湄南.河泰式船麵 (已結業)

🐔🐷泰北海南雞拼豬頸肉飯 $80🥤凍泰式奶茶 +$5海南雞滑溜，個醬汁酸甜開胃，炭燒豬頸肉好爽口，自家製奶茶好特別，有泰國當地嘅風味晚市套餐加配小食係‘無限追加’!🦐泰式蝦餅（兩件）+$10 🐟泰式魚餅(兩件) +$10🥬青木瓜沙律 +$10🐔泰式雞中翼兩隻 +$10全部都炸到卜卜脆，無限追加，真係抵食到喊傳統細船麵$56🐷泰式豬頸肉船湯米粉 +$5船湯有濃郁嘅九層塔香味，豬頸肉爽口彈牙，米粉好嗦湯🦆鴨血麻辣河粉麻辣湯底鮮香過癮，河粉唔會一夾就斷泰式豬肉丸冬陰功金邊粉 +$3冬陰功湯10分適合夏天飲用，酸辣好開胃，泰式豬肉丸有豬肉味，好彈牙🍋青檸梳打+$8解辣清爽#MAENAM #湄南 #細船麵 #泰式船麵 #boatnoodle #tsuenwan #kolourmallHK #荃灣美食 #荃灣食乜好 #荃灣好去處 #荃灣搵食 #荃灣友 #荃灣千色匯 #綠楊坊 #荃新天地網址: https://s.openrice.com/QrbS0Pk4B00~uMmvYAw地址: 荃灣眾安街68號千色匯1期2樓2031號鋪

平日放工 想食泰國野 揀左呢間裝修簡約 環境舒適用barcode落單 方面快捷上菜速度快 侍應服務周到🍜傳統細船麵(3碗)$ 56(第1碗) 米粉 清湯 泰式魚蛋(第2碗) 金邊粉 船湯 泰式扎肉(第3碗) 河粉 冬蔭功湯(+$3/碗) 泰式豬肉丸叫一set可以試晒幾款湯底、餸 同 粉一次過滿足晒3個願望推薦清湯同冬蔭功湯落單可以揀走埋芽菜或者其他配菜🐔🍜正宗泰式海南雞叻沙摻摻$ 68海南雞幾大份 雞味幾濃 雞皮滑 雞肉嫰叻沙摻摻 偏多米粉 少量油面 岩晒我配菜有幾粒豆卜 半隻蛋 蘿蔔🐔串串沙嗲雞肉 (半打)$ 78沙嗲醬同燒雞肉分開上 隨自己鐘意點追加左2款小食🥢🥢泰式春卷（2件）$ 22脆口足料 配埋甜酸醬 幾開胃泰式炸魚餅（2件）$ 22🧃罐裝泰國椰子水$ 12冰涼解暑

對上一次食泰國嘢，已經係幾個月前，今日行過心思思想食泰國野就同另一半入左去食，呢間餐廳朋友講過船麵唔錯，所以今日我哋都叫咗個和麵黎試下，呢到都有晚市套餐，仲有可追加小食湄南大船麵食物賣相唔錯，都有唔少料，有牛肉，牛丸，豬肉丸，魚蛋，鴨血等，湯底都好夠味，有泰式既香料味，金邊粉嗦左唔少湯，所以幾好味海南雞拼豬頸肉飯海南雞夠滑又有雞味，豬頸肉外皮燒得香脆，內裏有肉汁，呢兩個餸係幾高質，如果個飯可以轉埋油飯就仲正春卷 & 蝦餅如果叫晚市套餐，可以加$10要一個小食兩款小食都係新鮮炸起，熱辣辣脆卜卜，我比較鍾意蝦餅，有蝦味又彈牙沙嗲雞肉串燒雞肉串做得唔錯，雞肉嫩滑，外皮香口，加上惹味嘅沙嗲汁，點完味道好好多青檸梳打 & 凍檸茶夏天飲青檸梳打真係好解渴，但我比較鍾意凍檸茶，因為茶底可能用咗泰式奶茶嘅茶底🤔🤔所以茶味比較特別同香

