満足食堂 (已結業)

先唔講食物味道 首先一黎到俾人嘅感覺已經好不快 店員黑口黑面好似得罪佢咁 語氣態度都好差 問佢野又好無乜耐性 好似講多兩句會隨時俾佢鬧咁 其實唔想撈咪唔好撈囉 我都係想黎食餐飯姐都要受你氣 真係幾好食都好都唔會再想黎食 俾錢買難受

餐廳已經喺石籬開咗一段時間，由於有傳媒報導過，人氣久久不散，自問住嘅地方唔算係好方便，好佩服大家為咗搵好嘢食捐窿捐罅嘅精神😛之前曾經都試過排隊，但實在要等太耐，家中又有老人家，最後都係半途而廢。遺忘咗一段時間後經過附近，決定同家人入去試下。餐廳食物選擇好多，無論係定食、漬飯、鍋物定烤肉，都一應俱全。雖然身處熟食市場內，旁邊係兩間開咗好耐嘅港式大排檔，乙環境同一般日式飯堂或者居酒屋好唔同，但相宜嘅價錢絕對可以彌補地理位置嘅不足👍🏻我哋叫咗吉列特選豬扒定食($58)、牛油煮蜆($48)同HuwaHuwa靜崗蒸蛋($38)，定食包漬物、沙律同味噌湯，吉列豬扒即叫即炸，金黃香脆，而且唔油膩，份量亦足，都幾抵食😋另外必須讚下個蒸蛋，顛覆咗一貫對蒸蛋嘅認識，佢嘅蒸蛋有種食緊疏乎厘嘅感覺，好蓬鬆，帶有好強空氣感，感覺好特別🤩牛油煮蜆亦唔錯，帶有濃濃海水味嘅蜆，加上牛油香，令人食完一啖又一啖😉聽聞店主本身喺一位日本大廚，好感恩佢選擇喺呢到開店，店雖然唔大，但食到嘅係廚師嘅用心♥️

葵涌區比較少日本餐廳，今日探朋友，朋友想食日本菜，所以醒起依邊有間日本人主理既餐廳，之前都上過蘋果日報，好似幾特別咁，所以就慕名而黎。店鋪係熟食中心入面，入面都有大排檔、印度餐館、日本餐廳，熟食中心姐係代表無冷氣，夏天無冷氣食野，仲要周圍有大排檔既火頭，諗起都滴汗。不過，睇食評見好似有冷氣房，都安心啲，所以就去馬。入去個鋪面唔難揾，但會途經大排檔，要留神，否則人地係你腳側跟倒污水都唔知，我朋友就咁中左招。之後我地去到滿足食堂啦，諗住入冷氣房，店員話今日無人無開到，就叫我地坐出去喇已經心諗中伏。不過朋友好想食日本野，都覺得menu OK就算。Menu有大路日本餐廳會有既野食，幾特別既係佢有日本各地既特色食物提供，亦有A5和牛系列同酒提供。朋友叫左牛肉烏冬，我叫左照燒雞定食，但佢話無，就轉左泡菜豚肉定食。兩個set都有酸蘿蔔同沙律，幾好食。牛肉烏冬（$68）：肉似係X寶急凍牛肉，少肉味，配以大路係昆布湯讚歧烏冬，好難煮得難食，所以OK!泡菜豚肉定食（$68）：泡菜極多，但肉過份地少，睇圖就知，都算啦。泡菜既味重酸味，無辣味，同我平時食過既泡菜味出入大，但豬肉無味，似係拎啲泡菜出黎撈下啲豬肉

