湄南.河泰式船麵 (已結業)

趁Happy Friday，放工去咗荃灣搵好嘢食，今次食泰國船麵，估唔到舖頭細細間唔起眼，但嘢食都幾有心思，服務好貼心我哋嚟都已經八點，咁晏唔使等即刻有位門面裝修簡單，用色好有泰國色彩我哋見好少食船麵，所以決定今晚就試下佢餐牌有好多唔同嘅配搭，兩個人可以食套餐，食量細嘅又可以淨係叫船麵或者晚市套餐，價錢唔貴，但份量好足我哋兩個人叫咗一個正宗海南雞飯套餐，一個一set三碗嘅細船麵，再加一個小食拼盤，已經飽到食唔落其他嘢服務方面真係要讚吓侍應姐姐，海南雞飯最先上菜，我哋兩個人share一齊食，侍應姐姐見到即刻主動拎咗個碗仔俾我哋，服務貼心認真，抵讚原本以為海南雞飯冇咩特別，點知雞肉比我想像中出色，最重要係雞皮同肉之間唔會好多啫喱狀嘅油，雞肉好嫩滑，雞皮又好薄，唔會凍冰冰，d雞肉唔會整到唔夠熟出血水，質素比起其他海南雞飯專門店好好多，呢個真係有驚喜跟餐我哋仲加咗一個小食，酸辣鳳爪沙律，酸酸辣辣咁好開胃，仲要去埋骨，唔使自己慢慢咬重點係晚市套餐加配小食係‘’無限追加‘’㗎，超級抵食之後嘅重頭戲係船麵，好欣賞佢呢度嘅細船麵一set三碗，可以自由配搭湯底，面同餸，一次就可以試晒唔同嘅款式，真係一次

今日同媽咪系附近行街睇行李喼，由千色直路行去千色匯，發現有間泰國餐廳，就決定一於試下我哋點左：1. 豬肉生菜包2. 串串沙嗲牛肉（半打）3. 湄南大船河追加酸辣無骨鳳爪、可樂4. 海南雞大船河追加泰式蝦餅、青檸梳打1. 豬肉生菜包豬肉生菜包嘅份量有好多😆 完全估唔到有成個麵碗甘多嘅肉碎！！！比其他餐廳多好多，如果同家人、朋友share的話，都夠3-4人食！而且味道酸酸辣辣好開貴2. 串串沙嗲牛肉（半打）燒得好夠，好新鮮，牛肉味好香，而且每一粒肉，都好濃牛肉味！3. 湄南大船河追加酸辣無骨鳳爪、可樂湄南大船河有勁多唔同嘅餸，而我最中意嘅係，白蘿蔔炆得好夠淋，索晒啲湯嘅香味！無骨鳳爪睇落白雪雪，入面有好香嘅酸汁嘅，非常開胃4. 海南雞大船河追加泰式蝦餅、青檸梳打海南雞係例牌甘多，好滑；仲可以share一定食😆蝦餅即叫即炸，最正係可以無限追加#MAENAM #湄南 #細船麵 #泰式船麵 #boatnoodle #tsuenwan #kolourmallHK #荃灣美食 #荃灣食乜好 #荃灣好去處 #荃灣搵食 #荃灣友 #荃灣千色匯 #綠楊坊 #荃新天地

呢間位於荃灣既船面鋪可以比你一次試嗮三種唔同湯底。我地嗌左扎肉清湯河粉，魚蛋冬陰功金邊粉，牛肉船湯米粉，三種口味各有千秋，清湯係傳統越式風味，清甜牛骨湯底；冬陰功甜酸辣俱全，配上魚蛋，非常開胃；船湯最特別，有濃郁香料和藥膳既香味係我最中意既口味。我地另外嗌左一份豬頸肉海南雞飯，只需加10蚊，即可配搭各種小食，我地加左炸雞棗同小份鳳爪沙律。最實惠既係店鋪晚市套餐加配小食係‘無限追加’!10蚊就可以試唔同風味小食，真係好抵！推薦唔大食量又中意試新口味既朋友仔！最尾嗌左芒果糯米飯做甜品，有斑斕飯同椰香飯，搭配芒果、椰漿，美味升級，兩條友買單250蚊左右，CP值超高。