今日同朋友行過荃灣千色匯見到呢間主打泰式正宗船麵嘅小店，$54就有三碗細船麵，諗起都好耐冇去泰國，於是同朋友入去試吓。船麵係源自於泰國水上生活，為咗防止喺船隻上食面會倒瀉，所以每碗麵份量都係兩三口，其實都好啱胃口細但又咩都想試既人。餐廳座位寬敞，裝修以黃綠色為主的，感覺小清新。我同朋友點左六碗細船麵，可以一次過試晒。🤍船麵嘅組合可以自己選擇，🥣有四個唔同口味嘅湯底，有招牌船湯、清湯、麻辣湯及冬陰功湯。🍜麵底有河粉、米粉、金邊粉可以選擇。🥗而配料方面有七款選擇，有泰式魚蛋、豬頸肉等等，全部都可以自己配搭👍🏻特別推薦招牌船湯因為加入咗豬血熬製，顏色呈深啡色，味濃而不咸，都幾鮮甜，同泰國食嘅船麵味道好相似👍🏻冬陰功湯底都好惹味，酸辣嘅味道好開胃，味道都幾正宗，湯底有唔少菇類，味道濃郁。小食方面，我哋叫咗泰式酸辣鳳爪同埋炸蝦餅。如果大家點佢哋嘅晚市套餐，小食係無限追加👍🏻👍🏻 泰式酸辣鳳爪份量都唔少，鳳爪無骨，口感爽脆，味道酸酸辣辣，作為開胃菜一流。炸蝦餅，蝦肉彈牙不油膩，細細件可以一口食哂。泰式生菜包肉碎有少少麻辣味，爽脆嘅生菜包肉碎即是減低左油膩感，而且份量都好多，啱晒兩個人share食。

荃灣出名多野食，Happy Friday, 同細妹去咗千色匯食泰式船麵，食物款式都幾多56蚊三款細船麵其中56 蚊三款細船麵，細細碗，好得意。細船麵可以任選湯底同配料，我哋每人點了三款細船麵，可以一次過試到三款泰式傳統細船麵。湯底我哋每人都試咗清湯、船湯、冬陰功湯底。我自己就最鍾意冬陰功湯底，我細妹就最鍾意船湯。配料方面，每碗細船麵我哋都選了不同配料，試咗泰式魚旦、鴨血、扎肉、泰式牛丸、泰式豬肉丸、美國牛肉片。晚市套餐無限追加小食晚市套餐加配小食可無限追加，追加了泰色蝦餅，木瓜沙律泰式燒豬頸肉份量都幾多，配船麵食一流。飲品方面，選了罐裝泰國椰子水及我至愛的青檸梳打，天氣炎熱，非常解渴。

今日好開心同屋企人去咗荃灣千色匯一期嘅一間餐廳，發現呢度有一間絕頂好食嘅泰國餐廳，食咗真係一定要推介俾朋友，因為呢一間真係性價比高，食物質素高，但係經濟實惠價錢，出面都未必搵到好似呢一間餐廳咁，而且好多人都以為商場嘅餐廳都會好貴，但係呢一間絕對不是，估唔到呢一間餐廳每一個餐嘅價錢都好經濟實惠，首先講吓佢哋最出名嘅船麵，真係好大碗好多份量，仲要好足料，肥牛睡眠大家都可以嚟試吓，真係好好食，而且佢哋個正宗海南雞飯，雞係好溫暖肥口，好多肉，好好食呀，而且佢哋嘅泰式奶茶都好好飲啊，好抵食，而且呢度嘅服務質素都好高，服務侍應都係好有笑容有親切感，所以一定要泥試呀，有賓至如歸的感覺，而且佢哋個串燒沙嗲牛肉都好好食，我有炭燒味道，而且大大吋，真係好抵食

