涎 日式燒肉店 & 渚 外賣刺身丼 (已結業)

呢間燒肉店開左好幾個月，不過有好幾個食評都話服務麻麻，所以一直無試。近日有朋友試完話ok,所以我就先試Lunch. 午市價錢還算相宜，就算服務態度真係差，都係一次半次。與同行朋友叫左兩個燒烤定食share （牛舌及醃雞腿肉燒烤定食；西冷及豬腩肉燒烤定食），放到一枱都係。定食仲配有味噌湯、昆布小食及沙律前菜🥗。放大少少比大家睇下燒肉。本人同朋友都覺得雞腿肉同西冷好食，所以最好兩人同行再share. 第一位：醃雞腿肉。醃料唔係太咸，同雞肉好夾。一定要沾餐廳提供既檸檬🍋醬料，味道一絕！第二位：西冷小排。 醃料同雞肉不一樣，似豉油味，醃料味道唔太濃。烤完沾細鹽或原汁原味食，都好好味。第三位： 牛舌。牛舌既厚度，簿薄一層，十分適合燒烤。由於係自己燒既關係，所以燒到少許過龍，有d乾身。 第四位： 豬腩肉。 薄身野，我地又係燒過晒火，有d似豬肉乾。 腩肉無醃過，就算沾左醬料都係一般。🤔如果佢第日有西冷及雞腿肉燒烤定食，我應該會時常幫襯🤣總結： 元朗無乜呢類型既燒烤店。午市比呢個價錢食燒肉，雞腿肉同西冷味道ok，我覺得可以Lunch去試一試。另外，午市的服務質素沒有問題，我仲覺得佢地幾親切。應該係因為

經過見到新開嘅燒肉餐廳 元朗區少見 約齊屋企人 一行四人終於有機會試一試 地方非常寬敞 服務態度非常好 食物高質 價錢中等 十分抵食肉類食得出係高質素 海鮮亦十分新鮮 同店員傾開 禮拜尾會多啲海鮮同多啲是日精選 另外佢地嘅drink list都好吸引 期待下次同朋友再黎可以試埋佢地嘅飲品

元朗比較少呢類型嘅烤肉店，估唔到咁好食！上網見到有新烤肉店開張，見近屋企，就走去試下！環境唔算好大，但唔算迫，可以靜靜地食嘢。先點左每日精選，鹿兒島牛橫隔膜肉，加拿大牛小排同埋海膽魚子丼唔係講笑，好好食，阿女食到唔停口！跟住再叫左幾樣呢個冷麵真係好驚喜，開頭唔知白色係咩嚟，原來係用山藥磨的，超好食，我哋叫多左一碗！牛舌，山藥，鹿兒島牛橫隔膜肉都叫多左一碟飲品方面上面叫熱帶氣旋，阿女飲唔停🤨連啲生果都食埋！兩大一小（9歲），埋單1500樓下，唔算好平，但值得的！總括嚟講，值得推介！

值得回味嘅一餐，平時經過一直以為試業中未開全日，剛好同老公一齊放假，見到有午餐定食就試吓，環境舒適，係工業區附近搵到有質素餐廳真係難得，餐牌有熱食，刺身丼同兩款燒肉拼選擇，本身係食肉獸嘅我，又點會放過試燒肉，但係和牛漢堡又太吸引，我同老公都改一齊食漢堡，真係有驚喜，和牛漢堡原來係home made，質感juicy 又有和牛味...超香...正，定食仲包埋沙律🥗，茶碗蒸同麵豉湯，食後感好滿足，期待下次!

本身以為比較貴點知食落質素高之餘仲勁抵食!!!!之前同男友揸車經過,今日第一次去試下,見個498二人晚餐餐單睇落都幾吸引就叫左同男友食。前菜味道同份量一啲都唔馬虎,,服務員都細心知道成枱野都會通知等我地食完先出其他野。D肉都有返咁上下份量,有日本A4和牛,美國和牛,仲有澳洲,一個拼盤可以試矖幾個國家。坐吧枱仲可以同啲師父吹下水師父仲會幫手燒,好似我呢D白痴就真係一流!!!而且睇落佢D其他坐位仲幾闊落幾舒服咁。 最正仲有一個重點!!門口有得泊車同埋又有兒童餐,下次可以屋企人帶D小朋友嚟家庭聚會一流,而且又唔使同大馬路迫人迫車,雖然師父話未有酒牌但係老實講揸車我又唔係好介意,而且佢地啲無酒精飲品都好飲同有心思．連晚餐都好有質素,下次要試埋個午餐同散叫餐牌,值得推薦!!!!

17:30打去想叫魚生丼外賣，覆我話18:00先開，捱住肚餓等到18:00打去，竟然答我今日魚生丼唔開！因為廚房唔夠人。咁唔該你醒早第一個電話就講啦！永遠唔會幫趁。

今天原本是飛往✈️沖繩旅遊的，可惜因颱風問題旅程取消了，但心有不甘的想食日式燒肉剛好樓下開了一間就去試試。環境衛生，座位闊落，服務有禮會介紹菜式，肉類不錯，但肉較為少，有點不夠飽，迷你海膽三文魚子丼飯出色，亦出色的細碟，味道搭夠，可以一試。今晚兩人結賬：$1011如果份量多點的話是可以接受的，暫時未有酒牌，對燒肉來說有點失色，望有改進。評分：（5星為滿分⭐️⭐️⭐️⭐️⭐️）環境：⭐️⭐️⭐️⭐️⭐️服務：⭐️⭐️⭐️⭐️⭐️味道：⭐️⭐️⭐️⭐️抵食：⭐️⭐️

今日行過見到燒肉鋪新開就膽粗粗入去試下，入到去裝修都幾好， 擺枱闊，員工都著得整齊咁serve客，感覺唔錯。落單係自己畫落嗰餐牌到嘅，店員都好好照讀左一次同我覆單。嗌左個慢煮雞胸拉麵定食同牛舌+雞腿燒肉套餐。雞腿都ok嘅，不過可能2點幾先去食d飯焗耐左痴埋一舊舊。一路燒都未見嗰拉麵到, 見佢新開費事催就食住燒肉先, 但係食曬全個燒肉定食個雞胸拉麵都係冇上到。算啦，新開漏單都好常見又趕時間，就同嗰店員講埋單同cancel個拉麵。跟住嗰經理(?)就完美示範左如何正確處理漏單，以下為真實對白:經: 我睇番我哋冇漏單喎，係你哋落左一個餐咋喎我: 唔係喎我畫左兩個餐嫁喎經: 咁你洗唔洗嗌過呀，餓親男士就唔好啦我: 唔緊要啦，唔洗啦，埋單呀唔該隔左陣嗰經理行又埋黎:經: 你張單係我入嘅，我好記得你哋淨係畫左一個餐我: 吓，我畫完你嗰位同事仲同我覆左一次單喎經: 我淨係見到一個餐，咁你宜家嗌唔嗌多個餐呀我: 唔洗啦，埋單啦等左兩個字佢哋又執枱又抹枱咁都無人print單，就問張單得未，經理先開始print單再行過黎:經:我落單嗰陣見到一個餐，我忍唔住打斷佢: 其實你哋d餐牌俾客畫完會唔會keep到嗰客