湘川滬 (粉嶺中心)

營業中

休息中

今晚一家人終於抽到時間食返餐遲到既母親節飯，滿心歡喜上黎OpenRice取下經睇呢度既食評片皮鴨講到好好食會原隻上，講到熱辣辣咁好食拿拿臨去訂位訂位既小姐態度好好，有問係咪要留片皮鴨，熱切期待有餐美味豐富既晚餐點知食既時候中晒伏！原來原隻上係原隻攞出黎比你睇，之後拎返入去片d皮比你，真係只有皮，連住既丁丁肉都冇潤餅皮一早攞左出黎，到d鴨皮出黎既時候已經凍晒，出聲要求下就拎返入去蒸，再出返黎d餅皮熱就鴨皮凍晒😒鴨皮又凍又韌咬唔開，鴨皮成層脂肪凝固晒響度，入口油益味重到完全差評唔掂仲要係$298，以為有咩誤會去問收銀話果然係$298只有鴨皮！真係仲貴過北京樓一定要點評鎮江肴肉，同出面好唔同，紅卜卜似豬血做仲要有骨有羶味，真係驚喜到從來都冇食過🥲獅子球又係有豬羶味，但都叫大大份所以冇complain其他菜式不過不失，冇帶電話關係全程冇影相，唯有影單證明真係有去食過最搞笑既係收加一，但全程係冇服務，收枱都要舉手搵人三催四請值得一提係星期一至四8:15前入座有八五折，8:15入座係八折計埋加一即係5%off 九五折

因為最近買了新相機, 舊的相機就在網上放售, 這晚約了買家在粉嶺站交收, 完成後要吃晚餐, 就到附近的湘川滬吃晚飯,來到後覺得地方企理, 由店員引領入座。湯品點了花膠燉螺頭湯，單看湯料也知道是非常足料, 有雞腳、響螺和花膠等，湯本身鮮甜美味，醇香夠火侯，湯水已預先去了油份, 所以不太油膩,雞腳嫩滑,響螺也是好吃，花膠有滋補作用,個人極之欣賞此湯品。這裡的小籠包夠熱，而且皮薄多汁，就算用上筷子去夾起來，肉汁還是完好的在內，會看到裡面的湯汁之餘外皮也不穿，包得不錯,而肉餡也鬆軟有肉汁, 肉香味濃, 是有水準的小籠包。較出色的就是花彫醉雞, 以傳統上海烹調方法炮製的, 雞肉浸得很軟滑，肉質鮮嫩入味，花雕味道香甜，不嗆侯也不過濃，口感就像吃浸過酒及放涼了的雞肉，很不錯，是值得一吃的。到了瑤柱蛋白炒飯, 單看外表已見米粒晶瑩飽滿,飯炒得乾身也粒粒分明，撕得幼細的瑤柱絲先蒸反炸，香味十足而且有微脆的口感, 蛋白也滑溜而有蛋香味, 炒飯好吃得來也不油膩。到了甜點環節, 豆沙窩餅做得外皮脆口而且呈微焦, 入口還是熱辣辣的, 內面的豆沙餡料軟滑香甜，是好吃的。這裡的地點也算就腳, 正正在粉嶺地鐵站附近,

我最鐘意食片皮鴨🤤🤤熱辣辣咁食真係一流呀😭😭😭4個人食都唔夠食....太好味啦....麻婆豆腐都做得出色...爸爸媽媽都係第一次食呢間，佢地都話好味，好彩都岩佢地胃口

北京填鴨，原隻燒鴨，其他燒鴨部分用作外自行處理，鴨肉肥瘦均勻，油脂部分入口即化，肉嫩多汁，鴨皮充滿果木香味，口感香脆，餅皮口感厚薄食中，食落好煙韌，蔥白、青瓜口感爽脆，味道清甜，配以甜麵醬食用，味道正宗。清炒河蝦仁，肉質肥美，口感彈牙，味道鮮甜，食落啖啖肉，配以香醋食用，味道清爽。怪味雞絲拼蔥油海蜇，雞絲肉質嫩滑，配以秘製醬汁，味道香辣，食落好惹味，配以青瓜、洋蔥食用，口感好豐富，蔥油海蜇口感爽口，食落好香口。涼拌毛豆拼蒜泥白肉，毛豆食落好新鮮，蒜泥白肉食落多麻少辣，肉質肥瘦相間，油脂味濃，粉皮口感爽滑，容易掛汁，味道濃郁。龍眼杞子桂花糕2份，桂花味道清香帶甜，杞子味道香甜，口感滑溜。

去完上海好鐘意食上海野，咁岩粉嶺開左間於事走去試下啦！叫左排骨麵同小籠包，兩個都幾好食，特別係小籠包！其他鋪既小籠包有陣怪味，呢間就冇。真係可以一試！疫情下近排又有折，真係抵上抵。