湄南.河泰式船麵 (荃灣)今日放工，心情麻麻地，就唔煮飯去左附近既呢間餐廳，佢呢度有個餐好得意，$53 包3 碗細船麵，可以揀唔同湯底/配菜/麵我叫左- 船湯金邊粉配秘製泰式豬頸肉- 清湯米粉配美國牛肉片- 麻辣湯河粉配美國牛肉片🔸清湯估唔到又幾濃味，米粉爽身，有芽菜係面🔸 船湯有炸豬皮，好味道，秘製豬頸肉好入味，推介，呢碗食曬！🔸 麻辣湯就有啲似四川麻辣，愛麻辣朋友不要錯過，河粉又幾滑我仲追加左小食及飲品，晚市套餐加配小食係無限追加- 酸辣無骨鳳爪沙律 ($22)🔸 雞腳去骨，酸酸辣辣，配芹菜絲，好清爽、開胃，份量都唔小，有約15-20 隻- 凍泰式奶茶 （$8）🔸奶茶偏奶味重，無得揀甜度，幸好唔會太甜，凍冰冰好岩今日炎熱天氣#MAENAM #湄南 #細船麵 #泰式船麵 #boatnoodle #tsuenwan #kolourmallHK #荃灣美食 #荃灣食乜好 #荃灣好去處 #荃灣搵食 #荃灣友 #荃灣千色匯 #綠楊坊 #荃新天地📍地址: 荃灣眾安街68號千色匯1期2樓2031號舖

難得完左個大project, 行過見到間食船面既餐廳, 決定獎勵自己豪食一次餐廳環境都幾光猛, 座位幾闊落, 可能係閒日, 餐廳都唔算多人, 坐得幾舒服黎得呢間餐廳, 緊係試下佢個船面, 除左大船面, 呢到仲有3碗細船面揀價錢唔貴, 仲可以試唔同口味, 真係吸引,  一於試下佢首先, 第一碗就揀左扎肉米粉, 船湯, 有好香既香料味, 個碗唔大, 但係都好足料之後就叫左碗牛肉麻辣湯金邊粉, 麻辣味幾香, 都幾辣, 金邊粉好掛湯, 牛肉好淋, 有牛味, 推薦叫牛肉最後試左冬蔭公湯豬頸肉河粉, 雖然要加錢, 但係冬蔭公湯真係強烈推薦, 好好飲, 除左香料味, 仲酸酸辣辣咁, 食完個面我仲飲曬成碗湯, 豬頸肉都好出色, 岩岩燒起, 好淋好juicy.跟餐有得加錢要小食同埋野飲, 分別叫左泰式魚餅同埋青檸梳打泰式魚餅食落唔油, 好香香料味, 好食, 但係淨係得2舊食完之後覺得唔夠喉, 再encore左碟豬頸肉同埋雞肉串燒再黎既豬頸肉都係新鮮熱辣, 證明真係即叫即燒, 都係咁好食雞串好滑, 沙嗲醬好出色, 好抵食食到最後, 食得好滿足, 成餐飯又好食又抵食,下次再黎食過

［荃灣］湄南.河泰式船麵.傳統細船麵 (3碗)食剩指數：0/100細船麵一叫就有3碗第一次食就叫哂3款湯底分別係 船湯、清湯、冬蔭功湯配料就揀左扎肉、豬肉丸、牛肉船湯幾香濃清湯比較清甜想要酸辣就冬蔭功湯配料幾款都表現正常扎肉有肉香又彈牙幾出色.串串沙嗲雞肉食剩指數：0/100雞肉大大串有6串燒得都幾香唔會太重調味加沙嗲醬食唔錯.泰北海南雞拼豬頸肉飯食剩指數：10/100豬頸肉幾有咬口海南雞啖啖肉唔會好乾飯如果係油飯就爽.晚市套餐加左小食小食係無限追加可以加多過一款.泰式炸雞棗食剩指數：0/100雞棗外皮好脆入面有肉香.泰式春卷食剩指數：0/100春卷皮夠脆餡料都好多加醬酸酸地比較清新.凍泰式奶茶食剩指數：10/100泰式奶茶好濃味道比較甜茶味都balance到

