滇品．米線 (已結業)

This review was bordering between a BAD and an OK but decided to give it an OK because it wasn't that bad.I was captivated here because the picture of the rice showed delicious rice with lots of peas in it.★☆★☆★☆★☆★☆★☆★☆★☆★☆★Rice with grilled pork:When it came it was just plain rice.Luckily there were peas buried underneath but the pork was not exciting.★☆★☆★☆★☆★☆★☆★☆★☆★☆★Chicken and Gastrodia elata soup:I loved the strong chicken and herb taste but it was TOO SALTY!!!!!!★☆★☆★☆★☆★☆★☆★☆★☆★☆★◎ⓢⓤⓟⓔ

   食左三杯雞，上湯雜菜煲，薯仔排骨，手撕雞，米線，曼頭飲左杯芒果香蕉奶（飲水會好D）主要係連白飯都賣晒～食食下先話原來賣晒米線無味，餸凍無味等左成個鐘 話曼頭蒸緊，但黎到係凍既。。。間野收10點  我地9點去到，已經聽到服務員開始趕客同唔想D 客入黎 我已經要求低。。但唔好咁對我

晚上over time 駕車到Kowloon city原想食一個quick dinner 但不想食fast food 所以隨意選了間米線餐廳， 先叫一碟豬軟骨和酸辣米線。 服務員一下單久久沒有茶供應，然後把整杯熱茶倒瀉了so sorry 一句sorry 是沒有的，店內供應整頓的飯的碗碟都巧合地有缺口， 普通的酸辣米線似雪菜米線加罐頭肉碎， 醬汁豬軟骨很家庭式的喜歡清淡家常菜的話倒是不錯的。是第二次光臨這間餐廳了，為何沒有期望倒有點失望，大概是心情嗎？！就是下次心情不佳時不要來比較好。

一次見到幅圖，件多士好似好好味甘，咪去試下囉。我同屋企人一人點左一個多士餐，$21一塊吐司加杯特飲，幾底呀，$25一塊多士加春卷、雞翼仲有特飲，底到爆 ，本身我地都充滿期待。冇幾奈之後，先黎飲品，熱檸水太甜，凍蜂蜜綠茶太苦，之後等左5分鐘有多D多士黎，黎到D多士變左包，淨係得果邊硬硬地，中間就淋過枕頭，叫D服務員黎問佢：「呢D係多士？中間甘淋。」之後個服務員竟然唔係講唔好意思而係講「係咁架」跟住我咪要求個服務員換左佢，佢有換比我，不過佢D服務態度我覺得好差。換左之後好D，一打開入面D奶醬變左花生醬，仲要乾到爆，一D水份都冇。 跟住仲有一個草莓土司，結果都係同茶左草莓果醬既厚切包冇分別。仲有D雞翼凍到好似岩岩係雪櫃拎出黎咁，D所謂的雲南春卷，咪即係雪藏春卷。總之一句講哂，失望到極點。

當天我同朋友行街到大約9pm, 餓餓地黎到呢間野吃晚餐. 無人帶位~ 算喇, 我地又無乜所謂既, 咪自己揾位囉. 叫個阿姐攞多個餐牌, 黑口黑面pat落將枱度...乜野態度呀?跟住我地睇左一陣餐牌, 阿姐走埋黎話佢地收10pm, 咁好喇, 我地好快咁叫好食物, 食物都好快上枱, 點知佢地埋單速度仲快.... 9:40已經拎將單埋黎了 @@ 得2-3枱客, 使唔使咁趕呀?1) 雞撕涼米線: 我朋友話無味既...食左幾啖就放棄了 2) 酸辣湯少槳: 我唔係好食得辣, 但係連我都覺得唔辣囉, 酸又唔夠酸, 不過我實在太肚餓了, 所以都食左半碗 3) 生煎包: 一咬就成口油, D餡仲要少得可憐, 同無餡無乜無別 4) 松茸春卷: 我第1次食, 唔知道松茸春卷是否真的軟淋淋+油淋淋囉...本人10分唔鍾意 5) 香芋奶茶: 唔明點解唔係粉紫色, 而係灰白色囉.... 仲要淡而無味 6) 蘆薈木瓜汁: 嘩! 呢杯唔講飲左都唔知係乜東東呀....只係比"清水"多了少少味 我本人對食物無乜特別要求, 但係呢間野... 真係唔駛錢都唔會再黎食囉!!!!

