添好運點心專門店 (裝修中)

見佢話晒拎過米芝蓮 又咁岩經過呢頭就試下食 睇下佢有幾新鮮 未開鋪就見到有條人龍排隊等入 入到去d阿姐好似軍訓咁叫你坐邊 冇得say no 淨係掛住做風紀 見到操普通話就同聲同氣 見你本地人就闊佬懶理 望住你舉手咁耐都可以掟個靚彎去第二度 張枱已經細但又冇人黎收碟 服務態度欠奉D阿姐再培訓都搞唔掂又冇冷氣 烏繩係你周圍飛飛下點心又難食尤其是個盅飯 未食過咁難食既飯 0蒸飯香 （呢d對於佢黎講都太高階）係平時普通一碗白飯都好味過佢 又濕又冇味 d餸又林bad bad 叮叮7仔都好食過佢 完全唔知佢點拎米芝蓮

米芝蓮推介既一星食店，一定要試下係咪真係咁好食！！！今次揀左大角咀呢間分店，貪佢無其餘分店咁多人，咁逼酥皮焗叉燒包 $20叉燒包好難想像用酥皮包住，咬落去，酥皮似菠蘿包味道鬆脆既，裡面既叉燒餡多又香，好食黃沙豬潤腸 $23黃沙豬潤夠香，而且一啲都唔韌身，用滑溜既腸粉皮包住，一齊係個口度融化而且好少地方有黃沙豬潤腸食，一定要試最愛呢個呀 鮮蝦燒賣皇 $30燒賣好香蝦味，而且彈牙食落冇肥豬肉破壞口感，不錯雜菜鮮蝦春卷 $25菜好多，鮮蝦冇乜雖然整體炸得好脆好香，但略嫌普通沙律海皇卷 $25幾乎整條都係沙律，充斥住沙律味，冇見到海鮮既蹤影抵讚既係個炸粉脆身，冇淋到，但整體十分普通所以唔推介！唔推介！唔推介！真心覺得添好運係性價比高既米芝蓮餐廳，未試既真係快啲去食啦！都希望佢一直可以keep到個水準，等大家一路都咁有口福啦好味指數（5粒最高）：

話說今日工作被飛機了，車又miss左架，都灰灰地架啦。。。。。。不過好友知道左，帶我黎食話添加好運咁講😂 其實食野，有朋友陪同有心都好緊要架咁黎到奥海城2期呢個分店，白色主色裝修好雅緻好外國風，落單紙亦都有中西兩份，感覺比主舖多左份創新同心思。店内的而且確有3-4成外國客人朋友竟然第一次食，咁我就當然推薦招牌點心 - 酥皮焗叉燒包！頂級，直情係世界級水準！好鬆軟香脆皮又簿，仲有勁多餡勁好食！ 食到我停5到口，黎多幾客我都食得曬丫！ 不過，要試下其他野既，呢個腸粉晶瑩剔透好多肉配有菜，口感一流！ 仲有個桂花糕，今次係等一次試，好清香又爽口，5覺好甜，仲有粒粒桂花 真係一次過滿足曬視覺，嗅覺同味覺三種享受！正，最後當然要多謝朋友啦！ 你地都快d去食啦！

自從喺大角咀呢個美食天堂返工之後，日日lunch諗食乜都要諗好耐😂今日就同同事過奧海城食就添好運。記得佢啱啱拎米芝蓮果陣，我去深水埗店食過一次，佢個酥皮焗叉燒包真係令人一試難忘！所以今次一坐低，即刻點叉燒包！好味依舊！酥皮夠晒薄，個餡就夠晒juicy，建議一上碟暖暖地食咗先！之後叫咗幾碟點心，鳳爪、排骨、牛肉同咸水角，味道一般。反而皮蛋瘦肉粥就值得一讚！碗粥夠晒綿滑足料，好有舊式酒樓嘅粥嘅味道！略嫌伴粥嘅薄脆太少😅不過最後食果碟鮮竹卷就扣晒分！好似油浸咁，咬落去成口油，食咗半條就放棄！之前睇其他人嘅食評，話呢度嘅侍應態度麻麻，我就唔覺得，不過就成日傳錯菜！希望佢哋可以小心啲啦！

