淨低D野都冇食就走左。另外

今日喺附近做完野 3 點收工,午飯都未食,勁肚餓~! 心血來潮想食個簡單下午茶,經朋友介紹去左呢到食,話佢好有鑊氣同出名好食,所以諗都冇諗就食呢間,大排檔FEEL 我最中意~~星期日呢個時段冇咩人,餐牌上除左有經典西式下午茶系列,仲有中式炒粉面!因為太肚餓而且目標好清晰, 我地好快已經決定好食乜野!我叫左個星洲炒米加辣,朋友分別叫左個干炒牛河,咸魚鷄粒炒飯.同D飲品~等左一陣~先黎咸魚鷄粒炒飯 : D飯炒完都濕淋淋唔夠乾身, 成碟飯我諗用左1-2條鷄柳切粒,鷄肉有手指尾指甲咁細,當中唔知係咪真係有咸魚,因為食唔到有任何咸魚香..V__V等左足足5分鐘都未見其他野上坮,隔離遲過我地到的一家人的西多士都食左一半..想叫個服務員黎追一下佢就拎左碟白色的星洲米過黎....我地三個一睇見唔對路,就同佢講,我地要加辣唔係走辣喎~佢就二話不說就拎返去廚房,我地又要再等過..又等左一陣,差少少就發脾4,!終於星洲炒米加辣同朋友的干炒牛河一齊上枱,朋友叫佢拎辣椒醬,我就叫佢地拎辣椒油,朋友的干炒牛河可能係最保守最好味既款式~而我的星洲米就感覺好差~有少少失望..米粉又粹又濕,結撻撻,材料又唔多,又冇鑊氣

和媽媽去完圖書館後，便準備去找東西吃，經過電梯口，媽媽話想再來這兒吃，於是我們便決定來這兒吃。我們叫了二個菜：鐵板豉椒雞賽螃蟹鐵板豉椒雞－好好味，但雞肉老了少許，好果滑些就更好了！賽螃蟹正呀，雖然是二十元，但好好味，ｄ蛋白好滑呀正！我亦叫了一個香腸蛋通粉，不錯！煎蛋好好味！香腸亦好好味！還有一個例湯，正呀，好多白菜！個湯好甜！服務不錯，正！亦很有禮貌！下次我會試下她的火鍋！