一行兩人,要自己搵位,坐低之後叫服務員比多個餐牌我地點知個服務員將個餐牌劈落張枱度之後就走開....嘩呢D係咩態度呀!!!我地晚上9:05分問服務員佢地收幾點佢話收10:00,咁我地9:10點菜,上菜上得好快不過埋單仲快,我地都未食完9:40分就要我地埋單,駛唔駛咁趕呀!!!!其實成間舖得3枱客駛唔駛趕得咁緊要咁嘅野食....咁嘅服務態度一定一定唔會有下次,未試過去一間餐廳叫樣樣野都唔好食架......滇品你係第一間

諗住平平地食下午茶！點知入到去無人既枱都放哂上一手既食物，無人執之餘，仲要無人帶位！服務態度仲超差！叫左個手撕雞下午茶餐加香芋奶茶搞錯！香芋奶茶竟然係白色，吾係紫色！仲要得水味，完全無味道！好難飲！手撕雞米線又吾知點解得幾條雞撕！嘩，真係得米線囉！總之今次試完，下次吾會再去！

某一天與老婆仔來到九龍城廣場，已是下午五時多，因為飢腸轆轆的關係，所以雖然明知道晚一點要和家人吃飯，仍然忍不住進入這間陳設裝修有點雲南風情，名為「滇品．米線」的雲南菜館子，吃了一頓雲南風的下午茶。這兒的下午茶餐可是挺多的，無論厚多士茶餐、下午米線餐、點心小食餐、下午茶敘餐還是小食多士餐都各有多款可供客人選擇，實在令自己意想不到。我吃的是較為雲南的「香脆酥肉米線」，老婆仔吃的則是一點也不雲南的「炸銀絲卷 + 脆皮豆腐」雙併點心餐。至於飲品方面，我喝的是同樣較有雲南色彩的「朱古力普洱」，而老婆仔的則是近乎台式口味的凍「荔枝綠茶」。「香脆酥肉米線」，「炸銀絲卷 」和「脆皮豆腐」的質素普普通通，未有帶來任何驚喜，但作為小吃之選，還是可以的。我對名字特別的「朱古力普洱」本來有點期望，想看看它是怎麼樣的一杯飲品，但喝過之後，卻覺得不外如是，無非是一杯有點像稍微稀釋了的台式「朱古力雪香」類飲品而已，根本喝不出有任何普洱的味道。回心一想，其實這杯飲品之所以會用普洱為名，也許只是突出這間是主打雲南菜式就店子而已，並無其他意思。老婆仔的「荔枝綠茶」和台式飲品店的沒有什麼分別，味道都算過得去。其實這店子的雲

今日下午黎到九龍城廣場逛下之後就有點肚餓啦,我就見到有間滇品既雲南餐廳就入去幫親下啦.入都去之後就叫左個手撕雞米線&荔枝綠茶.點知碗手撕雞米線黎到之後就食啦,食落去第一口發覺d手撕雞好似有d酸酸地味道 類似發霉既現像,之後叫待應幫我換個碗米線,佢又唔幫我換喎,我逼於無奈照食啦 真係十分生氣!!!! 食完之後個阿伯就走過黎 俾左個吐司俾我當冇事.依間野就留左一個壞印象比我,重要我係第一次黎食.我下一次一定唔會再黎食,隨時會令人感到不適.

從來都無睇過滇品嘅食評，原來認為佢地服務差嘅唔只我一個。我係住係附近嘅街坊，間中都會嚟食晏。佢地有個好壞嘅習慣，係就算餐廳重未有客人嘅時間，就假設之後會經滿，鍾意將所有剛行入嚟嘅人塞係一張檯，即係你會同三個互不相識嘅人你眼無我眼地食飯佢地另外嘅服務問題好多人都寫過啦，總之係貼錢買難受!食物方面係合格，唔算差亦唔算出色.

依間野不嬲都出咗名服務差，如果唔係價錢平少少，都唔去食。今日去到，坐低食嘢，見到換咗D服務員，又無咁多呼呼喝喝聲，以為佢地已經收斂咗。點知都係死性不改，罵人成性，直頭當客人無到!!!今日唔係咁想食飯,咪叫左碗手撕雞米線。份量不過不失，半碗米線，加ok多雞絲，廿幾蚊都算味道唔錯。食物黎左，無餐具，問服務員拎，語氣比前幾個月收斂。個陣我仲同班朋友講，下次再黎食都得窩。點知最後埋單就出事！我地知繁忙時間，咪走去收銀埋單。由於無碎紙，我地逐個俾錢。估唔到收銀個阿伯，見到我地逐個俾，就鬧仲咩唔自己預備定碎紙，鬧我地阻住佢做生意。跟住就鬧話一人仲咩食廿幾蚊野咁少，咩態度！ 佢跟住死死地氣收錢，又計極都計唔到26+30係幾多...... 望到後面有人排隊俾錢，又大大聲鬧:“都係你地，又唔預備碎紙，搞到後面要排隊等你。無碎紙就同人兌左先出黎埋單，都唔知你有無讀過書。” 聽完依句，佛都有火。不過礙於以大局為重，費事同佢嘈，無謂搞到後面d人等再耐d。但係就食到成肚氣！今時今日d服務態度真係差…

