源記餐廳 (已結業)

平時叫外賣 一個人叫一個餐已經西口西面 我都算（如果你唔想送 咪寫最低消費囉）今次送個發毛熱狗黎 打去都係西聲我得罪左佢咁 叫我聽日先去退錢我聽日報埋食環啦仲等你聽日 最後cut 埋我線👏🏽👏🏽👏🏽呢間餐廳真係不了。

星期日晨咁早起身做運動咁辛苦，梗係要食番個靚早鼓勵下自己。因為做完運動有啲熱，唔想食有湯粉麵嘅餐。行到大圍，早上8點幾嘅源記人少少，加上佢有西式早餐，一於入去食。西式早餐我揀咗炸魚、煙肉、炒滑蛋，配茄汁豆、薯餅、多士，仲有熱飲(我叫咗茶走)都只係$38。喺等緊食物之際，有位剛入餐廳女士疑似有腳傷，因為不斷聽倒有店員哥哥叫佢小心啲行、唔使急，都幾温暖。炸魚外皮略嫌炸得太燶，但魚肉就剛好熟，魚柳仲係好多汁，如果可以用小量盬同胡椒粉醃肉後再炸會好味啲。煙肉煎得唔夠燶同脆、炒滑蛋就剛好熟又夠滑。多士有啲喜出望外，半片厚切，焗得脆而不乾，簡單配牛油，好味。茶走太多奶，令到茶味相對淡。

第一次過嚟呢間大圍源記食，點了一個午餐堂食，侍應居然拿了兩個飯盒出嚟給我們，就講了一句入錯盒，然後咩都無講，就飯盒到枱面上比我食，我覺得很奇怪請問其他人是否試過有這樣的待遇？？我想知道這樣是不是很正常，你們有試過嗎？先唔講好唔好食，我就知道係餐廳枱上食飯盒，我就已經覺得好似冇啖好食嘅感覺，唔知呢間公司職員係點樣諗嘢，究竟係所有分店都係咁樣呀定係淨係呢一間！如果你們遇到相同的對待，你哋應該會點樣去處理？

次次去大圍租單車踩 都食呢間源記 早餐就無咩特別 次次都叫沙嗲牛肉麵 都叫okay既 今日12點幾先到大圍 所以試試佢午餐 叫咗個黑椒牛扒意粉拼咖喱角 塊牛扒真係細塊左啲 質素同味道 就普通左啲

途經大圍源記茶餐廳，外帶了兩個下午茶餐作午餐回家享用。第一次吃這店的食物，感覺價錢相宜，味道也不錯。下午茶餐的選擇頗多，還包了一個飲品，外賣滿$50又有九折，非常化算。～乾炒牛河賣相不俗，最欣賞是炒牛河面上灑上了芝麻，還加有少許韮黃和芽菜，絕不欺塲。河粉軟滑，上色均勻。牛肉份量很多，味道一般但一點也不會韌。～乾燒伊面幼幼的伊面吸收了汁，味道不錯，稍嫌多了點油。配料中的草菇、芽菜和韮黃是少不了的，吃起來比較爽口。

大圍的餐廳唔少，但要食牛腩牛什冇乜選擇，要食牛腩都係去源記。食過幾次牛腩河，講真，湯底麻麻地，唔夠鮮甜，而且有啲鹹，但牛腩都算OK。今日好想食牛腩，於是又再幫襯。點左牛腩牛筋河，點餐的伙計好幽默，每次我話要走蔥，佢都大大聲話「好啊，多蔥！l🤣今日的牛腩夠淋，少肥膏。牛筋也很淋而且好滑，感覺啖啖骨膠原。河粉幼滑，但湯底味道依舊麻麻，冇變得好味。總體來講湯底及牛腩牛筋都鹹左少少，但勝在牛腩牛筋夠淋夠入味。

