深井陳記燒鵝 (已結業)

今日同老公去左將軍澳陳記燒鵝，我倆都好滿意。餐廳環境好闊落，空間感十足，食物選擇多，價錢相宜，整體非常不錯啊原隻陳記燒鵝髀飯 $138大大隻嘅燒鵝髀，一上枱已經好吸引，外皮光澤，肉質幼嫩，沾上酸梅醬，確實好滋味玫瑰油雞拼燒腩飯 $60玫瑰油雞叫左雞胸上，咬落啖啖肉又入味，燒腩非常脆口，好味得來好邪惡紅燒雜菌豆腐煲 $75另外，叫左紅燒雜菌豆腐煲，份量都多，燜燒好入味，好喜歡呢款小菜凍奶茶 $16奶茶都好幼滑，茶味濃

大胃作為胃部運動員，時常都要食好多飯先有氣力食下一餐突然想食燒鵝，但又唔想入深井咁唔方便，將軍澳都有一間陳記燒鵝好方便想一得二，有大食大，要鵝又想食埋叉燒，當然嗌雙拼啦，佢地價錢又唔係貴。燒鵝大大塊，外皮同肉質都好嫩口，唔嚡又唔油。叉燒超爽口，未食過咁正嘅口感，估唔到分店性價比咁高除咗燒鵝，油雞同燒腩都好想食，油雞色澤幾靚，外表幾滑，燒腩咬落去勁脆，嗦嗦聲咁，肥瘦分明又比例剛好食燒味點吓唔同嘅醬食，別有一番滋味食燒味碟頭飯想飲吓湯，呢盆魚雲湯真係要飲，煲到好濃好奶白勁多魚肉又有大大嚿豆腐，湯水同白菜又好夾加餸就可以試吓啫啫排骨煲，啲排骨上晒汁，肉質煲得腍好易咬開，仲有蒜頭大大粒，煮得好綿，同食薯仔一樣咁正

唔使去深井都食到燒鵝啦😍一向鐘意食燒鵝，但好似唔係太多地方專門食燒鵝，難得附近有一定要試試呢到除咗燒鵝，仲有好多其他燒味，小炒、炒粉炒麵炒飯等等🥢原隻陳記燒鵝髀瀬粉💰$138大大隻燒鵝髀好吸，油光滿滿，食落油香十足，皮脆多肉，皮下難免有少少肥，我就冇食肥嗰part，另外沾上酸梅醬好夾🥢叉燒拼燒鵝飯💰$60燒鵝好有油香，叉燒都燒得好好，半肥瘦咁最好食，唔會太乾，加埋啲豉油成個飯好正🥢椒鹽鮮魷💰$88估唔到燒鵝店都有咁多小炒，呢個椒鹽鮮魷炸得超香脆，外面夠味，沾上醋汁更好食，同時無咁油膩🚩深井陳記燒鵝 (將軍澳) @chankee_hk._ 📍將軍澳唐賢街19號天晉匯2 1樓127號舖

將軍澳都食到深井燒鵝‼️🔹喜歡請like & follow🫶🏻對我來講是很重要的支持🔹回訪位於將軍澳天晉匯的深井陳記燒鵝因為上次食過，覺得燒鵝真的好好食！小菜出品都有水準，而且免加一。① 陳記燒鵝 下莊 $158燒鵝皮一如既往地好薄及好脆，而且成餐飯都能保持脆度👍🏻燒鵝皮和鵝肉之間有一層油脂，肉質亦OK酸梅醬就偏酸② 乾炒牛河 $64上枱時有熱氣! 河炒是幼身的，色澤均勻，炒得香口惹味牛肉大大塊，肉質嫩滑③ 菠蘿咕嚕肉 $78上枱時仲有熱氣!咕嚕肉肥美爽口，甜酸汁調味適中。菠蘿就偏酸📍深井陳記燒鵝將軍澳唐賢街19號天晉匯2 1樓127號舖#將軍澳美食 #將軍澳 #將軍澳中心 #將軍澳好去處 #將軍澳餐廳 #深井 #深井燒鵝 #燒鵝 #燒鵝脾 #燒鴨 #燒鵝飯 #燒鵝瀨 #香港美食 #香港必食

