滿福庭

營業中

休息中

星期六想飲茶又唔使點等位，去觀塘飲茶真係一個不錯嘅選擇。今日去咗APM附近嘅滿福庭，等咗一陣就有位，超快！三姐潮州蒸粉果粉果外皮薄透，包裹著超多餡料，裡面的花生好香，整體好有口感。蠔皇叉燒包叉燒包外皮柔軟，咬落去鬆軟，內餡則是豐富的叉燒，口感多汁，絕對係飲茶必食之選！香茜滑牛肉腸粉腸粉滑而不黏，牛肉香嫩，且搭配了香茜的清香，午市仲要有特價，抵食！福建炒飯炒飯的米粒分明，炒得恰到好處，裡面加入了蝦仁、火腿和蔬菜，色彩繽紛，未食已經垂涎欲滴！

和媽咪來了觀塘行下APM，順道在鱷魚恤中心的滿福庭飲茶🫖一入門口，已感到地方非常寛敞。我們坐下後，便看看餐牌，叫了一些點心，及一些抵食小菜。我們叫了蒜蓉粉絲蒸元貝(四隻)、紅燒乳鴿、香菇棉花雞、金湯冬瓜盒，甜品叫了雙皮奶。~ 蒜蓉粉絲蒸元貝(四隻)：元貝肥美，配蒜蓉粉絲蒸，非常惹味，價錢$78，簡直超值。~ 紅燒乳鴿：皮脆肉嫩，醃得入味，不用點任何醬汁都夠味。~ 香菇棉花雞：傳統的點心，棉花、冬菇大大件，雞肉細滑。~ 金湯冬瓜盒：金湯是南瓜湯，冬瓜盒內釀了碎肉，味道清新，適合夏天食用。~ 甜品：叫了雙皮奶，白白滑滑，滋潤養顏。整體來說，滿福庭水滾茶靚，午市的特價小菜，經濟抵食，點心款式多，既有傳統的，亦有創新的，任君選擇。加上招呼親切，坐得舒服，確是三五知己，聚餐的好地方。

今日去咗觀塘滿福庭飲茶，午市點心超值自選點心加配精選組合，點心2款配精選1款＄158、點心2款配精選2款$208，叫咗兩個點心，蜜汁叉燒腸，鮮蝦菜苗餃大隻新鮮又好食、加多一個邪惡小食椒鹽鮮魷魚鬚鬆脆可口食唔停，另外仲有（迷你）瑤柱蛋白炒飯，但一啲都唔迷你，熱辣辣特別好食。平日12:00-3:30午市特價點心$20.8一個，蠔皇鮮竹卷、香脆綠茶餅嚟到都係熱辣辣。酒樓有一個超級大嘅電視，中午嚟飲茶仲可以睇埋電視㖭。

今日中午同同事去飲茶，觀塘出名人多，所以我哋一早嚟霸定靚位。呢間酒樓座位都幾舒服，枱與枱之間唔會太密，都有適當的空間。蠔皇鮮竹卷$20.8呢款係特價點心，抵食，有三大條鮮竹卷，個蠔油汁整得唔錯，鮮竹卷的腐皮都幾入味，同埋唔會太油，入邊餡料亦豐富。月半彎水晶蝦餃（頂）隻隻蝦餃都脹卜卜，粉嫩透紅，鄙薄餡靚，入邊有筍粒，爽口彈牙嘅蝦仲有少少肥豬肉，所以食落零舍甘香。三姐潮州蒸粉果（小）粉果皮未咬開已經望到入面餡料豐富，有大量沙葛粒，花生，少少韭菜，蝦米肉碎，好香口。花雕酒香煲仔叉燒包（中） 幾特別嘅一種叉燒包，用煲仔上，上枱時侍應響外面淋上花雕酒，頓時香氣撲鼻。打開煲仔蓋，裏面有三個生煎包咁樣嘅叉燒包。包好鬆軟，而且帶有花雕香氣，入邊嘅叉燒亦都香甜美味。鮮蝦菜苗餃（大）賣相好靚，晶瑩剔透，入邊嘅菜苗夠多，充滿蒜香味。海皇釀玉環（大） 好精緻的點心，節瓜脯中間釀咗蝦膠冬菇豬肉，再打了一個玻璃蛋白芡，一點也不油膩。半肥瘦叉燒腸粉（大）腸粉皮都幾滑幾薄，入邊叉燒餡料豐富，唔會太肥，亦唔會嚡。食到最後，侍應仲送我哋豆腐花做甜品，非常開心。豆腐花熱辣辣，甜度適中，豆味香濃，不錯的甜品。

