渝味曉宇重慶老火鍋 (太子集團中心) (已結業)

第一次lunch食麻辣火鍋😂😂但真係忍唔到口😝😝🍲鴛鴦麻辣鍋佢既麻辣湯底好香，亦都夠麻，算係幾正宗嘅麻辣湯底。湯底同埋份材料都好夾味🥓安格斯肥牛/羊肉卷兩款肉同麻辣湯底都好夾，羊肉卷唔羶，而牛肉肉質幾好，唔係好易爛嗰種。🦪蛙花蚌/鮑魚海鮮都幾爽口，特別係個桂花蚌。而鮑魚我煮得耐左少少..可以跟返佢嘅指引煮應該會好食啲🧆四寶丸一共有四款手打丸，個人最鍾意佢嘅牛肉丸，都幾彈牙，又爽🍜苕粉即係平時既薯粉，麻辣湯底必備～

渝味曉宇算係香港好少有既正宗重慶麻辣火鍋🍲！唔太食到辣既我地就叫左份普通辣既鴛鴦鍋（而加午市有免湯底優惠）湯底好正！又麻又香，個人認為普通辣已經好夠..除此之外佢既豬骨湯底其實都好surprise 到我，甜甜地幾好至於食物方面，價錢唔算平，不過好彩佢既quality搭救返。個人來講最鍾意佢既手打四寶丸，比起一粒粒嘅丸佢更似手打蝦滑、牛肉滑等等，超級彈牙！另外佢既海鮮都唔錯，桂花蚌爽口。每份材料上面都有講要煮幾耐跟住個時間嚟煮就OK～每張枱仲有一個計時器超級體貼！

朋友好想食麻辣火鍋，重慶麻辣火鍋就岩晒，渝味曉宇係麻辣界都相當有名，一於就試佢啦呢度係用app點餐的，叫了個鴛鴦湯底，一邊重慶辣，一邊係大骨滋補，見到好多🌶，刺激紅棗雪耳糖水一坐低店員就遞上一碗紅棗雪耳糖水，糖水不是後上嗎？原來糖水係食重慶辣野前，用來先保護個胃，相當貼心鴨血無我想像中咁入味，口感亦都不夠爽滑，食個陣好黏口功夫萵荀片非常考刀功既切法，師傅勁呀美國安格斯優質肥牛火鍋不可缺少，肥牛肥瘦分明，滾兩滾就食得曉宇嫩牛肉牛肉唔肥但好嫩滑，牛肉味濃郁八頭鮮鮑鮑魚擦我好乾淨，新鮮有咬口手打蝦滑、墨魚滑兩款滑味道都醃得不錯美國桶肥蠔桶蠔夠肥美，但千祈唔好烚得太熟，會縮到唔見左曉宇手打四寶丸蝦丸、墨魚丸、牛肉丸、豬肉貢菜丸，4款丸都真材實料，爽口彈牙曉宇苕粉闊版既薯粉，煙煙韌韌咁，索晒個麻辣湯後非常辣，好刺激整體食物好食同新鮮，但份量較細，所以唔太抵食

早排朋友帶左我黎食呢間重慶火鍋渝味曉宇，初次嘗試，比想像中正好多，絕對值得再黎！我地黎食既時候咁啱做緊午市優惠，有免費湯底～就叫左鴛鴦湯底（普通辣湯+山珍菌湯），辣湯相當惹味，辣度十足，食落認真滋味，而珍菌就清甜可口，兩者配搭雙得益彰，雙重享受。朋友已黎過幾次，係咁推介’‘曉宇必點’‘嘅款式，道道菜都係相當有重慶火鍋特色，有重慶耗兒魚、鮮黃喉、稻田毛肚同埋手打蝦滑，每款都係好新鮮，肉質嫩滑，配合個湯底，真係好好味，真心正！餐牌仲好細心咁建議我地控制煮嘅時間，等我地可以掌握到最好嘅火喉，唔似平時打邊爐都好易過晒火喉，令食物失去鮮味。我地仲叫左曉宇牛肉、黑豚腩肉、鴨血，全部都好新鮮，同時間又係至hit 火鍋食肉者必點，火鍋都唔會少得素菜，我地都叫左功夫莴笋片、海帶頭、凍豆腐，就算配埋辣湯都依然鮮甜清新，叫左咁多野食，我地兩個人都食得好盡！遲下一定又要再encore!

