港滙軒

營業中

休息中

今日放假，和老公去了尖沙咀I Square 飲茶，酒樓有無敵海景，感覺開揚又舒適。茶🍵有好幾款特色茶，例如人參烏龍、荔枝紅茶和小青桔等，選擇了令人回甘的人參烏龍。咸水角部分點心很有噱頭，整成水果的模樣。咸水角整成啤梨形，十分吸引，外脆內軟，餡料十足。包點 流沙奶皇包金黃色，餡料少少流心。玫瑰饅頭🌹粉紅色，很鬆軟。點心鮮蝦菜苗餃蝦肉爽口，菜苗嫩滑。而蝦餃皇的蝦肉一樣爽彈，外皮晶瑩剔透。雞扎雞扎用鮮淮山包住，有肥美的冬菇，粉甜的芋頭，主角雞肉和爽口魚肚。

  朋友約飲茶，地點在 I square 24樓"港匯軒"港鐵站出直達非常方便！酒樓新張不久環境寬敞開揚，落地玻璃牆引入維港景色令人心曠神怡！我也大讚朋友真會找地方坐落很舒服！茶具器皿清雅還有燭燈暖着茶服務夠窩心！細看餐牌除了精美小菜和點心還有潮州點心，地道小食……等。多項家庭，朋友，商務聚會套餐和午市優惠套餐等等。價格合理，以這地段和環境來衡量價格 也算相當貼地！特) 港匯蝦餃皇 $ 45粒粒晶瑩透亮！一般正常大小，皮溥富彈性蝦肉爽口彈牙十分新鮮美味！堂弄過橋龍躉日式稻庭烏冬  $ 86 / 位賞相 矜貴！雖然未見堂弄，但一樣是滾燙燙的！三大片龍躉肉非常吸睛！奶白色湯底濃濃鮮甜無比！魚肉嫩滑皮層膠膠的甘香肥美！烏冬煙煙韌韌口感順滑，很滋味！荔茸蜂巢芋角 3件 / $ 39蜂巢外層末算十分鬆，但荔茸非常香滑饀料豐富味道調得滋味。原粒瑤柱魚翅灌湯餃 $ 58湯底 清澈而鮮濃，原隻餃子造型漂亮。真的有翅和瑤柱。足料！蓮子百合紅豆沙  $ 28蓮子百合鬆化，紅豆沙濃稠適中甜度也恰到好處。吃過甜品望着靚景，回味着點心的味道再繼續茗茶 閒聊多一陣！很好的茗茶地方感覺寫意！

今日去尖沙咀isquare食中菜，港滙軒，餐廳位於尖沙咀中心地帶，地鐵站上蓋，位置十分方便。餐廳裝修企理，配上維港怡人的海景，食物立即額外增加一份美味。餐廳座位非常舒適，枱與枱之間距離感十足，私隱度非常高。-清炒菜遠今次點了菜心，廚師好有心思把菜的莖部去除，只剩下菜心最幼嫩的部分去烹調，有時候，最簡單的菜式最能見到廚師的功架，清炒菜遠火候控制非常準確，有鑊氣之餘又沒有炒得過老，十分出色。-蜜汁叉燒皇叉燒新鮮燒製，口感層次豐富，肥瘦適中，加上蜜汁啖啖甘香，外皮閃著蜜汁的亮澤，微燶的位置散發著炭火香氣，咬下去肉味香濃，伴隨陣陣甘香。-鳳梨咕嚕肉今晚驚喜之作，咕嚕肉炸得夠脆，大小適中，方便一口進食，一口咕嚕一塊肉，每一舊咕嚕肉都帶有少許肥肉，油炸後味道更為豐富，加上菠蘿及靈魂甜酸汁，酸甜酸甜，越食越開胃。-八味脆豆腐一向鐘情豆腐及豆腐制品，因為其蛋白質含量豐富，八味脆豆腐處理得外酥內嫩，薄薄的一層麵包糠為豆腐帶來酥香口感，內層仍然非常軟滑，加上適量炸蒜蓉及味椒鹽，惹味非常。-評分 : 6.5/10

