深仔記

營業中

休息中

深仔記又到搵食時間，午餐最頭痕本來想食粥，係OpenRice一打粥品就出左深仔記。門口好細小，去到發現原來係冇粥食嘅🥺不過太懶唔想再唸就試吓。🙇🏻‍♀️啱啱到兩點可以叫茶餐😊，叫咗個滷水牛肚麵下午茶餐係2點到6點牛肚好林，好易咬，麵質都爽口而且唔重鹼水味，湯底就較為清淡。唔知係咪因為下午茶餐嘅關係，份量比較少，如果女士食嘅話應該剛好但男士食應該完全唔夠飽，茶餐可以免費配支裝汽水或盒裝飲品😍加$10可以叫多一碟菜，睇隔離枱既賣相好似就幾唔錯，有興趣可以一試

去到亞士厘道 原本打算食燒鵝不過散叫好似唔係好抵 轉軚食下其他野 見到有幾間都大排長龍 雖然佢地都係自由行不過我覺得應該都食得過掛雖然條龍有少少長不過都唔係等好耐大概都係5分鐘內可能啱啱兩點鬆d這個時間上一輪的人食晏都差唔多食完未到2:30 唔等下午茶就叫左似乎係店舖嘅招牌菜蔥花叉燒蛋飯$54芝士雞扒雞蛋撈麵 $54見到個蔥花雞蛋其實都覺得幾靚不過叉燒嘅份量唔係太多芝士撈麵個芝士汁並唔係就咁叮溶咗嘅芝士味道同埋黏稠度都唔錯不過普通面嘅面底實在唔係太好食比較林身 冇乜質感雞扒就冇咩特別 細細件唔會令人食過會想再返嚟食最好飲可能都係杯嘢飲茶底做得唔錯杯凍鴛鴦同咖啡都飲得過唯獨是餐廳冷氣門口位就好涼但係入到裏面就真係唔係好夠

晚上看完戲感到肚子有點空, 路經尖沙咀赫德道發現傳統港式麵店，打算吃個宵夜。店內環境乾淨以白色配上木製裝潢為主，座位不算闊落不過桌子間有隔開一段小距離。每桌均設有配料如辣油、醬油及砂糖等。招牌鮮蝦雲吞麵我們當然點了最具代表性的鮮蝦雲吞麵，鮮蝦雲吞每顆中等大小飽滿圓滾滾，內里大約有兩件原粒蝦仁混上豬肉，彈牙爽口只是欠缺鮮味，咬下湯汁溢出。湯底較淡口，而麵質帶點鹼水味，不過不失。 柱候牛腩麵牛腩與牛筋共有五塊左右，大小適中大概一口能吃下，牛腩質感彈牙有勁度，吸附柱候醬，味道不錯。牛筋更為煙韌，一口牛肉一口麵，還是挺開胃。無論是口味、配料、麵質等都是比較正宗的一家麵店，相比一些老字號，每碗麵底及配菜也更多更豐富，價錢也比較合理。

六月第二個星期五深夜，尖沙咀街頭。跟好友把酒言歡過後，大家都有點餓，他建議到附近的深仔記吃點簡單夜宵再回家。深仔記在香港有四十多年歷史，現在為止已有四家分店，有別於其他雲吞麵店的醒目招牌，用了沉實的朱紅底色，很有傳統的鋪面風格。裡面燈火通明，跟昏暗的街道形成強烈對比，環境尚算不錯。甫坐下，點了一碗牛腩麵。牛腩麵的腩汁湯底濃香入味，深得偏愛濃味之人如我的心，牛腩不會太過軟腍，帶點咬口，牛筋部位燜得軟滑，最愛滿口骨膠原的口感，麵條有一點點過腍，整體也是爽口彈牙的。一碗小店牛腩麵，簡單卻暖胃。

