滇品．米線 (已結業)

滇品．米線 Food Yunnan 服務態度極差!!位於九龍城廣場最底層的一間滇品．米線 Food Yunnan 餐廳,本人極不滿意他們的服務態度!本人昨日到這餐廳吃午餐,叫左個米線, 我不小心把全碗倒在桌上, 跟著我同佢講我不小心倒瀉左, 那服務員對我說,是我們倒瀉or 你倒瀉?我話係我. 她對我說, 這唔係我地的責任是你的責任, 我再說我未食過的, 她說: 你再叫過碗, 要計錢! 我呆左和憤怒....我話咁我唔食啦!跟著我係同fd罵她, 她就扮好心比碗白飯我, 同我講三百幾蚊包米架俾你食啦 ==" 她還叫我d fd 分d餸比我, sharelaw !!!咁你分糧可唔可以share 呀? 大家請唔去這間餐廳, 香港咁多間餐廳提供給市民,為何要選一間服務態度惡劣的餐廳呢!

逛街逛累了，又到了晚飯時間，在九龍城廣場地庫找到這家頗有特色的店子。店內陳設充满民族氣息，尚算舒適，服務水準略嫌一般，稍為不甚協調。第一次光顧，就點了寫在門口黑板上一道二人套餐。前菜：涼伴青瓜 - 醬汁醒胃主菜：燴什菜 - 味道清新回鍋肉 - 薯仔入味，肉片可口甜品：芒果布甸 - 一般木瓜涼粉 - 一般其他：蒸饅頭 - 一般此店裹腹胞肚尚可，若說是好店，未能入選。

國慶日七月一日，晏就同家人去咗朋友尋晚介紹的「滇品」食下午茶，$21 有一碗米線同一杯凍飲，免加一，都幾抵！我要咗「檸檬糯米香茶」+「醬烤脆肉米綫」($21)，「醬烤脆肉米綫」其實係豬頸肉米綫，「檸檬糯米香茶」幾好飲，有淡淡糯米清香，如果要紫米糯米香茶應該會更加好味！「胚芽奶茶」+「香城鮮蝦餃河粉」($21)，「香城鮮蝦餃河粉」其實係雲吞麵，有三粒雲吞。

走進九龍城廣場想找滇品，它是位於地庫但入口不太明顯，如果不是有心找的話相信不容易看到這間舖。 滇品是雲南餐廳，比一般單賣米線加一兩種小吃的店舖，感覺上豐富得多，不會那麼單調。食物選擇款式也多，由涼菜、小食、小炒、米線、飲品等，一應俱全，亦幾有特色。這天來試了它們的下午茶套餐: 水餃米線配椰香奶茶，香辣雞翼、雲南春卷、酥炸菌餃配珍珠奶茶，另加一客單點麻辣豬耳。米線湯底喝下去略嫌不太夠鮮甜，米線的份量不太多，米線之中加入韮菜及芽菜，吃起來也爽口。炸雞翼味道普通，沒有甚麼特別，不過也不算難吃。春卷包得小小的，炸得熱辣辣及香脆，雖然找不到雲南特色，但也算可口。酥炸菌餃是普通的炸餃子，吃不到有菌味。麻辣豬耳是厚切的，非常有口感，但可惜完全沒有麻辣的感覺，祇是加了許辣油的豬耳而已。如果可以有明珠雲南風味的麻辣汁，便相得益彰了。椰香奶茶及珍珠奶茶的味道是台式的，味道香甜。埋單價錢是九十多塊，雖然味道不太特別，但整體來說還可以接受。尤其是下午茶餐，以食物質素又配有台式飲品來說，算是值得。

