港久新街

營業中

休息中

約左朋友食飯咁啱見到尖沙咀開咗間新式大排檔~就嚟試下。喺OpenRice book咗位見到有八五折，上到去仲有燒生蠔$10嘅優惠，好抵，個場都大，同埋卡位都好好坐。每人叫左兩隻生蠔之後仲叫咗啲好多小菜, 全部都幾好味。我地叫左蠔餅，炸豬手同炸大腸等等嘅嘢食，食物全部都水準之上，而且嘢飲選擇有涼茶，食咁多炸嘢啱晒。 我最鍾意食個炸豬手，好脆口又夠鹹香，燒生蠔雖然平，但都好好食，食得出唔係用蒜蓉醬而係新鮮蒜蓉，個味好香, $10隻好抵, 必食。最尾埋單人均百幾蚊, 可以encore😂

一間位於尖沙咀的新式大排檔，裝修極具玩味，採用香港最具代表性嘅「霓虹燈」作為元素，裝修融入香港舊式建築文化與時代感設計，打造一個新舊同步空間。餐廳菜式選擇多，更有「懷舊雞蛋焗魚腸」、惹味串燒、生啤等等，一於叫夠半打啤，坐低同朋友慢慢食、慢慢傾！1️⃣懷舊雞蛋焗魚腸 HKD98 呢個菜式係香港已經買少見少，因為工序煩多，已經唔多餐廳會做。蒸蛋焦脆外皮下包住香滑蒸蛋，滲出陣陣魚油香，內臟處理得宜，食落唔會好腥，一啖一口，欣賞！內裡仲有油炸鬼，的確係一種港式情懷！  2️⃣豉蒜蒸大鱔 HKD168 非常新鮮，魚肉彈牙，肉質鮮甜，油香十足，大推！而且份量一啲都唔少，4個人share絕對無問題！豉椒調味剛好，食得出豆豉咸香同時唔會過濃，同條鱔完美配合，推薦！ 3️⃣秘製韭菜豬紅 HKD68 呢個調味非常岩我心水，平時食開嘅豬紅韭菜少不免油淋淋。但睇圖就知佢油份唔算多，但味道一啲都唔差，調味剛好，唔會過咸同時夠味，食落少一份邪惡感同時滿足！推薦！  4️⃣鮮雞肝 HKD28 呢度串燒非常有驚喜！雞肝的確新鮮，甜甜帶泥沙質感，喜歡食內臟嘅朋友唔好錯過！推薦！  5️⃣羊肉串 HKD28 羊肉串食落微微羶香，肉質軟身帶甜

尖沙咀新穎大排檔富有色彩嘅茶檔裝修環境好大 坐得舒服又乾淨企理 各式撚手小菜、鑊氣小炒、潮式滷水打冷、串燒等等應有盡有！避風塘白飯魚 $58好多年冇食過了 對我嚟講係懷舊嘅菜式大條嘅白飯魚啖啖肉 炸得好香口 食到唔停口潮式滷水拼盤 $218有齊鵝肉、鵝掌、五花腩、豬大腸、滷水蛋、豆腐每樣都好食 鍾意鵝肉特別香嫩 秘制滷水汁嘅藥材味濃香 好出色 鹹淡適中花雕醉雞 $88酒香滲透嫩滑雞肉 雞皮有帶水晶 冷盤嘅好選擇港久鑊氣小炒王 $98食大排檔必點嘅菜式 入面有唔少蝦仁、魷魚、叉燒、腰果等等非常夠鑊氣 炒得均勻入味又夠乾身 好好味！

環境優雅，打卡一流食物味道都唔錯懷舊雞蛋焗魚腸 $98餐牌上寫着十大必食，未食過嘅我當然要試吓其實焗魚腸係順德菜，工序繁複，所以都買少見少混合左魚腸同埋雞蛋再加上油條拎去焗食落去味道甘香，幾特別金沙脆皮炸大腸$108炸大腸食得多，有埋鹹蛋黃就真係第一次無論係原味定係鹹蛋黃味都係咁好食原味點佢嘅醬汁令到大腸嘅味道更加昇華更加香👍鹹蛋黃味食落去超級濃郁鹹蛋味，都係脆卜卜，一樣咁滋味👍👍滷水鵝片$128可以選擇雙拼或大拼盤，但當天我哋就淨係要咗鵝片鵝肉好香鵝味又唔會膻，肉質唔韌，而且厚薄適中五花茶$28食嘅嘢都比較上火，飲涼茶就啱晒Hoegaarden(生啤)$78大排檔來講我就覺得一定要啤啤佢，正所謂飲飽食醉先好諗出去😆😆