今日約左朋友係將軍澳餐廳覓食🍴 一踏入就有濃濃嘅燒味香味飄出來 忍唔住落個餐牌睇 快快手落單啦😋首先上咗一盤燒鵝上庄🦆 油亮油亮真係靚到好想光速試試💕 連皮帶肉一啖落去 皮脆肉嫩 肉味香濃🤤果然係招牌緊接著就係朋友揀嘅燒味叉燒飯🍚 呢間餐廳嘅叉燒真係唔錯🤯肥瘦適中 啲肉好腍 甜甜嘅蜜汁味道配埋白飯一齊食 好滋味🥢最後就係呢個咸魚雞粒豆腐煲🥣 上嚟熱辣辣辣 香噴噴 豆腐滑幼至極 咸魚嘅䶢香同入味嘅雞粒 一樣係白飯最好嘅朋友😍整體嚟講 呢間餐廳味道唔錯 不論係賣相定食物質素都幾好👍下次嚟再試試其他菜式🤩

作為香港知名的燒鵝專門店，深井陳記燒鵝開業至今已經有數十年歷史，以其優質的燒味菜式聞名，在香港不少地區都開了分店，毋需去深井才能吃到，今次我們就前往了將軍澳店品嚐它們馳名的燒鵝🫶🏻燒鵝（下庄）鵝肉色澤飽滿，肥瘦相間，外皮香脆充滿鵝油香，肉質嫩滑，淋上秘製燒鵝汁，味道香濃😋椒鹽鮮魷外層酥脆可口，魷魚保持彈牙，充滿鑊氣，送飯一流👍🏻燒腩叉燒飯除了燒鵝外，他們的燒腩和叉燒亦十分出色，尤其是燒腩，皮脆肉嫩，肥瘦適中，頗為驚喜🤩

📣唔駛去到咁遠, 將軍澳都已經食到深井陳記燒鵝!!🐣嗌左個套餐幾抵食, 精選燒鵝海鮮套餐 $328首先有兩碗老火例湯，味道都幾濃郁，飲得出係煲左好耐🍲🐣然後就到重頭戲 招牌例牌燒鵝 份量都幾多，好多汁！🧡鵝嘅皮熱辣辣、夠晒香脆，我地將鵝肉夾開，費事畀湯浸到啲皮林晒🤣燒鵝唔算太肥，啱啱好，但依然充滿油香，肉質嫩滑，濃郁🧡🔥另一碟菜係小炒王，蝦乾、新鮮蝦、韭黃、腰果、魷魚，㷫烚烚咁樣炒埋一齊，當然好味🤤 好夠火候😗😗套餐另一碟菜係 🐣味菜炒鵝腸，鵝腸都幾爽，裏帶有少少鵝膏，口感爽脆甘香😝🍞富貴黃金磚甜品 原來係西多士幾搞笑啊 熱辣辣脆卜卜💛😜😜🤪😎

深井燒鵝開到將軍澳🥰細細個聽電視廣告講去深井緊係食燒鵝e句真係記憶猶新😆所以見佢開左係將軍澳就帶屋企人去食個晚飯😋餐廳裝修係茶餐廳嘅格局😆除左燒鵝，餐廳都仲有小菜🥳煲仔菜等🤩仲有套餐可以揀😌🌺燒鵝飯份量都幾多，燒鵝肥瘦適中😋食到脆皮燒鵝香🥳🌺西芹炒鮮魷，西芹炒得香嫩、鮮魷口仲感QQ，配埋蝦醬一齊食好野味🤩🌺涼瓜炆倉魚，倉魚香滑帶油脂🤓唔會多骨配埋涼瓜好夾👍🏻涼瓜味道唔會太苦👍🏻