之前未食過船麵 今日就黎到屋企附近呢間泰式餐廳試下見到有款細船麵好特別 56蚊就可以嘆到3款自己任搭湯底麵底同配料嘅野 上到枱都幾得意 每樣小小地 但又可以試到多種唔同風味 當中我最欣賞嘅係船湯 香港好少食到呢陣味 有幾重嘅香料 所以好有特色 另外鴨血係抵食之選 好新鮮 而泰式魚蛋好彈口 唔錯喎😎然後我覺得呢度嘅串燒勁好食😍 新鮮滾熱辣燒出黎 但最正嘅係個醬汁 其實係沙嗲黎 但個質地好creamy 花生醬嘅味道都幾濃郁 啲肉一點落去就好夾 perfect ar😍最後 佢嘅春卷都很可以 脆卜卜嘅口感 而且以佢嘅價錢黎講係大大份 入面嘅粉絲 木耳 蘿蔔絲全部都係好足料 加上冰梅醬 甜甜酸酸甜平衡番個油炸嘅口感 食落開胃得黎又幾滿足😍呢間整體質素不過 價錢亦大眾化 可以encore 💜

同朋友去開荃灣千色匯行街，見到呢間泰國餐廳個門面幾吸引，一於入去試下先😋餐牌都多選擇，估唔到呢到除咗有大船麵揀，仲有得試下3款細船麵，3款細既加埋都係56蚊，好抵，可以一次過試晒3款唔同既味😋我地揀咗第一款傳統細船麵係美國牛肉片金邊粉，配麻辣湯，：牛肉片幾嫩滑，一d都唔韌，金邊粉亦好滑，金邊粉同配料吸晒麻辣湯既味，好正👍第二款細船麵揀咗泰式扎肉金邊粉，配冬蔭公湯，一上枱已經聞到冬蔭公湯味😍，好惹味，湯底飲落去辣辣地好開胃😋第三款揀咗秘制製泰式豬頸肉河粉，配船湯，船湯香料味幾重，但唔會好鹹，岩岩好，船湯都幾入味，泰式豬頸肉肥瘦適中，食落去好香口👍我地另外叫咗個午市套餐：雜錦船湯河粉，船河的食材有肉片，札肉，肉丸，魚蛋，炸豬皮，白蘿蔔，芽菜等，好豐富，配埋船河既湯底同香葉既香味，好好味😋加配酸辣無骨鳳爪沙律，鳳爪好入味，小小酸辣甜，好開胃👍泰式炸蝦餅：炸得好香脆可口，有蝦味，配埋泰式配辣醬味道好夾😋沙嗲雞串肉好惹味，配一小杯沙嗲醬，愛濃愛淡，可以自己選擇，幾好👍飲品我地叫咗罐裝既泰國椰子水，比起茶餐廳飲開既，另有一番風味，飲吾晒，又可以拎走慢慢飲👍同埋泰式奶茶，相比港式奶茶，味道上有d分别

湄南.河泰式船麵係食泰國野既，去仲有喇沙食添！不過黎到緊係要食下傳統既泰國船麵！佢個細船麵三小碗真係好特別！香港好少見到有呢種食法。1️⃣傳統細船麵（需選3碗）（$56） 👉金邊粉+清湯+泰式魚蛋 👉米粉+麻辣湯+鴨血 👉河粉+冬蔭功湯+泰式扎肉（+$3） 覺得冬蔭功湯最味😋好有泰式風味，可以試到三款唔同粉麵、湯、配料，唔夠食既話仲可以加錢要多兩碗食。  2⃣️正宗泰式海南雞大船麵（$68） 海南雞比我想像中大份，食落都幾嫩，點埋配上既泰式酸辣汁，唔錯。船麵有豬皮、鴨血、芽菜等配料，湯底幾香濃。  3⃣️正宗泰式海南雞飯（$78） 海南雞一樣都係大份多肉，套餐價仲跟飲品同埋可以優惠價加小食，都幾抵食。  4⃣️酸辣鳳爪沙律（跟餐+$10）  5⃣️泰國特色小食拼盤（$98） 有春卷、蝦餅、魚餅、炸雞棗。覺得炸雞棗最好食！唔會太鹹，又炸得夠脆。  6⃣️串串沙嗲雞肉（半打）（$78） 雞肉啖啖肉而且燒完都唔會覺得乾，食落仲係滑身既，沙嗲醬好香😋  7⃣️泰式奶茶（跟餐+$5） 個奶茶係咪應該話佢真係好正宗😂真係好好好好好好甜啊。太甜la，螞蟻人可以一試。

