滾餃

營業中

休息中

The Camel Building never ceases to surprise me. I always find something of interest and always something new. This time we discovered 滾餃 (English name: Boiledumplingss).  A small restaurant serving dumplings. The dumplings are made in house as we saw a group of ladies wrapping away in the corner. A decent amount of diners were eating so we decided to give it a try.Menu is in Chinese only. You order by scanning a QR code, there is no 10% service charge and you pay on your way out. They have a var

滾餃@駱駝漆大廈今日約咗朋友係觀塘食飯，咁啱大家都想食餃子。就嚟到工廈搵咗呢間小店，今日一收工過黎，去到已經滿座，人氣極高。係門口排隊大概等咗15分鐘就入得。店裡既裝修好有格調，簡潔得黎又夠光猛。一坐低就比左碟菜脯我地食先，食落少少辣又幾爽口過癮開胃，而且仲好似有得encore多碟！點餐可以用QR code慢慢揀，因為覺得湯餃Juicy啲好食啲，所以我哋都係揀咗湯餃:🌽香菇栗米豬肉餃餃子一嚟到見到佢嘅尺寸，每粒都好大隻睇落好豐盛～咬落去非常juicy而且肉味好濃郁，栗米粒粒都結實鮮甜，仲有好重㗎香菇味。餃子本身算係皮薄，加埋喺入邊嘅餡料好足，咬落好實淨，好好食！🥟泡菜豬肉餃因為我本身都唔係好好辣，所以我都只係夾朋友既黎試幾啖。放入口又好似冇想像中咁辣，有好重嘅泡菜味，但都只係少少辣。不過同其他辣嘢一樣，不足既係會將其他食材嘅味道蓋過。

今日同朋友到觀塘食飯，去到餐廳不需要等位就可以入座。我們叫了10隻煎餃雙拼、8隻湯餃雙拼、泰式無骨鳳爪、手拍青瓜和自家製支装奶茶。首先上的是手拍青瓜，青瓜口感爽而味道帶點辣，很好的開胃菜。再來是無骨鳳爪，這個就比較辣，不過味道很吸引人一食再食。接住是湯餃，有香菇粟米豬肉餃和蒜芯鮮蝦豬肉餃放在蕃茄湯。蕃茄味道不會很酸而且又帶點甜。香菇粟米豬肉餃入面有菇香再加粟米清甜，口感不錯。而蒜芯鮮蝦豬肉餃入面有鮮蝦的鮮甜，入口爽中帶有蒜香味。之後是煎餃，有韭菜豬肉餃和泡菜豬肉餃，再加上豬骨湯米線。餃的外表爽脆內裏多汁，韭菜味香而泡菜辛辣。奶茶不會太甜，茶味比較重，但又不會完全蓋過奶味。整體而言，餃子選擇種類多，而且味道不錯。

平日lunch hour爆滿既人氣餃子店，原來收工依舊爆場。收工打算食埋野先返屋企啦，無諗過咁多人，好彩快一步mark名，做埋我地生意。所以如果想食，最好6點半前就到，如果唔係分分鐘摸門釘。今次試左四款口味，一份煎餃雙拼、一份湯餃雙拼再加小食。煎餃有：韭菜豬肉餃-滿滿既韭菜味濃而且有咬口。蘑菇煙肉芝士豬肉餃-有少少流心芝士汁同煙肉蘑菇又好夾，而且煎香脆口，好食。湯餃有：蒜芯鮮蝦豬肉餃-呢個餃超驚喜，蝦肉爽口，而且配有少少豆角粒，成隻餃好有口感，味道又唔係好搶。香菇粟米豬肉餃-少少菇菌味，有粟米加多口感，預期中，唔錯～配埋蕃茄薯仔湯，成碗餃清淡而好食😋小食：泰式無骨鳳爪-呢個味道超好食，酸酸辣辣，勁開胃，但個辣度都有返啲後勁，而且無骨鳳爪啱晒懶人食👍🏻雞絲粉皮-份量都多，食前記得撈勻，如果唔係底層粉皮會唔夠醬，雞絲足料，加埋香芝麻，就再香d。另外，小店既辣菜脯十分惹味，千祈唔好miss左～

