源記甜品專家 (已結業)

傳統中式甜品店越來越少, 當中能夠保持傳統和水準的更不多。很喜歡源記的糖水, 尤其是其桑寄生蓮子雞蛋茶。桑寄生蓮子雞蛋茶 $39根據網絡資料, 桑寄生能補肝腎、強筋骨、治風濕、行氣活血、降血壓、安胎寧神、治失眠和經痛。蓮子則入心、脾、腎經, 同樣養心安神, 擴張血管, 有助睡眠。所以謂桑寄生蓮子雞蛋茶本身是養生糖水, 男女老幼皆宜也不為過。茶底不會過甜, 藥材味道並不濃烈, 可謂容易入口。蓮子不少, 中間的苦已去, 放心食用。雞蛋軟綿, 不會煮得過老, 好味道。

間唔中都會特登搭車去西環源記食中式糖水🤓一直都係無變一直都咁好味❤️-裝修簡樸, 乾淨企理✅糖水款式唔算多, 離不開桑寄生茶、紅豆沙、綠豆沙、杏仁露、合桃露、芝麻糊, 加唔同配料🙆🏻‍♀️勝在出品夠好👍🏻-💁🏻‍♀️桑寄生蓮子雞蛋茶今時今日唔係度度都有桑寄生茶, 有亦未必好飲~~我好鍾意依度嘅桑寄生茶❤️ 我唔知係唔係全港最好飲亦唔知係唔係懷舊嘅味道, 但入口真係好清香好舒服☺️仲可以揀配蓮子同2隻雞蛋🥚-💁🏻‍♀️純正杏仁露杏仁露好香滑, 又唔會太甜, 好滋潤😌-

全港最古老和歷史悠久的甜品店，相信源記甜品專家當之無愧👍🏻而且坐車都好方便1） 地鐵從上環站下車，一直沿著皇后大道西就會碰到正街在右轉就會見到2）坐叮叮既話可以搭往西環方向，在東邊街接下車後往前走幾個路口，左轉正街就會見到去到店內都算大，座位數還算多，因為食甜品時間通常都不會花費太耐，所以通常都不會沒有坐位坐👍🏻源記糖水款式不多，主打蓮子，桑寄生都係個句啦，好食既話唔多野選都會有捧場客啦蓮子杏仁露 - $39源記係採用傳統的石磨來磨杏仁，磨出來的口感細緻幼滑，而蓮子是用手去蕊的湘蓮，鬆化柔軟，入口即溶，使杏仁露唔太甜桑寄生蓮子茶 - $39店舖內以「桑寄生」最為著名，每粒人手挑芯，蓮子已去蕊後，食落就唔會苦，而蓮子數量亦很多，味道香濃

食糖水始終都係古祖味好，今日去上環見客就在正街落車，無需再找藉口就入去「源記甜品專家」推門坐低，一碗蓮子杏仁露加多件清蛋糕，就係咁簡單。🥄蓮子鬆化清香，杏仁食得出啖啖杏香，真材實料童叟無欺，這就是古祖味，不過本人略嫌較甜，淡少少會比較啱我。😋清蛋糕是孩童時的味道，新鮮🥚雞蛋加入白砂糖，打至企身再入爐蒸熟，新鮮清香軟熟，這種獨有老香港味道誰能代替。一碗靚糖水加件清蛋糕比得上一個午市套餐價錢，是否值價值觀各有不同，要食就唔好睇幾錢。餐牌老香港糖水

今晚和朋友在西環晚餐完，突然想吃中式糖水，朋友就介紹這間源記甜品，他住在西區很多年，由細食到大，都維持到品質。我們去到門口，已有一大班人在門口排隊等候安排入座，有外國遊客、大陸遊客，店內約有三十個座位，有一點擠迫，餐檯上有食評家蔡欄推介，應該都不錯。我們點了兩碗桑寄生蓮子茶$37、香滑燉雞蛋$35。桑寄生蓮子茶 - 味道太正宗，每碗約有十多粒蓮子，在網上看，桑寄生功效很多，桑寄生，能補肝腎、強筋骨、治風濕，行氣活血、降血壓、安胎寧神，治失眠、經痛。蓮子則入心、脾、腎經，同樣養心安神、擴張血管，有助睡眠。香滑燉雞蛋 - 非常香滑，不錯！