識飲識食朋友指引這間開業剛滿月的潮粤菜食店，位處甲级商埸直通地鐵站，全層樓面兩邊落地玻璃窗，維港海景一覽無遺👏餐前小食:自家製黑醋醬蘿蔔，足本之作，酸酸甘甘😋新張贈送:鴻運金豬一份，乳豬皮脆肉嫩，帶層油脂入口溶化，香滑爽感覺出現😋點了三個冶味小菜:咕嚕明蝦球紅酒燴牛尾xo醬西蘭花炒帶子咕嚕明蝦球，賣相一流，新 鮮菠蘿伴碟，大蝦球芡汁有拔絲效果，入口爽脆， 咕嚕酸甜味恰當，見厨師功力😋紅酒燴牛尾，酒香而不烈，牛尾炆腍到仍有咬感，入口味濃又需嚼勁，水準之作😋xo醬西蘭花炒帶子，香爆而帶微辣，西蘭花鲜嫩，帶子質感勁高，好有口感咬落仍有韌度😋附送甜品: 傳統黑芝麻卷，香甜滑溜，正好平衡餸菜的味道👏

家人訂座星期六晚七點半 入座時全場爆滿，以為差極有限。起初送了一碟乳豬，都脆皮的。之後上套餐第一道菜色，燒味拼盤，分開逐個人上菜的。味道中規中矩，卻想不到已經係全日表現最出色的一碟。。。可能當日人手不足，我等等等等等足一小時等到八點半先等到第二道雞煲翅。當時仲要隔幾分鐘先上到一個人的砂煲，前前後後等齊又花了十分鐘。第一碗砂煲都等到凍哂。之後上呢道蝦，龍蝦湯+有炸過但放湯上的小虎蝦一隻，味道可以的。之後就直接上瑤柱蛋白炒飯，Skip了一道飽魚直接上炒飯整個傻眼炒飯炒得乾身的，但懷疑廚師無落鹽，啖而無味到要用返上一道菜的蝦湯來餸飯然後期待了一晚的鮑魚，上碟的狀況就係咁樣，頽態十足鮑魚切片上其實唔緊要，可惜係唔好食的。黑松露味失蹤都算啦，碟野仲要有點凍的食完鮑魚本來都以為自己唔好彩，廚師失準啫。但接下來呢道就真係令我要上來比負評。一山還有一山高，一碟還有一碟低。頹菜之王歸佢莫屬！分菜都費事 直接一整盤上。將蕃茄 淮山 絲瓜 切粒 ，煲埋一碟就係「濃湯粒粒三寶蔬😸」只能說夠哂住家菜 很有親切感。食埋個好普通的甜品，呢個套餐就完喇。呢個套餐$338一位值唔值就見仁見智啦隔離枱啲餸都無咁差 可能係

早幾日同阿媽嘆茶搵咗間位於I square 樓上嘅中菜廳環境好靚 可以飽覽維港景色 感受陽光與海好鬼正！🔸潮式胡椒豬肚（$78）豬肚新鮮唔韌、鹹菜好夠味，仲有中芹、木耳等蔬菜，個湯辛辣味濃，秋涼嘅早上飲返配真在舒暢。🔸香煎韭菜粿（$33）好鍾意食韭菜煎餅，所以叫嚟試吓，外皮煎得香脆，中間有新鮮韭菜、冬菇粒，好香口。🔸夢幻山竹（$48）愛情係紫薯糯米皮，類似鹹水角嘅外層，煙煙韌韌，頂頭係朱古力餅乾條，中間係粟米忌廉湯、蝦粒，甜甜地，幾好味。🔸鮮蝦菜苗餃（$39）餃皮晶瑩剔透，內餡嘅新鮮蝦仁好爽彈，菜苗鮮嫩，唔錯。🔸蠔皇鮮竹卷（$33）腐皮卷又厚又滑，包裹住啲蔬菜、豬肉餡，口感好豐富，好食。🔸特色鮮蝦春卷（$39）炸到脆卜卜，好香口，有好多蝦仁，好足料。.🔸茶位 （$15）

提前預約座位 接聽的前台服務員語氣…..難得一家人來食晚飯，豪邁點了套餐$1388片皮鴨龍躉套餐 供六人用，還送了一份乳豬。套餐的大部分餸菜也是按人頭分配，一人一件不用爭位處24樓高層和配合大玻璃窗設計，非常合適欣賞夜晚景色。（可惜窗邊的枱已被人預留）當晚還順便觀賞幻彩詠香江燈光表演。美中不足是套餐每道餸菜也非常重味/喊，要飲水中和味道。