儘管有點遠，但和宜合道附近一帶的餐廳選擇較多，偶爾寧願吃得匆忙都想去看看 平時會去泰菜及粉麵店，試過多行兩步到熟食市場，但因為晚了點，大部分檔口已落場 結果一年多下來，總共只吃到兩次友人大力推薦的日本菜食店——滿足食堂 搜尋過資料，原來此店是由日本人主理，而師傅本為白木屋總廚，其後決定自立門戶 店舖雖小，但供應菜式多多，各式丼飯及小食不在話下，冬季更有日式火鍋 飯類套餐和單品定價相約，餐附麵豉湯及漬物，沒有興趣的話直接單點就好 位處於熟食市場內，店內環境沒大問題，負責人亦甚親切，價位不算平民，但可以一試 香甜滑蛋系列可謂Comfort Food，初來報到，聽友人提議，選定滑蛋雞扒飯　$62 雞扒炸得橙亮無泛油，炸皮層頗薄身，仍留一分脆感，雞肉沒有雪味腥味，未會過乾 滑蛋部分就中規中矩，富蛋香，甜甜的調味亦很討喜，然而，明顯地說不上是滑溜 其後再訪，嚐到滑蛋澳洲和牛飯　$72，牛肉片煮得微韌了，勝在肉味濃香突出，又不油膩 滑蛋依舊，但拌有充分熟透，吃著清甜的洋蔥，看在味道的份上，質感的事就放過它了 席間，友人點了店家的名物Huwa Huwa靜岡蒸蛋　$42，軟綿綿

住左係石籬十幾年真係好少係熟食市場食，成日都去隔離食pizza多，難得大家都放假就食下，最好食係明太子玉子燒同鯖魚，吉列豬扒定食麻麻，好油，純粹食食物，著重環境就唔建議啦，一般街市，仲有個靜崗蒸蛋仲未上....

><之前見到有媒體介紹就mark低咗距離地鐵站 都有段路程而家天氣涼涼地 喺熟食中心唔會話食到成身汗滑蛋豬扒飯($62)前菜 芝麻醬西蘭花 偏硬 可以再煮耐d醃青瓜 麵豉湯個定食份量就如圖中所見到 好大份洋蔥滿佈蛋漿中 就咁當餸食飯都得咁樣煮完嘅豬扒雖然唔脆但粉漿同肉冇支離破碎 仲可以一件件咁食到底後嘅白飯已經吸哂d汁><><><><><><><><><><><><><><><満足食堂葵涌和宜合道24號和宜合道熟食市場C6號舖

其實之前已食過一次，都ok唔錯因為星期六唔想煮飯，所以就再嚟吃今次我叫嘅係吉烈池魚定食，見其他地方好似好少見吉列池魚，所以就想試下首先佢個定食有湯、沙律、前菜同主食一望落去就覺得都唔錯，炸得幾靚👍🏼沙律同湯就普普通通，前菜望落得4粒就有啲寒酸😅或者切成8粒會好睇啲，不過食落有啲咸到個主角啦，因為係即炸，上到枱都好熱，食落口無話油淋淋👍🏼 加上佢擺左係個網架上面，夠通風，所以好夠脆👍🏼👍🏼 仲要起左骨，食落淡淡肉！😁另外佢配左個醬，食落似麥樂雞啲醬，但個人覺得同個魚就唔係幾襯😳但總括而言，呢set定食都算ok，都幾有heart 嘅，吉烈嘅水準都幾好，當我唔想煮飯嘅時候都會選擇再去😂😂😂

專登山長水又遠黎呢間日本小食堂🌞人生中第一次葵興出閘，行左一條好長好長又好斜既路，終於到左冇冷氣既目的地😥上網睇呢個靜岡蒸蛋係推介，所以都叫左一個一上枱。哇，咁大既仲驚食唔曬，點知原來上層係蛋下層係湯蛋係泡泡state，唔係liquid又唔係solid，覺得有d奇怪所以又搵google大神睇下正宗既係咪咁😂睇openrice食評既相見到人地真係有蛋...但我呢個淨係得泡泡😐😐有少少失望

之前睇到有篇介紹話呢間okay 同個師傅係日本人 所以專訪 點知中中地伏😂佢呢間餐廳位於熟食中心 所以好特別食物有好多款式 啲圖都好吸引所以叫咗個滑蛋雞肉飯同明太子茶漬飯Um....其實茶漬飯幾好食 但個滑蛋飯唔太得首先啲飯唔係日本米同煮得一般 其實我好少會講米 但真係有少少失望雞幾好食嘅 但滑蛋味一般所以對呢個飯都有啲失望最重要係 性價比真係一般係熟食中心食我會以為平少少但價格同出面食都差唔多 而且份量好少又唔太似正宗日本野食所以少失望