今日天氣又凍返 好岩食熱既養生中式糖水 今次去開西環 順路試試特色老店香滑燉雞蛋果然同個名一樣咁滑 🍳入口有驚喜 好濃蛋香 甜甜地不過食得多就有啲膩蓮子芝麻糊芝麻糊好滑 唔算太稠身 尚算有芝麻味 係甜左小小蓮子唔會煲到好冧 有咬口 中間既芯已經除左 一啲都唔會苦 感覺好養生全蛋雞蛋糕雞蛋糕入口好濃蛋香 唔會太甜 但係質地較結實乾身 🥚唔用牛油感覺好健康 好有傳統風味 但係就唔係我杯茶啦老字號糖水索價偏高 燉雞蛋有驚喜 但其他就比較普通 偶爾感受一下老店傳統風味就好

#sweets #hongkongfood #hk #hongkong #hkg #糖水 #桑寄生蓮子蛋茶 #杏仁糊 #合桃糊 杏仁精杏仁糊，冇味合糊，少少五花茶味甘既桑寄生茶#西營盤 #香港 #香港美食 冇佢份，排隊，貴，難食到好難得，甘细碗都決定吾食，最on居一早叫定外買 Terrible experience #expensive not worthy bad tasteno more try #saiyingpun🚫🚫❌❌❌🙄🙄

來到西環，食完飯當然要去源記食糖水。第一次來係住西環的朋友帶我來的，當日一大班人，試左好多款甜品，味道就同屋企煮的一樣。今次叫左綠豆沙，合核糊同蛋白杏仁茶。味道都剛好不太甜，雖然無其他糖水鋪咁濃味，但係就多左媽媽的味道。源記甜品不是主要為了吃糖水，係吃舊香港的情懷。

源記是一間歷史悠久的百年老店，很多人慕名而來。糖水款式並不多，多年來只提供傳統中式糖水。價錢略為偏貴，但勝在真材實料！每張桌子上都放了蔡瀾推薦的報章。店舖以桑寄生蓮子蛋茶、石磨杏仁露及雞蛋糕為著名。桑寄生蓮子茶 ($37)桑寄生茶味道香濃，蓮子數量甚多；鬆化柔軟的蓮子已去蕊，可以放心盡情地咬下去，不怕會吃到苦味。蓮子杏仁露 ($39)採用傳統的石磨來磨杏仁，磨出來的口感細緻幼滑。糖水質地濃稀度及甜度適中，吃下去完全沒有糊口的感覺。

⭐️桑寄生係女性恩物，可以治經痛、補血、調理月經；更能祛濕、降血壓、安胎、寧神安眠等，男女老幼孕婦都啱。而依到嘅招牌就係桑寄生茶！👓桑寄生蓮子茶 $37茶底桑寄生味唔算太重味道，放心亦冇藥材味！甜度適中，蓮子好足料大大粒爽口唔苦澀，配搭出一種健康嘅咁甜味，即使係糖水食完都冇罪惡感。雖然以中式糖水來說個價錢有啲貴，飲完會覺得個人暖晒好舒服，可能就係潤澤嘅感覺。嗰陣實在太飽所以加唔到雞蛋食，聽聞也是招牌大家可以加隻試試喔！評分：8/10👓陳皮綠豆沙 $27普通冇太大特別。評分：5.5/10👓全蛋雞蛋糕 $8件蛋糕完全沒有用牛油只用了雞蛋製作，所以蛋味的確很重。其實蛋糕都幾大件厚身，質感比較實同乾身，氣孔明顯唔多，有別於海綿蛋糕的鬆軟。雖然唔係我杯茶，但佢自然有佢本身存在嘅懷舊特色，見到好多人都會叫件黎食，所以都覺得要試一次🤣5.5/10👆🏻大家可以睇到件雞蛋糕真係好厚！而且盛糖水嘅係「萬壽無疆」碗，非常有歷史。

喺一間咁出名嘅糖水鋪，估唔到可以有咁難食嘅芝麻糊。米䊢多，冇芝麻味，$28，好希。有新鮮出爐嘅雞蛋糕，味道唔錯，但個伙記一邊收錢一邊用同一隻手徒手拎蛋糕，唔多衛生。唔再去。