之前一直聽朋友介紹添好運點心專門店，但因為有名氣,長期都要排隊等位，而家開多左分店之後終於有機會試到啦。今次係平日的晚上去，大約8點幾唔算多人，一入到去就有位，都幾多外國人已經係入面。黎之前已經有想試的野食，所以即刻就已經落左單，每樣野食都係二十幾三十蚊，可以試多幾款。落單後大約10分鐘就已經有野食了，都幾快，但d野食全部都熱的，唔會係放左好耐的感覺。酥皮叉燒包真心好食，入面的叉燒甜甜地再夾埋出面脆的外層，而且份量岩岩好，唔會太大個之後試唔到其他野，兩個人食每人食1.5個都冇問題。黃沙豬潤腸一路都聽講豬潤腸好出名，所以黎到一定叫，味道唔錯，但好可惜豬潤的量唔多，好多時都係食到個腸粉皮。鮮蝦燒賣皇蒸出黎之後外觀唔錯，食落去都食到隻蝦，但唔算係太特別，同平時的燒賣差唔多。鮮蝦餃每隻蝦餃都皮薄而且蝦的份量都多，不過味道就冇咩日特別。沙律海皇卷本身飲茶食點心我都好少叫春卷類的點心，但今次比到驚喜我！卷外面炸到香脆，但唔會油膩，同入面的沙律醬又幾夾！總結黎講算係平價好食之選，每人都只係大約六十蚊埋單，就已經試到好多款點心而且飽肚，而且最開心係奧運分店冇咁多觀光客，排隊都冇其他分店咁誇張！

呢間點心專門店，係我的至愛，佢嘅點心係即叫即蒸，好多中外遊客都特登慕名而來，根本全日都會大排長龍，來食好嘢就一定要預咗等半個鐘以上，不過好多人都會好願意等架！特別係呢個雪山叉燒包，絕對一定必須試，唔試你就走寶，可以話我從來都未食過咁好食嘅叉燒包，酥皮外層，裏便熱辣辣嘅叉燒餡料，可以話用驚為天人來形容另外呢個黃沙豬膶腸粉，係另一個必食之選，佢嘅豬膶特別爽滑，腸粉皮又薄，呢兩樣真係必食之推介，就算排隊都值得啦！

由於有韓國朋友到香港旅行，話好想試呢間添好運點心，所以早兩日同女朋友先去睇睇個場，諗住食個點心，點知明明時間尚早，入邊成場有3／4空位，偏偏分配我地去對住門口的角落，叫我哋去一個周圍食客，已經擺滿購物袋，眼見座位旁幾個男人膝頭碰膝頭，手踭撞手踭既情況下，仲要安排我地迫入去位，食客們眼見有職員安排我地位，其中一個男食客食住條腸粉，手忙腳亂拿翻起位旁的購物袋，我地兩個都唔好意思，又唔忍心，要大家比錢黎食野，仲要大家都受苦啦。我地馬上斷言拒絕迫埋去。同個女主管講，明明成個場都係空位，點解唔座鬆少少，我都知你可能一陣好多人，但咁早仲未咁多人喎。最後我哋話唔坐，個女職員當聽唔到，唔肯安排其他位，眼神仲非常之不肖，唔通欠左你？ 實在係以後都唔想黎，如果唔係因為韓國朋友想食，我簡直係唔會再去呢間鋪頭食嘢，後來太不愉快，我地去隔離鋪食三哥好過，譚仔姐姐服務不知幾好。我知你哋已經唔歡迎本地人去食，冇所謂，因為你個女店員咁嘅態度所以我滋味Joe食埋韓國朋友呢餐，短時間都唔會再黎。過兩日，我同韓國朋友去呢間奧海城鋪頭（地點近我地），今次其他店員服務態度好番好多，而且最好安排咗一個適合嘅位置我哋。香港人識食點

之前食過深水埗分店，相比之下，奧海城會多啲遊客，同樣地，叉燒包係食添好運必點嘅項目，喺唔同嘅分店啲質素一樣保持到同一水準。每逢食點心，都會點返一碟腸粉，因為我覺得港式嘅腸粉係做得最出色嘅。

