源記餐廳

營業中

休息中

今日去做產檢，同老公去食返個tea先上去。奶油豬仔包 豬仔包夠脆，煉奶同牛油份量適宜，夾埋無得輸 雞髀配薯塊😍😍我好大膽，食左個邪惡雞髀，非常大隻，好juicy ,薯塊都炸到岩岩好半份西多士配魚柳唔夠飽，決定叫多份下午茶。魚柳唔會乾，新鮮熱辣， 西多士好好食，基本上，香港下午茶必點。招牌炒飯仲同老公share左個招牌炒飯，非常足料，有好多蝦等等既海鮮。 好夠火候，飯粒粒分別，我地加埋辣椒醬，非常惹味！！ 始終大肚，都係飲熱檸水作結

尖沙咀嘉年威老道附近起码有两家源记，这家位于 The One 对面。店外贴了不少 poster 介绍他们的食品，由于位置好，下午茶时分吸引了不少人进去医肚。进去时已经满座，幸好剩下一张单边位。大部分下午茶套餐都不超过40元，快餐店的价格，但选择较多。最后点了一个炸髀薯格餐再配热咖啡，送到时看到的鸡髀有点小，而且炸太久，皮有点燶，已经可以想到里面的肉质是偏乾的。至于薯格，已经炸好一段时间，已经不大好吃。总括来说，这次吃得不大满意。

今日夜晚要上堂，同同學黎左呢度速食晚餐😝有好多款式選擇，中同西都有。座位寬躺， 枱同枱之間有距離，食得安心👍冬瓜肉碎粒泡飯❤️有好多配菜，每一啖都淡淡咸香，冬瓜粒鮮甜爽口，飯粒彈牙😋😋😋好味👍👍👍👍海鮮雜菜煲❤️同樣都係有大量海鮮，份量好多， 醬汁惹味😋😋😋魷魚彈牙， 蝦仁爽甜，高質！ 👍👍👍凍檸茶❤️茶底苦澀甘香，檸檬一啲都唔吝嗇，有回甘😍😍😍好正宗嘅味道👍👍👍

到尖沙咀區取網購貨品，順路在「源記」吃午餐。「源記」下午2:00己經可以嘆下午茶，但我今次很想一嘗金牌牛三寶麵。麵質爽滑，沒有梘水味。 牛腩鬆軟而不爛，香滑、肉味濃郁可口。 牛肚特別爽脆，有嚼勁口感，夠入味。牛筋爽滑不膩，且牛筋含有豐富的膠原蛋白質，就更加喜愛了！另一款是小菜：蜜椒牛仔骨，加$12配白飯與餐湯，蜜椒牛仔骨味道很美味，好餸飯。餐湯是豬肉骨、粉葛、紅蘿蔔、粟米、扁豆與赤小豆老火湯，湯味鮮甜。 兩款少甜少冰凍飲：檸檬利賓納與凍蜂蜜柑橘露，甜酸味道剛好。食肆分隔座位都是用白色或透明膠板，今次首見可樂廣告分隔板。

喺尖沙咀行街行到好攰就求其搵咗間店入去食下午茶今次就睇中左依一個釀雞翼嘅下午茶套餐，因為出邊食呢啲釀雞翼就算冇得錯都要20幾蚊，呢度只係$38就有埋沙律同薯條，最重要係有得坐，因為而家限聚令食嘢都幾唔方便！我就揀咗芝士蘑菇，因為佢本身會送暑假所以我諗都會飽肚就冇再揀糯米，雞翼方面其實覺得好好再加上啲蘑菇芝士勁Juice，整體來講個味道都相當之唔錯，至於脆薯格就揸得非常之香口，如果有蛋黃醬就更好啦😂沙律就係普通嘅水果沙律啦，食咗咁多油膩野其實都幾好。我自己因為比較鍾意紅豆冰所以加咗$10 ，一個餐仔$48 ，如果本身唔使紅豆冰普通嘢飲都係$38。以尖沙咀嘅價格來講我覺得都可以啦，而且雞翼真係幾好味😋

