湊湊火鍋‧茶憩 (K11購物藝術館)

營業中

休息中

向尖咀打邊爐，有品牌的都預左貴，唔緊要，但佢個服務態度真係勁差，完全唔值依個級數價錢。食完一輪想叫人加水，一直無人理，咁人多忙緊都明 我都繼續等，但有人見到都唔應望一望就算又係點，就算回應都係話‘’等陣啦‘’。食完一 轉想叫多d野食時，好似趕客咁，最正的係我朋友問佢係唔係有個優惠的餐品（朋友入座時佢地職員講的），個疑似部長定經理的人回話‘’係ar‘’，之後下一句唔係問你係唔係要，竟然係話“跟住呢”佢個樣明顯係想話‘’係有ar,咁你想點‘’，大哥洗唔洗咁串ar。話就話任加豆腐或鴨血，其實叫完呢係唔會比你，因為下一轉過黎就係比張帳單你要你比錢，重要企住係到等你埋左先行開，有冇咁趕呀？剩返幾個字先夠鐘，驚我走你個千幾蚊數？一到夠鐘，已經有人行埋黎掃你走。本身唸住朋友離開前，好好地食餐飯，食到成肚氣！唔會有下次！唔怪得個個話返大陸食好過la!!

湊湊原來都幾多分店 不過呢一間比較難搵 係朋友有一日經過見到 就話搵日食 我地夜晚7點幾黎到都係等左一陣就有坐台入到黎見到呢到既同事都好有笑容甘打招呼 帶位既一坐低就話出面生果同肉燥飯任食 同埋做緊優惠 因為我地都係比較細食就冇叫到呢兩個肉同海鮮, 我地叫左個小章魚福袋同蝦滑 同埋一份雞一份牛 叫左蕃茄同台式 佢個蕃茄湯都不太甘差 仲有牛骨係入面 用料都重手 同埋佢既牛肉都相對大份章魚福袋入面就幾多料 仲有大大粒章魚係入面同埋吾會太粉呢個蝦滑都幾得意 我地一開頭仲諗緊係吾係一粒落 之後店員好有心機甘一粒粒整到圓形甘 真係幾SWEET然後最後個沙冰好解油膩同埋佢個茶凍都吾會太甜呢到對比同一區既尖沙咀分店光好多 店員又親切D 下次一定再黎食佢個肉肉無窮

岩岩同朋友講開依家湊湊晏就去食有85折 甘我地約埋一齊星期五去食 本身以為好多人 一入到去 佢吾似平時去打邊爐甘逼 佢係全部都係沙化位我地叩左一個胡椒豬肚湯同埋番茄湯 之後單點左小小野 佢個湯底一黎到係跟埋個雞另外上既 仲要係冇骨既雞 佢仲有個豬肉都幾特別 係玫瑰花樣既豬肉 佢係比五花腩再厚D同埋冇甘油既 個人幾推介 我地叫左甘多野埋單都係$500幾蚊 仲有生果任食同埋前菜 因為係下晏就去食 所以有單點85折

個日放工想同朋友打個邊爐 見到湊湊終於冇甘多人排隊想去試下 仲要見到佢門口有個牌寫做會員野飲買一送一添登記完一睇原來仲有生日禮物, 現金卷都幾好 又吾收會費入到去個環境暗暗地 岩哂我 見到佢個醬料台都幾多野食 有幾款生果又有地瓜球 一轉身仲有肉燥飯之段我地兩個人都好細食就甘單點左兩份肉一份墨魚仔同埋毛肚湯底方面我簡左佢地既招牌係 花膠雞湯底同埋台式花腸雞湯係幾好飲既 但係吾鍾意太膠既人會覺得口感吾係甘好 佢個台式就幾出色 本身入面就有鴨血豆腐 食完仲可以無限添加 佢既鴨血豆腐係煮到入哂味 吾會話煮到淋哂 同埋佢地仲有甜品送 個個沙冰幾好飲 同埋仲有個JELLY既野都幾好食

老闆請食飯之前有試過呢間餐廳嘅奶茶但係未試過佢嘅堂食，所以咁啱經過K11見到就入咗去。我哋總共八個人，餐廳俾咗一間VIP房我哋。入邊燈光比較暗，有一張大圓枱旁邊仲有得掛三。我哋一嚟就點咗一個魚皮其實都揸得幾趣然後嗌咗啲海鮮同埋牛柏葉。但係海鮮就略嫌少咗啲，因為好似嗌咗龍利柳咁都係得4、5塊，主要都係菜比較多。跟住我哋一人嗌咗一杯大紅袍珍珠奶茶，真係超好飲，個人覺得過嚟食飯係必飲嘅。嗌左兩個湯底一個係菌湯一個係辣湯，兩個都不錯不過價錢就稍為有啲貴總共食咗$3000。