通常一個人在龍城都比較少到廣場內的食肆光顧。今次難得有心來一趟，發現選擇多的是 (但美味與否又卻是另一回事了)。看來較少機會過來幫襯的原因，已是很明顯的吧....來到身處地庫的"滇品"，一到午飯時間便堆滿着等待開餐的學生哥們，很不容易才找到了個卡位坐下。拿起餐牌參詳了好一會，米線的選擇倒是不少的，此時發現這兒的米線是可以乾撈上桌，立時大喜馬上便叫了份燜肉米線乾撈，另加雞絲及韭菜餃作配料，再來一份雲南春卷作小吃，肚皮應可裝得下啩.....餐飲要了凍柚子檸檬。味很淡，有如在喝白開水乏味....米線隨後便上桌。吃落有點咬勁，再加上芽菜及酸菜也見重手，很對味；燜肉色水甚深，入口味甚濃烈，但又不至於鹹得過份。質感雖未去到入口即化的功夫，但也夠淰，而且吃着更發覺部份肉是帶着少許脂肪的，那就更合小弟之尺度了；相反雞絲醃得不大入味，texture亦不算滑。吃來吃去，這品還是以"景霖"的做得最標青；韭菜餃勝在夠大隻且韭菜份量甚多。小弟一向甚愛之，就算是吃至滿口異味，亦在所不惜.....初時以為雲南春卷會有甚麼特別之處，最後原來只是極普通的以少量菜碎及肉作餡的炸春卷。好處是新鮮炸起而且皮甚香脆，其餘的就真

參加了openrice 的甜品試食活動,在那之先當然要先吃碗麵果果腹本來是要去試牛肉麵的,但可惜時間不夠,所以就在此解決算了看過午餐餐牌覺得食物價錢都很大眾化,而且選擇也算多因為還有下場所以不吃飯了,要了一個自選米線雲南酸辣加雞翼米線配凍柚子薑茶先說米線,上桌賣相不太討好,味道也不是很特別,覺得有點期望過高這兒雲南酸辣算是一個餸,聽了呀姐解釋知道是肉燥的樣子才叫的誰知道只有丁點,完全感覺不到是有酸辣味雞翼反而更好一點,滷得非常的入味,不過煮得太長時間以致肉有點過腍柚子薑茶本來是沒有凍的,但呀姐最後也幫我弄了一杯出來,這樣的服務都算是不錯了!雖然用的是一般的柚子蜜來沖,但加上薑後感覺就很不同想不到原來這兩隻味道會是這麼的夾,喜歡柚子茶的也不再是獨估一味了而且還發現這裡有很多不同款式的的飲品,有機會真是每款都試一試呢!

在吃甜品之前，選擇了這先來個熱身吧發現這店的環境十分好，坐得舒服之餘位置又大!點了一個手斯雞加卥水雞翼米線，份量頗為多，味道還可~不過我們也沒有什麼高要求對這!因為更期待下一餐的甜品試食

星期日晚, 我們一行五大一小, 由於有兩大人為素食者, 原想走入在滇品米線旁的素菜館, 但其他三大人實不想只食素, 所以直入滇品米線, 但門口冇人帶位的感覺不大好, 幸好女待應們的警覺也可以, 不致有被冷落之感. 只叫了四人套餐, 二素二肉, 但也配了飽肚的米線、饅頭及飯, 上菜速度好, 女待應們的招呼及反應, 食物酸辣平均而好惹味, 結果將全部米線的湯及酸菜魚的湯 及 竹筒牛筋腩的汁全部喝完, 牛筋腩肉質上佳好味. 其他食物也全掃光.我是云南米線迷, 大陸各云南米線店我常在出差及遊玩時光顧, 最好味居然在香港, 滇品米線是也!!!若對酸辣有好感的朋友, 此處是上佳首選.唯一不滿是八人長檯太窄, 放不下全部食品, 食品傳來傳去又太煩, 坐在檯頭尾又不容易談天, 所以可否將八人長檯改為八人小圓檯為最佳.