現在食燒鵝吾使去深井拉😆以前要專登去深井食陳記燒鵝，但現在開左好多分店，今晚就去左將軍澳分店。呢度除左燒鵝，仲有晚巿小菜，由香港食品節榮譽白金獎徐先生主理，難怪小菜都咁出色👍🏻陳記燒鵝飯叫左最簡單的燒鵝飯，但質素吾簡單。鵝皮超級酥香，滿咀鵝油香😋肉質都幾嫩，肉味香濃，好好食👍🏻燒汁牛仔骨牛仔骨肉質好腍，份量幾多，加埋洋蔥，蒜，青紅椒爆炒，好惹味。菜心帶子清清地想食個菜，炒得幾有鑊氣。帶子幾嫩滑，正常size, 一淡一粒😋總括黎講，餐廳除了馳名燒鵝，小炒都相當出色👍🏻

深井嘅陳記燒鵝原來宜家係市區都開咗好多分店，唔洗特登入深井先食到燒鵝了！💪🏻 原隻陳記燒鵝髀飯 ($138)原隻燒鵝髀大大隻，啖啖肉，亦都有肉汁！而且鵝髀都好肥美，油香十足，用黎送飯好夾😋。鵝香亦都突出（雖然有部分遊客會係覺得羶味😂），燒鵝外皮亦都微微脆。💪🏻 叉燒拼燒鵝飯 （$60)叉燒肉質夠淋身，亦都有燒味蜜糖香。而燒鵝雖無唔係鵝髀，但份量都充足！💪🏻 西蘭花蝦球 ($88) 西蘭花炒得香口，蝦球夠彈牙！味道：7/10 性價比：7/10食住瘦指數：💪🏻💪🏻💪🏻/5 （燒味飯都有較多健康選擇）

今次嚟到將軍澳嘅深井陳記燒鵝😄揀咗佢其中一個精選燒鵝海鮮套餐$328已經包老火例湯、例牌燒鵝、味菜炒鵝腸、陳記小炒王同甜品！老火例湯每碗湯都有大大嚿豬骨同肉飲落好好味，冇味精👍🏻深井燒鵝例牌估唔到例牌都有咁大份！上面有鵝髀 下面仲有兩層鵝肉外皮好香脆，鵝肉肥瘦適中，味道同之前喺深井食嘅差唔多😏.味菜炒鵝腸呢個小菜真係好味到超乎我想像！鵝腸煮得既爽脆又入味 酸酸鹹鹹的很開胃☺️陳記小炒皇唔好睇小炒皇細細份 入面都好足料 有好多魷魚、腰果、蝦乾☺️全部都大大粒大大條❤️富貴黃金磚甜品黃金磚就係炸西多士，外面個層蛋漿炸到薄脆薄脆的中間軟腍腍 仲有甜甜既花生醬煉奶🤤好耐冇食呢款甜品😍.總結：喺將軍澳都食到深井最出名嘅燒鵝，超開心！😄我都幾推介呢個二人餐，每樣菜式都唔錯，特別係鵝腸，而且幾抵食😍

👧🏻😋👅🍽✨燒味飯平靚正 小菜更驚喜 🤩-🥢 大多數係卡位, 座位企理乾淨又舒服; 店員幾貼心會用冷氣溫度分開兩邊座位🥢 燒味飯分量多再送條菜, 刀工均勻款款好食; 兩款小菜都大大碟有鑊氣好足料-🔥 陳記鵝絲小炒皇 $98肉片炒油麥菜 $80💯小炒皇有蝦仁, 魷魚, 蝦乾, 腰果等等, 炒得好鹹香, 韭菜新鮮爽脆, 吸晒海鮮汁好送飯💯時菜可以自己揀, 肉片軟腍大大塊, 好有良心三色椒走青, 全都是甜甜的紅黃椒😝 蒜炒好香-🍲叉燒拼燒鵝飯 $60玫瑰油雞拼燒腩飯 $60✨叫左肥叉又唔算好肥😂 不過肉質都好軟熟, 叉燒醬甜味天然帶少少蜜味; 鵝肉好juicy帶油香, 皮未算脆但夠乾身都做得唔錯✨雞肉嫩滑香豉油味但唔會太鹹, 冇碎骨又係刀工展現; 燒腩皮脆肉滑, 肥得黎唔會油淋淋