不知所為。態度很差，以為我們是大陸人，用國語指着叫我小朋友座下。個樣好凶狠，嚇到我小朋友驚唔驚。門還掛上牌匾面‘蜚聲國際’，太羞恥。以後都不會再來！！！！！！！

添好運其實都keep住咁好食！奧海城分店最緊要係而家唔洗排隊，坐得舒服又抵食，仲有好多遊客幫襯。🍝🍖小粉姐摯愛＂酥皮焗叉燒包＂我自己平時去飲茶唔係太鍾意食傳統嘅叉燒包，但呢個包係令我成日幫襯主要原因🤤脆卜卜外皮，咬落去又香又鬆軟，入面嘅叉燒同醬汁都非常入味😍我一個人係可以食一碟架🤤🍲🦐🍵好靚既蝦餃又出爐啦🤤佢嘅蝦餃皮唔算薄不過入邊嘅蝦肉新鮮有彈性，呢個價錢我已經好收貨！豉汁蒸鳳爪，屬於飲茶情意結，不過好似冇乜特別🤣香滑馬拉糕，平時食唔到飲茶一定叫！尚算鬆軟又唔太甜😎👍🏻

今天晚上 我地兩個人入去奧海城添好運吃晚餐 員工安排了6人桌 我們坐在了左邊兩位 右面有另外兩位 中間沒有人當時我們叫了7個食品 1個可樂 因為食品太多移到了中間的桌上 當右面的客人走了有個黑衣服的待應問我們是不是兩位我們：你看不到是兩位嗎？另外一個比較高級職員立刻大聲和很惡 很不滿的語氣喝我 ：問你是不是兩位謝？我們被他不禮貌的語氣感到很不忿，沒有回答他他繼而大聲重覆：問你是不是兩位謝？不好意思咯。這位員工令到我地這次的晚餐體驗很不滿，實在不會再去一間餐廳受侍應脾氣😡😡😡👎

食物が美味しいとしても、サービスが悪い、今までの食事の中でこんな最悪なサービスを体験するのは初めてです香港に旅行に来たのはもともと嬉しいことです、もう二度この店に行きたくないです

3年前，我寫了篇食評大讚這家餐廳3年後今日，不可一不可再雖然出了名的餐廳質素下降很常見但服務態度比大排擋更悔氣實在難得，己經不止我一個，而是每個星期都有出現批評此餐廳態度的食評想感受下什麼叫做欠人債被追數的感覺可以去此餐廳食下而且，這餐廳極不歡迎bb雖口裡沒有直接拒絕，但眼神同動作上就係叫你咪入黎其實直接拒絕很困難嗎？希望管理層／HR檢討，寧可加價亦要高薪換員工否則再3年後，我相信再沒有人會為你寫食評

一個月前到這裡食糯米雞都有潤腸喺裏面，今次嚟到冇，但係幅相都有問過員工員工問廚房後回覆因為條粉腸溶咗我跟員工說這個理由我無法接受，還是你給我取消或者換過一隻，她說那取消吧，早知之前不好心幫你改己選菜項，因為我之前叫了鳳爪排骨飯後改糯米雞，其實給他們也不到10秒鐘已舉手更換，其實給我更改也是服務，怎麼將服務變成恩賜其他食物跟酒樓沒什麼差別，牛肉球冇牛肉味，叉燒包又咸又甜，地面超級污糟，員工不友善沒笑容。不會再來

The restaurant is over-rated.  Disappointed quality of food – The food is no longer as good as before.  It is crowded because it was recommended by travel books and Michelin Guide. 食物質量失望 - 食物不再像以前那麼好。 由於它被旅遊書和米之林指南推薦，因此它很擁擠。Poor service – the lady at the reception is very RUDE.  She shouted to customers all the time.服務差 - 在接待處的女士是非常粗魯的。 她一直都在向客戶大喊。A waiter mis-read my writing on the order form and placed duplicate dishes for me.  I explained to a waiter that the number I wrote on the order form