22-11-2009是日 dinner 得返我同阿媽兩個人, 阿媽話唔想食太飽, 結果帶了佢嚟呢度食米線. 之前 lunch hour 嚟過一次 (http://www.openrice.com/restaurant/commentdetail.htm?commentid=1899250) 係好旺場, 星期日的 7:xx pm 竟然大把位 主食係 (無湯) 香酥肉拌餌絲: 熱食的餌絲賣相十足泰式金邊粉, 食落就似年糕般煙韌黏口, 配上芝麻, 酸菜, 腐皮, 芽菜 etc, 及幾 heavy 的醬汁 (味道有點似麻醬, 唔知乜來?), 幾好食, 但十分膩 @_@ 香酥肉就得啖笑, 凍凍的又粉多過乜, 肉就又乾又硬, 可以不理.阿媽食牛肉米線:「牛肉」係牛腩, 帶少少辣味及酸酸哋, 肉質尚算鬆化; 又試了點湯底, 少少酸, 唔辣, 幾開胃; 米線就夠滑口, 份量頗多, 食晒成碗應該都幾飽的.阿媽未食過雲南菜, 又唔食得辣, 不過佢好鍾意食芝士, 我估羊乳扇應該會啱佢口味, 就叫碟酥炸的 share 試試: 原來勁大碟, 完全唔係「小食」的份量 炸到脆卜卜的羊乳扇灑上了大量砂糖,

一家4口去食TEA一人一個米線餐分別係:大理排骨米線配朱古力奶茶(凍)酸辣米線配朱古力普洱(凍)卥水雞翼配薄荷朱古力(凍)菜肉餃配泡沫咖啡(凍)朱古力奶茶似係街飲個隻有奶味, 朱古力都夠味薄荷朱古力勁似溶左ge Ice-cream, 個人黎講覺得Ice-cream會好d泡沫咖啡估佢唔到, 咖啡味好香, 連我唔鍾意飲咖啡都飲左媽咪幾口!!朱古力普洱飲落有d似我ge至愛-奶蓋綠茶, 都幾好味!!d米線反而普通, 大理排骨唔夠入味, 酸辣米線唔夠辣, 菜肉餃媽咪話普通野!! 雞翼細妹食左所以唔知好唔好味!不過下午茶餐竟然可以配特色飲品抵過飲咖啡奶茶!!

一直想試這間店好耐,難得妹妹可以放早.所以捨棄壽司食這間店了.坐低望下餐牌都幾多選擇.最後揀了經常想送的酸辣米線, 那碗酸辣米線同我想像中有出入,我以為係酸辣湯那種.我知我知自己死蠢因為呢間係食雲南食物,並唔係上海,點會係同一款款呢??首先講份量都唔算多,畢竟這個是下午茶餐啊!食物味道也不錯,只是那些肉碎加酸菜好像食梅菜蒸豬肉呢??湯底算濃有味,如果可以再濃少少再加酸少少更好,餐飲我選了芋香奶茶,無珍珠的,有的話麻煩加2元.這處最好的地方是冷熱同價,加埋有10幾20款飲品俾你揀,有些好古怪的,甚麼杏仁X普洱等等...總之眼花瞭亂啦!至於我這杯嘛!味道一般,雖然已沒有下冰,不明為何還是這麼淡味呢??奶茶和香芋味也消失得無影無踪.講左咁耐這個下午茶幾錢,承惠21元,有得食有得飲先咁的價錢.俾起一般地方已算經濟了溫馨提示:下午茶時間下午2時30分至6時服務:一般,都會主動下單收野的,只是唔算特別殷勤.環境:倒不錯,有好多卡位,幾舒適

天氣涼,自然想吃一些暖身的食物,腦袋一轉,想吃雲南米線.既然家中附近的雲軒居已去得多,今次就去一間未去過試試,乘去九龍城廣場買唱片之便,來到廣場地庫的"滇品"有說是同銅鑼灣信德街,掘頭路內的雲南菜館彩雲南同一系.彩雲南在初開張時去過,當年的感覺還不錯,而且記得當時的老闆是藝人陳彥行,事隔多事,現今的事已不得而知.而這間滇品,同素食店觀自在為鄰,格局幾似坊間的台式麵店,畢竟是走年輕路線.一個人來,吃個米線餐,見到這店有餌絲供應,立即變心.愛它多過米線,因為愛它如年糕的煙齦口感.所謂的雜錦餌絲,其實是辣的肥豬肉碎,配以雜菌.用砂窩上感覺較為溫暖.碎豬肉不算特別辣,但其小辣也足以吃不出湯底的味來.雜菌內的是金菇菜,秀珍菇等超市包裝貨.最好吃的部份,仍然是餌絲.米線餐更包一杯餐茶,用普洱來做檸檬茶,從未試過,飲落又比平日飲開的甘.似乎,這次有點錯菜之嫌,如果來個氣鍋雞,過橋米線,或許會得到我一個好評.

