涎 日式燒肉店 & 渚 外賣刺身丼 (已結業)

同同事一起去左公司附近呢間燒肉食lunch。座位都幾闊落，坐得舒適。我地四個人去，揀左四個套餐share黎食，其中三個係燒肉。套餐包括仲有味增湯、沙律、漬物、茶碗蒸、飯同肉，食物非常豐富。食物分量好多，以呢個價錢黎講，午餐定食係抵食的，而且如果在附近上班人士，餐廳仲會送飲品。三款燒肉都好好味，雞肉好夾，豬肉都好滑，而牛呢，就入口即溶。而個咖哩飯就一般般啦，雖然沒有咖哩味，但就好多牛肉碎，有D似食緊窩蛋牛肉飯咁整體而言，係可以再黎食的

朗屏8號對面虹方商場地舖，入面環境闊落，坐低食野都幾舒服。算係元朗區內少數非連鎖式的日式燒肉店，價錢合理，午餐定食會抵食啲，每個人一百頭左右就有得食燒肉，而且通風都唔錯，當日食完個身同頭髮都唔會有陣燒肉味道。午市定食供應時間為早上11:30 -下午 5:00，每個定食除左簡嘅燒肉主食外，另外包埋漬物、沙律、茶碗蒸、麵鼓湯、白飯一碗(唔夠食可以添食)。🥩醃鹿兒島雞爽肉及豬松板燒烤定食$118★★★★☆定食入面包埋嘅漬物、沙律、茶碗蒸、麵鼓湯都係普通正常野，冇咩特別，茶碗蒸滑但冇咩蛋香味同餡料，定食包埋就唔會對佢太高要求，因為此終主角係燒肉。所有肉嘅份量都唔少每款起碼有成5-7塊，醃鹿兒島雞爽肉醃左帶D咸味，但燒完會有少少乾身，雖然未去到好鞋口。但反而個豬松板有驚喜，個油脂比例較多少少，燒完食落口好香油香味，加上燒完帶少少焦香但唔會太油膩，好味！🥩醃牛西冷及醃雞腿肉燒烤定食 $138★★★★☆醃牛西冷唔錯，牛唔鞋唔韌，食落有牛味，但冇個種好日式嘅感覺，可能始終午市定食，食材同普通散叫嘅質素有差別，個人可能比較喜愛食日本牛嘅油花。醃雞腿肉反而比醃鹿兒島雞爽肉食落滑身，同樣醃到好入味。🌟總括：

有人帶我食好西就最開心了，好耐無食過燒肉啦🥰座位幾闊落，坐得舒適👍🏼散叫的話真係眼花撩亂，叫套餐就最方便，但佢地只有兩款二人套餐，我地就叫左貴少少果個再單點🔆二人套餐$𝟝𝟛𝟠 首先上了沙律、湯和茶碗蒸😚雖然蛋裡只有一點菇，但好香好滑🥺之後分別上了肉肉同蔬菜盤🥬肉類豬牛雞都有，全部肉味都幾香，最喜歡牛小排的脂肪比例，欣賞雞腿肉燒耐左都仲嫩滑😆蔬菜都幾豐富，有較少見嘅秋葵，燒完幾好食😍大佬再單點了一份牛小排同雞肝，而我係menu係無見到有雞肝叫🤣鍾意食內臟嘅朋友應該會喜歡吧，外面燒得脆脆，內裡仲軟腍，我都幾鍾意😋套餐可以試到五款肉，有埋白飯兩個人係會夠飽😋肉類質素唔錯，套餐仲幾抵食。同埋佢可以根據人數將個套餐做半份收半份錢，姐係三人都可以做三人份的～美中不足係套餐無包甜品，如果有球雪糕就好了🤣餐廳可以考慮加嗎

唔講唔知原來有既性價比極高既餐廳開左係呢區, 叫左個魚生飯都講緊$80幾, 仲要冇加一(平日午飯時間), 而且環境舒適又寬躺！🤫份量其實都幾大, 除左主食, 另外仲有麵豉湯, 沙律仲有燉蛋! 食到抱住個肚走呀😋😋😋🤙🏾

午餐lunch set 好抵食，主力叫燒肉定食。1. 黑豚豬肩、雞腿肉定食；2. 牛豬定食；3. 另外，加一個牛肉烏冬定食，仲有小食：煎餃子2隻，好抵食。全部都係定食set, 有前菜、沙律、蒸水蛋、麵士湯……….蒸水蛋好滑好正。每張枱面都放左凍茶，係任飲嘅。牛肉好正，有咬口、又林林地、好有牛味，調味淡淡地嘅，有2款汁可以點，仲有salt, 夾埋一齊食，覺得味道剛剛好。豬肉有小小老，同埋有dd乾硬，可能我燒得唔好。可惜2個set都有豬肉，我燒豬肉真係麻麻。雞柳就普普通通，都係急凍雞肉，多數都唔會有咩特別或鮮雞味。調味都係淡淡地，有汁可以點，加埋一齊食，覺得味道剛剛好。烏冬好滑，湯底夠濃，牛肉有小小過熟，但係都好好味。