在附近做完運動，想吃light一點，便來到位於小巷的深仔記。店舖雖小，但裝修得整潔。招牌雲呑麵($34)和普通的魚蛋粉相比，這碗雲吞麵細碗一點，但依然比起那些”麥”字頭的雲呑麵老字號闊綽。雲吞有五粒，雖然未至於脹卜卜，但每粒都有一兩隻細蝦（沒有鮮味）。湯底清甜（不似落味精），幼麵亦頗彈牙。以$34這個價錢來說算是不錯。店內侍應算有禮貌，只是有些「規矩」令食客感到斤斤計較，例如店內不供應免費水及紙巾，食客需要可掏錢購買。

深仔記是尖沙咀頗有名氣的老字號麵店！但因為尖沙咀好吃的東西太多！想嘗試名單太長！但對於很少出尖沙咀的我要很久才能光顧一次！這店面不大，很擠！不過這通常是香港的特色啦！雖然是老字號了！但它的人氣還不到需要大排長龍地步！不過由於店面不大！午市倒是幾乎座無虛席！呵呵⋯⋯想要找到座位還是得眼明手快！今天路過的時候已經是近晚膳時間！居然有空位！哈哈, 橫掂吾使等位, 整定要吃麵啦!叫了蝦子撈麵及芥蘭！蝦子真係夠多，滿滿的微鹹蝦籽！蝦子即指蝦卵！炒好的蝦卵蝦味十足啊！麵條是常見的竹昇麵！麵條口感稍微硬了一點！而且本身沒有什麼味道！但將麵拌勻蝦子後再吃蝦籽香味十足！鮮蝦味混合麵在嘴裡香味四溢！真的每次都吃個過癮！撈麵的湯也是蝦味十足啊，雖然有點味精！但飲完也不至於乾渴，而且也很順口！芥蘭夠嫩，灼到剛熟還脆的口感！

係OpenRice key in 粥品，想食粥，因為今日腸胃真係好麻麻⋯⋯係中環過度嚟TST，終於搵到間鋪了。坐低，見到無粥既餐牌，問職員，先被告知無粥⋯⋯職員服務態度好好，咁又唔似其他茶記咁惡死。不過，被OpenRice 誤導咗⋯⋯而家又要搵第間，唔開心。

Came as it’s one of those famous Hong Kong style food places. The restaurant is tiny but full of old Hong Kong style decor. Staff are so friendly and they all seemed pretty old so I’m guessing they all worked here for a long time, which is often a good sign! So impressed with their noodles, very chewy and doesn’t have that alkaline taste unlike in a lot of other shops. Love the wonton but the pork knuckle wasn’t as good as I had hoped but would definitely return for the food as I couldn’t bel

今天相約了朋友到尖沙咀加拿芬道行街街。逗逗轉轉來到了這一家深仔記。見到深仔記，最記得佢既麵係爽！印象好像鮮蝦都係中蝦！嘅然肚餓，於是就入去吃看看嚕地方很少，得十多個位。門邊一側是櫃台，另一側就是煮麵的料理檯了。中午時候，店內平日多數係返工客！我們只是幸運能得一張小桌搭枱！不然可有得等了。有人要進出還要一側而略，真的非常擁擠。坐下來朋友說隨意啦～就雲吞撈麵各來一份吧！服務員迅速心算了總價。留下這張總金額的帳單立即離開！不久雲吞撈麵就上桌了 。被撈麵蓋住的底下是一群雲吞！雲吞並不大粒，但是粒粒飽滿。半透明的外皮透著淡淡粉紅！是整隻蝦啊！而且滿滿的蝦！沒有其他餡料了！就是蝦！！整顆都是！每一口都是彈牙的新鮮蝦仁啊！且咬下會發出(索）的清脆聲響。朋友說麵麵質感ok 係得嘅！！！不過單吃這麵有點太乾！建議塗混蠔油後食用更美味！對啊！大大嚼下超爽超滿足！附湯一碗..口味略鹹，也是不錯！一口湯，一口雲吞，一口麵！剛好五「箸」麵！五粒雲吞吃完！

