深井陳記燒鵝酒家

營業中

休息中

成日想去深井食燒鵝，但住九龍又真係要搵個機會去試~ 趁住探友人剛出世既B囡順路過黎~ 深井呢個小社區有幾間燒鵝店，友人推介必食陳記。雖說總店，但又無一份古老感覺，店員態度親切。我地６點鐘黎到，仲可以坐卡位。　二話不說先點燒鵝下庄部份~2人黎講例牌分量係剛好，但比多$20有燒鵝脾，都係抵比既！香噴噴既燒鵝一睇就知剛出爐，外層挺身燒到脹卜卜， 皮薄香脆，色澤油潤，肉質軟嫩有彈性，皮肉中間散發油脂香，點埋碗瀨粉，加d燒鵝汁同吃，簡直絕配!! ❤老公見有椒鹽九肚魚即刻話要點~金黃色既酥脆既外層，加埋炸蒜粒香口惹味，內裡如豆腐般嫩滑。食到最後依然脆口，蘸上醋更來得鮮美。炒鵝腸係百吃不厭既小炒，黎到鵝店又點可以唔點? !我地點既豉椒炒鵝腸，除左豉椒蒜茸，仲加左味菜、三色椒、洋蔥，味道既豐富惹味又增添幾分色彩~ 吃過味道比較濃的，點一客配有上湯既竹笙魚肚浸勝瓜。　既清清油膩感，又適合天時暑熱，消消暑~竹笙魚肚吸收哂上湯既精華，索哂湯清甜，魚肚亦無腥味，勝瓜爽口清甜。喺呢度仲感受到一份人情味，店員得知我地喺九龍過黎，仲擔心當天既封路對我地有影響，真係幾窩心！

同男朋友去黃金海岸游水同陽光玩遊戲後，揸左架車去左深井諗住食燒鵝，咁多間燒鵝店男朋友揀左陳記燒鵝，揀得呢間就係貪佢就腳，同埋都又比較出名，而且有樣幾方便既野就係有得免費泊車，只要埋單果時印返張印仔拎去陳記既停車場就得嫁啦。 今次總共叫左五樣菜，分別係「馳名深井陳記燒鵝」，「芝士生蝦伊麵」，「椒鹽鮮魷 」，「北菇草姑扒時蔬」同埋「蒜蓉粉絲蒸元貝皇」。1.馳名深井陳記燒鵝例牌 $145兩個人分別叫了燒鵝例牌，招牌菜緊係冇令我地失望啦，燒鵝皮脆肉嫩，又唔會油膩感，同埋餐廳老闆娘話佢地d酸梅醬餐廳係自家制既，比其他餐廳從供應商買入的多了份新鮮梅味。2.芝士生蝦伊麵 $108呢道菜既蝦好新鮮，肉質彈牙，而且份量好足，可以見到一碟入面既蝦都唔少，每食一啖芝士配上伊面，味道一絕啊。3.椒鹽鮮魷 $88外皮香脆內裡鮮味，每食一淡一粒，都覺得好滿足，香口野黎講真係炒得幾夠火喉，真正嘅膽固醇萬歲！4.北菇草姑扒時蔬 $88帶山間鄉野清新氣息的草菇扒芥菜，味道清新，草菇鮮甜可口，為左呢餐多肉少菜既飯作為左一個平衡點。5.蒜蓉粉絲蒸元貝皇2隻 $45/隻元貝大隻鮮甜，仲有好多蒜蓉粉絲鋪係面，蒜蓉粉絲的份量真是

香港想食到最正宗既燒鵝大家一定會諗到深井燒鵝。但因為交通唔方便所以都好多年冇入過黎。前日去黃金海岸游完水，朋友建議揸車落深井食燒鵝，我當然舉腳贊成啦10分鐘左右就到深井，見到附近周圍都開左幾間燒鵝店。朋友話呢間係老字號，食過幾okay，所以就食返呢間。可能係星期五，食客比較多，全場爆滿除左馳名深井燒鵝皇外，仲有好多海鮮同中式小菜。燒鵝可以叫全隻、半隻或者例牌。仲有燒鵝海鮮套餐，或者散叫小菜，選擇好多而且價錢唔貴。我地叫左個套餐A，有半隻燒鵝、蒸海斑同埋白灼蝦。不愧係燒鵝皇，好大隻啲皮燒得好脆，肉質好香口同多汁，點小小開胃既酸梅醬，真係好好好呢種味道出面好難食到~套餐既蒸海斑一條，火候岩岩好，有大酒樓水準白灼海中蝦，幾大隻同新鮮另外再叫左3隻蒜蓉粉絲蒸大帶子蒜蓉炒小白菜啲餸都幾大碟，我地都食到好飽伙記仲話晚市有糖水送，今晚係蕃薯糖水呢餐真係食返好多年都冇食過既正宗燒鵝味道。除左好食之外，值得一提的是呢間餐廳有免費泊車，非常適合有揸車既人士。