食過最難食嘅茶餐廳之一。豆腐火腩飯，火腩皮唔脆勁冧，大陣豬肉騷味，唔知擺咗幾耐。個餸濕到似上湯，完全冇鍋氣。食咁多間豆腐火腩，火腩切到正方體勁厚都係第一次見。------------------------------奶茶叫咗少甜都甜到似糖水，冇茶味。叫芝士肉醬雞扒意落錯單出咗椰汁焗意（睇返openrice都唔係第一次）。意粉一粒肉醬都冇，焗得唔夠耐，雞扒唔夠味，好求其。服務態度麻麻。絕對冇下次。

今日嘅午餐A臘腸蒸排骨其實本身臘腸已經係好簡單嘅嘢咁大間公司點解啲臘腸會有（億）味因為方便嘅關係每日都食外賣但係唔知點解呢度嘅米係特別....特別唔好食好似有渣咁有啲咩先可以改善到呢樣嘢呢....好多人食飯對飯都冇咩要求又或者唔會特別留意有啲咩唔同覺得都係白飯，其實米靚唔靚真係會食得出，唔一定要用好靚嘅米，但係至少唔好用太差。唔想寫啲嘢去詆毁人哋，不妨可以入去試一試啲飯（米），好乾身，好無味真心希望可以改善，因為我差唔多隔日食打公仔真係好需要呢啲食肆只係希望，每日都食，可以做好少少🤏⋯⋯$50～一個午餐，話多唔多話少唔少

早餐黎講，簡簡單單就可以，不過簡單並代表求其bor。原來要做得簡簡單單又好味，都唔係一件容易的事。聽講呢度加奶茶同埋魚柳包都做得好出色，所以早餐就特登老遠來買外賣，帶去親戚屋企食，當然喺順便帶埋moon cake去探親啊。黎度杯奶茶真係無得頂，茶味好香濃，香得黎又唔苦澀，花奶落得啱啱好，真係好有級數。但係講到個魚柳包就出事啦，麵包喺花左心思，喺烘過而且又香又軟，不過用鯰魚來做魚柳包，味道就真係強差人意，因為鯰魚嘅肉質，本來就係比較淋同散，根本就唔適合用裡做魚柳，質感差自然食落唔好味，仲要加埋蕃茄生菜，攪到好淋，咁就變左唔好食。

今日gym前想食個早餐，眼見就嚟11點換餐牌，所以喺大圍一落火車就近近地入咗依一間源記度食...！早餐本身冇咩好寫，但係一坐低我啲回憶又翻返嚟......明明幫襯咗佢幾次，每次去完都話冇下次，但我份人又冇記性，結果坐低之後又後悔！點解呢？？點解要講到咁狠冇下次？？因為佢環境真係好污糟，明明啲職員就好得閒，又冇爆場，但係地下永遠都係好多垃圾大熱天時，30幾度...冷氣唔夠、餐廳好焗同埋杯嘢飲...永遠都係食完野先至到！反而佢食物味道係唔差，尤其是杯凍檸茶，因為我通常係飲走甜，如果茶底苦澀我會好難入口，我飲得出佢應該係錫蘭紅茶，好甘香。（如果你哋唔介意地方污糟，係可以去）但係如果地方污糟，你幾好食都無用。希望我下次記得唔好再入去

以食店嘅佔地面積嚟計，呢間源記餐廳喺呢區都算數一數二，猴子唔係好識計面積，不過粗略嚟睇都好似有千幾呎，坐百幾人都應該冇問題。（都係嗰句，有錯請留言指正）不過最令猴子驚訝嘅唔係間舖有幾大，而係佢嘅抵食程度。今朝猴子叫咗個至醒早餐，有腸仔、煎蛋、牛油方包、熱飲，再加埋一碗大大嘅豬軟骨湯麵，埋單找數只係HK$32，抵唔抵？仲未算，由於今日係假日，所以佢哋多收HK$2，即係話平日嚟幫襯只係需要HK$30！講到味道，煎蛋有蛋味，腸仔有腸仔味，牛油方包軟綿綿，豬軟骨嘅醬汁有啲似甜酸醬。總括嚟講，以呢個價錢嚟計就應該冇乜投訴。