一進入，環境好有新式冰室果類格局，裝修、枱櫈、燈光都係。餐牌係更加型格有個性，非常突出嘅紅色外皮新開張每位可以點 2 隻烤生蠔另外原來有宵夜時段串燒放題 21 : 00 - 23 : 30，198一位不過不失，食物種類都幾多，以串燒計應該抵食，有機會可以試試烤生蠔 $ 10 / 隻非常大隻，接近手嘅大小，加咗蒜茸、辣椒同蔥，店員有問要唔要辣，佢最後仲提供咗少辣嘅選擇態度好潮式蠔仔餅 $ 98潮式蠔餅好大份，應該有 10" 左右，蠔仔大隻又多，非常好味非常脆魚香肉碎茄子煲 $ 88好快上枱，熱辣辣香氣撲鼻，茄子又淋又入味，肉碎好多，非常好味我地仲叫咗個白飯黎餸茄子，再叫多枝Corona啤啤佢食物高質、環境靚，碟頭大、服務好，下次會再嚟食埋其他菜式

呢間新開嘅餐廳主打大排檔菜有得食炒小菜 潮式打冷滷水 同燒烤裝修幾有心機 而且夠寬敞 坐得幾舒服最緊要嘅係唔似得一般大排檔咁污糟😝✨蝦醬通菜炒鮮魷(💰$128)通菜食落鹹香惹味 而鮮魷就夠爽彈🦑✨秘製沙拉醬燒骨(💰$108)每件炸排骨都沾滿晒啲秘製醬汁 食落香口又開胃🤤有啲食唔停口添🤣✨魚香肉碎茄子煲(💰$88)真係夠晒熱辣辣 食每啖都辣親條脷😂食落鹹香同幾惹味😋但都幾多油一班人share嚟食 感覺會冇咁肥😌✨白飯(💰$10)啲餸夠晒惹味 啱晒用嚟配飯食🍚✨芬達橙汁(💰$12)而家好少見到枝裝汽水 夠晒懷舊😆✨五花茶(💰$28)叫咗杯凍嘅自家製涼茶 味道甘甘甜甜走個陣有張刮刮卡 刮完啲優惠可以下次用而去到6月尾嚟食 埋單會有85折優惠添👍🏼👍🏼

人生第一篇食評就係差評。見好評多，同朋友黎試吓。結果落左單40分鐘有多，一個菜都未上，等到傻左。要催左兩次單先上一串放到凍左嘅串燒。等到餓死，都冇影相就食。隔離枱內地客遲我地 20分鐘入座，馬上上齊8個菜，仲好好招呼，差別待遇？

5 of us for dinner. Seated in a window-facing booth. Could feel a headache coming along with the pinkish lighting and neon menu. Was eager to try the signature 避風塘炒蟹 but was told since we didn’t preorder, there weren’t any for us. Wanted to try the 馬友 also, but were told it’s sold out. Finally settled on the 烏頭. An insect crawled out from under a lemon slice upon taking the photo. Told server abt the insect and it generally appearing too pink (undercooked or cos of the lighting?) and requested a

今日黎到呢間新開既尖沙咀既餐廳品嘗地道既大排檔小菜，位置坐得夠舒服又可以歎有鑊氣既小炒，真係唔錯！✨燒生蠔而家做緊promotion，$10就有一隻！生蠔幾新鮮，又夠大隻，燒到啱啱好，唔會太腍又唔會太爛，好鮮甜好滑嘅口感，而調油就多蒜同牛油，又辣又香口，超抵食！✨鴛鴦剁椒蒸魚頭魚頭足足有兩大個，平時去街市買一個都數十蚊，真係好抵食！魚頭熟得好啱，肉質好嫩滑，外面＋裡面都入哂味。而紅色椒個邊偏辣，味道刺激啲。另一邊就落左味菜，比較咸香惹味。加埋個底下面鋪滿哂粉絲，真係好好食！✨ 避風塘豉椒炒黃沙蜆蜆好新鮮，又夠肉厚，唔會成碟殼。炒得好香辣，有啲微微嘅甜味，再配埋蒜蓉同啲辣椒碎，真係太好食啦！啲蜆肉嘅質感亦都好perfect，唔會好腍又唔會好老，個人特別鍾意佢哋蜆肉入味嘅程度，整體味道好濃郁嘅粒粒豆豉帶咗啲鮮味強嘅蜆肉，真係太過癮啦！✨雞蛋焗魚腸因為工序繁複，好少地方有得食啦，呢度有緊係要試吓。成個餸用左砵仔上，雞蛋做到外脆內嫩，入面既魚腸和魚肝甘香又肥美，同時加左啲薑蔥去僻味，食落一啲都唔會腥，真係好滋味！

📍 Soul Guide in Tsim Sha TsuiChineseFood: 💛💛💛💛🤍Décor: 💛💛💛💛💛Service:💛💛💛💛💛Price Value: 💛💛💛💛💛Price: 💰 $500Favorite:💖 Marinated mix platter ------------------------------✅ Located at Cameron Road, only take 1 minute walk from Tsim Sha Tsui MTR station. Super convenient.✅ The menu offers a wide variety of delicious and mouthwatering food. Incredibly varied menu.✅ Everything is prepared fresh and comes nicely presented.✅ Authentic and excellent✅ Portions are generous and value for money ✅ All fresh in