一到下午就心思思，想去茶記飲番杯奶茶，咖啡 提吓神。 這天經過尖沙咀 The one, 見到《源記餐廳》， 啱曬 三點三來個下午茶先！人都唔少喎， 佢仲有地庫嗰層不過冇開。每個卡座都有膠板隔着， 我都看不清個場有幾大， 咁樣睇茶餐廳嘅私隱度都好高😄餐廳食物選擇繁多， 中式套餐，港式下午茶， 牛雜河 ，南洋咖哩， 西式炒意粉 焗飯也有，研究咗一段時間～《崩沙腩撈麵》这裏崩沙腩出名做得好好食。 果然肥瘦相間又有點筋腱嘅腩位， 份量足， 肉質軟嫩夠入味， 味道冇得頂。 幼身嘅撈麵夠爽， 唯一個汁醬感覺偏鹹， 唔需要撈勻， 食到最後把麵过一过湯。凍鴛鴦唔錯， 奶茶和咖啡都好平衡， 味道交錯 又唔會太甜！《中式牛柳套餐》 也很夠鑊氣， 芡汁酸酸甜甜， 也有爆炒過洋蔥的香氣。 整體上牛肉份量也很多（ 好像就只有牛柳）， 如多一點配料菠蘿， 青椒，紅椒感覺更好！ 佢嘅白飯都好均真，一大碗滿滿的。 還有老火例湯～ 非常足料 又唔覺有味精！再來一份邪惡嘅西多士套餐， 感覺才真的完滿！就是傳統茶記嘅西多士， 夾著普通嘅花生醬 ，和带有椰香嘅牛油，糖漿， 熱辣辣做起點會唔好食～

今晚去咗尖沙咀加連威老道嘅源記餐廳，我同朋友一人叫咗一個小菜，分別係椒鹽脆皮豆腐，同埋我最鍾意嘅沙嗲粉絲肥牛煲，我哋都另外加咗每人$12 ，一人一個中湯同埋白飯。椒鹽脆皮豆腐嘅椒鹽味都幾香，而且仲有蝦乾腰果點綴下。沙嗲粉絲肥牛煲就最正，沙嗲汁撈飯令人胃口大開。粉絲同肥牛都非常之入味。而個中湯都好足料，好好味。大熱天時，出街食完飯，最舒服係飲啲凍野，所以我哋都叫咗杯冰凍嘅蜂蜜柑橘露，作為我哋晚餐嘅總結。

今日同富貴靚太朋友出尖沙嘴購物，行街行到肚餓，朋友好想食燒鵝，於The One 對面源記有燒味吃，也有茶記特色食品，一於嘆返杯熱鴛鴦。下午茶都抵食，三文治、多士、熱狗、雞翼、薯條、炒粉麵、燒味飯等等，種類多不勝數，應有盡有。燒鵝(例牌)~好大碟啊！賣相已經好吸引，鵝皮香脆可口，鵝肉入味，越食越滋味，自家師傅燒製，係唔同啲。店員好細心，這麽大碟鵝，給我們兩碟酸梅醬。星洲炒米~店員介紹這店粉麵是即叫即炒，熱辣辣，蝦仁大隻又爽口，炒得有技巧，一點也不覺得油膩。跟餐熱鴛鴦，keep到水準，既有香香咖啡味，也有濃濃茶味，唔落糖一樣好飲。臨走時發現入門口轉左係熱點，八卦問下店員，晚市時間有火鍋供應。

源記最出名就係食牛三寶，價錢同外面的食肆相差無幾，但質素絕對有保證。金牌牛三寶河牛腩炆得又腍又入味，牛筋更是入口溶化，牛肚就正常，配上爽滑幼身的河粉及腩汁，簡直一絕。淨雲吞雲吞大粒裏面餡料豐富，爽彈的蝦肉及半肥瘦豬肉，每隻都脹卜卜。芝士蘑菇釀雞中翼配沙律及薯格下午茶餐都好抵食，有酸甜開胃沙律，又有香脆的薯格，一次過滿足我兩個口味，雞中翼釀了芝士蘑菇，入口啖咪肉。芝士肉醬意粉意粉表面舖滿了焗至微焦的芝士及蕃茄肉醬，味道帶點酸，肉醬份量頗多。

