添飲咖啡館 (已結業)

我知道幾年前係上水既Cafe Je T'amie正正係添飲咖啡館前身。當時都想去，不過上水舊店實在太受歡迎，但店面非常細，所以直至到關門大吉都未曾去過。疫情影響，令到假日既活動大減，又唔想去人多既地方，於是就試下呢間位於舊粉嶺裁判法院既咖啡館。是日係補祝我一位朋友既生日。兩個女仔都食唔到多野，黎咖啡館就岩哂。係到提提大家:由於疫情關係，餐廳要預先預約，唔接受walk-in。，並且分左三個時段。而我地就訂左午餐時段。呢到環境幾舒服，餐廳門外有唔少盆栽，係餐廳自己種既。如果合眼緣，係可以買走佢的。價錢都幾合理。帶毛孩既可以坐係出面食。餐廳裡面因為全部都係玻璃牆身，所以會比較嘈雜，我同朋友兩個講野都要講得大聲先聽到大家講咩。呢輪我地兩個都食得熱氣，所以嗌比較健康既食物。我地嗌左個沙律同意粉。沙律好豐富，兩個人食岩岩好!菜好新鮮，烤腰豆都好香原先我地諗住58蚊一碟意粉(跟蘋果梳打或咖啡一杯)應該會細碟，諗住如果唔夠食再嗌，點知份量都ok!係正常既一人份量。味道唔錯，唔似罐頭現成醬汁我地兩個女仔share食都岩岩好。食到中途，有店員拎左兩杯細細杯，涼陣陣既紅豆沙，話老闆多謝我地黎食，請我地飲的。

區內一向唔多CAFE選擇 所以上年佢一開果時 大家知道裁判法院呢頭開左CAFE都好興𡚒第一次去既時候 由於太多客廚房做唔切 所以只有供應飲品同蛋糕第二次去就一早BOOK定晚飯時間 所以就如願以償有得試佢地野食喇食物相唔多 因為掛住食掛住吹水好多野都唔記得左影相 SO SAD非常推介相入面既法典厚多上面既CREAM同藍莓果醬好MATCH 酸酸甜甜咁 非常醒神！環境方面我俾滿分既 係文青同埋打咭呃LIKE既偽文青既好去處上菜速度就有待改善 不過見佢咁多客人 情有可原既總括而言 今次既用餐體驗係大滿足～～～下次想去試試佢個ALL DAY BREAKFAST！

今日要去粉嶺拎野 就睇下有咩正cafe可以坐低做下野 機緣巧合搵到添飲咖啡館！我對花cafe情有獨鍾 裝修簡約舒適 餐牌同佈景都盡見心思 menu係文青風 最有創意係用公文袋包住 食物方便 我叫左伯爵茶蛋卷 同一壼倫敦香桃紅茶 木碟上畫滿朱古力 可以蘸蛋卷食 earl grey味都算濃郁 而茶就加入左香桃乾 所以桃味都幾出 同埋熱水可以refill 建議同朋友去既可以一位叫茶 另一位試下latte 如果蛋卷再切大片啲會更抵食 疫情之下最好要book位先去啊！

咖啡等勁耐, 都算了。。。出到嚟, cream佔八成, 咖啡佔兩成😓飲兩啖冇曬，可能我唔識嘢la。。。都算喇, 叫咗個朱古力撻, 唔吹唔做😓食物選擇已經少, 咁大間餐廳食, 竟然同我講今日得三款嘢食選擇？？？咁你不如唔好開鋪？？？都唔係問題, 既然佢都識講得三款嘢, 點解個朱古力撻仲要整成個鐘？？？加上由於現況疫情底下, 所有顧客人流都係佢哋安排在內, 我真係諗唔到有咩好說話去幫呢間餐廳。。。我發誓我以後唔會再去, 經過都唔可以再望。。。

最近先知粉嶺開多左間cafe, 係粉嶺人既喜訊，不過最近疫情關係，黎之前都要經wtsapp book位，但對方都回覆得好快既。Cafe就係裁判法院隔離，首先個環境真係幾舒適地方又寬躺，今次十點幾黎到，都無咩人，餐廳入面有個位置係賣啲自家制，入口農產品，同埋調味料之類，價錢相宜，都可以選購下，自己買左腐乳，好好食。餐牌簡單，但都好吸引。歐陸早餐 ($108)豐富既allday breakfast, 大烤菇配炒蛋，火雞肉，牛油粟米，薯餅，個墨魚汁包少見，好食。牛油果醬豬肉鬆多士 ($78)牛油果蓉配sourdough同豬肉鬆好好食，底下仲有沙律菜伴碟，好味。車打芝士奄列，青瓜漬希臘乳酪（$62)初頭以為係有一杯乳酪，但係其實係個醬黎，但個芝士奄列好大份，加埋個醬酸酸咁，又係好好食，呢個都有沙律菜伴碟。龍眼拿鐵 ($48)見到有特別latte就試下啦，份量比坊間設定既咖啡size大杯，而且真係有幾重既龍眼味，幾特別。