好耐冇食過燒鵝，見得閒咪入去深井食啲出名嘅燒鵝。裕記依家貴價燒鵝太普通，所以揀左間平平地，一樣咁出名嘅陳記燒鵝，試下平野係咪都有正野，結果真係冇揀錯。第一道招牌菜係招牌燒鵝，薄薄脆脆嘅皮，鎖住濃濃嘅肉汁，嫩嫩嘅肉質就係構成完美燒鵝嘅材料，陳記作為主打燒鵝嘅餐廳，果然冇令我失望！唔洗多講，睇圖就知正。之後黎左個薑葱肉蟹煲，雖然唔係當造，但好明顯炒得好夠火喉，蟹肉都入哂味。好好食。之後上嘅蒸魚都做得唔錯，味道夠之餘魚質嫩滑。冬瓜盅好足料，好夠味，清涼解暑。糯米飯同腐乳通菜都係中上水平，不過不失。最後仲叫左個五頭網鮑扣鵝掌，喺酒樓食到啲咁高級嘅菜式，實屬難得。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地四個人食左大概一千五百蚊。以咁高質素嘅食物黎講算係物超所值。所以整體黎講我對今餐嘅評分係9分！

上星期同老爸出街食飯，佢想食燒鵝，好可惜已沽清🤷🏻‍♀️今日一家人放假，就決定一齊入深井食燒鵝滿足老爸啦😊由荃灣搭的士入去都只係10分鐘，非常方便！餐牌選擇多，睇到眼花繚亂，都唔知點揀😆見到有套餐超抵食，唔洗$600就有半隻大燒鵝，又有龍躉片，仲有五隻大蟶子😍抵到咁，所以大家就一致決定食呢個餐，另加幾樣小菜！燒鵝一上枱，老爸就急不及待夾件燒鵝脾解饞，並大讚好味道👍🏻燒鵝熱辣辣，皮脆肉嫩，肥瘦適中又juicy，真係好邪惡🤤老爸仲叫左啤酒配燒鵝，真係好識嘆😆而老媽就認為配瀨粉係最夾喎😆除左燒鵝令大家心心眼外，其他小菜都令大家食得好開懷😋龍𧄌片炒得好有鑊氣👍🏻蟶子大隻，蒸得剛好唔會過熟，配埋粉絲一流😋鵝腸又煮得爽脆入味👍🏻桶蠔亦好惹味，肥美又juicy😍大家都只顧不停食，唔得閒講野😂第一次同老爸黎深井食燒鵝，估唔到佢咁歡喜😊佢話呢度價錢又抵又好食，下次大家放假要再黎喎😆

踏入期待已久的秋天時節，雖然天氣的溫度濕度仍然與夏天沒有分別，但作為馬拉松訓練場所的青山公路就是跑友們四季的旺地。由荃灣西跑到去深井當然要嘉許返自己食返餐邪惡美食。久別的陳記深井燒鵝，上次已經是細細個同屋企人一齊食老店，到今時今日陳記已有9間分店之多，但最有風味又地道當然食返深井店為佳吧。經過門外的外賣部進入商場轉左，坐無虛席，客似雲來😨👍。中菜館式的餐廳，百花齊放的菜款選擇，讓人重拾大排檔的自由胃口。食飯之前首先來一煲是日老火湯$88，嘩，足料的湯渣佈滿湯煲，兩人有3-4碗無味精老火湯嘆一嘆，清一清喉嚨準備主角。來到陳記每一檯都必叫的，當然是鎮店燒鵝! 選了例牌下裝燒鵝$145，放上檯時既香噴噴又油感吸睛，鵝皮脆口，肉感嫩滑肥美，邪惡到不得了。魚香茄子煲$68，是我大排檔必點之選，讓我誇張形容，終於能夠食返那款，就快絕跡的排檔邪惡油浸茄子煲!肉碎甚多，辣度剛好，茄子吸盡精華。送飯一定一定要叫的一個名菜。黄金海中蝦$98，是我另一半必叫的邪惡物，份量之誇張有驚喜，竟然會有差不多十隻大海蝦，兩個人基本上食唔哂，但咸蛋黄的濃烈又讓人食不離口🤣👍。堅系正。加罐冰凍汽水$10 與親切店員街坊式