因爲疫情差不多成年冇出街打邊爐，發現原來呢度5點前埋單免鍋底當然即刻去食下過口癮。一坐低就有糖水，入口清甜潤喉，雪耳好滑，可以清清味蕾準備之後ge大餐😋山珍菌拼重慶麻辣鍋一邊是清湯的大骨滋補湯，另一邊是麻辣的重慶普通辣。就算係普通辣都已經有d料到，所以平時唔太食辣ge朋友要有準備！美國安格斯肥牛肥牛厚薄適中，好夠牛味而且好嫩滑。配合麻辣香，認真一流。蔬菜我地叫左粟米,蓮藕,薯仔,全部都好新鮮，特別推介甜粟米，超清甜粟米味。炸豆皮/薯粉 D麻辣火鍋必叫就保持應有水準就唔多講啦👍🏻👍🏻👍🏻

肥妹仔叫咗個鴛鴦麻辣鍋，一場嚟到又點可以唔試吓佢嘅麻辣湯底呢？稻田毛肚即係我哋成日食開嘅牛柏葉，但係因為佢冇用其他化學物質漂過，所以都係天然顏色。食落去比較新鮮，一啲都唔韌，好好食。鴨血，鮮鵝腸打邊爐恩物，兩個都係攞嚟吸湯底食嘅。鴨血好爽口彈牙，鵝腸就非常新鮮，肥瘦適中，滿口鵝油香味。桂花蚌有咁靚嘅湯底點可以唔叫啲海鮮食下呢？肥妹仔叫咗一份桂花蚌，桂花蚌好香脆爽口，就咁焯甘秒鐘就好了。美國安格斯優質肥牛肥瘦適中，油脂分布得好平均，牛味好香濃，輕輕焯10零20秒就已經好好食，入口鮮嫩。大刀豬腰片肥妹仔我好少食豬腰片，今次都係第一次食。佢嘅豬腰一啲都唔騷，原來打邊爐係好爽口，吸埋個湯底好好食。千絲柏葉午餐肉，萵筍條，牛筋丸另外再嗌左一啲比較普通嘅打邊爐配料，雖然係普通，但都好好食，一啲都唔馬虎。

朋友見呢間火鍋店賣好多廣告所以就想試下果日去到成間餐廳都係得兩三枱可能早啦 呢間野係用平板落order既而呢間野唯一嘅優點就係上菜快果頭落單 好快就上枱但除咗呢樣就真係冇其他好處首先！啲野好貴百幾蚊半份牛肉 上到枱得4塊！仲要唔香 唔滑 無牛肉味蟮片$98一份 得6塊半份麻辣牛肉 得3塊！又貴 份量又小都算朋友見食到差不多 8點左右 見佢又開始多返客唸住落多一樣甜品 食完就走跟住咁岩就有個員工走埋黎問會唔會想再加野 因為last order 咁我朋友就話想再加多個甜品句野都未講 個男員工一聽到有野想加即刻好大反應咁話：下？真係加？你仲有10分鐘就要交枱第一你問得個客 last order有冇野想加就預左人地有可能會加野你係唔夠時間俾人加野既話 你就唔好問人仲有無野想加！你唔係期望每個客都唔加野？如果唔夠時間嘅話 你不如直接攞張單嚟叫我哋買單算啦 就唔好係度假民主問我地有冇野想加第二佢係一路講呢句野一路用隻手指敲住隻手錶真係好想問佢呢個咩態度！第三比我地更早黎既枱 都未起身走啦 個個都仲食緊你黎催我地？定見我地後生細個好蝦啲啊？呢位男員工 有少少年紀 唔知職位係高啲定點啦但如果佢咁樣嘅服

上次和妹妹中午食過這間火鍋之後，真係好掛住呢一間野嘅麻辣湯底，今次帶埋爸爸媽媽嚟食，爸爸媽媽都表示很喜歡😊我們叫咗一個二人套餐另外再單點了安格斯牛肉和生蠔同埋魚卜我哋嗌左鴛鴦火鍋一個係麻辣湯底，另一個係蕃茄湯底點知道麻辣湯底實在太好味啦我哋叫左小辣，本人唔係好食得辣但係接受到，蕃茄湯底亦好濃味嘅茄汁味今次係第二次嚟，喜歡食麻辣湯底嘅朋友可以嚟試吓😊