餐廳係以開放式既設計位處於廣場既地下，我地黎到已經係下午茶時段，見門口餐牌都有不少選擇，而且感覺環境都幾舒適，便入去試試．聽個名就知呢間係食雲南野，見個餐牌上既有d食物既名稱都幾有特色，研究完一輪之後，我地就叫左兩個套餐：1) 大理．排骨．米線　 配　熱蘆薈糯米茶 ($21)排骨好"淋"，味道剛好，清清地；米線都幾煙un，仲有牙菜同酸菜做配料，好好味！由於餐飲可以揀任何特飲，我地見糯米茶未飲過，就試下新野啦！糯米茶有d似圓肉水既味道，再加上粒粒蘆薈果肉，都幾特別，可以一試．2) 官渡．燜肉．米線　配　熱芝麻杏仁露 ($21)　加$6：雲南春卷 (3件) 燜肉其實類似肉丁咁，細細粒既瘦肉，辣辣地，幾"淋"而且份量都唔少！芝麻杏仁露即係加左芝麻粉既杏仁霜，用料十足，但比較甜；春卷熱辣辣、脆卜卜，入面有木耳、粉絲、椰菜等等，好好味！值得一讚係全部食物同飲品上檯時都夠晒熱辣辣！廿零蚊一個套餐，以味道同份量黎計，都算幾抵食啦！

因為在這裡遇到曾是本地最好的咸蛋黃土豆絲，所以才有之後的彩雲南滇味小局，又想起兩位食友想翻兜「炸薯條」，於是拉了二人來這裡HH。與彩雲南是同一集團的，但幾近canteen式的格局，主要是針對附近後生客，臨時叫師傅做出餐牌外的金莎土豆絲，又叫下雲南白肉及龍井醬青瓜幾味小吃。這邊的金莎土豆絲非掛牌菜，效果不如銅鑼灣那邊好，炸得過火亦吃到焦燶味，亦過油，咸蛋黃推得結實，咸蛋黃應有鹹濃味欠奉，推油的功夫不夠認真，三人分拆亦拆不完要打包。雲南白肉份量十足，大部份是皮連肉，偶爾幾件連軟骨位的部份被Alex搶去了，他道：美味，試了幾件，微羶肉亦恰如其分的結實，蘸起蒜泥醋汁也是不錯敵。對龍井醬青瓜印象依稀，長條青瓜不夠新鮮，下口水汪汪的，若換上「豆皮」青瓜仔會更好，醬吃不上如龍井有關，不討好。最後的火夾乳塊，兩邊做法一樣，是次吃煎的，同樣羶香美味，宣威火腿鹹但有點韌，喜歡羊羶的話，這裡夠地道亦吃得過。比較兩邊舖，這邊吃米線該不會失望，吃小菜麻，還是彩雲南吧。埋單每人六十幾，價錢方面是幾「優質」的。

見到佢有個 ""朱古力普洱"" 仲要 可以 凍 飲 , 就 想 一試周六的 下午 不太多人 大食友人 想 來個 雙拼面叫來伙記寫單 : ""唔該~ 要個雞絲米線 + 四寶丸 + 酸辣湯底 ""女伙記 : "" mm~~~ 唔得喎~ 唔可以 加 四寶丸 !! 因為 四寶丸個 份量 比較多........ ""((大食友人還在想 .................他究竟在說什麼.))我看不過眼 : "" 咁 改做 四寶丸米線 + 雞絲 啦~~~~ ""女伙記 : "" 唔~ 咁就得!!! ""(( 我與友人 對望一下 ........... 笑 ))====================================================朱古力普洱 = 無朱古力味 , 無 普洱味 , 剩係 黑蚊蚊 , 唔知做咩?!!!米線 ....... 都 真係..... 唔 係 幾得 ........