有時候，我找尋初次試食的餐廳，第一個挑選準則就是，餐廳在開飯網其他的食評和評價。我會參考該餐廳在開飯網評語是否偏向正面，來考慮該餐廳是否值得幫襯。另一方面，我還會考慮該餐廳的位置，是否真的適合街外客人光顧。不過餐廳位置這因素，很容易在我內心世界出現偏差，就像今次我為了幫襯葵興「和宜合道」的日式飯堂「滿足食堂」，該飯堂的位置就令我對它印象大打折扣。在我網歷大病過後的記憶內，已經對「和宜合道」的印象已經大不如前，忘記了「和宜合道」位置，原來是距離葵興港鐵站這麽遙遠，而且離開葵興港鐵站，竟然要步行如此長距離的路程，才能來到山高皇帝遠的「和宜合道」，我來到時不期然感到「中伏」。當我千里迢迢來到，「滿足食堂」所處的熟食中心內，看見「滿足食堂」隱居於平民熟食中心，還要廚房跟堂食餐檯相距甚遠的時候，我不期然感到有點不安，這間食堂我今次可能揀錯了。因為這間「滿足食堂」，它的目標客源大有可能是，在「和宜合道」附近居住的老街坊熟客，反而像我這種住在葵興以外的「不速之客」，反而打擾了他們本來悠閒的節奏，亦可能殺「滿足食堂」日籍廚師一個措手不及。例如我來到「滿足食堂」，本來很想試試他們的「鐵板照燒雞扒」定食套

細個時愛吃的我，很喜歡看一套名叫「伙頭智多星」的卡通片，中學生主角味吉陽一那充滿創意的廚藝、其非常市井的「日之出食堂」，以及「味皇」對食物的評語，均給我留下不可磨滅的印象。想不到最近在香港，給我找到差不多感覺的日式食堂，講的便是位於一熟食市場內的「滿足食堂」。還記得「伙頭智多星」第一集，味皇也是捨一間豪華西餐廳而去，反而在外表平凡的「日之出食堂」停下來，入去叫平民化的特厚炸豬扒丼，嘗到了人間美味。而「滿足食堂」同樣給我大隱隱於市的感覺，外表雖然屬無人留意的街市店鋪，但實力不凡。據聞這裏的老闆兼大廚是日本人，所以食物有真正的日式食堂風味。先叫一個鐵板澳洲和牛珍寶漢堡扒定食，不俗！首先份量不少，漢堡扒雖非爆汁，但亦不會乾硬，而且肉內加入大量洋蔥，配埋燒汁，好有日式家庭風味。此外，雖是熟食街市，但食物的擺設也不會太求其，紅蘿蔔也有雕成心型呢，而且定食的泡菜、飯及味噌湯也OK。唯一要扣點分是鐵板唔夠熱，少了一些食鐵板食品的「啫啫聲」。跟著所叫的靜岡蒸蛋便精彩了。跟我們印象中的蒸蛋或茶碗蒸不同，這味外型像梳芙厘的靜岡蒸蛋，其實像高湯上放了浮上來的、像泡沫般的梳芙厘，口感上不似吃蛋，但泡沫卻充滿蛋