間唔中會想食下東南亞菜式，喺荃灣商場見到呢間有得食船麵同海南雞嘅舖頭，入咗去試下～ 🍲傳統細船麵 (三小碗) $56細船麵啱晒小編呢啲望住個menu好耐揀唔到食咩湯底嘅人🫣 因為三碗都可以自由配搭一個餸同埋湯底，咁就咩都可以試吓～ 第一碗叫咗泰式豬肉丸 + 麻辣湯，豬肉丸唔算好大粒但係好彈牙，麻辣湯香得嚟唔會好辣，食唔到辣嘅朋友都唔使擔心😚第二碗揀咗美國牛肉片 + 船湯，牛肉片鮮嫩多汁，船湯湯底鮮香濃郁，重八角嘅香味，個人認為湯湯係三個湯之中最出色🤩第三碗係秘製泰式豬頸肉配冬陰功湯，豬頸肉好滑，冬陰功湯唔算好辣，正常發揮～🐓正宗泰式海南雞飯 $68呢碟經典泰菜一上枱嘅時候俾佢嚇親，因為啲雞嘅份量同啲飯係一比一🥰 非常足料，啲雞肉好滑嫩，表面好爽滑，配埋香氣四溢嘅油飯同埋特製醬汁，令人回味🍜雜錦叻沙摻摻 $65入面有有美國牛肉片、泰式豬肉同牛肉丸、魚蛋、扎肉、鴨血同蘿蔔，每樣餸都有啲好滿足😛 而叻沙湯底嘅辣度都係微辣，有淡淡地嘅椰子味，濃郁程度啱啱好，食晒成碗麵都唔會好口渴，值得一提嘅係摻摻嘅份量好大，好抵食🐮串串沙嗲牛肉 $78肉質好鮮嫩，燒完之後帶有微微的炭燒香氣，但牛肉嘅肉汁依然喺

本身同女朋友搵野食.見到外面個Meun 幾吸引同埋入面又有幾枱客係度就入左去試.我地分別叫左兩個下午茶餐.一個炸雞翼配迷你豬頸肉河.同埋泰式豬頸肉撈金邊粉跟餐就泰式奶茶同罐裝忌廉大約一兩分鐘到.杯奶茶嚟.本身諗住堂食杯野飲會正常size.點知一杯細外賣杯size.仲要勁甜.到野食嚟啦..一碗仔河粉得兩啖.幾塊好細塊既豬頸肉.雞翼即炸算okay 另外一個豬頸肉撈金邊粉..豬頸肉夠味夠香好食.但個粉好難食兩個人食完都唔夠飽.食完呢次永遠唔會再去

約咗朋友係荃灣聚舊，揀咗千色匯入面嘅泰國餐廳，餐廳裝潢樸實，食物好味而且份量十足，價錢十分親民。餐牌選擇多多，而最搶眼一定係船麵。船麵有大船麵同細船麵（三碗唔同湯底）選擇，第一次食船麵嘅我比較貪心想試多幾款湯底，所以揀咗細船麵。船麵湯係米粉配豬頸肉，牛湯底鮮甜有層次，有濃郁蔥蒜香同淡淡金不換味，豬頸肉有焦香味，肉質爽彈。冬陰功湯係金邊粉配牛肉片，冬陰功湯酸辣適中，好有泰國風味。麻辣湯係配河粉鴨血，鴨血夠滑溜，而且麻辣湯都好出色，聞落好香麻味但食落麻同辣都好適中，唔會搶喉。木瓜沙律套餐加配小食或沙律只需22蚊，啱晒眼闊肚窄嘅食客。沙律唔會太辣，酸酸甜甜好開胃。海南雞撈金邊粉撈金邊粉都係第一次見，味道偏酸甜，有輕微蒜味，金邊粉濕濕哋但唔會太淋，海南雞肉質滑溜。無骨鳳爪套餐加配嘅無骨鳳爪，無骨鳳爪爽脆，酸酸辣辣好開胃。小食拼盤雞棗外皮香脆，餡料juicy彈牙。春捲粉皮香脆，餡料口感豐富，有淡淡咖喱味。炸蝦丸香口彈牙，泰式魚餅彈牙juicy,有清新檸檬葉嘅香味。

46蚊下午餐個麵得兩啖太過份，兩條仔春卷食完好似食左風咁，完全唔夠飽，唔建議46蚊可以買到多好多野食揀另外個啲一個飯/一碗麵個啲好似正常啲，話船麵姐都唔至於咁少下話！ 好失望