今晚食蝦子撈麵+菊花茶($45)😍第1次食呢間行左好耐都唔知食咩好😥😥😥蝦子撈麵幾好味好耐無食過蝦子撈麵以前去澳門玩時每次都會食但我唔係好鐘意飲湯飲左2啖無飲😐食完有啲飽可能我對蝦子敏感食完個咀仔有啲痛同腫。。。😥下次應該食唔到第2次既蝦子撈麵了

第一次係油麻地食到深仔記，麵極富蛋香，驚為天人。後來可能易左手，鋪頭雖然越開越多，出品已大不如前.唔好話同麥奀、麥明記、麥文記比，甚至西環$20一碗嘅肥仔記都比唔上。泯然眾人矣

一碗熱騰騰的水餃面仍收三十二港元好像一些也不貴細細的，有點像麥㐅記的大小，但價錢卻便宜很多⋯⋯面條很好👌有堅韌力咬口夠趙頭和好味道不過蝦的水準不來唔得怪不得- 沒有麥㐅記那麼高真是一分錢 一分貨⋯⋯

在salon整頭髮，完成已9點，就在附近隨便找點東西吃。見這間雲吞面店望落企理，價錢正常兼有卡位，即管來快食一下。-叫了鮮蝦雲吞麵($32)，因為餐牌標明這是招牌。知道細蓉應該好細，加碟芥蘭($16)，順便吃得健康一點。-賣相唔錯，湯底是大地魚湯的顏色，令我安心。雲吞有五隻，細細隻但飽滿。咬落爽甜，起碼兩三隻原隻蝦在內。豬肉佔極少份量，正宗鮮蝦雲吞的比例。內餡加入蝦子，更添鮮咸香。唔錯！心內已俾好評，但幼麵有梘水味，而湯底空有顏色但沒大地魚味，太可惜了。如果叫淨雲吞就值得一個好評。

呢條街好多粥麵茶餐廳！呢間同隔離係最多人食。我地叫左鮑汁鳳爪麵, 四舊鳳爪, 吾少了。都算大舊嘅亦入味, 亦不會有茨汁湖口！但再淋D 更好食。深水記出名湯底基本上係魚湯，食落其實只是普通清湯。麵有D 爽口質地仲有點彈牙..有少少鹼水味, 都OK。朋友碟豬手撈麵見到幾有膠質！芥蘭算是新鮮，正枝還要粗身但很幼嫩，食落清甜無渣此店同其他連鎖店舖相比,沒有太大差異,食物新鮮唯一缺點是等位比較耐..員工都很友善我地食完見到門口好多人排隊嗱嗱臨埋單走人

是日晚餐食深仔記，叫咗碗雲吞牛丸米粉，等咗一陣好快就到。食得呢啲打響咗名堂既雲吞鋪，都預咗份量會較一般粉麵鋪少。所以叫多碟油菜，點知菜心賣晒，轉娃娃菜就要加7蚊，$23食一碟仔油菜一啲都唔抵，所以我都係轉返生菜算。雙拼米黎到賣相唔錯，點知食第一啖米粉已經覺得中中地伏，麵質好淋，一啲麵唔似粉麵鋪用既彈牙江門米粉。米粉味好淡，而且我已經加咗腩汁，但係仲係食得出米粉還米粉、湯還湯，味道好分割，一啲都唔入味。牛丸簡直係大伏，明明寫住爽口牛丸...但係一食就食得出係溝粉..唔止唔彈牙，牛丸應有既韌度都無，好失望😞唯一食得過係雲吞，真係原隻鮮蝦，而且係彈牙既！蝦味香，無溝粉真材實料，呢個無得呃。公道啲講，雲吞係好食既，價錢都算實惠，以尖沙咀呢啲地段$40-50食個晚餐係好化算。最後希望餐廳係出咗名既同時，其他食物都應該保持質素，而唔係只保持出名既食品水準。雖然話食得佢就應該食招牌野食，但係你比得其他食品客人揀，就應該都有返咁上下水準，一係你就獨賣果幾味唔好比人揀。比中評，係相信下次食時餐廳會有改善