鹵水拼盤套餐本身想點豆腐，點知無曬唯有換其他野啦鴨肉、豬耳、紅腸味道都唔錯新開張單有八五折係真係好抵河粉係厚身少少ge其實好味😋檸檬茶要自己問佢拎糖漿加不過其他同事食ge餐就有d問題咕嚕肉係暖ge，本身暖ge白飯都係暖⋯⋯菜飯可能即刻用勺子盛饭，就係熱建議有野暖住d送⋯⋯入面冷氣勁d野真係太快凍唔好貪方便出菜啦，咁多個人係廚房⋯⋯都唔明點解要咁最後埋單送的抽抽樂幾得意marketing方面其實做得幾有心思個裝修都適合打卡

星期五經過尖沙咀, 本來食樓上個間, 但係見到新野, 入去試下之後發現.....有驚喜喎開始時叫左D串燒, 都唔錯, 有風味....特別係燒鱔串, 超彈...正.....生蠔超大隻.  收$28想點又叫左焗魚腸, 好味過其他餐廳, 依家要整得好食好難了.  全晚最正, 最有驚喜係牛肋骨.....酥脆肉質多汁....不錯不錯太飽, 下次先試筍殼魚, 同滷味.... 見其他人有叫個樣都唔錯.整體野食好地道, 啱哂香港人口味.  難怪叫港久新街,  好食過排長龍D舖好多.   有心做既餐廳, 下次再食

已經好耐冇去過大排檔嘅餐廳食飯，成日都覺得比較污糟，不過見到呢間新開，裝修又幾靚就嚟試吓。叫咗幾味餸全部都幾唔錯，好驚喜，而且價錢都好抵，發現咗間好店。試咗幾個菜，最鍾意就係十大招牌嘅香酥脆皮牛肋骨同懷舊雞蛋焗魚腸😋😋😋香酥脆皮牛肋骨🍖🍖（食左一半先記得影🥲）菜如其名，真心超級脆口，外脆內軟淋😋本身都驚中間啲肉會有啲乾，但完全唔會之餘仲好有肉香。最驚喜係個汁，帶少少酸味，好得意記得要趁熱食。懷舊雞蛋焗魚腸是香港大排檔都少見的菜色，都係我第一次試😉比想像中更有特色。一啲都唔腥，仲要好鮮甜，下次必叫🙈🙈仲有啲其他菜都唔錯，辣子雞夠香口好好食，燒茄子有蒜香，冇中伏，可以有下次😂埋單有85折，計返好平，同埋有新張優惠，幾抵食👍🏻

「老港味 - 新排場」香港地道美食新店推介!🎉炎炎夏日6月正式開始! 同時間亦都係港久新街 Soul Guide 尖沙咀店開業新開始。由尖沙咀地鐵站B2出口行1分鐘即到，全層佔地5000呎空間感強烈，餐廳店鋪嘅裝修設計參考咗八、九十年代嘅港式大牌檔作為設計主題，天花以及牆身呈現綠色鐵皮、帆布帳篷等昔日“走鬼檔”地道裝潢。場內有霓虹燈燈飾卡位、開放式小菜檔熟食檔、滷水檔及車仔檔等，充滿懷舊氣氛的設計，滿有心思以舒適現代化嘅空間重現舊香港的情懷風格👍🏼食物款式由超過三十年經驗的👨‍🍳主廚主理的主題招牌地道小菜，值得留意有艇家避風塘炒蟹、潮州打冷鹵水拼盤、大廚脆皮鹹豬手、懷舊雞蛋焗魚腸及港式串燒等撚手小菜，即日至6月30日期間，外賣或堂食都有額外85折!言歸正傳~ 今晚小編同埋3條餓友一齊來探店，小食、打冷、串燒、川菜、啤酒樣樣齊哂都咪話唔興奮!🐟懷舊雞蛋焗魚腸 $98推介:⭐️⭐️⭐️⭐️⭐️必點!呢一款係小編最期待力作! 因為而家坊間賣少見少嘅菜款!除左工序繁複之外，還要視乎師傅手工同烹調火候。最面層有炸油炸鬼脆口，中間有焗蛋嘅軟綿，再加埋雞蛋焗魚腸內有多種魚內臟，口感過癮又無腥味，來到呢個氣氛環

朋友說尖沙咀新開了一間具特色的港式少炒大排檔，難得早放工，就一行四人到上述地址午膳。新裝修的地方環境算是窗明几淨，座位舒適。裝修也算特別。食物方面，就是一般大排檔菜式，價錢也和一般大排檔的差不多。看見晚市的菜式相當豐富，希望有機會下次可以來試吓。午市的「碗仔餸套餐」價錢相宜，食物質素好，還有飲品及菜附送，性價比相當高。主食方面有上海菜飯、豬骨濃湯河粉、喇沙湯河粉任君選擇，我們點了滷水拼盤、菠蘿咕嚕肉、梅菜蒸鯇魚和薯仔炆雞翼，份量十足，味道亦佳。午市套餐還要每天供應及附送飲品。真的可以一試！