晚市三人去食，叫咗一個538元二人套餐，另加一個特選拼盤，食物質數唔差，生啤好飲，埋單連加一 共1210元 日後會再去。至於有人話服務態度唔好，我就暫時未遇到，覺得服務無問題。

店內以日式裝修為主 同時設有吧枱 環境舒適 🥢和牛他他有和牛粒 香蔥 洋蔥 配搭紫菜加上生雞蛋黃 令牛肉更為軟嫩 而洋蔥粒亦帶來清新的味道🥢清酒牛油煮蜆蜆肉肥美 鮮甜多汁火候控制剛好湯汁帶有濃厚清酒香氣 仲有陣陣蒜香味🥢壺漬牛肋條經過醃製味道更為入味 醬香味濃厚炭烤後把肉汁鎖在裡面外焦內軟 很有嚼勁🥢日式和牛牛背峰厚切燒肉店並不常見的部位見到菜單上有 便立刻叫了一碟油花分布平均口感較為爽口 肉味濃厚🥢熊本A5三角牛腩雪花紋理豐富 可以點蛋液再進食口感細膩柔軟 入口即溶滿滿的油脂香 必點推薦🥢抹茶蕨餅煙韌又涼浸浸的蕨餅配上黑糖蜜作為今天晚餐的結尾

今日同朋友慶生，預早預約咗呢度嘅位置，訂枱嘅時候服務態度已經好好👍 黎到見到有張枱寫住留座，上面已經放好晒餐具醬料🍴 原來就係我哋嘅位置～ 餐廳仲好細心咁提供圍裙添！兩個人見二人前都幾豐富，又懶得諗食乜就order左，好快侍應就上咗前菜嘅味增湯同埋茶碗蒸。茶碗蒸口感都幾滑，上面仲有蟹子同蔥，但係我以為下面仲會有其他配料，結果食到底都只係得蛋😂 但總括而言佢都係一個唔錯嘅前菜。蛋，全部都係蛋。之後上嘅沙律係櫻花蝦溫泉蛋沙律🥗 由於係跟餐既沙律，我實在冇諗過佢係咁靚咁大份～櫻花蝦份量少少但為沙律加左鮮味，正！終於黎到主菜 - 烤肉。上枱嘅時候好簡單咁介紹左唔同既肉，唔會話食晒都唔知自己食緊乜🤣 講左牛先，每個部位都有四件左右。最左手邊數起分別係西冷、精選和牛同牛小排🐮和牛嘅油脂最多，咬落口直頭會有油爆出黎，如果鍾意食油香，就最適合不過。西冷就油脂少肉味重，相對來講口感紮實啲～ 我自己就最鍾意兩者之間嘅牛小排 完美比例 😌 後排右手邊嘅豬肩肉應該本身係好大塊，師傅平均咁分左三件，都會有些少唔同嘅口感～🐷 鹿兒島雞腿肉少少調味，有雞味又滑，而且份量好多🐔 個餐仲跟左每人一碗白飯，一啖肉一啖飯貶

朗屏呢間食燒肉嘅餐廳，午市有定食叫，除左燒肉之外，仲有幾款定食揀，選擇都幾多！三文魚、三文魚籽及甜蝦刺身丼定食 $98定食一送上枱就已經覺得好吸引，除左主菜，仲有勁多碟小食，賞心悅目。▫️中華沙律酸酸地，好開胃▫️沙律菜沙律菜好新鮮，好爽脆，仲有車厘茄，配上沙律醬食好味▫️茶碗蒸蒸到熱辣辣，入面仲有啲菇，d蛋蒸到好滑，好入味▫️味噌湯有海帶絲，有咬口主角終於出場～▫️三文魚、三文魚籽及甜蝦刺身丼擺碟望落十分吸引，除左本身餐牌上嘅刺身，伴碟仲有玉子、青瓜片、薑片同酸菜，真係好豐富！基本上每一啖飯都有餸一齊食，而刺身質素亦相當唔錯，三文魚好厚切，好新鮮啊！甜蝦同三文魚籽份量都適中，質素都唔錯！▫️飲品午市仲送飲品，揀左檸蜜▪️整體午市套餐十分抵食，埋單唔使$100可以食到咁豐富，味道亦十分好味，非常滿足的一餐！