呢個月都離唔開觀塘haha但每次都係食唔同國家嘅野食~~~餃子係其中一樣成日會揀黎食嘅野~記得早少少黎食，一到7點呢啲放工時間就好多人，要排隊想講見到啲餃子整體都好大粒，所以無叫到麵食XD· 雙拼湯餃 10隻 (香菇粟米豬肉餃 + 蒜芯鮮蝦豬肉餃) $58香菇粟米豬肉: 食落都鮮嘅~有菇香粟米粒都有唔少嘅~但呢隻餃嘅皮偏淋所以所以望落去同夾起都有啲易散蒜芯鮮蝦豬肉 :我覺得呢隻餃嘅皮係硬身啲食落口感好啲，蒜芯餃除咗豬肉之外仲有蝦，最欣賞佢唔係細細粒蝦粒而係一隻蝦食落爽口唔腥*2隻湯餃都實肉~唔會一pat野咁· 雙拼煎餃 10隻 (黑松露芝士豬肉餃 + 泡菜豬肉餃) $66黑松露芝士豬肉: 黑松露味道夠晒濃~雖然有芝士，但都唔會蓋過黑松露嘅味道，煎得都好香口，唔會太油，咬落去仲有少少汁~餃子黎講黑松露味都真係做得出色~~~泡菜豬肉: 相對泡菜就係預想嘅味道，同韓式餐廳食到嘅差唔多，不過就無黑松露芝士豬肉咁實肉· 麻辣木耳 $28有少少失望嘅係個木耳小食雖然分量同口感都唔差，但無咩咸味同無咩調味咁，辣味都差少少，要加埋菜脯先食到~· 涼拌香麻皮蛋 $32呢個小食就夠味好多，皮蛋做到少少流心

觀塘駱駝漆水餃小店🥟1. 湯餃 $68個湯係豬骨湯 佢唔算係好濃郁嘅豬骨湯 但清清地 配埋餃子食 可以以佢清甜襯托出餃子嘅美味 唔面會喧賓奪主京蔥豬肉：4隻味入面最鍾意嘅配搭 簡單嘅京蔥香味 加豬肉 juicy多汁蒜芯鮮蝦：蒜粒好香 菜芯粒甜甜地 再加上一隻鮮蝦嘅鮮味 都配搭得幾特別2. 煎餃 $66皮係脆卜卜 介乎於炸同煎之間 但係又唔會太厚皮 包到入面啲餡幾好芝士粟米豬肉：有啲芝士嘅咸味撞粟米嘅甜味 有啲啲芝士拉絲泡菜豬肉：第一次食有泡菜嘅餃子 少少酸同辣 有趣嘅味道3. 雞絲粉皮 $34粉皮爽嫩 雞絲麻醬都足…………………….🌝餃子唔錯 啲味道都幾特別🌚830pm一定要食完走…………………….

一直想食滾餃好耐，見平日早放就黎食下，一口氣叫左唔同口味既餃子。香茜豬肉餃 煎餃8隻 $52鐘意芫茜既朋友一定唔可以錯過呢個，餡料夠足茜香濃郁，加上煎香，外皮脆口好惹味。京蔥豬肉餃 湯餃8隻 $50湯餃比煎餃大隻好多，份量十足，蔥味道非常突出。蒜芯鮮蝦豬肉餃 湯餃8隻 $60 咁多款餃最鐘意呢款，蒜味夠又唔會搶過肉同蝦既鮮味，蝦大大隻口感彈牙。泰式無骨鳳爪 $36唔夠喉加個小食，口感唔錯咬落索索聲，辣香夠又清新，開胃之選。

繼續支持良心小店去到駱駝漆大廈第三期，有一間中午好受歡迎嘅餃子店，因為今日下午茶時段所以就有位坐試一試。店員先給我們每人一碟菜圃，超級開胃惹味絕對要試！雞絲粉皮作前菜，雞絲份量好多，這裏的麻醬是日式芝麻醬汁，味道就比較酸甜，涼粉清爽，加埋一條條工整青瓜絲爽口又好味。芝士粟米豬肉煎餃，芝士和粟米果然是主角，味道最突出，餃子煎得夠香脆，不過就比較Heavy，女仔都係適合食湯餃。蕃茄湯上海麵的蕃茄湯底不是大量的茄膏和茄醬，而是平時家裏煲湯的蕃茄湯，味道很合我胃口，健康又滋味。京蔥豬肉餃超大隻，中間充滿京蔥濃烈的味道，又有豬肉汁，加上湯底清清的！大力推介湯餃。