懷舊二字 在年輕時難免覺得有點老土總是一些黑白片 粵劇什麼 已過氣 不是這個年代才會襯得上「懷舊」但今時今日 原來自己都走到「懷舊」的時間滴答滴答 時分秒不斷走著「懷舊」又會是「懷恩」好的東西才值得懷一番西環 老店林立 糖水嗎？ 有很多新穎的西式日式甜品舊糖水舖都買少見少 更何況純賣糖水？可能區內只有它「源記」桑寄生為店家最火紅 最長壽的產品四季皆宜 女性恩物還有其他傳統中式糖水 任君選擇價位還是可接受水平 質素搭夠桑寄生蓮子蛋茶 $39 大大碗桑寄生茶 甜而不膩 味道清香而且藥用功效數之不盡的好 不但能祛濕、降血壓、安胎、除風濕、寧神安眠對女性更可以調理週期性不適 白雪雪蓮子大大粒 爽口清甜 連我這個對蓮子沒有多大興趣的都覺得不錯制作用心 不會胡亂把材料搞作一團配上熱烘烘的桑寄生茶 很潤澤當然小不了 雞蛋極之入味 清甜又不會難消化 蛋白位置都全部變色 直入蛋黃 這個可以令整碗糖水提昇至另一層次「傳統」的傳承 萬壽無疆碗 感覺就似花樣年華中穿著褀袍的張曼玉一樣那樣婉容 那樣淒美又帶點魔力 期待下次

我咁肯定佢係全香港最衰嘅糖水舖！幾十蚊一碗糖水又唔係平！紅豆沙，綠豆沙全部水多過渣！可以話佢差唔多全碗係水！成間店老闆連員工服務態度差到不得了！都唔知點解仲有人去食！呢啲咁嘅鋪頭食一次都唔會返轉頭！

這家百年糖水店-源記，在我wish list 已久，早聞其名，創立於1855年，是香港老牌的糖水店,亦是著味食家蔡瀾所推介之店。今天特意在放工後到訪。這家店沒有花巧的裝修，而是平實而簡樸，實而不華，但感覺光猛而企理。他們的餐牌一目瞭然，就是傳統的中式糖水，而價格方面，他們是與時並進，定價$27-$42。既然到訪，十居其九都點他們的桑寄生蓮子雞蛋茶和雞旦糕。桑寄生蓮子雞蛋茶$39這桑寄生蓮子雞蛋茶的桑寄生味道唔太濃烈，沒有預期的藥材味，味道甘甜，是平易近人的味道。最令人驚喜的，是那滷得相當入味的雞旦！雞旦滷到連旦黃旦白也入色入味，有桑寄生的味道，而且還有旦黃很甘香，好吃！是這糖水的亮點！蓮子大大粒，煮得透熟鬆化，完全沒有半點苦味，不錯。整個糖水的甜味溫婉，沒有死甜的味道，是雅淡的甘甜，感覺健康。全蛋雞蛋糕$8據聞這雞旦糕完全不用牛油，只用雞旦製作。雖然旦糕的氣孔唔多，帶一點質感，口感比較結實和乾身，但越吃，旦味越突出，感覺輕怡。雖然不是我杯茶，但這是舊日樸實的雞旦糕味道。吃過傳統中式糖水，頓覺脾胃滋潤不少。一瞬間，時光彷佛回到童年和母親吃糖水的那片刻，嚐到的就是那久違的傳統味道。

近年小妹非常重視養生，尤其踏入三字頭，已經戒凍飲😩經常光顧家附近的XX工房吃桑寄生蓮子蛋茶，聽說桑寄生是女人恩物，可以降血壓、行氣活血、治療經痛⋯⋯今天剛好跟朋友說起養生之道，他說：「陣間帶你去食好野！」原來是源記！聞名不如一試（我真的未試過，但我知道是老字號）。源記主打就是桑寄生系列糖水，店中所有糖水只有熱食，十分適合我這些注重養生的中女😂我和女友人都點了桑寄生蓮子蛋茶，老公們則點了桑寄生蛋茶和蓮子雞蛋合桃露。單是用來盛糖水的「萬壽無疆」碗已在告訴你這碗糖水的歷史，經得起時間考驗一定是好東西。嚐一口糖水，天啊！我平時喝的完全不是這回事，淡淡然的微苦然後回甘，蓮子煲得又粉又腍，很好吃。主角原來是雞蛋，咬開後才驚嘆怎麼連裡面的蛋白都上了色，非常入味，蛋黃也很香！老公點的蓮子雞蛋合桃露中的雞蛋就較普通，但合桃露也不錯。