虹方開咗好多新餐廳，有西餐有中餐，見呢一間食燒肉，門面幾靚，而且唔使等位，但點知一入到去啲員工已經眼望望，好似想催你走，完全食得唔舒服，而且通風系統好差，一路吸廢氣一路食，嗱嗱聲食完快啲走。

平時多數到隔離茶居，但今日遲左要等位，無端端見到呢道有位立即坐底。set lunch menu 好多野，又無端端叫左燒肉餐。店員幫我地開爐掃油先知叫左燒肉，平時好少食BBQ 又試下。牛西冷豬腩及豬片雞腿。2款豬吳同在於部位，少肥果隻比較乾柴。朋友話牛吳錯有牛味，雞腿好入味。當日其實好餓但叫錯就算啦，無意中找到驚喜。全程燒燒下幾過引。下次同家人再黎食左2次，試埋牛舌雞肝。舌不過不失但肝好乾下因不能吳熟都無法。但4個人都係燒餐有d 忙，得一個爐要不停燒，所以再黎時全部叫其他set 。吞拿飯 (好食), 鰻魚飯comment 皮煎吳夠脆所以有d 腥，另2個叫烏冬。烏冬係粗的，幾UN, 我喜歡, 配炸蝦(可以) 及蟹餅 (吳好食), 蟹餅入面其實無蟹，係一堆流質好似mayo 的餡，但烏冬只有呢款，配黑蒜湯好食。每人不用一百值回票價。

今日lunch同同事去左食燒肉。我地三個人去，就揀左三個唔同既燒肉套餐share黎食。套餐包括仲有冷盤、沙律🥗、味增湯、茶碗蒸、飯同肉。非常豐富。肉的分量好多，燒極都有，正👍🏻可惜飲品要另外加錢。

星期日去搵食，經過幾次都未食過，一於試下店都算大，而且唔算太迫。訂左7：30, 入座唔多人大約7成。一直人流都唔算多，食到8點半咁上下已經得返一半人。可能位置唔近住宅或者大路，人流少講返食物，三個人叫左一個二人餐，有齊湯，蛋，飯，飲品2杯咁，都夠頂肚。加多咗個拼盤($3xx) 果款。但上枱已經見有唔少肉，質素份量都唔錯！！同大集團完全有得揮二人餐嘅肉，有雞，豬，同3款牛。仲有其中一款係和牛，好肥美雪花又靚！ 呢盤係另加，都抵食！$400唔洗食齊三款和牛，仲有款係精選，入口即熔，一解對日本嘅相思之苦...個雞好奇怪，奇怪地好食！！！燒到熟晒或者燒好耐佢仲係好滑好好味，調味料都好好唔會太咸或者食完姐口渴！ 食物質素十分滿意！蛋就正常嘢，料唔多講完食物講下員工，員工態度都好，係有時好似好忙咁。清一張枱reset 要三個人攪嚟攪去來來回回。希望分工同管理可以改變下，善用人手。但員工係好有禮嘅，上枱前又會好詳細介紹肉係來自邊度同咩部份。講真，一間普通餐廳我哋無，expect呢啲，所以呢方要服務同員工要讚下！要彈嘅有2樣，洗手機要去出門口去隔離商場，而家疫情要戴返口罩出入。同埋坐低無得洗手，呢下有

好鍾意食燒肉既我😛去左元朗一間日式燒肉，平日晚上🌃經過唔多人，但放假晚上都坐左8成，幸好有book位😁 餐廳環境舒適，職員都好nice，會主動介紹肉類比客人.♡.餐牌有二人前、拼盤、散叫（後圖有餐牌）～🔸 -特選拼盤 $388「日本A4 和牛肩脊肉、🐮澳洲M7肉眼頂、美國 SRF和牛肩胛芯、🐷熊本白豚肩肉、鹿兒島健康咲雞髀肉🐥」有哂牛、豬、雞，款款都唔錯～😁 肉好新鮮，睇落好靚💓最鍾意日本A4 和牛肩脊肉～ 但有d烤完唔係好有肉味，不過可以點旁邊既三款醬（燒肉汁、清酒🍶檸檬🍋汁、柚子鹽）😋點左好味！🔸 - 日本A4 特級牛五花（薄切）$98 🌟推🌟油脂分布好靚🤩入口即溶，最好味呀☺️不過唔食得多，會太肥同漏haha🔸 - 另外單叫左杯野飲同白飯😁但唔記得幾錢

Was thinking about having the tempura soba that I still didn’t try but found that the lunch menu was changed😱shocked.... no more tempura soba, rice with eel, etc 🥺 Turned out choosing the wagyu beef burger patties with fried egg but to be honest it did not meet my expectations. I couldn’t feel the beef, but some meat, so I guess the beef is not of high quality and so it doesn’t worth $98😢I didn’t try out the chicken egg rice but I tried the pork and chicken for the barbecue set. The portion was