添飲咖啡館 (已結業)

星期日晏晝即興去飲咖啡，去之前睇左幾篇食評都指服務態度差，都有d怯怯地可能入唔到。員工就話有張枱，但係比較多蚊，問我惹唔惹蚊，如果介意就等位，2,3張枱。咁我覺得都ok, 可以等下。然後叫我WhatsApp留位，叫我附近行下先，有位會打俾我。忽然，有枱人走，幸運地唔駛點等就有得入。門口負責賣花既員工都有向我講歡迎；由坐低到落單，招呼都正常，有遞籃俾我放手袋；枱面有熱水壺供應；飲手沖咖啡，員工向我介紹隻off menu既西達摩獅子王。一斟出黎，一浸花香湧入鼻，亦有d堅果香，入口順滑，堅果之中帶d甜，沖得幾好飲既手沖。飲完之後仲問我覺得點，好唔好飲。另外點左伯爵茶卷蛋，伯爵茶味都幾足，但係年紀大左嫌甜左d (正常甜度黎，只係個人鍾意再少d甜😅)Last order再點杯 香蕉牛油果野莓奶昔，成杯都幾足料，明顯飲到香蕉同牛油果，十分creamy, 而且冇另外加冰粒，唔算好凍。可能呢杯少人點喇，我見1,2 個staff經過都望一望過黎，然後好似同老闆講｢你整個杯奶昔喎｣(當時坐我斜對面).最後埋單到行出門口，員工都有向客人講多謝、bye bye. 禮貌程度比我想像中好，可能有睇呢度既食評作出

某日被帶到一間位於粉嶺 好可愛嘅cafe距離火車站只係大約5分鐘路程就在舊裁判法院旁邊的白色咖啡店門外有戶外座位還有賣盆栽的區域店內的右手面是賣水果、台灣零食的而另一邊就是用餐區由於牆身大部分是落地玻璃 採光十足好適合打卡📸Menu好有趣 外皮是用公文袋做的有法院獨家創意的餐點不過今次我們是散叫了幾款食物分吃🔸麒麟果蘋果沙冰用一個大玻璃兜盛著的沙冰，面頭有一些食用花，超吸睛❣️，另外還有滿滿的麒麟果果肉，下面的是用新鮮蘋果打成的沙冰，非常清香！🔸龍眼Latte一開頭聽個名覺得怪怪的，但飲落龍眼蜜的味道和咖啡幾夾，少少甜，咖啡味香濃，上面灑了一些桂花碎，飲落別有一番風味，好喝！👍🏻🔸龍蝦包用蒸籠盛著的龍蝦包，好得意，女士見到會好開心💓。麵包好好吃，鬆鬆又香牛油，聞說是自家製的。中間夾住鮮甜的龍蝦沙律，雖然龍蝦肉切得比較細粒，但幾鮮甜，唔錯。🔸All day breakfast 材料豐富，有啡菇、炒滑蛋、煙三文魚、腸等等，店員說他們的酸包是自家製，我趁熱吃了，非常脆，我連同煙三文魚和炒蛋吃，好正！💟這裡環境清幽舒服，食物靚得來味道也不錯，十分適合打卡。食飽還可以到旁邊的舊法院參觀。另外，當日

本來只係想好好地食個午餐，專登入去粉嶺食，點知真係令我好失望。首先，啲野食好細份，但普遍main dish都要$100以上嘅價格，而且係冇set lunch menu，只得一份常餐，飲野都係要俾正價，加加埋埋一人都快$200，其實好overpriced。但最令我扯火係佢哋嘅服務態度同質素，一入到去坐低左好耐，完全冇人話我哋知啲水喺邊，又冇人斟水，得啲空杯喺枱面，而且舉手想落單都等左好耐。而咁樣嘅self serve restaurant仲收人12%service charge，仲要Menu上係完全冇寫要收，到俾錢嘅時候先知，原來喺whatsapp上面嘅條款上先有講。於是我向員工表示佢哋對service charge列明得好唔清楚，實體店內完全冇寫午市要service charge，連一張告示牌都冇貼，令顧客感到好confusing同misleading。但佢哋嘅員工反指係我哋冇睇whatsapp，亦唔覺得有需要喺店內列明午市要收12% service charge，覺得冇confusion，亦表明佢哋嘅熟客個個都知。咁我呢啲唔係熟客嘅難度不是客？Service charge竟然不是店內