星期六媽媽帶著我到觀塘飲茶撐枱腳，而滿福庭可說是她的飯堂，平日她總愛到這裏嘆一盅兩件。這天食客挺多，幸好酒家佔地夠大，不用等位就可以入座。蠔皇鮮竹卷鮮竹卷內放了大量餡料，如木耳及蝦肉等，腐皮吸收了滿滿蠔油湯汁，外軟內爽，非常鮮味。酥炸韮菜角韮菜角外皮酥脆，內層香軟，入口不油腻，配合韮菜及雞蛋餡料，口感豐滿。酥炸蜆介鯪魚球鯪魚球大大個，漲卜卜，黃金色澤，外酥內Q，口感結實彈牙，蘸上帶點鹹香的蜆介醬，香口滋味。七味炸魷魚鬚魷魚鬚上加了惹味微辣的七味粉，入口香酥爽彈，不油不柴，推介。頭抽肉片炒河炒河挺夠鑊氣，頭抽味足，但味道不會過鹹，肉片口感爽脆有油花，有點像吃著豬頸肉，巨好吃。

上次同家人去apm附近飲茶餐廳佔一整層環境好大、好闊落、裝修都好新正華麗好適合飯聚或擺婚宴食物方便我最愛意醉香雞、叉燒酥、藥膳鳳爪😋🔸太白醉香雞（$68）肥美滑溜，花雕酒入晒味好香，份量不少。🔸月半彎水晶鮮蝦餃皇（$46.8）好大粒、餡料飽滿，入面有成3粒蝦，好爽彈！🔸三姐粉果（$22.8）超足料！煙靭嘅外皮中間包滿新韭菜、沙葛、炒香左嘅花生、肉碎，要食！💜🔸宮延藥膳鳳爪（$42.8）有驚喜💜個湯好香藥膳味，我不停咁飲！鳳爪入哂味，正！🔸陳皮叉燒酥（$35.8）外層好酥好香！入面叉燒餡好夠蜜味，帶有淡淡陳皮香💜🔸半肥不瘦叉燒腸（$35.8）夠滑！有唔少叉燒，仲有芫荽增添香味同口感。🔸杞子桂花糕（$30.8）好冰涼、桂花好清香美味。

Zaza都幾鍾意食中菜，今日就同屋企人，到滿福庭食晚餐🥰 我哋一行人六大兩小，叫套餐比較化算，又唔使花時間諗食乜嘢😛今次，我哋order咗「雙龍出海海鮮宴」，由於係星期四，半席只需要$1588，而且免收加一同茶芥，價錢尚算合理🫶🏻🐷燒味拼盤燒肉做得幾出色，其他就做得中規中矩🦞上湯波士頓龍蝦伊麵龍蝦新鮮，而且份量都OK，不過上湯可以濃味啲就更好🦐黃金大蝦球蝦球味道唔錯，但擺盤有進步空間🦈紅燒竹笙海皇燴花膠個湯幾好味，食得出有花膠🐟大沙巴龍躉兩味：翡翠炒龍躉球&古法蒸頭腩呢個菜式令人有啲失望，因為龍躉肉唔算新鮮，而且非常多骨🥬真菌濃湯浸時蔬份量足料，調味都做得幾好，兩位小朋友食唔停口🐥滿腹亭脆皮燒雞燒雞做得唔錯，肉質幾嫩滑🍚瑤柱蛋白炒飯炒飯有鑊氣，熱辣辣上菜，味道鹹鹹香香，而且唔油膩

星期日返完教會崇拜🤩團契一行12人搵食，去咗鱷魚🐊恤中心飲茶🫖，平日應該搭𨋢排長龍但今日竟然冇乜人，可能暑假同埋d人返大陸，揀咗7樓滿福樓。近大電視📺有張十二人大枱，但其實又唔算好大張枱。叫咗套餐+點心🥧。叉燒就唔夠肥，燒得唔好，有個菜，瑤柱蛋白炒飯幾好食😋粒粒乾身，桂花糕足料，啫啫煲腸粉夠鑊氣，薄撐似春卷，皓香口，炸雞🍗雖然細隻，但皮脆肉滑，咸水角都皮脆，馬拉糕鬆軟，叉燒包俾小朋友食，燒賣ok，海鮮環ok，我個人唔食牛肉球，脆麻花唔夠脆，卜卜脆腸唔夠脆

家人喜歡食中菜，是晚到此用餐。孖寶套餐有龍蝦伊麵吸引，家人至愛當然要食。見酒家都好旺場好多食客，大致係四人枱為主，環境寬敞寧靜舒適，有部大電視，遠遠可觀賞直播奧運添。紅燒妙齡乳鴿 $68乳鴿滷水醃製相當入味，皮少少脆，肉都好嫩有肉汁，唔錯。蒜蓉粉絲蒸班頭腩 $158龍躉皮厚充滿膠質，口感彈牙，肉質緊致，魚味濃郁亦唔腥，與蒜蓉同蒸，食落會好膩，粉絲吸盡蒜茸和魚汁精華，一滴都唔浪費。孖寶套餐：$498上湯澳洲龍蝦伊麵龍蝦大隻多肉，味道鮮甜，肉質爽口彈牙，伊麵份量勁多，非常慷慨，上湯濃稠伊麵掛汁，都幾好味。酥炸黃金蠔 外皮酥脆炸粉唔厚，蠔肉鮮甜飽滿多汁，大隻啖啖肉令人滿足。紅豆沙免費的，味道清甜，欠點陳皮味而已。