我諗大家對深井食燒鵝呢一個概念都唔陌生，想食燒鵝一諗到嘅一定係深井陳記燒鵝，二而家陳記越開越多分店，淨係深井已經有幾間，而今次我哋揀咗總店喺商業大廈裏面，總店通常都係最老料，而且出邊就係停車場，泊車非常方便，啱晒揸車嚟食飯嘅朋友，食完仲可以免費泊車！一坐低店員就向我哋推介冬瓜盅$138，更話俾我哋知冬瓜盅每天是限量供應，亦唔會做太多個，所以我哋二話不說先下單！後來見到客人越來越多，個個都有點冬瓜盅，所以幸好叫得快！冬瓜盅上枱的時候非常大盅，超級足份量，而且裏面還有冬菇蝦米蟹柳大蝦等等，職員仲會幫你不出來，相當貼心，睇吓我哋每一碗都有滿滿嘅冬瓜蓉就知裏面有幾足料啦，每人夠飲兩碗以上，可能我哋只得四個人，仲抵過飲老料燉湯小菜方面我哋叫咗欖菜肉鬆四季豆$58 ，四季豆非常爽口，加上欖菜和肉鬆令到整未菜式非常惹味！另外每一次食小菜都會叫嘅椒鹽鮮魷$88 ，呢個先有脆漿唔厚，再點上喼汁，脆卜卜的脆漿，加上大大嚿嘅鮮甜爽口嘅鮮魷，正！菠蘿咕嚕魚塊 $78呢個咕嚕肉不過不失，魚塊非常嫩滑，菠蘿好甜，呢味菜最重要就係個醬汁，酸酸甜甜，零舍開胃 ，絕對稱得上係撚手小菜！最後我哋仲叫咗一個蜆蚧鯪魚球，粒粒

深井食燒鵝呢隻歌仔都有得唱，今日我哋去到深井陳記燒鵝食晚飯，由於爸爸媽媽特別喜歡吃哂既燒鵝，於是我哋一行四人就到了陳記食飯！餐廳環境非常闊落，四個人都比一張大圓枱我地坐，其實係因為呢度嘅枱張張都咁大張，所以點解我話呢度環境非常舒服！事不宜遲，一坐低我哋就叫咗半隻燒鵝$270 ，燒鵝肉質好嫩，加上燒鵝的表皮非常脆，令不嬲都唔食皮嘅我都忍唔住食咗幾舊，而且佢個秘製醬汁味道夠晒出位，好快就清哂成碟野！件件都半肥瘦，啖啖肉，真係名不虛傳！蒜蓉粉絲蒸蟶子皇$38 隻呢度嘅蟶子皇非常鮮甜爽口，冇沙，都好大條，而且有豉油、蒜蓉和粉絲調味，味道唔會太濃，剛剛好！鍾意食蒜蓉粉絲嘅朋友千祈唔好錯過！除咗蟶子之外呢度仲有元貝可以選擇 ，估唔到燒鵝專門店食海鮮質素都有保證！係差唔多食完晚飯嘅時候，職員為我們送上番薯糖水，呢個糖水真係超級足料，我們都大大嚿番薯，番薯夠淋