尖沙咀有一間火鍋環境好靚，有落地大玻璃窗，採光度十足，喺呢度打邊爐都好寫意。我哋叫咗一個辣嘅火鍋，唔好睇小佢四川嘅辣到真係好辣㗎，呢度嘅美國安格斯肥牛都幾好食，牛肉味濃，性價比高， 仲叫咗啲蔬菜手工萵筍同皇帝菜，買單$500左右

食物好味，環境比較坐得密，仲要限時，火鍋有限時，食得唔夠開懷。待應服務就好好，值得一讚。食物質素好，有糖水送，不過幾得意，係坐低有，唔係飯後有的。生蠔大大隻又新鮮

武漢肺炎關係,半年都冇出街打邊爐咁濟 .呢間渝味曉宇係中國大陸好出名,係香港都有唔少分店, 見佢5點前埋單免鍋底($39/位)就緊係要去食下過口癮。渝味曉宇重慶老火鍋 (太子集團中心)分店環境舒服乾淨闊落,仲望到小小海景，同囡囡黎食都唔錯一入座,立即送上一碗暖暖雪耳紅棗糖水 滋潤一下。呢度係用QR code點菜的，方便又環保今日叫左好多好多食物,手打墨魚滑,手打蝦滑,八頭鮑魚,桂花 蚌,美國安格斯肥牛,炸豆皮,白鱔片。樣樣都好正,食材夠新鮮。最欣賞這裡食物可以點半份,很適合兩個人來打邊爐,不怕食物太多和可以 嘗試多款食物。湯底叫左鴛鴦湯底：麻痺湯底同蕃茄湯底美國安格斯肥牛火鍋的最佳拍檔放入麻辣湯底裡面,真係好正架。而且牛肉快熟,安格斯牛肉肥瘦分明,越吃越想再叫多碟。手打墨魚滑墨魚滑鮮味,而且彈牙,不會只係一舊粉,而是有粒粒墨魚,有咬口食得出係新鮮材料 打到起晒膠,爽口又彈牙。現炸豆皮一淥就林,不會過厚過硬,有豆香,好味呀八頭鮑一份四隻,，非常新鮮，夠厚肉又夠爽桂花蚌浸30秒就得,爽口彈牙其他就正正常常火鍋店水準,埋單連埋每人$20茶芥,$700幾，tst黎講算抵食

上年有黎過一次，見天氣又凉左又想起呢度😍 就約左朋友黎打邊爐～今次仍然係叫鴛鴦😂 普通辣湯+山珍菌湯辣湯好正！睇落有好多辣椒但我都仲接受到😂近排午市仲做緊湯底免費，好抵！今次encore左唔少上次食過既野！建議大家如果係第一次黎的話，一定要試下”曉宇必點”啲菜式，因為真係好有特色，係香港食火鍋真係好少有得食呢啲。我個人最推介的就係重慶耗兒魚、稻田毛肚、鮮黃喉、手打蝦滑！同上次黎食一樣，非常新鮮同好味😍 可能因為香港人少食呢類火鍋配菜，都唔係太了解要煮幾耐，餐廳好貼心咁會係碟邊插張細牌仔，寫上煮食時間俾客人參考～葷菜方面我地仲叫左曉宇嫩牛肉、黑䐁腩肉、鴨血。素菜就有功夫莴笋片、海帶頭、凍豆腐。認真每樣菜都覺得好好味，我地一共加左三次單😂估唔到兩個人可以食到咁多野！👆🏻耗兒魚、黃喉、嫩牛肉👆🏻手打蝦滑👆🏻毛肚👆🏻曉宇茗粉👆🏻莴笋👆🏻鴨血、冬瓜👆🏻海帶頭👆🏻黑豚腩肉👆🏻凍豆腐真係超正！！等天氣凉啲一定會再黎😍