行完個山 梗係搵個好地方歎下咖啡上網見到呢間幾靚既café 食物好吸引 用心製作材料新鮮 即叫即整 我地叫左個肉桂藍莓toast @($68)餐廳用左自家製藍莓醬 食落都感覺到新鮮 唔會太甜另加 黑松露薯條 @($38)香口濃郁一杯咖啡 @($78)係老闆特製 每日老闆限定但餐廳係服務態度 安排餐台 有待改善我地冇卜台黎到 Waitress 一句有冇卜台 我地答冇 之後就話full 曬冇台但當時目測室外室內 都有三張吉台 想等台 Waitress 亦都冇安排飛仔畀我地一句full 曬就趕我地走咁 好彩最後老闆娘安排左一張台畀我哋 我地食完成粒鐘 都見到卜左既台都未有客人餐廳仲有新鮮有機入口 台灣日本生果賣 買左個生果翻去食 真係幾甜幾好味 價錢屬合理價 總括黎講 食物質素 環境 都唔錯 係安排餐台方面係有待改善 希望下次去到 座盒安排完善啲去食既朋友記得卜台喇

服務態度差！飲杯咖啡嘆下都要預約時間，最後安排一張枱完全冇社交距離可言，疫情之下仲竟然要求客人搭枱。咁我都唔明點解仲要預約，我要求喺餐廳有空位嘅時候調位，但係依然要求我搭枱？！到底生意重要定係客人健康同社交距離重要？

話說收工約左朋友黎呢間添飲咖啡廳，我一入去坐左大概半個鐘，然後，我諗住叫服務員拎本餐牌黎睇，一直等，等等下，自己去拎啦，都好似無人發現到我咁，咁我諗住落order ,舉手明明有人望到我，但視而不見，然後，要主動行去服務員身邊，叫埋野，上埋枱，走黎再同我講張枱有人Book左！乜指示都無！然後，佢叫我補番booking!但其實我坐係果張枱足足半個鐘，跟手佢話佢忙緊！忙的定義係點架？.......之後，我同個fd 叫左件cake 等足一個鐘，點知錯左！又再等！等的期間同我地講，差唔多夠鐘，要埋單，但其實叫左d野仲未到，隔左一陣再叫我地埋單，我地照埋啦！到食物到左，再比壓力我地想我地快走咁款，（仲話已經補左時比我地）球賽嗎？有罰球有受傷補番鐘？咩態度呀？之後佢見我地仲傾緊，佢仲想sell 晚餐！真心唔會再幫親！唔想受氣真係唔推介！無booking唔歡迎的添飲咖啡館！Book左都唔等同當你係寶！

