清真牛肉館 (打鼓嶺道)

營業中

休息中

真的非常失望，服務員的服務質量非常差，坐了半個鐘等，居然忘了下單。食物質量也很差，羊腩又硬又干，牛肉餅又太鹹。老人小孩吃對身體不好。擔擔麵更是一個差，完全不會做的樣子。老闆娘也是非常串沒禮貌。不會再來了！

朋友提咗好多次，一定要黎試吓九龍城呢間清真牛肉館嘅《牛肉餅》，絕對係必食之選！雖然九龍城美食多籮籮，競爭都幾激烈，但如果講到牛肉餅，呢間一定要必食！我見隔籬枱好多都嗌咗牛肉餅！餐廳都幾多上海嘢食，粗炒同埋酸辣湯一樣頂呱呱！今日終於大飽口福，新鮮煎餅香脆熱辣辣，牛肉香酥嫩滑，一咬落去啲牛肉湯就咇出嚟！見牆上掛滿好多必食大奬，就知係好嘢！抵食又好食，人均都係八十幾蚊！👍😋- 牛肉餅(冇得輸)- 上海粗炒（唔油膩）- 酸辣湯(中size ，超多料)

前排突然心血來潮好想出九龍城😋於是上網搵左呢間清真餐廳 佢係區內好出名架，可能你求其問一個街坊邊到賣牛肉餅 佢地都答到你🤣✏️牛肉餅 $46兩件 佢唔係坊間街邊買既咁凍冰冰 佢上枱時係熱辣焫焫架！咬果陣要小心 入面超多汁瀉出黎😹好好味✏️羊肉小籠包 $50 四隻 其實有牛肉小籠包 但既然都食左牛肉餅，而我同男朋友都鍾意食羊肉既 所以嗌左呢個😋如果你接受到羊肉嘅騷味 呢個絕對要試！又係多汁惹味 要我形容 就好似有隻生羊就你面前咁 味道好騷但好好食！✏️酸辣湯麵 $50 口感好奇怪 好麵粉好淋既麵，然後上面鋪左一堆辣肉醬 成碗食落去都無乜口感😅可能食開真清菜既人會鍾意 但我地就唔太識欣賞同特別建議嗌喇✏️雞絲海蜇 如圖睇 份量都唔算多 食落無乜特別（不過你預左食呢道小食本身道無特別）純粹過下口癮🤣建議大家嗌其他整體黎講 對於人食羊既我地黎講😋呢間餐廳都好岩食💡我地平日6點幾黎無乜人唔洗排隊，但坐坐下陸續多人喇，客源方面都多外國人同香港人🇭🇰總結： 7/10🫰🏻

過到嚟九龍城做嘢，以前一定諗都唔使唸，清真牛肉館就係穩陣嘅選擇，不過今次返去有少少失望，叫咗個咖喱牛腩飯，同埋清真牛肉餅，個咖喱牛腩飯同其他巴基斯坦咖喱相比，真係好失色，咖喱面頭全部都係一層好厚嘅紅油，洋蔥香料就真係食唔到啦。油膩程度滿分，牛腩就真係柴柴地，雖然份量好多，水準以下，失望之作。而個清真牛肉餅只係暖既，想來嗰陣時唔係脹卜卜，而係有少少縮咗嘅感覺，換言之應該係擺咗一段時間，同埋好老實，價錢真係唔平，希望佢哋有改善，重拾以前嘅水準

牛肉餅有很多種，印象很深的是：早年在港島西灣河，聖十字徑，一間小食肆賣的：清真牛肉餅！因為住啲近，經常幫襯外賣，熱騰騰，皮薄餡厚，汁多肉香，家人都鍾意食！但小食肆後來搬走咗，我就再沒食過那種牛肉餅🥲聽說九龍城有間出名的清真牛肉餅！每天食客入雲，要排大隊等位！帶著對以前的回憶和新期望，週六下午茶時間，由港島花個多小時車程，飄洋過海專程來九龍城食呢間 ～清真牛肉館！👇🏿👇🏿👇🏿今日的目標係牛肉餅，而且已經有計劃要打包回去給家人分享！既然食肆有位坐，我哋兩人就試下呢度其他食物：1）牛肚絲麻醬冷拌麵 HKD52.-啲麵有啲似烏冬，碗大量多，算係特色吧！老公order，佢主食，掃清！（佢啲胃係焚化爐，乜都能清😝）2）我order 雪菜牛絲粉絲湯 HKD37.- （小份）好彩order小份！與我以往食啲江南牛肉粉絲湯完全唔同！感覺係冇味嘅雜菜粉絲湯，可惜了大份量，我食淨半碗🤪3）羊肉小籠包 HKD50.-包子皮不錯，但肉餡兒沒有羊味！我更喜歡普通啲小籠包！4）登登登等！清真牛肉餅 來啦：HKD46.-/2個！因為慕名而來，第一run我哋就order了12 個！後又追加了4個！熱騰騰的一碟盛上：好誘