[✨湄南•性價比高河泰式船麵🍜]#湄南河泰式船麵 #荃灣 🔸泰北海南雞拼豬頸肉飯 $80海南雞合格，醬汁酸酸甜甜幾開胃，個重點係佢既炭燒豬頸肉真係超好味!!🤩肉質爽滑有口感，表面輕微焦香好爽口，而且份量一嗰都唔敷衍，就算係男仔都好夠食，呢度嘅豬頸肉真係必食推介!!😋💞🔸泰式豬頸肉撈金邊粉 $65金邊粉質感好煙韌，口感一流，配上酸辣汁，鍾意食辣嘅應該會好鍾意，豬頸肉都係一樣整法，分量都幾多，整體味道十分搭配!👍🏻👍🏻💗🔸酸辣無骨鳳爪沙律跟餐 +$10雞腳係去骨嘅，份量都有5-6隻左右，個酸辣醬真係好勁，一入口唔會覺得太辣，酸辣之後先會慢慢散發出黎!😳一齊食個朋友唔太食得辣，已經食到喊哂口，鍾意食辣嘅朋友真係唔可以錯過!😙🫶🏻🔸泰式奶茶 +$5奶味幾重，留意返佢係無得揀甜度，叫完後見佢係冰櫃拎出黎，應該係一早整定哂嘅野，不過本身甜度岩岩好，宜加夏天咁熱雪住拎出黎夠晒冰凍🧊————————♡♡♡♡♡♡————————✨總結呢度個價錢合理，位於商場入面嘅環境都有保證，地點亦方便☺️而且佢有勁多泰式小食，係商場行累左黎呢度輕食下都係一個唔錯嘅選擇😍💓

餐廳燈火通明，牆上掛有泰國色彩圖畫，梳化位以黃色和綠色為主，使人精神開朗。餐牌食物選擇唔少，價錢實惠。正宗泰式海南雞大船麵大船麵揀左金邊粉，粗身又滑，炸豬皮唔會太油，仲有蘿蔔，鴨血。船湯湯底濃，有香菜，牙菜。重點係海南雞，大大件雞肉，非常嫰滑，有雞味又有油香味，超正。傳統細船麵，$56可自由選3小碗，可以自己揀面底同湯底，啱哂貪心嘅我，每款都可以試一試。第一碗係清湯鴨血米粉鴨血軟淋，清湯較淡第二碗係船湯泰式札肉金邊粉厚身札肉彈牙第三碗係冬陰功豬頸肉河粉豬頸肉算爽口，冬陰功湯底酸辣適中，非常惹味加左跟餐小食，泰式春卷同炸蝦餅蝦餅表面香脆，蝦肉爽口，加埋甜酸醬，非常好味春卷脆卜卜，唔會太油膩跟餐飲品有青檸梳打同泰式奶茶芒果糯米飯軟糯糯米飯，清甜芒果，加上椰汁嘅香味，就算好飽，都必點呢個甜品。呢餐午餐，可以食到咁多口味，真係滿足哂呀

小碗三式船麵，樣樣食少少，最合我心意。三碗味道也出式。海南雞飯也好吃，追加蝦餅份量不多，味道好吃，祗是加$10可以呀！再追加了鳳爪沙律$22，味道也不錯呀！會再光顧！

只係簡單order 個set lunch ，海南雞加船麵轉米粉底，黎到係河粉，同個女職員講話，我係要米粉，順便我見到有芽菜，我話想走埋（第一次過嚟食我唔知）好，條女就同落單男講，佢話要走芽wor ，同米粉喎，唔好意思，人地客係聽到，之後個男拎過嚟，我指住幅圖裏面有咩，個男超級唔好態度話你唔係要呢個，好，我指番啱，問咁裏面有咩，佢話裏面咪就係你見到呢啲，好👍🏻佢再補充裏面有塊鴨血，咁我話無，咁個男就話拎番塊鴨血俾你。講真，全程兩個Sorry 都無講，當時個場又好靜，得個兩三枱客，都可以咁？我真係唔敢食個塊野。唔會推介，連埋單thank you 都懶得同你講

今日第一次去這間餐廳吃午餐，食唔晒，問服務生打包要加幾多錢，女服務生說$2 ，包括飯盒和膠袋，因為我已經有自己的袋，我問唔要膠袋得唔得，她說即使只是飯盒也是$2。其實兩蚊好少，沒有問題，我最後都俾咗，只係唔滿意女服務生的態度，佢回答我的語氣串到爆。食嘢期間其實餐廳冇坐滿人，女侍應趕住要收我哋啲碗，好似逼我哋食快餐咁。我心諗其實都冇阻住其他客人，使唔使咁呀？香港咁多餐廳，這間餐廳食物質素也沒有很突出，價錢又冇特別平，服務太差，食得好唔舒服，根本唔需要再幫襯佢，費事俾錢買難受。