久違了的3人聚會，友人想去鶴藪一轉，一於3人郊遊遊散下心，去粉嶺，順便係果頭食埋午餐，上網睇下有咩食，見到呢間文青cafe，前身為粉嶺裁判法院，後活化為香港青年協會領袖學院，而cafe是位於前裁判法院旁的白色建築物。老闆為前Cafe Je T'aime (n年前幫襯過)，上水店結業後來到了粉嶺，成立了這間社區咖啡館，以咖啡聯繫社區生活，不時舉辦工藝創作、導賞團等活動，互動交流。去到先知要預約，幸好剛有3人位，等了一會，登記資料便入坐，如大家有興趣去記得要預約。兩層高的白色房子，內堂裝潢走簡約風格，白色的牆身、木製枱椅，落地玻璃窗，充滿自然光線，感覺舒適，店內還有擺賣水果、果醬及一些小食。餐牌，據聞食材選用本地農場有機菜，同提供素食，不過今日來主要想all day breakfast。龍眼拿鐵，＄48，太好奇，要一試，面層有桂花作點綴，賣相有點詩意，咖啡口感綿密，有淡淡桂花香氣，但唔太覺有龍眼味，清清甜甜之感。友人的咖啡。歐陸早餐，＄108。有焗大燒烤菇、炒蛋、煙三文魚、火雞肉、豬肉腸、辣薯角、牛油粟米粒及合桃無花果黑麥包，份量十足，炒蛋份量較少，味道正常水準，好多薯角，熱騰騰香口惹味。

下午五點半多啲到，入到店內，完全冇人招呼，後來某位女職員“好有禮貌”地問我地，“有咩可以幫到你”，咁奇怪的打招呼方法？愕然之下再問，原來係下午時段已經截單。但印象中並無網頁或各資訊提及有此時段限制，令遠道而來的客人撲了個空，sorry都冇聲。極差的服務態度，極大的反差。慕名而來，敗興而走。第一次來，亦係最後一次來！

作為新界人，交通不便對我來說不算什麼挑戰。前裁判處日立這裡多年反而是我首次踏足! Long weekend感激老友預約好今天1530時段 tea (估計尤其疫情期間沒有walk-in)。我點嘅rose latte，沒令我失望。 朋友叫了意粉套餐+沖繩latte..原來這時段都有供應。Cafe裝修靚，賞心悅目而且採光一流，聊了一個寫意的下午。

剛搬進上水時，經常會到新功街Cafe Je T'aime飲咖啡打發時間，記得大年初一都營業，在熱鬧的親友飯局前享受一點寧靜，可惜2017年便結業了。上年知道老闆在粉嶺開了這間添飲咖啡館，但多次都滿座，直到昨晚才預約到這早晨時段。店內播著節奏輕快的英文歌，落地玻璃讓客人享受到外面的陽光，環境氣氛很寫意。選了Mate咖啡豆及cappuccino set，espresso 的質地厚實，味道很平衡，有烘烤的香氣，飲完立即回魂；相比之下cappuccino 風味更佳，奶和啡較得恰到好處。Mate咖啡豆的焦糖Latte 味道豐富，遠處已聞到甜甜的焦糖味，但喝下去又不甜，很不錯。Team咖啡豆的玫瑰Latte做得非常出色，整杯都有濃郁的玫瑰花香味，猶如花水般，但花水和咖啡又能取得平衡，很美味。歐陸早餐質素亦很高，好像在吃五星級酒店的酒店一樣，合桃麵包，雞肉片及原隻咖啡菇炒蛋都很美味，雖然價格比一般咖啡店高一些，但是食材質素明顯亦高一點，值得一試。預訂了限量的泊車安排，吃完可到隔離的前裁判法院（青協領袖學院）參觀，享受一整個早上。

憑咩，員工服務態度可以咁差我落完單後，岀餐又唔係快呀我俾錢，要我企係到等，我等你👌問身邊人有無兩蚊散銀，侍應都等唔切，要入廚房岀餐🤬捧到成手野，又叫另一個話自己唔識收錢既侍應收，其實唔做成意既，講聲得啦，唔會有下次

打電話預約，其實可以同我講今日full booking，點解比個時間我，話4：30，到咗等了一個鐘5：30才有位（通常book好位都預左要等一陣），跟住坐底，睇完meun，竟然話我既時段至到6：00，冇野食叫，我真係大開眼界，從來未遇過一間咁既食店，重話預約時同我講咗要等，要等我冇問題，但唔應該咁安排囉，完全唔當你係客😠😠餐廳環境又不是很特色，同類食店香港真係好多，管理人要好好檢討