想食燒鵝，未必一定要入到深井！老字號陳記，原來已經進駐咗新界東，喺將軍澳天晉有分店！將軍澳嘅朋友，唔使四圍去喇睇地址，餐廳好似有少少遠，其實地鐵商場有條天橋接駁，基本上5分鐘就已經行到喇。今晚晚市，揀咗三個小菜，全部質素都唔錯，適合一家大細。// 燒鵝（下庄）// 餐廳話用咗祖傳嘅秘方醃製燒鵝，的確燒鵝嘅底味好香，唔會過鹹。燒鵝皮仍然脆身，肉質好新鮮，下庄都係158，呢個燒味價錢其實都幾抵。份量非常足，其實夠三個人以上。燒鵝好肥美，油香十足。鍾意食飯嘅朋友，好好送飯。// 黑椒牛仔骨 // 好耐冇食過牛仔骨，好有鑊氣，而且黑椒味啱啱好。火喉啱啱好，唔會太老。// 魚香茄子煲 // 有驚喜，少少鹹魚嘅香氣，海量嘅肉碎，令到茄子煲個層次好豐富。平時屋企好少煮呢個餸，去餐廳食晚飯都會好想食吓。

要食燒鵝唔使入到去深井既，前2日同呀媽近近地去左將軍澳食陳記燒鵝。陳記燒鵝 下庄 $158聽講呢到既燒鵝好新鮮，由屠宰、醃製、風乾、燒製完畢到上桌享用，全程唔會超過16個鐘。食落又真係無鵝腥味，皮脆肉嫩，仲有好正既鵝油香😋一隻下庄2個人食岩岩好 ～豉椒味菜鵝腸 $88味菜酸酸甜甜，鵝腸洗得好乾凈，完全無怪味，食落十分爽脆😋乾炒牛河 $64真係好耐無食過乾炒牛河！牛肉份量幾多，大塊得黎幾腍身，河粉嫩滑唔黐底條條分明。不過對我黎講都係有少少油膩🤏🏻

{深井陳記燒鵝大餐 - $302}早幾日先至有個台灣朋友問我香港邊度有燒鵝好味，我二話不說咁樣答咗佢陳記燒鵝，不過要入到深井！真係估唔到，原來將軍澳係有分店㗎，而且CP 值仲好高！♦️晚飯孖寶A當然唔少得有招牌燒鵝例牌，大大隻燒鵝髀，香脆嘅外皮，每一口都係充滿鵝油嘅美味，鵝肉做到啱啱好，既腍身又好味！套餐仲有一碟涼瓜炆沙巴，不過因為今晚太好生意冇晒沙巴，轉左做䱽魚！很有鑊氣，正正就係媽媽煮嘅味道！濃香嘅豆豉，味道剛好嘅涼瓜，炆起䱽魚上嚟真係絕配☺️！♦️鹹魚雞粒炒飯有時出街食飯，嗌一碟炒飯個感覺好似仲抵過叫白飯！呢個鹹魚雞粒炒飯CP值依然係非常之高，份量唔少，同時充滿鑊氣粒粒分明，鹹香嘅鹹魚加埋雞粒，亦係絕配嘅享受，麻甩嘅精選！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #深井陳記燒鵝 (將軍澳)將軍澳唐賢街19號天晉匯2 1樓127號舖