源發潮州粉麵 (已搬遷) 新店位置

今日見做完野返到屋企,口痕嗌左個下午茶外賣嗌左個炸薯條雞脾加杯檸茶,係就係熱氣左啲,不過間唔中食一次都冇所謂啦!!外賣好快就到左,一打開熱辣辣好吸引份量多又大雞脾啲肉好滑唔乾,薯條又好味過麥記....個檸茶檸檬份量岩岩好唔會多唔會少,茶味夠濃!!自己仲加左茄汁一個甘好味既下午茶真係估唔到~

我本身係九龍灣返工，星期六，日比較多客( sales )，大多數會叫會源發😁1：食物ok，2：速度快!!不過，外賣有陣時會由一位叔叔送，老實講，佢找錢嗰陣左摷摷，右摷摷，拖長D時間，有陣時我客多就會叫佢唔駛找！1、2次就ok啫!日日都唔駛佢找，佢咪好著數？呢樣嘢我再唔滿意😡！以前好鍾意食風沙雞中翼，近期發覺Size細咗好多😵唔抵食！仲有炸豬大腸！$3X 先得幾舊，一樣唔抵得！雖然小食唔抵食！不過飯餐好正~大大盒飯，最適合好胃口嘅人👍

今日同朋友去左九龍灣行街,諗住行下睇下有咩食點知見到尼間好似幾多人食就入左去^^坐左係到環境乾淨唔差,因為我本身中意食雲吞,所以就嗌左個雲吞麵食而我朋友就嗌左個鴨胸煲仔飯等左冇5分鐘我既雲吞麵到左,雲吞大大粒,好好味啲麵冇鹼水咪,所以尼碗雲吞麵值得推介good!!煲仔飯一打開真係好香啲鴨胸唔乾,飯刀ok*見啲雲吞甘好味就買左打反屋企^^第一次食就有好印象,會再幫襯

我其實都有去開里間野食，其實唔係貪佢好食，只係夠近，近一年價錢都加左好多，以前一般兩個人食110蚊到，而家差不多每次都要160-170蚊，尋日放工去食，我地等完位後便入坐，佢按排我地坐一邊卡位，其實好迫，但都冇所謂啦，食完都好快走。但當我地坐底哂叫野之際，有三個客剛到，女店員就同佢地講未有位喎。但之後有另一個男店員叫我地起身俾張枱哩三個客，佢話人地三個人，你地兩個要再等。之後我地掉低一句有冇攪錯就走。因為我地都唔想俾佢影響心情。我地永遠都唔會再幫襯哩間野。真係第一次遇到哩D咁不合理既按排。之後我地去左上海婆婆快樂地吃晩飯了。

一次偶然行過宏光樓, 見內裡有好幾間食店, 好奇之下去了看過究竟, 見到一間自稱是蝴蝶腩及豬雜專家的源發, 於是決定試試是否如此了得. 一間小小的店子, 擠滿了食客, 衛生一般而已, 地板也比較滑, 一不小心很容易滑倒. 既然店家自稱是蝴蝶腩及豬雜專家, 當然要點來試試! 另外也點了九菜豬紅豬腸.九菜豬紅豬腸, 小小的一碗, 盛滿了九菜,豬紅和豬腸. 湯的味道很濃郁, 而且偏鹹; 豬紅脆口,一咬即碎, 乃是真正豬紅, 而非有些無良店以雞紅魚目混珠, 充當豬紅; 豬腸也處理得宜, 洗得乾淨又沒有異味, 不過只有寥寥幾件, 有點不夠喉!招牌鮮豬雜, 有豬肚, 心, 粉腸, 膶等等. 粉腸味鮮而且沒有苦味, 豬心爽脆, 豬肚滑而不硬, 豬膶是黃沙膶, 爽口而不硬, 各種材料也處理得宜, 可能正如店家自稱, 它們事前處理做足功夫, 用的也是新鮮的豬內臟, 所以味道鮮美. 首創蝴蝶腩是用炆的方法去煮, 雖然也有近筋膜的腩肉, 但可惜肉偏乾硬, 牛味也很一般, 而且份量偏少, 感覺跟吃普通牛腩差不多, 跟店家所說的如何美味特別, 絕對是另一回事.之後看到其他食評, 才知道這間源發是在牛下發跡的,