朋友聚會，純粹因為一直人多捧場而試一次。1. 服務係完全冇，淨係叫加茶，都等左10分鐘先有人理。 2. 牛肉餅 好 juicy, 但確實好多油，咬第一口d汁同油漏落碗到，見住個碗咁多油，食完一件已經唔想食第二件。 3. 酸辣湯 太重胡椒味，蓋過原有的味道 4. 宮保雞丁 這個合格，亦係呢餐較好的一個小菜 5. 辣子雞炒年糕 呢個直頭 No good! 露筍超硬，年糕亦炒得唔淋，雞肉重雪味，太失望！總括而言，九龍城那麼多選擇，不一定要選擇此店。試一次便可，不會再來。

［九龍城］排長龍必食爆汁牛肉餅成日見到有人去呢間清真牛肉館打卡 見到爆汁嘅牛肉餅真係超吸引！今次去到大概夜晚7:30 店舖出面已經全部都係人 好彩排左大概半個鐘到就入得 交台都算快！店員姐姐counter前面會有menu 好多人都係係出面睇定自己想食咩 入到去就即刻嗌 而且上菜速度都好快 所以可以即刻醫到肚🤣🥪牛肉餅💰46嗌完來嘅第一個就係期待已久嘅佢！應該係師傅一收到order就即煎 所以上到來係熱辣辣架 我一咬開就即刻爆汁 彈到半張台都係🤣 入面一大舊牛肉餅 有孜然同香蔥嘅味道令牛肉唔寡 好惹味！而牛肉餅嘅外皮都不同凡響 出面煎到脆卜卜 入面反而有糯米嘅口感 咬落口感都特別豐富 唔會越食越寡 真係推薦！！🥟羊肉小籠包💰50一籠小籠包有4件 羊肉好少見所以我地嗌左 可以見到佢個頭都好大一個 咬開個皮都會爆汁！但係個皮唔係一般嘅小籠包皮 而係上海菜個隻糯米燒賣嘅皮 口感特別唔同D～ 羊肉唔會有羶味 都係孜然味kum過左👍🏻🥠高力豆沙💰32食到最尾一定要來個甜品 同上海餐廳一樣呢度都有高力豆沙 呢度一碟係兩個 炸到金黃色嘅高力豆沙唔油膩 入面係豆沙 內餡甜甜地又幾正！不過同一般嘅高力豆沙

住九龍城的人唔會錯過的一間店！又抵食又好味。牛肉餅好快上菜，皮好脆，一咬開慢慢都是肉，一唔小心肉汁就會爆出來。酸辣湯酸辣可口，開胃！牛腩燉得好軟好入味，薯仔好大塊。高力豆沙咬開綿密口感，正！

牛肉餅$46 2件好味指數：10/10呢個每次嚟都一定要食，雖然需時20分鐘，但係即叫即煎，皮薄鬆脆焦香，咬落去每啖都充滿🐮牛肉汁💦，而且仲係熱辣辣，提醒各位朋友小心燙口。😂牛肉湯水餃$43 10隻好味指數：10/10湯底充滿着鮮甜嘅牛肉汁味道，但呢個湯底專登調校到冇牛肉餅🥩嘅汁咁濃烈，配合返水餃🥟嚟食清新一啲。非常欣賞佢個餃子，因為佢可以做到同牛肉餅一樣都係咬落去爆汁💦，而且唔會食到有雪藏味，所以非常推薦。酸辣湯 (中)$63好味指數：3/10非常足料，木耳絲豆腐絲仲有牛肚絲等等，但個人略嫌湯底胡椒粉味重手咗少少🤏🏽，所以帶點辣，所以如果唔係太鍾意胡椒味道，又或者唔食得辣嘅朋友可以留意下。嫩雞煨麵$56好味指數：9/10本身小編唔係咁鍾意食🍜上海麵，依碗真係改變我嘅印象，佢用咗上湯嚟熬製湯底，上海麵完全地掛晒啲汁，再加啲雞肉粒🐔同白菜粒🥬，非常鮮甜。奶油津白$78好味指數：7/10好耐冇食過呢味餸，所以今次專登試吓，正常水準，唔會太重奶油味將津白鮮味奪去，健康之選。