好彩睇到食評,知道要預先訂位,唔係應該都入唔到.我係預早2日經wha屠比訂位,仲要預先報定地址,所以去到都好安心.去到環境好舒服,地方好寬廣. 不過原來早餐只係得四款食物選.點左個All day~大路野, 所以食物正常,價格都正常.不過想提一提個炒牛奶好香奶味..不過薯角轉番做薯餅..會好D..老公點左個蟹肉奄列份量好好好大...應該用左唔小雞蛋...入面滿滿蟹肉 好好食呀!!伯爵茶Latte伯爵茶味唔夠突出.. 但整體係好飲.哈蜜瓜汁睇住佢用滿滿一杯哈蜜瓜黎打成果汁.味道好FRESH,唔淡..感覺好似無落糖...好健康臨走之前仲係佢地店內既生果店買左D水果

琴日預約左15:30-18:00時段需要預先登記居住大廈同一日有三次清潔本來覺得依間餐廳有做好防疫工作加上環境幾好 本身觀感唔錯叫左抹茶卷蛋 朱古力撻 同兩杯飲品卷蛋硬得好緊要 其他不過不失重點係！！營業時間寫去到18:00但坐到17:20時我地係最後一枱客人當時兩件甜品我地都未食哂兩杯飲品仲飲剩一半但個女侍應直接行去我地度話「食完喇可」冇等我地回應就拎起兩碟甜品我即刻阻止對方話我地未食完之後17:30個女侍應又話廚房夠鐘洗野直接拎起啲飲品我再阻止佢話「比我飲埋先」然後佢收起碟甜品仲整左啲碰聲好似好不滿咁我地17:40離開後向老闆反映老闆有講唔好意思但話「佢地趕住收工」似乎唔認為員工態度有問題？之前未試過打食評但第一次遇到間餐廳咁樣比面色客人睇以及營業時間前40分鐘趕客人走其實香港人大多都好好人如果侍應有禮貌講聲「我地last order 仲有冇野加？」「如果冇介唔介意早少少食完比我地洗左碗先？」我相信大部分香港人都會九秒九幫手但絕對唔係直接收起啲食物同比面色客人睇行行出狀元 做服務業更加唔應該冇禮貌絕對不推介大家去！！

被Cafe的外觀及旁邊的活化建築物所吸引，所以搵咗一個週末的下午，拜訪添飲咖啡店。唔知係因為疫情關係，還是添飲咖啡店的安排，訪客需要先喺網上預約，才可以於午餐時段被接待，由於山長水遠嚟到粉嶺，所以食唔到午餐，感到非常之可惜，第一時間用WhatsApp預約返下午茶時段，食個輕便午餐之後再回頭光顧，可惜嘅係下午茶餐牌同午餐餐牌係完全唔一樣嘅。旁邊嘅活化建築物，新界裁判法院係打卡之選，亦有草地可以影返幾張靚相。喺餐廳入邊一共點左三款食物，分別係肅靜凍啡、布朗尼蛋糕配雪糕、菠蘿百香果沙冰。呢間文青Cafe外表一流，內裏裝修非常舒服，只要預約咗時段，就可以任坐直到下一個時段。但食物就非常一般，如果講食物質素，可能未必會光顧呢間餐廳添。肅靜凍啡：一係凍齋啡加青檸汁、薄荷葉，對於平時飲開latte嘅我來講，呢款咖啡真係難以入口，不過外型非常之特別，都可以打返張咭嘅，可能鍾意飲齋啡嘅朋友，會鍾意呢一個比較有特色嘅咖啡。布朗尼蛋糕配雪糕：雲呢拿雪糕溶得非常之快，味道中規中矩，實屬一般的布朗尼蛋糕及雲呢拿雪糕。菠蘿百香果沙冰：有菠蘿味、有百香果味，但係就冇沙冰，以為自己飲緊菠蘿汁，呢個係最失望嘅食物。