吃完一頓壽司餐,肚子還是有點肌餓,妹妹提議到九龍城的滇品,因她說很掛念那兒的飲品.到達時三點多鐘,奇怪地只有兩至三位客人.難道食物質素有問題.一場到來也要試一試.坐低急不及待看看餐牌,發現下午茶餐也有三款唔同的項目,分別有點心,米線和厚多士,而且每項種類也有十款以上.並且配特式飲品一杯.(坦白說點心配台式飲品,本人覺得有點兒怪怪),所以最後說擇了沒有那麼飽肚的厚多士.)看完一輪餐牌後最後點了奶油吐司配苿香奶茶加珍珠(要加2元)妹妹便要了芝麻吐司加杏仁奶茶加珍珠(要加2元),兩個餐也是21元飲品先到,我的茉香珍珠奶茶,珍珠煙韌,可惜苿香奶茶的苿香味唔夠,可幸奶茶夠冰凍和不算太甜.至於妹妹的杏仁奶茶,聞落去好香杏仁味,只是喝下去時杏仁味又唔太足夠.坐了一會兒,厚多士才到.雖然要等一會兒,可是多士熱度不夠,也沒有烘過的迹像.跟吃白麵包塗奶油沒有分別.芝麻吐司唔夠芝麻醬,如果可以多一點更加好.總括來說食物味道平平,唔算好味,也唔會太難食.價錢可算是便宜.21元可以有台式飲品飲,真的沒有太多地方可以做到.最最令我們欣賞的地方是坐位真的十分舒適,如果無工作要做坐下閒聊也是個不錯的地方.

朋友介紹，平日晚上人客不多，來這𥚃試一試。我們三人吃了一個二人餐也夠飽。我們點了：什菇雞撕沙津：不錯的手撕雞糖醋魚：咕嚕魚，魚很滑，味道不錯！推介！雜菜粉絲煲：湯底甜，有蕃茄、菇、不同款的菜，清得黎好好味！米線x2：湯底很捧，必點推介！另外加六蚊可以叫一杯台式飲品，整個餐計落都幾抵！下次可以再返黎試試其他菜式，但一定會再食米線！

九龍城食肆林立，各式其式，今日就來了九龍城廣場的「滇品」。此店位於商場的最低層，店內座位半露天，全店的座椅都是大大張的藤椅，環境尚算舒適。由於附近有幾間學校，平時午市時段很多學生光顧，現在放暑假，整個商場都靜了。午市時段，餐牌上有特價飯／米線午餐，種類頗多，任君選擇。我們點了以下三款：雞絲米線雲吞米線魚皮餃拉麵其實這裡的米線和拉麵水準都是一般，不算特別出眾。個人反而很欣賞它的特色飲品，午市套餐$30（學生$26）包一杯特色飲品，餐牌上有幾十款飲品供選擇，我們點了檸檬普洱、芝麻奶茶和抹香綠茶，三款飲品的味道都不錯，大大杯、夠涷、有茶味！服務方面，侍應都是年青人，落單有點亂，落錯單、送食物來又說錯、問他們取熱水問了幾次都忘記；不過他們態度良好，尚算有禮。整體來說，我們對這一餐：環境＋食物＋服務，都是OK滿意的！

與友人隨意選了這家菜館吃晚飯, 覺得這店的服務很"騎呢". 入座的時候, 女侍應語氣帶點粗鄙地揚手說: "你鍾意坐邊就坐邊啦!" 令我幾乎想轉身就走. 坐了下來, 侍應也不很熱衷招呼, 愛理不理的, 叫我心頭有點氣. 我們要了一個二人套餐和一個三七汽鍋雞. 套餐選了皮蛋豆腐做頭盤, 兩道主菜是醬爆茄子和醬排骨, 主食要了個米線和白飯. 食品的味道是不錯的, 濃淡適中, 那個三七汽鍋雞更值一讚, 湯味濃而沒有味精, 很有水準, 而且可以分到五至六碗, 分量頗足. 甜品選了芒果布甸, 味道還好. 結帳總計HK$220, 三個人都吃得飽, 我覺得尚算滿意的. 就可惜幾個侍應有點慵懶, 好像老闆沒有支薪的, 破壞了整體印像. 不過話說回來, 我們後來明白這幾位"阿姐"的風格, 以"騎呢"之道還治"騎呢"之身, 似乎又溝通得到. 奉勸光顧此店的食客宜隨意一些, 多多包涵一下會開心點.