服務態度基本上無，落單無人理。為左牛肉餅而黎，但係除左鹹，真係唔覺得有幾好食，其他d送都係普通水平，牛肉同羊肉全部無驚喜，可能太大希望，唔需要特登搭車過黎食。。。

這間食店是工作的同事推介的，當然首推招牌牛肉餅，結帳才發現2個牛肉餅（$48）+一客清真炒飯竟要$128，對於只是一名打工仔的我實在有點貴，但人已來，餐已點，那就試試味道如何。快步打包回公司品嚐，同事再三叮囑小心牛肉餅爆汁。在我過往進食記憶庫裡好像只有流心包這類包點先有爆汁的附加效果，這個煎牛肉餅都可爆汁如此神奇？可惜期待下總會帶來失望，一打開外賣盒，牛肉餅穿了，肉汁已漏了出來。試一口，外表還保留到香脆，味道正常，香料混入去牛裡，所以每口都有淡淡的香料味，牛肉新鮮，沒有羶味但牛味不太突出，反而是醃料有點重手。另一個價值$80清真炒飯，我期待會有些分別，可惜材料就是一般的牛肉碎，雞肉碎，蛋，加鼓油炒飯而已，還有點油膩感。因為有點不服氣吃不到完整的牛肉餅，所以假日專程再來一次。剛到步時有點被眼前的人潮嚇到，與平日午餐時段有強烈對比。幸好外賣點餐到取得等候時間不算耐。為盡不影響食物質素，我們超快到對面的公園坐下試食。經歷了上次的失望，今次不帶期望竟然驚喜連連。今次是一個完整的牛肉餅，沒有一滴肉汁漏出來。馬上吃一口，一咬下去，肉汁馬上噴出，吃這個牛肉餅不能看輕，要格外小心。這次的牛肉餅仍有餘溫

👣值得科勞指數：🏃🏻‍♂️🏃🏻🏃🏻‍♀️🏃🏻多得同事帶我嚟，先知有間咁正嘅牛肉餅!!!不得了!!!席間同事仲同我解釋左清真食物嘅意義，長知識: )🍽清真牛肉小籠包：好味😋🍽麻油雞：幾滑，正常水準🍽牛肉餅：正到爆汁！嚟呢度唔可以唔叫！🍽回鍋牛肉炒年糕：一般正常水準INSTAGRAM : _FOLLOWME_TASTING📍地點：九龍城打鼓嶺道

講起九龍城餐館，個個都會推薦尼間，唯一缺點就是日日排長龍。咖哩牛腩粉絲煲是招牌菜，牛肉超級入味，夠腍很惹味，粉絲索滿汁，幾顆青菜點綴。高力豆沙是我最愛！含著細砂糖咬開表皮，就感受到驚喜。鬆軟外層包著滿滿的豆沙餡，口感綿密，甜度適中！可以一口氣食兩件！

閒日星期四晚上8點入座，都坐滿左八成人～ 叫咗個咖喱牛腩 炆得好林好入味微辣好岩送飯🙆🏻‍♀️招牌牛肉餅一定要試吓，爆汁熱辣辣❤️餡料超滿足，外皮係煙煙韌韌個種😍如果叫咗個牛肉餅，就唔使叫小籠包la 餡料味道差唔多，留返個胃食其他嘢🤭最後仲叫咗個京燒羊腩，出乎意料嘅口感，煙煙韌韌又有軟骨😍點埋個醬汁冇咁膩🫶🏻亦都冇咩羊羶味❤️推薦大家試吓～呢度唔收加一又冇茶位費🤩比起其他餐廳抵食吖✌🏻

細個同屋企人就成日食架啦，依家就帶女友嚟試下。必食推介就係牛肉餅！我想講，好重份量，一咬落去爆哂汁出嚟。真係著白色衫要小心彈到！佢厚皮，因為要夠厚先可以包實d牛肉汁同牛肉。一個人食2-3嚿都飽哂😎不過無論食幾飽，我都要食埋咖哩牛腩飯！咖哩牛腩飯，佢嘅辣度真係令你又愛又恨，但真係好惹味，碗飯真係一流！我有時會用牛肉餅掂咖哩醬食添！真係好好食！佢牛腩好大嚿好足料，佢咖哩唔係普通用水溝味，係真係用香料整出嚟，有層次！我多數係外賣番屋企食嘅，但就算30小時車程，番到去都仲係好好食！值得推！