上次去駱駝漆嘅時候經過一間餃子店見到入面都好多人，所以今次帶個好鍾意食餃子嘅朋友陪我去食下！入到去見到都好光猛，位置都算係寬敞嘅本身七點鐘入到嘅時候都唔算好多人，一點完餐食一陣就好似滿座了。點餐方面都係用QR code，咁就可以慢慢揀嘢食，分別同朋友揀咗煎餃同埋湯餃。附上嘅菜脯都係非常爽口，如果有唔辣嘅菜脯就更加好啦！叫咗個雞絲粉皮，份量好大碗，雞絲同粉皮份量均勻，仲落咗好多芝麻醬調味添。整體嚟講雞絲粉皮清新惹味，雞肉唔會煮得好老，反而有肉汁，肉質鮮嫩。青瓜絲亦都清爽鮮甜。粉皮口感好煙靭，但撈勻芝麻醬同醋之後，就吸收咗芝麻醬同醋嘅味道，食落帶來一陣濃郁嘅芝麻香同酸味，唔會話有種肥膩感。 先上湯餃，我就叫咗京蔥豬肉餃同蒜芯鮮蝦豬肉兩款，都係加多少少錢就可以雙拼，另外湯底方面我就再加錢要咗蕃茄湯，蕃茄湯入面都好足料，除咗真係見到番茄粒之外，仲見到紅蘿蔔，薯仔粒等等，佢好好咁樣切到一粒，所以飲落去就唔使係咁咬啦，飲落去好鮮甜。然後再講講餃子，餃子嘅尺寸全部都好大嚿，差唔多成隻「湯殼」咁大。京蔥餃肉味好濃郁，而且京蔥嘅口感爽口，食落去就豐富咗成個餃子嘅口感。另外蒜芯鮮蝦豬肉鮮蝦都非常大舊爽口，

滾餃係觀塘區都好出名今日收工早小小黎唔駛等位，到我食完1815 門口已經要排隊某啲款只可以煎餃我係喜湯之一 所以都係試湯餃啦*蒜心鮮蝦+香菇粟米 10隻 湯餃 $60本身想試蕃茄湯，但睇其他食評見到三色豆 就直接放棄，我唔覺得個湯要加三色豆落去蒜心鮮蝦，有一大隻海蝦，彈力可口，不過餃子比香菇粟米細隻啲 包法都唔同香菇粟米 正常味道 最安全之選兩款餃都有同一個問題就係豬肉豬肉唔會打到起膠 反而似煲完湯啲湯渣因為啲豬肉好乾好「鞋」呢點我就唔喜歡湯：正常豬骨湯 總括：期望太高，實際有小小失望*店舖位於最入，隔離個台人連電話都收唔到signal

之前嚟嘅時候唔係太多人，就係已經太夜收鋪啦。今日7點鐘嚟到觀塘滾餃 ，等咗一陣就有位啦～店內嘅餃子款式有好多，可以選擇湯餃或者煎餃🥟仲有湯麵同小食㗎～✨芝士粟米豬肉餃芝士粟米豬肉餃煎得好香脆，一啖咬落去就知好足料，清甜嘅粟米🌽加上濃厚嘅芝士🧀 ，口感豐富。✨京蔥豬肉餃子餃子皮薄，而且餡料份量十足！加咗京蔥嘅餃子，食落味道清新香口，配埋豬骨湯底，好好味呀🤤！✨韭菜豬肉餃韮菜嘅份量好多，不過味道又唔會太濃，因為餃子既size都算大隻，漲卜卜好飽滿。✨雞絲粉皮夏天最啱食開胃前菜，雞絲、粉皮同青瓜絲配上芝麻醬，味道一流。👍🏻✨豆漿食餃子再配上豆漿，味道唔會太甜，又有營養！