陳記燒鵝聽就聽得多，食就真係第一次食。 今日爸媽竟然話好想食燒鵝， 咁梗係帶他們試下深井嘅陳記燒鵝啦!晚飯時段已經爆晒場， 好彩都係等咗一陣就有位， 真係好好彩。人少可以坐卡位，人多可以坐圓枱， 座位都 闊落。我們叫左個b餐，分別有半隻燒鵝， 清蒸海斑 和薑蔥肉蟹煲。燒鵝分量好足，燒到金黃色， 皮香肉嫩，當中仲帶點juicy，味道剛好， 唔會太鹹，非常滋味。而清蒸海斑都好大條， 魚肉香滑，新鮮鮮甜， 烹調時間控制得非常好，一d都唔鞋，仲好有水準添。肉蟹好大隻，個煲好似剛剛放得落。味道鮮甜惹味， 薑蔥又多，非常足料， 呢個餐真係非常抵食。蒜蓉蝦配糯米飯， 糯米飯用一個籠仔裝住，賣相好靚好吸引。 蝦嘅份量好足，精華比糯米飯吸曬，令到糯米飯更加煙韌鮮甜， 令人食到停唔到口。如果簡單啲又唔想諗太多，其實叫呢個海鮮三寶係最抵， 又有海鮮食同時又可以食埋燒鵝， 一舉兩得你話幾好。

等待香港好混亂，多天不敢外出晚餐，今天難得一家人齊齊整整，決定吃餐好的，便駕車入深井吃燒鵝，避開人群。去到已有好多人訂枱，要等一陣，好彩不是太久就有位。我們叫了燒鵝，蒜蓉粉絲蒸聖子皇，冰鎮梅子骨排，豉油王鵝腸，啫啫貢菜煲，加多數支啤酒。燒鵝送來是熱騰騰，皮脆多汁，肉質嫩滑，好美味，真想多叫半只，但太多餸了，試下其他吧！冰鎮骨排，酸酸甜甜，用來送飯一流。再來係蒜蓉粉絲蒸蟶子皇，哇好多蒜蓉粉絲配上聖子，賣相已經好吸引，味道剛剛好。啫啫貢菜煲，因是煲仔菜，10分嘢味，味道濃郁，又係一送飯之選。深井有許多燒鵝店，這間應該是最歴史悠久。有機會一定再來，價錢合理，味道一流。

一講起深井，我就會諗起燒鵝哩2個字，吃貨諗既都係同食有關。深井村附近有好多間餐廳立林，住喺深井既街坊帶我黎哩間食燒鵝。入到黎見到餐廳佈置懷舊，而且有不少食客棒場！有多款小炒$58起！比市區係平d呀。入到黎首要目的除左探朋友就係黎食燒鵝喇，例牌$145，份量都夠3-4人嫁喇，見到個鵝脾已經流左口水。我食燒鵝一定會連皮食埋，值得一讚係個皮燒得好脆面且冇咩肥膏，鵝肉甘香，個甜酸梅醬絕對係亮點！金銀蛋蒜子莧菜 $58估唔到咁大碟呀！夏天食莧菜最林又當造，大量肉脆、皮蛋等配料送飯都得呀，抵食呀。椒鹽鮮魷 $88哩度d野真係碟碟都大碟，滿滿的酥炸鮮魷即炸即食，蒜粒同椒鹽調味，好味！招牌炒飯 $70見佢標明招牌兩字就試試佢，唔係講笑又好大碟，飯粒炒至乾身夠鑊氣，落左燒鵝粒、菜莆、菜粒、蛋花等配料去炒，足料，哩個飯俾100分！下次入黎深井都會黎番哩間食先！

深井燒鵝就聽得多，食就未試過！今日同朋友黎到深井，就一嘗深井燒鵝啦！燒鵝一擺塊燒鵝入口，口感好多元化 外皮好脆，仲帶有少少甜味肉又夠鮮味，又結實。仲有少少入口即溶既肥肉。諗起都流口水八珍豆腐煲原來八珍豆腐煲係有咁材料咁豐富，除咗豆腐好滑，外皮好香之後仲有菜，魷魚，豬潤，雞塊，全部都炒到好夠火候好入味豉椒炒蜆非常有鑊氣，大量豉椒讓每一隻蜆都有機會跟它磨擦， 每一隻蜆都會有辣的感覺。 这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

