港嘢茶檔 (已結業)

晚市禁令前席嘅下午茶雖然地方細，但坐落又幾舒服😌係九龍城一間幾有特色嘅茶記😋裝修幾懷舊，有打卡位🤩食物方面一定要試下厚切餐肉蛋治😍樓面哥哥極力推薦，點知真係好好食😍色香味呀😍常餐個麵都Ok嘅，不過出奇地足料！😋好過出面啲好多，啖啖肉！🤩呢個紅豆西多又係唔試唔得，好多紅豆，不過唔中意甜嘅可能唔啱食！美中不足係食到最尾個包就散散地😟總結就係，一定會再回頭黎食嘢！🤩仲有好多都未食，但伙記又推薦！飽到食唔到唯有下次再黎🤪

上星期做完運動搵嘢食，心血來潮想食西多士，朋友就介紹食呢間係九龍城嘅港嘢茶鐺。嚟到店外面，見到佢嘅裝修都非常特別，很有懷舊風格。加上見到他的餐牌，就決定入去試吓。餐廳雖然位置不多，但是等候時間也不算耐。係門口等位嘅時候我哋已經決定咗食咩，入到去好快落單。食物亦很快到，啲嘢食嚟到都好香，尤其是係一口西多士。除了西多士外，我們還叫了鹹牛肉三文治和餐蛋三文治，還有炸燒賣和炸雞髀。首先一口西多士，看似非常迷你的size，但是分量十足，把他們吃完也感到飽肚感。西多士外皮既是香脆可口內心軟熟。至於鹹牛肉三文治和餐蛋三文治，三文治烘得外脆內軟，而且他的餡料非常豐富。另外我們叫咗一個炸燒賣和炸雞髀餐，這個炸燒賣很香，炸的時間感覺剛剛好，不會太乾身，而且很脆口。反而炸雞髀就比較失望，我期待係大雞髀，點知佢幾細隻😿

落咗風球去咗九龍城探朋友BB，順便梗係去九龍城食嘢，唔係對唔住自己，皆因九龍城多嘢食係人都知落雨濕濕又好肚餓，行吓行吓去咗一間裝修懷舊嘅港式茶餐廳就入咗去裏面裝修有好多舊式嘅燈牌而且每一個都有格位方便而家有疫情食飯講吓啲嘢食我叫咗一個沙嗲牛肉出前一丁個餐包塊多士仲有黑松露蛋加茄汁豆個黑松露蛋同多士加野飲，（$56）熱辣辣都好好味，黑松露啲味都好出而依個沙嗲牛公仔麵都好足了料。而且呢度食嘢醫護係有七折, 各位醫謢界可以幫襯下

一開始坐低不久，餐牌都未睇晒，就已經被夥計催要下單...... 茶餐廳服務......不過常餐是抵食的，$56，又有黑松露炒蛋，出前一丁不用加錢，凍飲熱飲也不用加錢分量味道正正常常食得飽而且裝修有港式茶樓風格，不過就坐得好迫囉你知道的

今日諗住支持下一間支持醫護的茶記，見到出面咁多人，應該ok! 叫了三個下午茶餐作外賣，半個鐘後終於到我.....下午茶，吾係多士就係雞翼，多士一早話你知整好，但另一多士及雞翼未得，待半個鐘的多士，回家後，味道如何你話。

呢到D早餐款款都幾吸引起碼湯底有蕃茄濃湯磨菇湯忌廉雞湯我就叫手打磨菇火腿通粉我覺得好味呀佢個味就似金寶果隻磨菇湯味不過係好食既加上厚厚的火腿條份量都唔算少正呀配蒜蓉多士，蒜蓉味唔重不過都OK啦

Lunchtime又係時候跟同事認識下九龍城今次佢哋帶咗我去呢間港嘢茶檔(原本以為佢個名叫茶檔)餐廳擺設好有香港特色Menu 唔算長，一頁係八個常餐另一頁係碟頭返常餐A-G係唔同麵食配蒜蓉多士條，黑松露炒蛋同茄汁豆。我就叫返最常見既沙嗲牛出前一丁($56)。味道ok都幾滿足的一餐，因份量都足。炒蛋有黑松露即刻覺得high class 咗😂😂不過實際上松露味不太重，蛋都算滑。蒜蓉多士都烘得脆，蒜蓉味都足。茄汁豆就好凍，所以我都無咩食佢。宜家常餐愈黎愈貴，56唔算平，不過都算正常既。離公司唔遠，間唔中都會食下