今日同屋企人喺呢個商場行完街餓餓哋，見到呢間餐廳海報夠晒噱頭，寫住星期六、日有個船麵挑戰叫“我要食十碗”，如果上到榜就會送$120 禮券，另外冠軍可能全年免費食麵。雖然我地無可能上榜，不過因為屋企人鐘意食船麵，所以都決定入去食個晚飯。餐後屋企人都話食物有質素，可以再食！我地點左個湄南大船麵，材料豐富，有魚蛋，豬肉丸，肉片，白蘿蔔同芽菜等等，湯底非常香同濃郁，而家同泰國食到嘅都十分相似，仲有脆脆炸豬皮，粉麵吸收晒湯汁精華，加埋各種香葉，食落非常之清新！另外要咗個海鮮冬陰功粉麵，冬陰功湯底都幾有辣勁但係唔會得個辣，飲落夾有椰香同各種香料嘅香味，有種令人飲完一啖接一啖嘅魅力，而且食後又唔口渴。蝦肉唔會霉，大大隻夠彈牙，麵片夾埋啖啖湯汁，辣得過癮！跟餐有幾款小食可以揀，要左雞棗同蝦餅，小小份量但又可以過下食炸野口癮，雞棗外皮似腐皮卷，炸到脆卜卜，蝦餅都好食，我地仲特登散叫左一客，佢係一口大細，食得夠方便。至於海南雞配炒金邊粉，海南雞真係要瘋狂大讚，雞味濃郁，平時唔點食雞皮嘅我都忍唔住，滿滿雞油香，外皮好似食啫喱咁Q彈，雞肉嫩滑唔會鞋。金邊粉亦都好味道，炒嘅時間岩岩好，彈牙有咬口，調味酸酸甜甜好

今日同朋友嚟食船麵，聽講佢星期六、日有『我要食十碗』船麵競食挑戰賽，上榜就已經有有$120 禮券送，冠軍仲可以全年免費食麵🤩🤩🤩所以今日特登嚟刺探一下軍情😎佢個招牌英文大過中文字，小心唔好眼大睇過龍啊內裡寬敞光猛，我係覺得佢張枱稍為矮咗少少啫😅可能係我高Menu都有唔少選擇😋叫咗細船麵，自選配搭三碗船湯美國牛肉河粉冬陰功湯泰式牛丸蒙粉麻辣扎肉米粉三碗睇落細細碗，加加埋埋都夠食仲可以自選試多幾隻味，好味又抵食😋酸辣無骨鳳爪沙律，$58大大碟，要兩個人分先搞得掂泰國特色小食拼盤$98有蝦餅、魚餅、炸雞棗、春卷每款3件左右，呢個價錢有點小貴，但每一樣都即叫即炸，好好味😋

今日同朋友出荃灣行街，突然好想食泰國菜，我地誤打誤撞入左去千色匯既湄南河，估唔到幾有驚喜。餐牌選擇都幾多，開頭抱住一試無妨既心態，點知又幾好食，食物有heart, 會再來幫襯。凍同熱既泰式奶茶：唔會太甜，亦都無溝水，非常好飲！主食方面試左海南雞大船面，湯底好濃郁，但又唔會太咸。面底份量適中，男仔食都夠。海南雞好滑嫩，雞皮唔會太油膩，色香味俱全。另外仲點左青咖喱豬頸肉飯，青咖哩好惹味，唔會太辣，濃濃的椰香味，十分推介喜歡吃咖哩的朋友！沙嗲牛肉雞肉串燒做小食一流，火喉剛好，不會太乾爭爭！