I’m not one to write reviews but the service was awful. First, we booked for 6pm and was told we had 2 hours (they specifically said we had until 8pm). By 7.25pm they gave us the bill and from then on they tried to chase us out of the restaurant every 5 minutes. We had family from out of town, and it made it very uncomfortable. Secondly, one particularly for families or anyone going at night, be aware that all drinks have tea. There’s nothing without caffeine - not even water (yes - we asked)! R

相信有唔少朋友都嚟過湊湊火鍋店打邊爐，但大家又知唔知道佢有午市套餐呢？今次去到呢間火鍋店食一食佢嘅午市套餐，午市套餐包含咗小食同埋飲品，仲有一個主食，價錢真係非常合理。適合午市時間唔夠時間打邊爐，但係又想食嘢食台灣嘢嘅朋友試一試。當日煮食就選擇了酸菜魚米線，米線除咗有好多份量嘅酸菜魚之外，亦都有少量配菜，例如雲耳及酸菜等等。酸菜魚正常發揮，米線索晒啲湯汁，令人食慾大增。至於小食方面配上鴨血同埋豆腐，鴨血非常出色，加上豆腐亦都係非常入味，整個套餐配上飲品，食完令人好有滿足感。

呢間餐廳由商場行過去有啲難搵，但原來k11出面嘅平台有條電梯可以直接落去呢間餐廳我哋走嗰陣時就明白點解會有咁嘅設計因為間餐廳開到夜晚12點，商場嗰陣已經閂咗門，呢條通道可以方便客人離開 我哋三個女仔叫咗一個二人套餐其實已經好夠食🤰🏻因為每一個人都要加$18叫自助吧，自助吧有任夾嘅小食同埋滷肉飯，仲有好多醬料 湯底叫咗台式麻辣鍋，同埋紅顏花膠雞鍋台式麻辣鍋：唔辣，真係唔辣🤣麻味亦都唔算好勁，唔食得麻辣嘅我都食到，最緊要係唔會太鹹紅顏花膠雞鍋：有好多舊花膠，不過啲花膠其實係魚肚而且越煮會越稠，所以要小心煲燶 兩盤肉都非常之新鮮，淨係睇食水同花紋就知係好嘢🤣其他火鍋料都唔差，所以食完覺得雖然價錢唔平，但物有所值 菜式：雙人套餐：$798- 台式麻辣鍋+紅顏花膠雞鍋- 美國特選級牛肩胛+伊比利亞黑豬肉- 企鵝丸- 鮑魚- 菌菇拼盤- 冬粉- 飲品x2

湊湊越來越多分店，今次試吓尖沙咀湊湊午市套餐，一入去，餐廳好多卡位，座位寬敞！中午時段，餐廳提供午市套餐和台式火鍋。今次我哋叫咗午市套餐。鹽酥雞肉飯加蛋，套餐有一小碟菜同埋豆腐鴨血另外加咗荔枝蝦球，脆口很惹味。性價比高，坐得舒服，仲可以靜靜地傾吓偈。下次試火煱！

先說鍋底，我們點了鴛鴦鍋， 兩款鍋底分別是紅顏花膠雞鍋和珍鮮菌菇爭鍋。珍鮮菌菇爭鍋味道不錯，有菇的鮮味。至於紅顏花膠雞鍋，稍微遜色，還很容易黐底，不推薦點。 另外，上鍋的時候，店員並沒有幫我們開爐。坐了一會兒我們才發覺，最後自己開爐。食材算不錯，還有用冰鎮着，保持新鮮。試了兩款不同牛肉，兩款都很好吃。我們還點了企鵝丸。它是用墨魚漿製成，形狀非常似企鵝，Q彈可愛，推薦大家試試。飲料方面，嘗試了他的珍珠奶茶，甜味適中，份量也很大。

跟朋友來聚一聚，是個不錯的地方👍🏻第一次來吃，看到餐牌挺驚喜的😂 見到企鵝🐧墨魚丸真係好吸晴，🤣即刻叫左一碟🤣🤣🤣造型可愛，放左落鍋滾下佢，就變左脹卜卜嘅企鵝🤣🤣個可愛咗另外荔枝蝦丸都好吸引，外型做到同荔枝真係非常相似，味道超棒的😝😝😝😝😝而且湊湊有我最愛嘅胡椒豬肚雞湯湯底，真係超級棒，個湯底真係好入味，就咁盛一碗飲暖下身都超正！🥰🥰🥰 佢哋嘅牛、海鮮都非常新鮮🥳🥳