今晚又是做無飯主婦，大圍源記餐廳晚飯小炒都幾吸引，所以今晚在源記開飯。雀巢海中寶$78，雀巢是炸米粉，又腍又靭好失望！海中寶有鮮魷、魚柳、帶子、蝦仁，肉質都夠爽滑，伴西芹和腰果，頗不錯！黃金鮮魷$70，蛋黃很甘香，鮮魷爽脆。兩個小菜都奉送白飯和老火湯，湯料有雞腳、排骨、紅蘿蔔、 老黃瓜......人人都說食肆例湯是味精湯，有咁多湯料，味道也算是清甜，我們也不介意。 牛柳絲炒烏冬$67，牛柳絲比較靭少少，似牛肉切絲多些，不過，炒得都唔錯，有味道，不會太鹹和太油膩，三人共享，都不會太不健康！

遇到呢一間餐廳係一個緣份，可能呢間餐廳叫源記既可能。咁啱有一次公司外出，而我哋工作嘅時候，發現個地點冇乜嘢食。所以就唯有靠個同事嗌個外賣。噉同時係大圍嗰邊拎過來。叫咗呢間源記啦，噉佢嗌咗個公司三文治同埋呢個牛腩河，仲有西多士。噉因為個同事食嘅係牛腩河，我又唔好意思走過去問佢話影相，同埋加上佢哋有啲年紀食野基本上好難講得出嘅感受，只會講好食唔好食，同埋最緊要係食飽個肚，所以我決定唔搵同時間去問佢個食評。噉另外老闆食嘅係西多士，噉我諗唔會有一個打工仔會想問老闆嚟食嘅係乜味道好唔好味，我喺工作嘅時候想寫返個食評，唔知你方唔方便同我講呢，我相信冇人會噉樣做所以我決定，唔係去影嗰張相係咪唔睇呢個食評。真係咁啱得咁巧，其实我听到公司三文治我都会觉得会唔会普通左小小？？？ 但係听到另个同事讲话几好食佢攞咗一嚿畀我我咬一啖落去就发现麵包非常鬆脆，底面都有搽牛油同埋佢嘅肉幾新鮮，同蔬果都非常之鮮味新鮮。真係完全唔夠膽相信我係食緊一間茶餐廳級嘅公司三文治但佢感覺有如大酒店嘅水準。噉一份公司三文治其實都唔夠分畀太多人。。所以我食咗一口我都好深深記住。如果有機會真係要去嗰間鋪頭試多次希望佢個水準保持到或者更好

同 friend 一齊溫習完 physics 之後就會食 lunch, 幾個女仔唔知道去邊度食嘢好，所以就求其見一間餐廳就入。 個餐牌都幾多嘢食，不過諗下諗下都係想食炒飯，因為好耐冇食過炒飯咁樣，而且見到隔離枱碟頭飯都好似幾好食咁樣，所以就叫， 炒飯都有幾種，但係要叫做叫招牌貨，源言。招牌炒飯。 源記招牌炒飯， 碟炒飯好大碟，而且聞落香噴噴，好似炒得好有鑊氣，有好多料，有蝦肉、小帶子、仿鮑魚粒、炸瑤柱，食落好香口真係越食越滋味。食完碟炒飯，飲完杯凍檸樂，就飽飽啦。

源記最出名就係食牛雜，於是今日去咗食牛雜河。牛雜數量唔少，牛肚，牛蒡，牛腸乜都有啲， 而且全部都好入味好淋， 湯底唔太咸，剛剛好，河粉硬度亦都適中。 連埋凍飲另加九蚊 ，雖然唔平不過都可以接受。