3年都就黎過la~不經不覺,離開左下村好耐la~1-14座都拆晒la~依家得返一大塊空地,牛下美食,真係好令人回味,價錢真係夠晒大眾化.人地賣牛,就賣豬.唔怪得之,蔡瀾都黎食la~哈哈€餐牌封面都係以下村為圖,正家姐最鍾意就係食豬雜河,難怪啦,就算佢搬到粉嶺咁遠,每一次出九龍都一定會去食la~haha我就最like食果皮炆豬肺配銀針粉,真係好好食最後當然唔少得叫埋九菜豬紅la~豬大腸,洗得好干正,好有豬味.由於晚飯時間,去到都仲要等,主推煲仔飯,勁多人叫羅,所以攪到其他野食都上得好慢.臨走問多句,何興記去左邊??(以前成日去食)佢話,依家休息,笑左.休息左2.年幾3年la~仲休息.我諗應該係未搵到舖位.所以再開舖.唔知要再搵返下村美食,要幾耐呢???最掛住係粥舖.

由於趕著入影藝睇七點半，和女友去了源發吃碗蝴蝶腩銀針粉醫肚，反正自牛下清拆後都仍未幫襯過。這間位於宏光樓旁的新店，環境比較新淨，卻失去了往日的街坊食店感覺，甫坐下，即叫了兩碗蝴蝶腩銀針粉 ($24)，再加碟腐乳通菜 ($7)。蝴蝶腩是源發的招牌，即是連著豬肺的一塊小肉，因狀似蝴蝶而得名，本來近筋膜的腩肉應帶點爽脆的，但這次吃到的卻是另一回事，肉有點乾，入口更是黏牙，花了不少時候去咀嚼，認真麻麻，我覺得灣仔信得過和北角壹碗麵的出品比這裡的還要好吃。幸好銀針粉容易入口，吃罷放低六十蚊立即趕入場，下次．．．應該沒有下次了！

友人在德福擺酒結婚，八時入席，九時有得食在所難免，於是先到附近打下底。路過見到源發，回想起當日在牛頭角下邨嘅光環，決定重溫舊夢。源發以蝴蝶腩聞名，蝴蝶腩其實係連接豬肺嘅一舊小肉，因為形狀似蝴蝶而命名。平時食嘅靚蝴蝶腩連筋帶肉，筋位定必爽脆，肉部份比腩肉更腍，非常好食。但今次經驗卻係相反，腩位咬落好乾亦無肉味，筋位唔爽亦無味，而雙拚嘅豬肺片，味道乏善可陳，口感更加係毫無咬口可言，而且豬肺果種獨感嘅質感亦盪然無存，而且湯底味精甚多，食罷喉嚨極唔舒服，整體失望至極....點解依家嘅源發變成咁？莫非係我時運低？

繼牛下關閉之後，好多店舖都無繼續經營，但其實有一間早已開了分店，二店合而為一，這間就是以賣蝴蝶腩及豬雜起家的源發。雖然這間已經經營了多年，可是食物水準卻沒有因有固定的地點而有所回升，絕對可以話係水準大跌。首先係蝴蝶腩，以前係非常美味，肉汁甜美，嫩滑爽口，現在則不能比較，因一比之下，發現普通得很。另一招牌菜豬雜，幸好得以保存味道，沒有太大的退步。原因可能是事前處理功夫依然到家，烹調時沒有用太多汁料去煮，只以上湯灼熟，並且依舊用新鮮的豬內臟，所以沒有走樣。粉腸有粉之餘，仲鮮甜不苦。豬心爽脆有咬口，豬肚爽滑而不靱。不過最可惜的是豬肺，以前是非食不可，現在是可以不食。而豬手就令我十分苦惱，明知水晶豬手是沒有甚麼味道的，可是偏偏想食，點知真的上了當，完全沒有味道之餘，亦比較硬。由於水準下降的關係，現在都唯有試食其他的食物，例如煲仔飯、蠔餅等等，還記得上年這個時份，到源發食煲仔飯時，覺得整得非常之好，整個飯充滿飯香，而且飯焦亦都十分甘香，可是今年再嚐時，整煲飯沒有飯香之餘，還濕淋淋，完全不能起飯焦，排骨好似連醃味都慳番咁，無咩味道，腊腸好似發育不健全那樣，十分短少，煲飯已經比平常細煲，估唔到現在連