中菜館在 I Square 高層，佈置華麗， 舒適寬敞，空間感十足， 比一般中菜館寧靜， 透過落地玻璃 ，可以欣賞維多利亞無敵海景，令人食慾大增。龍蝦湯西施泡飯/例牌 $198西施泡飯， 泛著金黃的龍蝦湯底， 香氣十足， 泡飯材料十分豐富， 有彈牙蝦肉、 鮮甜的圓潤新鮮元貝 及瓜粒， 每口米飯吸收了鮮味的湯汁，入口鮮甜美味， 讓人食指大動。秘製王子鴿 $68/隻即叫即製的王子鴿， 熱呼呼，香噴噴， 乳鴿皮烤至油光亮麗， 外脆內軟， 鴿肉軟嫩及充滿肉汁， 十分入味， 不需要沾上任何醬汁， 已經令人津津回味。鳳梨咕嚕肉 $168咕嚕肉是經典中菜佳餚，男女老幼都喜歡它， 咕嚕肉用雕空的菠蘿 盛上， 賣相精緻， 入口酥脆，充滿鑊氣，每件肉都掛上酸酸甜甜的醬汁， 加上新鮮蜜甜的菠蘿片伴碟， 令人胃口大開。新張敬送：鴻運金豬一份 即叫即製脆皮金豬， 絕不馬虎， 大口咬下去，發出“吱嚓”聲， 香脆可口，脆皮下有一層薄薄的肥膏， 口感似啫喱般滑溜， 下層是軟嫩的豬肉，充滿肉汁， 沾上甜甜的醬汁或砂糖， 用跟配的包皮捲起一齊吃 ， 另有一番風味。

朋友約飯聚，找到一處開張不久，而地點便利的地方。食肆大堂以長方形開揚的設計，另有廂房，用作婚宴或大宴親朋，應是一個不錯的地方。職員安排我們坐在窗邊，妙極了 落地大玻璃可欣賞環境優美的維港景致。枱與枱的間距寬敞，坐得舒適。看看菜單，選擇也不少，頗合胃口。茶壼以蠟燭保温台保温，確保茶不會放涼。❣️ 前菜醬蘿蔔條醃透心，完全入味。酸甜爽口，非常醒胃的前菜。❣️ 鴻運乳豬新張晚市送鴻運乳豬，按同行人數計算，二至四位送一份；五至八位送兩份；九位以上送三份。我們二人就可免費享用一份，真的感到欣喜萬分。乳豬皮脆肉嫩，帶燒烤肉香，芝麻皮十分酥脆，色澤均勻，連着比例均勻的脂肪和肉，肉質鬆化甘香，鹹香惹味。適隨尊便的沾上純厚乳豬甜醬或白砂糖，吃起來更滋味，並不感油膩。❣️ 黑松露滑蛋蝦仁 $148蛋炒得金黃色，火喉控制得宜，蛋炒得不會過熟，炒得香口及嫩滑。大大只的蝦仁爽口彈牙。黑松露味道更均勻滲入蛋漿之中，為炒蛋帶來黑松露獨特的香氣。黑松露和炒蛋真不愧是絕配。❣️ 咕嚕明蝦球 $168咕嚕明蝦球色彩亮麗。粉醬薄，剛好包裹着內裏爽口的大蝦球。甜甜酸酸的味道令人開胃，入口酸甜爽滑。伴隨的新鮮菠蘿，汁多味甜，美味不澀。

海鮮一般新鮮 D嘢麻麻哋好食 貴價都係買個海景睇除咗環境新裝修 嘢食質素非常一般 影張相都OK 但服務質素同食品好味程度好一般 最少80個字其實想反映既問題已經寫晒終於到數。

星期一至五急促的生活,來到了假期一於好好享受人生,觀賞一下美麗的維港景色,最好不過就是來到了這間在商場內的酒樓,一路品嚐美點一路觀賞.餐廳是新裝修的環境十分明亮襯托着維港的景色簡直是人生一大樂事，若果開返關之後有朋友來到一定會帶來觀賞景色，又有冷氣嘆，又有好嘢食.每一張枱也有一個小火爐，正所謂水滾茶靚，這一點真是值得俾個讚.所有點心也是即叫即整的因此熱度十足，這個原籠的馬拉糕十分之吸引，加上廚師控制的軟硬度得宜，麵粉也膨脹得十分之好，充滿了彈性水準十足.蟹子燒賣用料新鮮豬肉肥瘦適中，並沒有油膩的感覺.菜苗餃的外皮十分之建銀又有爽口彈牙的蝦肉.最後這個炒米粉十分之驚喜鑊氣十足，米粉也十分之細滑推介之選.

