滇家菜 (已結業)

由於阿K係港島人,所以我地經常嚮港島區搵野食.不過今日我地攪攪新意思,殺入新界,第一站就係沙田.呢間雲南料理,外表冇咩特別,但係D食物有D喜出望外.食得我地好開心.環境: 幾光鮮.可能仲係新鋪.D座位既軟墊好夠,坐得舒服.味道: 阿K推介呢度既紅豆冰.D紅豆好有口感,又大粒.甜味適中,真是仲夏消暑佳品. 我地嗌左下午茶餐,我叫左豬頸肉炒飯,阿K叫左香菇雲吞米線.炒飯炒得好香,但略為咸左少訐.雲吞D菇味出哂,米線軟硬適中,好味.整體相當唔錯.服務: 服務可以,米線出得略為慢左少少.抵食: 埋單$60幾,由於係下午茶餐關係(三時後),都OK.其實有大碟炒飯食,都算抵.衛生: 乾淨企理.

去完肥彭簽名會，順道來食個T。呢道都食過幾次，無味精又保持到水準，雖然最平都要22蚊，但算是落足料同環境舒適。提醒大家一隻辣椒o既菜式都幾辣（都有加少少花椒），試過見過有對年輕男女叫左兩個麵辣到食唔到，要待應收回去廚房加湯。我就覺得辣得剛好，食多幾次習慣左可能要加辣添！D湯飲晒都唔覺口喝，應該如實是無味精的。另外飲開個檸檬普洱茶都幾好，今次轉一轉試左個糯米香茶就清清地更加好飲。

唔係朋友帶我來,我也不知道這個地方。因雲南菜比較少食,所以在好奇下揀了它。侍應服務不錯,環境也舒服。可能比較夜,人不多又唔迫,上菜也快。2個人吃了:甜酸棒棒雞:雞冇雪味，汁醒胃，不過冇乜特別。蝦薄餅:好好食,佢話即制,似薄餅而中間有蝦。(有無人可以話比我知外皮是不是米紙?)過橋米線:中規中距,湯底不錯也幾大碗,但貴了一點。

門口有牛龜咁大隻字寫著無味精, 即管試証試吧坐下先是奉上烏龍茶, 好飲到爆...嗯..看看餐牌, 茗茶每位$3..呵呵, 飲多幾杯補數吧, 抵像坐的位子, 不好, 有點迫夾, 而且帶著大背包, 也沒有人給我安排一張椅子或者什麼地方給我放置, 難道要放在地上?! , 服伺不周啊!食物, 米線不要叫酸辣的, 吃下去不外如是, 反而是清湯的米線, 那聲稱無味精的湯底的確不錯.小菜嘛, 叫了兩味, 一個是糖醋肉排, 一個是氣窩雞.前者賣相很好, 味道OK, 後者麻麻, 沒有特別.

尋晚同朋友諗住一嚐雲南米線，時間尚早不是太多人，每人有一杯熱茶，待應話係人參烏龍茶，飲落好甘涼，不過唔係人人都鐘意咁甘既味，叫了滇家菜招牌米線$38....材料都係一般雲南米線配料(腩肉2小塊、腐皮、芽菜、酸菜/金華火腿-勁咸)，反而米線份量都好多，要左唔辣，個湯底好淡另一碗貢丸米線$30，個湯都係好淡，似食普通米線多過雲南米線，，仲要茶芥每位$3，另加一服務費，以咁既質素配咁既價錢，都唔抵食。不過店內佈置同待應生制服有少少特色。

在這裡吃雲南菜就好像一個未完成的角色扮演遊戲，何解？有中國中西部地方的裝修（小小感覺版），再加小數民族服裝的待應（也是簡化版），但食味和餐具就顯得不十分雲南！尤其是凍飲用的杯子。不過，如果閣下能夠抛開這個「illusion」。在這個人流不會太多，環境也不至於太擠迫的地方吃吃家常便飯也是不錯的選擇。這裡的下午茶也不錯，明碼實價，免收加一！

同朋友去開沙田新城市廣場，順便去這家滇家菜食飯，朋友叫了皮蛋魚片湯飯，我則叫了脆肉瓜肉片飯。朋友的皮蛋芫茜魚片湯飯，飯多得夠兩個人吃，而湯底是很有水準的。而本人吃的脆肉瓜肉片飯也是很好味。