行完山，未夠6點食個early dinner😋 , 呢個商場人唔多，見好多舖入面啲貨都擺得鬆動，唔太迫，香港好少喺民生區有咁嘅情況😌，飯市未到，餐廳都無乜人，餐廳好乾淨🌟，白色雲石檯同牆感覺好光亮，我地揀咗張卡位。《鍋貼》除咗個底煎過外，其實似小籠包多啲，因為咬落去係好熱同有湯汁吱出嚟，真係估佢唔倒🤔。《銀絲卷》唔係好夠脆《砂鍋雲吞雞》檯唔夠位，侍應喺側邊分好俾我地，幾好，幾貼心，個湯面好多雞油，感覺好唔健康，唯有自己整理下，湯個味偏淡，不過我鍾意咁☺，唔想咁濃味。《西蘭花蝦碌》🥦油咗啲，但蝦係彈牙👏。《酸菜魚》魚份量都幾多，雖然骨多咗啲，但幾薄身，魚質都幾好👍，湯對我嚟話有啲辣，索咗湯嘅粉絲仲辣🔥。《炒年糕》偏鹹，好油👎，又唔夠煙韌。《小籠包》其實同鍋貼一樣味😅, 同樣嘅肉同樣嘅湯，係我地咁樣order 有問題？定師傅手勢太…統一

平時幫襯開呢間，多數食乾煸四季豆、糖醋骨呢啲小菜。今次見到有特別推介，剁椒蒸大魚頭加火腿津白都係203蚊，新嘢喎，加上阿姐極力推介，就叫左呢個餐試試。其實真係非常大嘅挑戰，因為我一個人單挑成兩斤幾重嘅大魚頭，講真我又唔係嗰啲會吮魚頭吮到津津有味嘅人。其實入得湘川滬餐廳，我反而係對佢個剁椒有興趣，整得好食應該都幾惹味，所以就搏一搏啦。個魚頭開邊上，真係，好、很、大、個！ 所以阿姐話有成2斤重絕對所言非虛！ 蒸得算剛剛好，算係滑，有好輕微嘅泥味但都可以接受。反而個剁椒無我期望中的辣，酸同香。只是一堆虛有其表的紅椒碎，唔咸唔淡，令人失望。當然，個魚頭是新鮮的，咁大隻其實去街市買都要60-70蚊。佢收你呢個價唔算好過份，但輸在味道，無奈。反而個配角火腿津白十分不錯，單點都要$88，粒星是俾呢個津白的。

自己一直對上海菜既要求都好高，呢間上海野既性價比出面好多連鎖式上海餐廳高好多小龍包皮算幾薄，肉汁多擔擔面湯底好足料，好夠麻香味，但如果唔食得重口味既人可能會覺得偏咸我同女朋友兩個大食積叫左咁多野，埋單先$137

好耐都唔入一次粉嶺🥺估唔到就食到一餐幾好味嘅上海菜😬呢間就係湘川滬.砂煲雲吞雞(半隻)🍲 雖然只係用咗半隻雞煲，但飲落雞味好濃🐔仲帶有金華火腿嘅鹹香再加上清甜嘅娃娃菜🥓🥬亦唔會好多雞油🥰面頭有好多大大粒嘅雲吞🥟雞肉煮得啱啱好，仲好嫩滑😋.醬爆牛柳粒🐄牛柳粒加上青椒、西芹、腰果、洋蔥🧅落埋秘製醬汁炒起👨🏻‍🍳非常惹味🤤.上海粗炒🔥外表炒得幾靚😍上海粗麵有咬口😆加上椰菜絲、豬肉碎🐷味道正宗😉.小籠包🥢小籠包唔算細隻😌豬肉新鮮🐖一咬落去啲湯汁已經爆出尼🤪點埋黑醋食都唔錯👍🏻.高力豆沙🥠外層蛋白炸到微脆🥚內層鬆軟，加埋香甜豆沙❣️配上糖霜更好味

7點15分去飲早茶早茶有88折粉嶺湘川滬9月18日開始有早茶這間我中午有去食點心，水準高，唔貴7點開始有早茶得兩枱食客食物即叫即蒸，美味馬拉糕和叉燒包好味坐得舒服，裝修比酒樓高檔一點

呢一日同朋友去粉嶺探流浪狗同朋友後，在粉嶺食埋飯先走，一直好想試呢一間，但好少入嚟粉嶺，今日終於都有機會啦蝦餃做得不錯很大隻冇雪藏味而且皮都薄酸菜魚好正，湯底濃厚甘甜，俾啲粉絲索晒而且魚片嫩滑 正！招牌小籠包皮煙韌不會太硬熱辣辣放入口豬肉鮮味湯汁甘甜潤喉抵我哋等咗佢20分熱辣辣放入口豬肉鮮味湯汁甘甜抵我哋等咗佢20分鐘軟殼蟹炒年糕呢個就有啲過鹹而且鹹味源自成碟都係蠔油味 軟殼蟹炸到好油 年糕仲有啲硬 不夠軟糯呢個白肉個醬都係偏鹹而且白肉冇咩豬肉嘅鮮甜味同咬口 大致上食物都可以喺粉嶺來講係做得不錯 會再來的！