既然沒有機會去旅行，就來乾脆一個偽重慶之旅吧！那裏最有名就是麻辣火鍋了，馬上出發去吃一次期待已久的重慶老火鍋！大概是因為做完運動的關係，所以一到達已經非常肚子餓了！店員隨即奉上一碗紅棗雪耳糖水，除了可以墊墊肚子之外還有解辣的作用呢！我衝着重慶麻辣而來，本來想點很有名氣的九宮格麻辣，但朋友不太吃辣所以還是點了鴛鴦湯底，另外一邊是滋補大骨鍋，裏面有一條大大的豬筒骨，來不及拍照就比我消滅了！是有多麼的飢餓呀！而重慶麻辣湯底亦沒有令我失望，非常香濃的花椒味道，而且不會過分麻辣，連朋友都大讚！第一次吃重慶火鍋，原來醺醬是自己調和的，分別有蒜蓉、香蔥、香油、醬油和醋，然後用特色的長木筷子邊燙邊吃，好過癮呀！美食上桌了！一定是相機先吃！羊肉片很鮮嫩，燙幾下就可以了！曉宇嫩牛肉真的很嫩滑，濃濃的牛肉鮮味非常推薦！招牌手工肉丸不單止賣相漂亮而且口感也非常彈牙，吃得出的手工！桶蠔很肥美鮮甜，還有溫馨提示要燙多久！這個真的很貼心！店員推薦的「曉宇十大必點菜餚」，我們選了鮮鵝腸，非常爽脆！喜歡吃鵝腸的朋友千萬不要錯過！貴妃蚌和手打蝦滑也很鮮甜！安格斯肥牛片燙幾下就可以了！入口即溶又充滿油香，很好吃！但如果分量

最近有點愛上了吃麻辣，我姐說主打重慶老火鍋的渝味曉宇很不錯，但由於最近在減肥的關係，所以我們訂了午餐時段，感覺上可以多些時間消化，不至於太邪惡的說！這裏的裝修很前衛，感覺光猛又開陽，有點像西餐廳的感覺！相信晚上來的話這裏的景觀也不錯呢！剛坐下店員便奉上清甜的雪耳糖水，非常適合現在乾燥的天氣，點餐方面掃QR code用手機下單就可以了最喜歡它可以點半分的非常適合女生們可以多試幾樣。餐廳也很貼心地提供了圍裙以防辣汁彈到衣服，不說還不知道，原來重慶火鍋的其中一個特色是要用長長的木筷子呢😜湯底我們選了大骨滋補鍋和曉宇麻辣重慶鍋，由於第一次吃麻辣火鍋，開頭還很擔心會很辣，結果是出乎意料之外地有濃濃的花椒香味香但也不會太麻，辣得過癮但不會辛辣！很有驚喜！我們點了羊肉片、曉宇嫩牛肉、招牌手工肉丸、牛骨髓、桶蠔、竹笙、腐皮、皇帝菜，當然少不了「曉宇十大必點菜餚」的鮮鵝腸、貴妃蚌、手打蝦滑和安格斯肥牛片❤️個人覺得所有食物都非常新鮮有水準，特別是曉宇嫩牛肉，口感非常嫩 滑，手打蝦滑亦彈牙鮮甜！羊肉片不會太羶，配合麻辣燙很OK！部份食物例如桶蠔和鵝腸還附有溫馨提示最佳煮食時間呢！兩個人吃得飽飽的才人均300

唔知係咪因為之前堂食無晚市既關係，所以而家都習慣左會早左食飯，其實早食飯都有好多好處，一黎無咁多人，二黎可能會平d，三黎仲可以無咁肥添，所以而家去到5點就會開始好肚餓。今日喺尖沙咀行街行到咁上下時又開始餓餓地，見呢排開始轉涼梗係要打邊爐啦，於是就去左呢間我想試好耐既餐廳，果然無令我失望。首先一定要讚下個環境，其實我有時都好怕去d喺商廈入面既餐廳，因為硬係會覺得環境唔舒服。呢間餐廳環境絕對一百分，乾淨，企理，座位闊落，完全無油煙味，最正係個大落地玻璃，我5點半到啱啱好仲可以睇到個日落，而家光猛得黎帶點柔和，所以食得勁舒服。食物質素當然無得彈，我想食呢間好耐既原因，係因為川菜打邊爐同普通打邊爐唔同既地方，首先湯底既麻辣感覺，唔會只係一味既死辣，係辣得黎帶香既感覺，雖然我最後都係怕辣無叫到佢最出名既九宮格，但係鴛鴦鍋都已經好足夠。其次係食物品種方面，呢一間有好多好特別我又想試既火鍋料，好似重慶耗兒魚，勁滑勁有魚鮮味。叫好絕對要讚既係食物質素勁高，好似蝦滑真係好足料好多蝦，鴨血好滑好入味，桂花蚌勁鮮甜，萵荀好爽口，肥牛更加係無得頂既。呢間渝味曉宇絕對係充滿特色非常值得一試既餐廳。