湄南.河泰式船麵 荃灣眾安街68號千色匯1期2樓2031號舖串串沙嗲雞肉（半打）沙嗲醬口感微辣，帶有濃郁的椰香和香料味道，非常開胃醬同時能夠完美地融合雞肉的鮮嫩口感傳統細船麵 3 碗 一次過食晒三種湯底，幾款面底唔同配搭船湯 麻辣湯 冬陰功湯 金邊粉 河粉 米粉啡黑色的秘密㊙️湯頭使用豬血或牛血，混合鹽和香料調味 湯色與牛肉麵湯相似 濃味咸香 獨有風味麻辣湯惹味辣得過癮 麻香重味冬陰功酸辣開胃又飲得傳統細船麵(第1碗）金邊粉＋船湯傳統細船麵(第2碗）河粉＋麻辣湯＋泰式魚蛋傳統細船麵(第3碗）金邊粉＋冬蔭功湯＋泰式牛丸正宗泰式海南雞（半隻）米飯鬆軟，雞肉鮮嫩，搭配上辣椒醬和青瓜，口感清爽開胃兩款醬汁由辣椒、蒜、姜、醬油、醋、糖等多種調料製成雞皮處理唔馬虎 配以香油醃製＋＄8凍泰式奶茶 跟餐．

🍴傳統細船麵 3 碗 56 蚊加凍泰式奶茶8 蚊奶茶好夠泰式既味道 茶味香 甜度夠🧋加酸辣無骨鳳爪沙律 22 蚊🐥鳳爪個醬汁甜辣度夠 凍食好爽口有口感 正三小碗揀左1 麻辣湯鴨血金邊粉🦆金邊粉比較粗身 同有口感 麻辣味香 用左好多胡椒 麻味夠 麵盡吸湯汁 佢鴨血整得好軟林 而且唔易爛 好正🦆🔥2船湯泰式札肉河粉🐷札肉好香豬肉味 有 d juicy既豬皮 湯底船湯好多香料味 甜得黎香茅味比較出 同札肉都 match 3清湯泰式牛丸米粉🐂米粉幼身爽口 清湯帶 d香咸 有葱同芽菜調味 牛丸好彈牙 牛味濃 🍴正宗泰式海南雞大船麵河粉 68 蚊🐥湯底船湯好多香料味 甜得黎香茅味比較出 仲有芽菜。豬紅 白蘿蔔 海南雞雞味夠 都幾彈牙加22 蚊泰式炸蝦餅🦐炸蝦餅整得好香脆 蝦味夠 而且蝦膠夠彈牙 點 d甜辣醬都好味加12 蚊青檸梳打🍋🍴秘製泰式豬頸肉88 蚊🐷豬頸肉算大碟 外面帶 d香脆。烤得好香 🔥入面豬肉帶 d肥膏 豬肉彈牙 juicy 佢 d醬比較濃 帶 d香甜同香辣 好 match晚市套餐加10 蚊可以小食任食#船麵 #海南雞飯 #泰國菜 #豬頸肉 #鴨血 #河粉 #金邊粉 #米粉 #麻辣S

今晚黎到荃灣食泰國野，呢間小店主打船河，都有唔少小食同飯類可以揀。我同朋友各人揀左3小碗船面。好欣賞佢可以細細碗叫，一次過可以滿足多個願望😂 麵方面佢可以揀米粉，河粉，金邊粉。湯底可以揀冬陰功湯，船湯，清湯，麻辣湯。每小碗都配一款肉。豬牛或丸類。我地全部都揀唔同嘅肉類同湯底。湯底個人覺得船湯，清湯，麻辣湯都好食。肉嘅話都質素平均，豬肉丸同魚蛋特別好食。仲可以加錢叫小食同飲品。小食係無限追加，即係優惠價可以同時加幾個小食。我地叫左雞棗同無骨鳳爪。雞棗炸得剛剛好，推薦。我地另外叫左半隻海南雞share。雞好滑同有雞味，d醬汁調味都適中，點雞就最正。佢環境都好闊，服務唔錯，d staff幾有禮貌。