心血來潮，想食上海粗炒上open rice湘川滬在open rice 落單有折第一次在open rice ，用alipay 減＄20我自備玻璃盒食店話我拎到店才煮，因我要自備盒ok呀，等了10分鐘即炒，回到家中裏熱食店貼心送豆瓣醬，正！

早前同好友食過湘川菜館湘川滬 真心覺得唔錯 於是年尾團年飯同好友一於再度encore六點多人流不算特別多 被安排到卡位 算是坐得舒服自在 除左卡位座 餐廳中央位置其實仲有圓枱 方便大夥眾聚餐望望餐牌 跟午餐的又有點不一樣 晚市除左小菜、主食、湯品仲有甜品 樣樣都頗吸引 唔想散叫 仲有套餐可以選擇 雖然選擇不多 不過內涵頗養眼 鎮江肴肉+醬汁牛肉切成條狀既肴肉肉色鮮紅 皮色晶瑩 滷凍透明 入口香味醇厚 醬汁牛肉說清了就牛展 入口軟腍細滑 雖然不能說香醇濃郁 但味道仍算不錯花膠螺頭燉湯 / 鮮人參蟲草花燉排骨湯花膠可以養膚美顏 螺頭滋陰補腎 所以燉湯味道鮮味可口 清甜濃郁 非常滋補 鮮人參益氣 蟲草花扶氣補腎益虛損 燉湯雖然呈暗黑色 不過味道鮮甜可口 火喉十足醬炒年糕軟殼蟹剛好是軟殼蟹時令季節 以軟殼蟹來說蟹肉尚算肥美外皮酥炸後再混合惹味醬汁炒 食落鹹香十足 非常開胃美味 年糕唔會太硬 軟硬度適中 食落煙韌軟腍有咬口 年糕質感香糯 充分吸收蟹肉鮮美同醬汁濃香口感層次即時豐富起來 令人一吃回味糖醋排骨排骨外表呈金黃色 外層香酥內裡細軟 肉質感好嫩 不會過澀、過肥

有同事生日，我地一班人決定黎食上海野，十幾人坐左一張長枱，點了一人一份午餐外，再加了點心同小食，不過人太多，好多野都影唔切相就KO左。話就話食上海野，但同事見到有廣東點心又話要叫，叫左蟹籽燒賣皇，大大粒好多肉，味道正常。仲有招牌蝦餃皇，蝦鮮甜，但幾隻都爆左皮，無左啲汁有點失色。跟住有上海春卷，炸得十分脆口，入面包芋頭蓉，飽肚系列黎食上海野點少得小籠包，皮薄多汁幾好味。午餐可以加錢換小食，要左一份麻辣蓮藕雲耳，蓮藕同雲耳都好爽口，辣辣地幾惹味。午餐送嘅酸辣湯，好酸但唔辣，味道一般。自己份午餐要左菜肉餛飩擔擔麵，雲吞厚皮加上皮太淋，麻麻地，擔擔麵湯底就幾好，好有花生醬味，少少辣幾正。同事個上海回鍋肉，炒得較油而且得啲椰菜，有點失望。再黎有酸菜魚片，呢個認真唔掂，湯底不酸不辣無鮮味，魚片係滑嘅但都係無味，可以不點。最後係北京水餃麵，非常清淡的湯底，麵條有韌度幾好嘅，但個湯無味，所以啲麵都無味，哈哈，加左大量辣醬去食食完鹹野上埋個甜品桂花蜜拉糕，煙煙韌韌又甜甜地，呢個好味。有好食有唔好食，午餐價錢唔貴都ok嘅。

自從相約過好友食過好幾次晚餐 一直都好想一試湘川滬既午市套餐 於是相約同事來一試午市人流不少 差不多坐無虛席 望望午市套餐 選擇都有不少 有飯有麵有湯有年糕 真心覺得唔錯 最重點是價錢不算高昂 以粉嶺區來說算是合理價格菜肉雲吞麵上枱熱烘烘 雖然賣相不算特別好 不過份量真的十足 麵足足滿大半碗 麵條煮得軟腍剛好 不會太硬亦不會太糊口 食落有咬口 口感不俗 味道偏向清淡型 若喜歡重口味可能需要自行加添醬汁 雲吞不多不少 都有3粒 不算太細隻 餡料算是不過不失 食落不算高質好好味 至少不難入口 肉汁是有點欠奉 這個略為可惜 青瓜粉皮 其實跟雞絲粉皮有點相近 同樣是用上麻醬混合粉皮跟青瓜 沒有技巧可言 不過就是喜歡吃