有沒有跟我一樣，喜歡吃港式早餐？我會四處試港式早餐/常餐的人。港嘢茶檔打著懷舊香港的旗號，經過幾次都看到要等位，今次決定等一下試一試。早餐奶茶苦、老，好失望。沙嗲牛通味道一般。沙嗲唔得喎。蕃茄通像茄膏罐頭開的湯，失望。炒蛋有看過我其他食評的都知，個人喜好係討厭未熟的炒蛋。未熟的炒蛋當作炒得滑，no way。外表係幾靚嘅，不過一切開就失望 。因為中間根本未熟😑，生蛋汁很多 。或許當天是餐廳休業前一天，有點失水準吧？其實餐廳裝修ok的，如果食物改進一下就更好。

一開始的野幾好食都幾多人食 。今日去食個lunch 的手撕雞好難食味道差價錢又貴 ， 個的服務態度又差 . 個女老闆趕客咁既樣係咁坐係到爆曬粗口咁 唔知想點！！！以後都唔會再食！！

經過呢度見到餐牌上面啲餐單, 搞到我都唔知食乜好, 樣樣都好想食, 真係好難揀, 不過最終我叫咗個滑蛋蝦仁叉燒飯, 【滑蛋蝦仁叉燒飯 ($60)】佢個蛋真係炒得好滑, 蝦仁又好爽, 可惜啲飯差左啲

我係被佢咁特別咁港式既裝修吸引左入黎呢到裝修好似70年代香港咁好靚 而且食物好多元化椒鹽燒賣因為一見到已經好想食，雖然價錢貴d, $28先得幾粒！但佢真係炸得好食，好多淮鹽好正！好惹味！叉燒滑蛋飯滑蛋真心勁滑！仲有蛋汁係到，係我最鐘意食既質感！加埋叉燒一定係絕配！叉燒雖然唔算好驚艷，但兩者配埋一齊食真係好出色！不過略嫌小份左一點，定係我大食？肉餅三重奏即係煎肉餅配飯！落單時職員已話要等，唔緊要，因為真係好想食！果然都無失望，肉餅夠咸香，又煎得脆！好惹味，想食完一塊再一塊！仲要配埋飯煎蛋真心無得輸餐牌

呢間位於九龍城既茶檔，sell懷舊主題，裝修夠特別，好多食物都好岀名，今次好簡單點了2份滑蛋厚多士，滑蛋鹹牛肉多士和餐肉滑蛋多士，多士上搽左蒜蓉，非常香口，滑蛋真的非常滑而且很厚身，非常有口感，滑蛋中加了點蔥花，如不愛吃蔥者，記得落單時走蔥喔！另外我知道菠蘿油牛角酥，手剁肉餅，爽口豬潤麵，蛋白香煎西多，都係呢家店既岀名食物，下次一定會再試

以懷舊concept 開既港式茶餐廳，當然好多野都去唔返以前，不過偶爾懷緬下都ok 既。之前未試過響呢度食早餐今次經過就入去試吓啦，見佢個餐蛋治好似好重份量咁！😋兩個人每人叫一個餐！我就叫咗厚切餐蛋多士最吸引我嘅地方就係佢個多士係蒜蓉牛油多士嚟㗎，平時出面買三文治轉多士要加錢不特止啦，呢度仲要有埋蒜蓉牛油。死未 🤪蒜蓉牛油大家都知道香到不得之了㗎啦，我係一個超級多士迷 ，所以呢個早餐更加之加分，仲要加埋佢有份量嘅餐肉同煎蛋，食完都飽咗一大半。男朋友叫嘅就係沙嗲牛肉麵餐，都係果句啦⋯⋯多士用蒜蓉牛油做當堂好食左好多👍🏻沙嗲牛肉麵真係好耐冇食過，質素其實真係可以好參差，要做到好好食嘅沙嗲有一定嘅難度，呢度就中規中矩啦！

常餐A (茶檔豬潤出前一丁+蒜蓉多士條+黑松露溶岩滑蛋+瑞士黃豆) 🍞 ($58)豬潤比較薄身🐷 食落算爽口亦沒有渣😋 質素不俗😏 多士條烘得不夠脆🤔 炒滑蛋幾滑🥚 但黑松露味不重😅 #滑嘟嘟叉燒蝦仁炒蛋飯 🍚 ($60)叉燒份量不多😆 但蝦仁更少🤔 基本上只食到兩粒🙄 炒蛋算滑🍳 叉燒帶半肥瘦👍🏻 不會好韌👌🏻 但醬汁不夠😳 整體普普通通😆#eforeat_kowlooncity

啊！真是美味呀！真係想吃多一口呀！剛剛送來的時候，已急不及待想吃一口，美味的意粉在口中不斷翻身，突然間加上一味長長的叉燒，絕配！加上清湯，把濃味加上淡味，味道剛剛好！加上甜甜的凍檸水，過癮！