很久之前看過報章介紹熟食市場裡的這間餐廳。來自日本的師傅在沒有冷氣的熟食市場，滿頭大汗地為食客製作食物。男友知道我想試，買了個明太子茶漬飯外賣。雖然湯已被飯吸光，飯變得脹卜卜的，但不算太腍，盡是湯清清的味，加上明太子的微辣，十分好吃。天氣悶熱，從葵興地鐵站行過來，行到一身汗，再坐在只有風扇吹下吹下的熟食市場，難怪只有幾枱食客，跟男友上次形容六時開始營業便全場滿座大相逕庭。微辣木魚花豆腐賣相不太吸引，入口卻驚為天人。大量大魚，脆脆的，吸滿微辣的調味，相當惹味。味道都幾重，跟帶清清黃豆香的豆腐配搭一流。再加些蔥花，添點清新。明太獅子狗天婦羅這個炸粉不是天婦羅，跟普通港式炸物無異，不過炸得很脆很香又可口。幾彈的獅子狗包著不少明太子，吃下去卻沒有期待的明太子的辣。HuwaHuwa靜岡蒸蛋特地前來，就是為了這個蒸蛋。男友說上次來的時候，幾乎枱枱都點了蒸蛋，看起來很大份，一個人吃不完，而且不能外賣。終於見到真身了。蛋蒸得很鬆，好像梳乎厘的中間，見到一個個幼細的氣泡。入口即溶，輕飄飄的，化成淡淡蛋味的泡泡。近湯的下層較熟，稍為實一點點，但依然很鬆，蛋香更出。雖然一大煲看似很多，其實泡泡般的蛋不是很飽

小時候住在石離，家人有時都會到和宜合道熟食中心食晚飯，印象中，熟食中心內的全是中式嘅大牌檔，沒想到居然開了一間日式餐廳，仲要係日本人主理，看完報導已經好想試，星期日朋友約食LUNCH ，又想試日本菜，於是就建議了這間。星期日嘅熟食中心，有好多食市都休息，所以人流都好少，大約11:00去到，不用等位，地方不算大，簡單的枱椅，牆上貼滿日本動漫海報，動漫迷去到一定十分喜歡。我們分別叫了滑蛋澳洲和牛烏冬($72)及鐡板照燒雞扒($62)，仲有薯仔沙律、酸蔬菜同麵豉湯滑蛋澳洲和牛烏冬比想像中大碗，碗面鋪滿左滑蛋同埋牛肉，滑蛋同牛肉都好滑，亦非常入味，反而烏冬就只係一般嘅貨色，沒有好大嘅驚喜鐵板照燒雞扒，鐵板上，有雞扒、西蘭花同埋薯角，有薯角真係好吸引可惜炸得過火了，雞扒大大塊，都算入味同嫩滑，西蘭花就只係簡簡單單用水烚熟薯仔沙律就正在常常，沒有特別酸菜就有青瓜同埋蘿蔔，我就覺得太過酸同埋唔夠爽脆！麵豉湯內有很多豆沙，仲好滑，好好飲你間餐廳吸引之處就係位於熟食中心同埋日本人打理，食物我就唔覺得有咩特別只係簡簡單單嘅一間日本餐廳，行開不妨一試！

之前facebook有一輪成日見到關於滿足食堂嘅post, 勁想試！！ 但試過兩次去到已經full晒，截客了今次去之前 打電話問店員有冇位，好采有姐！兩個人叫左四樣野食傳說連福山雅治都大讚嘅靜岡蒸蛋好特別呀！ 第一次食！ 有點梳乎厘嘅口感，蒸蛋下面係湯黎嘅，幾鮮味！ 我飲晒..哈哈泡飯係日本傳統食物，但唔合我胃口，有點淡木魚豆腐本來驚佢無味！ 但d醬油又唔錯喎！！ 加埋木魚好有層次呀燒肉都幾好！ 有得自己燒，有牛味！地方有點逼，但食物不錯呀！！

屋企樓下又搵到間正野！我ORDER左一個鰻魚定食~ 另一個係火灸三文魚飛魚子飯!!!鰻魚定食係勁肥美既鰻魚!!! 原條鰻魚上~ 再加上佢係厚厚既~賣相都已經超級吸引呀! 食落鰻魚汁撈飯一流!  好快我就KO左條鰻魚!非常滿足既一餐晚飯! 另外叫既火灸三文魚飛魚子飯!!!明明係蟹子黎架喎.....哈哈！不過哩個飯都唔錯呀！份量又勁多！睇到佢啲蟹子係多到不得了!飯又炒過！ 非常有質素!!!!估唔到平民地方都可以食到有質素既日本菜! LIKE呀!