好日唔會去咁遠，但今日為左食靚燒鵝，究竟可以去到幾盡？成日聽人講深井出名燒鵝，咁岩有外地朋友黎香港玩，點都要帶佢地去試下，順便自己都想見識下☺️呢到燒鵝舖頭開到成行成市，花多眼亂，唔緊要，搵間老字號應該冇死，就揀左陳記燒鵝食😋佢既裝修就好舊式中式酒樓feel,大部份都係圓枱，有幾張卡位，地方都幾大，啲侍應都親切，會介紹餐單😗兩個人食唔到好多，只能叫個例牌燒鵝食😬落單唔駛好耐，碟燒鵝就上枱啦🤤皮好有光澤而且通透，隱約仲見到皮上面鵝既獨有紋路。而皮下面有一層薄薄既鵝油，同埋厚厚既肉。 食落會有油香，但肥而不膩，鵝肉仍有肉汁亦冇騷味。識食梗係要配碗淨瀨粉啦✌🏻除左招牌燒鵝，仲有鑊氣小炒，我就嗌左椒鹽鮮魷同椒絲腐乳通菜。呢到既小菜份量十足，味道亦OK. 我點既椒鹽鮮魷有水準，皮薄粉脆，魷魚新鮮👍🏾👍🏾除左小炒，估唔到都有蒸海鮮食。嗌左蒜蓉粉絲蒸元貝，要兩隻起先可以點。佢既海鮮蒸既火喉岩岩好，元貝亦好大隻好鮮🥰🥰總體黎講，係值得一試，地方冇我想像中咁遠，車程半個鐘就到，都算方便，最緊要係食到靚燒鵝😬

都有差不多10年冇黎深井啦，因為同友人未黎過深井食燒鵝，所以週末一於同佢去下！雖然深井沒有港鐵能夠去到，但也有巴士、綠van、紅van等可以去到，都幾方便！就好似今次我地就係青衣搭小巴入去，只需10分鐘就到深井了！陳記燒鵝絕對係好著名的美食，係深井都有兩間，這次去了總店食！入到去好有酒樓的感覺，但也有卡位可以坐！餐牌有很多不同的菜式可以揀，令人眼花撩亂！馳名深井陳記燒鵝(半隻)($270)，既然黎到當然要食燒鵝啦！半隻份量都有幾多，皮脆多汁，鵝味濃，而且唔會切到好細舊，食落啖啖肉！西蘭花帶子珊瑚蚌($168)，呢款菜式我真係好耐冇食啦，因為近排小去食中菜！西蘭花爽脆，帶子鮮甜，珊瑚蚌爽口！蒜蓉粉絲蒸鮮魷($88)，呢款菜式又係好耐冇食啦，用黎送飯真係一流！粉絲吸收了蒜蓉同鮮魷既味道，非常惹味！而鮮魷又唔會蒸得太耐變韌，口感剛剛好！食完飯店員仲送左蕃薯糖水俾我地食呢！雖然遠道而來，但食物質素同埋店員服務都好好，有機會要再黎！

深井出名食燒鵝就眾所周知，我同朋友今次就去咗陳記燒鵝，呢一度除咗有馳名燒鵝之外，仲有好多晚飯小菜可以選擇！我同朋友兩個人就叫咗個例牌燒鵝、避風塘茄子、啫啫通菜煲及燒汁牛柳粒西芹！另外再叫多兩碗瀨粉，因為食燒鵝一定要陪瀨粉㗎嘛😆🔸燒鵝 (例牌)🔸賣相已經好吸引，皮下嗰一層脂肪唔算好厚，一咬入口皮好脆，但係唔會好肥膩🥰好味道！肉都好厚，但係唔會好韌好難咬，成件燒鵝配合埋個酸梅醬，真係好好味！例牌份量都唔係少，我哋兩個人食到好飽！我鍾意食嘅就係佢層皮啊！🔸避風塘茄子🔸本身以為炒茄子就一定會係好多水多汁好林，點知原來呢一度嘅避風塘茄子係好乾身，每一條茄子都獨立炸咗先，然後再用避風塘嘅料炒，所以茄子好有咬口，配合埋避風塘配料， 十分惹味！🔸啫啫通菜煲🔸用煲上夠晒熱辣辣，分量仲要超多！惹味之餘裏面仲有肉粒等等嘅配料，好飽！🔸 燒汁牛柳粒西芹🔸燒汁好惹味，配埋牛柳粒真係好match！牛柳粒唔會好韌，仲要份量好多！加埋清新嘅西芹味，呢一碟係惹味有鑊氣之選！本來以為陳記淨係食燒鵝出名，估唔到佢啲小菜都唔錯！有鑊氣之餘，呢一間店都好有人情味，店員好好，時不時會行埋黎一齊傾計