多得近年的建築物保育Project，令很多有價值的舊建築物不但得以保留，而且還得到重生之餘更逢第二春，此咖啡店就是其中的受惠者之一。這店很難Book位，尤其現時的疫情關係，原先不多的座位現在更買少見少，幸好Whatsapp訂了Tea Time的位，3:30pm準時開始假期的下午茶時間。點了Cold Brew肅靜咖啡，瓶子本身就是藝術品，倒進的杯子裡先放了檸檬及九層塔，味道配搭有趣外亦異常地夾。蛋糕則點了柚子卷蛋，蛋糕有質感，不會輕飄飄，柚子味很香，喜歡。最後一提是此店代售一些本地及日本的農產品，亦有如雞屎藤的傳統鄉村糕點發售，真是一家有趣的店。

之前一直都好想去上水既Cafe Je T‘aime ，可惜結業了還沒有黎到。後尾先知哩間「添飲咖啡館」就係Cafe Je T‘aime既前身🥳咖啡店位於前粉嶺裁判法院，真係好特別，好有歷史意義😊哩度環境相當清靜，景觀透光度十足，嘆杯咖啡好寫意🥰🥰疫症期間，咖啡店要whatapp book位😎😎入到去仲要探熱，對返WhatsApp Booking先可以坐低，入去咖啡店真係好曲折😝我哋嗌左一杯Americano同埋latte ☕️☕️我特別鍾意呢杯手沖嘅Americano❤️❤️我欣賞店主係咖啡瓶上寫嘅字☕️☕️只要路是對的，就不怕路遠💪💪💪💪咖啡味道偏甜，係我鍾意嘅咖啡味道☕️latte嘅拉花亦都好美，飲落咖啡好順滑😚

朋友介紹嚟到活化後既粉嶺裁判法院...隔離一間裝修幾有特式既cafe 據說係以前係上水 cafe he t’aime 的負責人係呢個位置重開由於我係晚飯時間到 果陣唔會多人 因為餐廳真係好早關門☹️ 我同朋友1800幾到左就好急忙即刻落order 叫野食同飲品我地叫左一份海鮮 一份小食同一份肉類share 份量對3個女仔黎講岩岩好 味道調味恰當但無話邊款特別出色令人好難忘雖然知道咖啡係出名 但因為夜晚我真係無叫杯試下 希望可以搵個下午hea住咁係果到嘆杯咖啡啦😂（但太多人幫襯啦唔知得唔得😂同埋食dinner太趕太辛苦啦真係唔想再試～

一心想來這裏影粉嶺裁判法院舊址，誰知因為疫情，暫停開放了。只好當我們是專程來嘆下午茶本想叫名物伯爵茶卷蛋，但當時已經下午四點，沽清了。見到鄰桌的牛角包很吸引，於是跟機。來到時大大個漲卜卜的，層層酥皮的紋理很清晰，十分可愛。可惜咬下去卻不如想像中鬆脆，或者我們真是來太晚了，有點受潮了。飲品要了抹茶latte, 奶泡灑上翠綠的抹茶粉，很配合這裏的田園風。喝下去香滑的咖啡帶點抹茶的甘香，是日本版的鴛鴦吧。老公叫了Affogato, 是一款意大利甜品，把expresso 和 Baileys 淋在云呢拿雪糕上。咖啡加雪糕，不可能不好吃了，而這家餐廳還加上沙頭角婆婆手工米通（餐牌是這樣説的）米通真的十分鬆脆，吸收了咖啡和溶了的雪糕，為這個甜品加多一重口感。看著自己想去的景點就在眼前，卻偏偏去不了，實在有點戚戚然。但正因如此，我們有更充足的時間，在這間佈置舒服開揚的咖啡室，看著盛放的蘭花，慢活一下。周日的下午，這樣渡過也不錯。

前身是粉嶺裁判法院，後變成咖啡店，座位分室內及室外。室外大約有20個座位，室內大約有70個座位。食物選擇不多，分早午晚餐。店內裝飾是田園風格，差不多每一台都擺放鮮花。室外有提供本地耕種及外國進口的水果售賣，花束是老闆在花墟揀返來售賣的。我們點了全日早餐芝士奄列，兩樣都有味精，食完很口渴。飲品點了北海道紫薯牛奶，幾好飲，唔會太甜太「溜」，朋友點了一杯咖啡，名叫Silence，凍飲, 但用熱飲的茶杯盛載，我唔識飲咖啡, 所以不敢評論!設施：咖啡店旁邊有露天停車場

間鋪黎左呢度之後，服務差左好多，以前每次去cafe je t’aime 感覺係去舊朋友嘅鋪頭，就算waiter 係十幾二十歲嘅新人，都會覺得佢好關心客人、好有禮貌。可能而家地方大左、請人多左，感覺上就係一間冇乜嘢好食嘅餐廳，冇互動之餘，waiter 態度都好差。以前我最鍾意嘅係靜靜地聽Cafe Je T’aime 播嘅French folk 睇吓書，食份量好足嘅blueberry cheesecake 同好大杯嘅rose latte. 而家全部都冇哂，back ground music 仲有啲嘈。其實係咪轉左老細了？點解以前關於貓、愛好旅行、享受咖啡呢啲感覺都冇哂，好掛住以前。