呢間餃子店係觀塘都頗為出名，位於工廠大廈入面，中午2點幾到都仲坐滿哂。店內有幾位員工即場密密地包餃子，加上店舖堅持用新鮮食材同手打豬肉做餡料，感覺好新鮮。另外，店舖嘅秘製香辣菜脯係比較深色，辣度同普遍嘅相對上冇咁辣，整體來講幾特別幾岀色。—————————————————————🍴 京蔥豬肉湯餃 10隻 ($58) 京蔥豬肉餃係比較少見，好特別而值得一試，每隻嘅餡料都好多，食落每一啖都有豐富嘅京蔥同豬肉，湯底係豬骨濃湯，清甜嘅味道，真材實料，有住家湯嘅味道。😋 美味指數: 8/10—————————————————————🍴 芝士粟米豬肉煎餃 10隻 ($63) 煎餃係即叫即煎嘅，等嘅時間都比較長，入面嘅芝士溶化，同粟米豬肉溶為一體，仲有少少拉絲，而餃皮厚薄適中而酥脆😋 美味指數: 7.5/10—————————————————————🍴 涼拌香麻皮蛋 ($32) 涼拌皮蛋有驚喜，皮蛋晶瑩剔透，而中間係流心嘅，味道少少麻加少少辣，加上濃濃嘅蒜香味，適合大部分人嘅口味。😋 美味指數: 9/10

近排食餃子係一個潮流，午餐晚餐都可以食出色既手工餃子。朋友介紹黎左觀塘既滾餃，雖然係樓上店，但裝修都好有格調。午餐晚餐都好多人，都要排隊。Menu 都有好多選擇，唔同既煎煮餃，配唔同餡料，亦都可配麵條。揀左煎餃雙拼$66韭菜豬肉餃蒜芯鮮蝦豬肉餃煎餃最正係可以揀雙拼，幾隻味都可試到，韭菜當然係必叫既餡，蒜芯鮮蝦非常有驚喜，好似食緊蝦餃春卷餡既餃子，好特別，唔錯。香菇粟米豬肉餃湯餃8隻，豬骨湯配上海麵$56湯餃外皮唔會太厚，餡料十足，湯餃啖啖肉，香菇粟米必食，加埋上海麵一定夠飽，豬肉湯夠晒濃郁。煎芝士粟米豬肉餃8隻$55加左軟心芝士，粟米豬肉好有口感，煎得香軟。食完明白點解咁多人排隊，性價比真係好高。飲品方面，揀左豆漿$10，甜度適中。第一次飲紅茶花伝$10既玻璃樽裝檸檬紅茶，味道比膠樽裝更好更fresh，推介。

店裡的裝潢簡潔明亮，氣氛親切。由於小店收八點，七點去到已經滿座，人氣極高泰式無骨鳳爪 $36份量十足，看起來十分誘人。爽口的口感和微辣的味道瞬間填滿了我嘅味蕾，正！湯餃雙拼 10隻 $68蒜芯鮮蝦豬肉，京葱豬肉餃湯餃的湯汁清甜鮮美，餃子的皮薄餡多，鮮蝦彈牙，配蒜芯係幾新穎嘅配搭。京葱食落味道清甜，幾好食！煎餃雙拼 10隻 $74選了蘑菇煙肉芝土豬肉飯同黑松露芝士豬肉餃覺得係似炸餃子，餃子表皮金黃酥脆，餡料豐富，肉汁豐富，芝香緩緩滲岀，黑松露入口有著濃郁的香味，細嚼慢嚥，回味無窮。滾餃的食物味道出色有水準，而且價錢相宜，唔怪得咁受歡迎。

今日係觀塘上堂，所以又黎食餃子啦！必試必食泡菜豬肉餃，呢個係我每次黎一定點嘅～呢間小店啲餃子好出名，皮薄落足餡料。配合辣味菜脯勁爽口，正正！而湯底我選左豬骨湯清清地甜，美味。下次會叫埋朋友黎試埋其他餃子先。小店仲有其他口味餃子都有成十款左右，又有煎餃，佢地亦都有賣生餃子(每日限量，最好打電話訂定)我通常六點幾就黎到堂食，walk-in有位，不時都有客黎取生餃子，可見都幾受歡迎。滾餃 Boiledumplingss觀塘開源道60號駱駝漆大廈第3座9樓K室