原本諗住去德福行下但先搵野食無心插柳就入左去le間野原來專食豬ge我地3個人叫左豬什麵,南乳豬手麵,蝴蝶腩河,韭菜豬紅豬腸全部都係新鮮ge豬什麵有豬肝,豬心,粉腸,整ge時間剛剛好.......唔會太熟好有豬味而豬紅唔係而家食到ge豬紅,唔係溝雞血,咬落去好滑唔會有渣仲之就"正"

已經唔知第幾次o黎lee度, 總知每次o黎開九龍灣都會記得lee度睇下有冇機會再食每次都必order蝴蝶腩配銀針粉, 首先銀針粉唔係每度地方都食到架, 所以好珍貴 可能細細個成日食粉, 所以依家鍾意左"粉" 而且再配埋lee度d蝴蝶腩真係絕配, 佢d汁好濃好入味, 而且腩d份量都好多, 仲只係$20咋....抵食!!! 不過今次d腩就硬左少少, 要扣少少分, 不過overall都係頂呱呱, 對我而言下次再幫親的話想試下蝴蝶腩配肺片啊~~~ 應該都幾好味o既 + $6仲可以配油菜, 添~~~ 抵啊~~~

果日,放完工咁岩見到源發就去食, 食左個蝴蝶腩河 肉質爽滑 味道好特別而仲食左個薑蔥豬雜煲仔飯"都幾好味 咁岩果日咁岩落雨又冇帶 成身濕哂 一入到舖頭d 待應好好服務咁比紙巾我真係估佢地唔到

夜了找吃，想起此店的老鋪都多人一嚐，便來試試，因人也不多，叫了河粉豬爽肉河：肉味不夠，爽得一般有點淡，河粉尚可白豬手河：味也很淡，又不爽，而且很淡不入味，在餐單上仲是推介，有點失望

午餐正自搵邊到外賣，咁岩撞到工友路過，於是一齊去食個lunch﹗來了呢頭既源發，睇一睇食評，乜呢間野0的評價那麼差﹗由於工友住呢頭，佢話成日夜晚都來呢間開餐，貪佢一向人不多，食物亦有質素。睇一睇牆上的廣告招徠，源發出名的是蝴蝶腩，仲有蔡瀾報章品題，話咩就算佢搬到去深圳都要食﹗蝴蝶腩我就唔多識欣賞，簡單地叫了個雲吞麵紫菜底，而工友就要左個薑汁豬潤麵﹗豬潤麵佢話加左薑汁很是暖胃，睇佢個豬潤湯亦很化很綿，賣相當然不及深水步那間排長龍的多料滿溢，不過工友也很滿意﹗我的雲吞麵也不差，雲吞一客有四粒，賣相飽滿，入面蝦肉夠爽，肥瘦豬肉比例適宜香口，蔥粒亦有提鮮作用，唔錯﹔麵底就無咩好品題，只是普通貨﹗感覺不錯的一餐，10度下的天氣吃完暖洋洋的，步出門口精神爽利，舒服﹗

呢間野係呢期好鍾意去既地方 ... 因為好鍾意食佢D 豬什面 覺得都幾特別 同埋+ 腩汁同佢既辣椒油好味好多另一方面 .. 男友就鍾意食佢既特餐 ..豬頸肉咖哩汁出前一丁.... 仲有例湯同埋菜/ 飲品豬頸肉燒得幾入味... 咖哩汁又勁濃 .. 好好味呀都係$28 ..真係好抵食... SO 成日黎食