呢間由粉嶺裁判法院改建既咖啡館最有特色既就係佢既外觀，佢保留左香港舊有既維多利亞建築風格係平時鬧市中少見既咖啡館去到呢到就好似身處係外國咁，真係好有度假既感覺架呢個all day breakfast 既材料雖然同出面啲餐廳差唔多，但佢勝在整得好食薯餅係岩岩整好仲脆卜卜，而粟米都入曬味佢黑色個個係面包仔黎，食落去係健康既味道，所以冇咩味咁～個人黎講都覺得唔錯呢間餐廳黎講我最鍾意係佢地既碟，擺埋一齊有種文青既感覺食落去都覺得特別好食，再配埋有拉花既latte ，真係岩晒鍾意休閑生活既人

5:03落柯打靜係黎左一個客既野食同野飲我野都食完一陣🤔到5:25我朋友杯野飲仲未黎諗住同侍應反映佢竟然同我講突然多左好多單一係幫你取消左佢我同朋友o哂就問佢：即係連飲都冇得飲？😳佢竟然好不屑咁話：驚你等唔切，可以幫你取消左佢大佬你唔去廚房/水吧催催 一杯Latte要整咁耐？突然多單係我問題？你要我朋友冇得飲不突止仲要眼光光等我飲哂啲茶？😄既然你啲態度好似唔憂做咁，咁我唔洗再黎喇😇PS. 室內環境太應聲 同朋友傾計都聽唔到#有時野食好唔好係其次，同朋友黎飲下野傾下計都係想chill下，其實真係冇必要受依啲氣，何況你係做飲食業服務業🙂🙃

入去坐低睇啱想飲乜就想叫人過嚟落單，個老闆娘見到我地揮手就走埋嚟話 “一陣叫同事幫你” 咁冇問題，以為佢真係會嗌人過嚟，但老闆娘全程掛住同其他客人sell 蘭花(唔知做乜有蘭花擺賣，啲花擺到成間舖都係)，根本冇叫人嚟落單。最尾係我地自己揮手叫店員過嚟落單。咁我同友人就叫左兩杯咖啡，一杯凍嘅意式泡沫咖啡，一杯就手沖咖啡。係間舖唔多客人嘅程況下，凍 cappuccino居然要20+ 分鐘先嚟到，隨口同位女店員講左句“都等得幾耐架喎…”，店員答“因為要續杯整”，咁我都知咖啡係要續杯整嘅，難道可以十杯十杯咁同時整？我意思係就算續杯整都唔需要咁耐啦，又唔係啲咩刁鑽嘢。都算，杯咖啡係冇冰嘅，友人話口感似室溫。個層奶泡勁厚同勁“杰”，係比其他市面上嘅杰身好多。正常係要將底下啲咖啡同上層啲奶泡攪勻飲用，但由於啲奶泡太杰身，同底下嘅咖啡根本好似水溝油咁，無論攪幾大力同幾耐都係攪唔埋，由於佢係用玻璃杯裝，完全明顯見到咖啡同奶中間好似有條線，完全分開左兩層，唔會攪得埋！友人全程只係飲到底下啲齋啡，到最尾差不多飲哂先開始溝得勻，十分無奈。而我叫嘅手沖咖啡居然要等30分鐘，以我所知沖一杯手沖咖啡步驟唔多，計埋你

依間添飲咖啡館咖啡就黎飲過幾次了，晚餐就反而未食過～是日即興約了兩位朋友相聚，決定過黎食dinner。-粉嶺火車站行過黎好方便，只需要約10分鐘。-第一次夜晚黎-店內燈光通明，環境唔會太嘈，幾適合閨蜜聚會-接近聖誕，仲擺左棵聖誕樹添，好靚呀！-由於係walkin，店員提醒下次最好先訂座，如果唔係可能會白行一趟，有興趣嘅朋友要留意啦～-清酒昆布煮大蜆 ($128)蜆肉幾大粒亦頗鮮甜，酒味唔算濃郁，整體味道係以清淡為主，係健康之選。-板燒春雞配小椰菜 ($158)燒春雞因為即燒，所以等得最耐，應該有成20－25分鐘～雞肉沾上佢嘅特製醬汁後味道不錯，不過雞胸位置略鞋，依個都係燒春雞嘅通病。。。咁多肉食番少少配菜小椰菜平衡番就最好-西班牙海鮮焗飯  ($168 )一上枱已俾佢賣相吸引，佢用一個煲仔飯嘅瓦煲上菜，好有心思。海鮮包括蝦、魷魚、青口，配料嘅甜椒碎、豆角就豐富左整個視覺效果；面頭嘅脆煙肉增加不少口感。雖然唔係正宗嘅西班牙海鮮飯，但味道一流，友人話佢對上一次都係點佢～～-另外仲點左佢三款甜品：Earl Grey Cake Roll 、Double-layered Lemon Cheese