知道尖沙咀國際廣場新開了一間酒樓「港滙軒」今日就同媽咪去試下，入到酒樓環境寬敞裝修很華麗，而且仲有無敵海景可以欣賞🥰餐紙上除了點心還有多款小食選擇。原粒瑤柱魚翅灌湯餃灌湯餃材料豐富，有鮮甜爽脆嘅蝦肉，鬆軟嘅豬肉，仲有原粒瑤柱，所以令到湯底鮮甜十足。鮮蝦菜苗餃熱辣辣蒸起，皮好薄見到餡料，豆苗嫩嫩綠綠好爽甜，鮮蝦亦都好爽脆。蜜汁叉燒包叉燒包好鬆軟，叉燒肥瘦適中，甜甜地好好食。荷葉珍珠雞打開荷葉香噴噴的糯米味好吸引，糯米煙煙韌韌，雞肉亦都好嫩滑。蠔皇鮮竹卷最鍾意佢哋嘅醬汁唔會太杰，調味適中，腐竹及入醬汁好入味好好食😋養顏棗皇糕每一件都晶凝通透很好味，甜到剛剛好，又夠鬆軟。

今日去了尖沙咀一間9月才開業的中式酒樓，因位於24樓，所以看到維港的景色。一入內，已看到酒樓的一邊全是落地玻璃窗，可望到美麗的海景，又因樓頂高，所以很有空間感，感覺舒服。這裡裝修時尚清雅，座位闊落，不停播著柔和的音樂，與傳統的酒樓很不相同。我們中午以食點心為主，點了-蝦餃皇 蝦餃皮薄，蝦肉鮮甜彈牙。-鮮蝦菜苗餃菜苗餃晶瑩通透，菜苗清新和鮮蝦很夾。鴛鴦蝴蝶酥傳統的蘿蔔絲酥改了蝴蝶型，很吸晴，打卡一流。表面多層的酥皮炸得很鬆脆，內裏蘿蔔絲淋軟，味道一流。石鍋xo醬煎腸粉XO醬很多，掛滿在腸粉上，很惹味，用石鍋盛載腸粉，可保持熱度。金箔芝麻糕很濃郁的芝麻味，放了些金箔點綴，提升了名貴感。

今日同屋企人去尖沙咀Isquare行街，佢地午餐想飲茶，  isquare開咗間新茶樓，  佔全層非常大間， 又望到尖沙咀海景！ 香煎韭菜粿 3件（中)韭菜粿個皮夠薄， 入面係爆餡嘅韭菜， 味道非常濃郁， 煎得好香口！ 啤梨咸水角3件 (中) 外型好特別係綠色嘅啤梨嘅形狀, 有別於平時嘅鹹水角！ 個莖係用朱古力餅乾條做嘅,入面嘅料係肉碎, 不會太鹹！好吸引😀夢幻山竹3件 $48做成山竹嘅樣非常特別,超可愛！ 外脆內軟，入面係粟米濃湯， 好有特色！豚豚脆皮餐包 3件 $48豚肉餐包係黑色嘅, 賣相好吸引！ 外皮非常脆口！ 入面嘅豚肉好juicy嫩滑, 好值得食！特色鮮蝦春卷 (大)炸到剛剛好不會太油膩, 入面嘅蝦都很大有鮮味🥰蠔皇鮮竹卷 3件（中）軟硬適中, 內裏的餡料好豐富, 熱辣辣很有口感😀蔥油糯米卷4件 (中) 糯米卷嘅糯米好軟糯, 蔥油味十足, 一籠有四件好抵食！🤩 星期一至五至下午兩點係午市小點$28 中點$33 大點$39 特點$45食物質素不錯, 員工也很友善, 豐富的一餐！

即興與家人晚飯，知道isquare有間新開等港匯軒，有開揚海景、馬上即日訂位，一行6人，去到說剛有客人取消了訂座，我們幸運地坐到窗邊位，未食已感覺良好，我們點了龍蝦，龍躉兩食，片皮鴨，上湯浸時菜及燉湯，全部都有水準，我們已決定會再來試吓飲茶，同時也見到一些套餐價錢也合理可以再來晚飯。唯一挑剔的是我們在問時菜是什麼的時候只回答是時令菜，我們說老人家吃不了硬的菜，他說可以按我們要求更改，問有沒有莧菜又話沒有，何不問一下廚房究竟有什麼選擇呢，有很多食肆也能做到的。