突然想食碗「牛肚河」，尖沙咀行行行見到有間源記，知道出名食牛腩粉面，就揀左這間，剛好是下午茶時段，先揀了 「干炒牛河餐，配上了一杯凍檸檬茶（少甜），點知甜到爆燈，但茶味十足，相信做錯左多甜，干炒牛河，鍋氣夠猛，牛肉咬口適中。另外叫了的是，我今日最想食既牛肚河，還特意加了墨丸，墨丸十分爽口，牛肚味道尚可，但令我印象深刻的是河粉，超滑！超滑！超滑！（重要的講3次 備註：我相信我會再來食湯河粉，但檸檬茶（我會叫佢多加注意）

和朋友聽完講座到了源記醫肚，餐牌選擇很多，但是因為下午茶時間已過，所以我地唔食菠蘿油，直接。左諗右諗，我點了瓜粒滑雞湯飯。份量適中，湯底清甜，雖然雞肉不算嫩滑，但配埋紫菜、冬瓜等都好惹味！朋友的燒鵝脾好肥美，油亮亮，飽滿又吸引！重點是飯量好多，成座小山咁！另一碟乾炒牛河份量也不少，炒得有鑊氣也不算油，好味！朋友食了個清光！疫情期間，雖然人人擔心出街，但好多食肆加強清潔，照常營業，為大家肚子帶來方便！

「源記餐廳」我成日幫襯，不過加連威老道這間反而是首次。吾來過真係吾知，原來這裡有地庫，目測可以坐到成百人，真誇張。我食左咁多次，最推薦當然是自家工場出品的牛腩、牛雜和燒味等。先點了一碗「五香牛肚牛腩河」$50金錢肚爽口、牛腩軟稔無渣，牛味極重，湯頭濃香，河粉份量剛好。食飯粉麵必配凍飲「凍奶茶 」$21茶香味突出，花奶比較足，口感滑，冰不少亦溶得快，令味道好快變淡。「瑞士雞翼撈公仔麵」、「火腿奄列、牛油厚多士」$52鷄翼漂亮，上色度十足，以的端士汁將雞翼炇至鬆化，甜甜的醬汁包圍著鷄翼，相當入味可口。以濃汁撈公仔麵也是另一邪惡的享受。「火腿奄列、牛油厚多士」火腿奄列則是正常茶餐廳水準；多士好正因為牛油多，夠香脆好味。「熱鴛鴦」溫度足，咖啡味突出、濃香，無苦澀味，但如果花奶份量多少少會令入口更滑溜。

44元的雙拼潮州河粉，一點也吃不飽人，牛腩超級多肥膏，完全沒有瘦肉，水餃沒有蝦，也不好吃。 唉， 中伏了。 早知行遠少少去食香港仔粉面。 但最離譜係份量，真少得可憐，我估小童吃也不見得會飽。 最後我還要食件家鄉雞打打底，在尖沙咀食嘢，實在太誇張的貴了。 在此家吃更加被搵笨。我最後連飲品也不敢叫。

聽朋友講話呢間野啲嘢幾好食喎！於是今次出到嚟尖沙咀行街咪特登走嚟試吓囉！點知仲晒伏啦！望吓已經過咗兩點可以叫下午茶餐於是叫咗咖哩楊州炒飯，無咖哩味仲咸到死杯奶茶都麻麻地咋價錢就一般啦、又唔算好貴$45但無下次

這家茶餐廳有很多分店 再去加連威老道分店🙈午市時間已經爆場了 等了一陣子就有位可進去看看餐牌 發現下午茶餐的燒味雙拼挻便宜🤭🤭這家的燒味我挻喜歡食 在尖沙咀工作時經常食🤣·下午茶餐:自選燒味雙拼$45點了燻碲/燒鴨及燒腩仔/叉燒這幾款 一人碗米粉燻碲挻入味所以每次都會叫來食 燒鴨的皮挻脆身燒腩仔和叉燒肉質挻腍身 很快就被我們食清光了🤤·叉燒奄列 $38兩種食物我也喜歡食 奄列有蛋汁食起上來挻滑身的配上甜甜的叉燒醬汁令到味道更好 用來伴飯不錯呢~·炸水餃 $45之前食過炸雲吞 這次就食炸水餃吧 裡面材料很多🙈切開一看發現裡面有原隻蝦肉 外皮炸到脆卜卜有咬感這家茶餐廳愈開愈多分店 希望有一天會開到新界吧會更方便我去食🤭🤭 這是會再去食的茶餐廳之一