已經唔係第一次幫襯呢間野之後，自己想食嘅嘢都被告知冇貨，換係你係咩感覺？第一次我覺得算咪繼續食，今次山長水遠去到門口先話我知呢樣冇個樣冇，貨源咁缺開咩火鍋店姐，普通餐廳咪算囉。選擇已經唔係話好多，又唔係平，你要個客來到係入去定唔入去。結果咪走，比Openrice個訂座系統話缺席，真優秀。好一間餐廳搞到咁嬲都係第一次。勸退啦各位！來到先知道冇貨，咩都冇㗎啦，唔入去就會話你缺席冇到扣你分累積幾次唔比你訂位，笑死

湊湊K11分店book位都見到好多人提早去等，真係好受歡迎，想試呢間人氣火鍋一定要book位啊！店內座位舒適、空間感大、無論擺盤定環境都打卡一流.清涼椰子雞+韓式泡菜鍋（各$138）湊湊有新湯底緊係要試下啦！椰子雞鍋雞肉好嫩滑，椰子水椰味都重、除咗椰肉仲有珍珠馬蹄，淨係湯底都好豐富韓式泡菜鍋，湯頭微辣適合唔太食得辣但又想過下口癮嘅人，配上煙韌韓式年糕同酸爽開胃嘅泡菜，加埋芝士仲正！！！泡菜仲無限免費添加！.馬鈴薯片$38+大白菜$38打邊爐必叫，馬鈴薯片好爽脆同厚切大白菜上檯時望落唔多，其實入面有好多層超多超抵食，仲係甜嘅，打邊爐索曬湯底精華.文蛤$58呢個好驚喜！價錢唔算貴但質素好，非常鮮甜完全冇沙，肉身都厚，殼兩邊都有肉！非常推薦.伊比利亞黑豬肉$138豬肉有清晰嘅大理石油花，味清不燥，口感柔軟，肉汁豐富,  呢個價錢性價比都高.美國牛肉雙拼$248冇唸過會有甘多，兩個人食完全夠，睇相都知非常高質，唔係比普通貨，油花豐富質感軟稔。.韓式炸雞$58估唔到火鍋店嘅熟食都好唔錯，外皮脆脆地但保留都內裡嘅肉汁，可以一試~.水蜜桃綠茶qq $32 壹襲紅袍+茉莉茶涷 $28湊湊茶飲都好出名，

早排夜晚黎食埋單千三蚊，人均六百幾，尖沙咀一定有更加好嘅選擇，無需要再黎呢度食。先講入座，就算我book左位，都唔係可以即入位，要等，企門口安排入座個男仔，問襯佢野都耷低個頭對住張檯，好趕客。到野食，海鮮得鮑魚係新鮮，但又係未清洗乾淨就上檯，其他海鮮還好，D牛好唔得，有一絲絲瘀血，明顯係雪藏得耐先會咁，明明係凍肉舖嘅質素，切到靚靚囝囝，加啲擺盤，就收我百幾蚊，合理咩？到個花膠雞鍋，杰撻撻，究竟落咗幾多生粉水溝史雲生雞湯煮出黎？個呀姐不停走過黎搞我個爐嘅火喉，仲話驚我煮燶佢個煲。明明可以坐兩個鐘，未夠鐘不停係咁走黎催埋單，畀單叫嘅價錢，食放題嘅質素同服務，真係唔會有第二次。

佢有兩種牛肉嘅喺嗰個海陸空拼盤度，但係肉質就麻麻哋，唔會話好好味囉，但係價錢都唔平海鮮就一般啦都有少少腥味，但係鮑魚會幫你𠝹開，有少少細心，等你容易熟蝦滑必食好食，炸魚皮都必食好食台式飲品好飲，同埋好大杯台灣啤酒都好唔錯椰子雞湯個湯底好好飲同埋啲椰子肉好好食， 仲有幾舊雞肉喺入面出面可以食滷肉飯同埋一啲小菜同埋一啲水果我覺得唔錯，其實好好食有啲好似中華沙律都好味，仲有個炸芋頭丸仲有圍裙俾你，防止整污糟你件衫廁所就唔方便，因為要借鎖匙而且得一條鎖匙