今日同媽媽出街因為今日星期六周圍都好多人所以就上左連城勒呢度真係冇樓下果d咁多人可能隔涉d掛我地唔駛等就有位勒不過一係迫到傻啦d位同隔離檯基本上係拍埋晒好似六個人一齊食飯咁呢度唔太得但服務方面幾好呢度補救返少少佢地主動幫我地放好d野唔駛阻住食飯同埋主動幫我地追返d order呢度好多餐廳都可以學習下而食物方面就普通左d除左個汽鍋雞煲幾清甜但小菜就一般勒唔見得有咩雲南特色可能真係要試下佢地d米線啦或者下次有機會去試下d米線因為小菜方面就普通d勒整體都可以再試不過係米線囉^^價錢幾貴下茶錢$3位加一呢度要留意下勒

米線同湯唔錯,香口得幾清跟餐的糯米香茶就普通以沙田市中心一帶來說算抵食

同太座二人在新城市閒逛，也不知有幾耐沒有這個閒情日誌週日來逛商場了，少說也都三數年吧！找吃的，由她話事，第一城又好似沒什麼好選擇，揀了這裡，因為她想吃泡飯。叫了芫萎皮蛋魚片泡飯及餛飩湯米線，飲品是柚子蜜及紅豆冰。食物份量頗大，我的餛飩米線是吃來吃去也不見底，相信重量級食友來到都夠飽，加上幾隻餛飩，結果米線是剩了一半吃不完。湯底略鹹，標榜不含味精，吃落又好似沒有。芫萎皮蛋魚皮泡飯份量都是一樣的大，以太座的食量是一半也吃不完。湯底有芫萎的香味，魚片亦不錯，味道比米線好。紅豆冰的紅豆好硬，飲柚子蜜好過。埋單92蚊，不收加一，一試無妨。當然不要期望在這裡吃到正宗的雲南菜啦！

星期三與男友到沙田，想不到吃什麼，看見餐牌試試這家，三蚊茶錢仲加一......有d貴叫了水煮羊和炒皇帝菜，水煮羊ok, 炒菜有d油，不過最差的是白飯....完全唔熱......

不入商場吃飯，幾乎成為我的金科玉律，事關租金永遠都是造成張貨就價的原兇，好店，最終都落得個僅此而已。某晚在無選擇的情況之下選了這家店，只叫了一個雙人份米線，以豬肉絲、豬耳絲、豬肚絲及內碎做主要材料，令一味是忘了名字的糖醋骨。然後發現，味道和街外的雲南米線沒兩樣，豬肉絲完全全沒有鮮味，其餘的過得去便算。而糖醋骨也落得形如咕嚕排骨的下場，而排骨還是要用小梳打醃過。也許惟一可喜之處，沒有味精。不過這味菜用青紅椒加菠蘿炒，是那馬子雲南風味？沒有味精便不行嗎？不靠味精用料就要更上乘，埋單$132...... 兩個人兩味菜，突然發現應該去大排檔。

我時常去滇家菜吃晚飯,差不多一星期一次,推介食物有:過橋米線--湯底清甜,足料,有好滑的桂花魚片,係一定要試ga!甜酸棒棒雞--茄汁+ 醋做的Sauce,十分開胃冬菇菜肉餃--味道很好!

都試過幾次，d湯底都ok, 應該係無味精。唔想淨係食米線，都有小炒，飯等。食晚飯就好似迫d，尤其係兩個人檯，四個人去應該好d。(不過個場，好似間間都好迫夾下。)

前言：找地方吃晚飯。見店名特別，遂一試。食物和評語：點了兩份湯米線和一個蔬菜。兩個大人，連茶錢加一，共$125。 1. 小鍋上湯米線（$28）：內有豬肉碎、銀芽、鮮腐竹、酸菜、少許黃牙白，以及一大碗米線。豬肉碎相當多油，其他配料則尚算清爽。米線質素一般而已。 2. 健康素食米線（$28/份）：內有多款菌菇和蔬菜，尚算足料，味道一般而已。 3. 西蘭花扒貴妃菇（$52/份）：價錢偏貴，但份量十足。內有至少一磅西蘭花，以及至少二十枚原隻貴妃菇，大大碟！貴妃菇‘滑不留口’、西蘭花相當新鮮，料靚。唯獨是師傅所打的‘獻’過油過稠（杰），影響口感。 4. 茶錢每位收三蚊，以預先冲泡好的中國茶，味淡。侍應拿著大水壺到各處添加，怪不得那麼落力添茶。註： a. 木板椅子，坐得辛苦；餐桌細小，食得辛苦。 b. 印象中，亞拉厨房的茶錢都係三蚊位，但人家每桌都會有一個茶壺。以及坐位較寬敞舒適！總括而言，食物走速食快餐路線，故此$125算貴。