今天我相約友人到了觀塘區一間性價比頗高的酒樓一起午膳。這裡大堂非常光猛，樓底高，座位寬敞、裝修時尚。入口的旁邊是一排飬有多種海鮮的大型魚缸，方便食客細心挑選自己的所愛。～煲仔酒香叉燒包這較為特別的點心當然要試一試。上枱時，服務員沿著煲邊淋上燒酒，頓時酒香撲鼻。薄薄微煎過的的包皮內餡料充實，味道鹹中帶甜鹹甜，一口咬下，口感和味道都十分不錯。～酥炸韮菜角這炸得剛剛好的脆口外皮入口感覺超出預期，菜角內的餡料充實，整體味道十分不錯！～紅燒妙齡鴿鴿子的個頭適中，醃得入味和炸得恰到好處。入口感覺皮脆、肉嫩又骨軟，十分好味。～蠔皇鮮竹卷加了蠔油的鮮竹卷果然味道更鮮。～永和鎭鮮竹牛肉球這裡的牛肉球個子比一般的要大，入口淋滑牛肉味濃，加入適量的爽甜馬蹄肉讓整體的效果更佳。～頭抽肉片炒河這炒河的份量不少，用的肉片爽口入味，與炒得條條上色的河粉配合得宜，完全不感油膩，加入適量的銀芽，韮黃和洋蔥讓整體的口感更爽更豐富。這酒樓的點心即叫即蒸，熱辣辣上枱，值得一讃。不可不提這店的服務員服務殷勤，再加上食品價廉物美，十分值得捧場。

以前已經好鍾意飲茶，就算同老公兩個人都會去，鱷魚恤大樓有好多間茶樓，今次我哋去間未食過嘅品嘗一下🥢蟹子燒賣$14.8下午茶特價系列，兩粒啱晒兩口子，可以食多啲其他嘢，高質調味好，口感都好好，有蝦、豬肉🥢安蝦咸水角$21.8平時好鐘意咸水角，外脆內軟又煙韌，必食🥢山竹牛肉球$25.8牛肉稔滑🥢陳皮叉燒酥$31.8呢款好好食！好酥化，外面甜甜酸酸，似檸檬味因為有啲檸檬香，入面係叉燒，多汁好食🥢蠔皇鮮竹卷$29.8好多汁，鮮竹卷係腐皮包住不同餡料，有紅蘿蔔西芹絲，札實爽口🥢雪菜火鴨絲炆米$138勁大碟，好多鴨絲，鐘意鴨皮多啲因為較有油香，米粉冇黏住炒得好好🚩滿福庭 (觀塘) 📍觀塘開源道79號鱷魚恤中心7樓

今日同屋企人係觀塘食晚餐，擇左間酒樓食，價錢都合理又大大碟。花生 - $18/茶芥 - $15。🥢紅燒妙齡乳鴿 - $68呢隻紅燒乳鴿皮脆肉嫩,肉質鮮甜彈牙,紅燒汁入味夠濃郁。。🥢晚市孖寶 - 清蒸沙巴龍躉仔配大師靚叉燒 - $288呢款晚市孖寶包括咗清蒸沙巴龍躉仔同叉燒,龍躉仔肉質細膩,清蒸後保留住鮮甜嘅本味,叉燒更是一絕,油脂恰到好處,肉質軟嫩多汁。。🥢海味粉絲雜菜煲 - $128海味粉絲雜菜煲湯頭濃郁,嘆落十分暖胃,粉絲質地Q滑。。總結黎講晚市都幾好食👍🏻

鄰近觀塘apm嘅鱷魚裇中心, 是飲食集中地, 交通夠曬方便。這間酒樓位於7樓, 裝修清雅, 樓底夠高好通爽, 唔會有侷促感, 座位闊落, 點心即叫即蒸, 款式多又抵食, 特價時段更加經濟, 茶聚就最適合。用點心紙落單, 上點心都好快捷。蟹子燒賣皇大大粒, 饀料幾足料, 蝦肉好爽滑, 肉汁豐富。四寶滑雞扎大件幾足料, 雞件嫩滑入味。蜜汁叉燒腸粉皮幼滑, 叉燒饀料夠份量。蔥花炸兩腸油條夠脆身, 加上蔥花吃起來更香口。陳皮叉燒酥甜蜜酥脆, 食落有陳皮清香。古法馬拉糕軟滑又香口, 甜度啱啱好。安蝦鹹水角外脆內軟, 饀料蝦香惹味, 還點了潮州粉果、蜜汁叉燒包、馬蹄牛肉球和蠔油鮮竹卷等點心, 吃得好滿足。

觀塘鱷魚恤中心向來是美食集中地，今天帶同愛好中菜的爸爸到訪七樓的中菜廳「滿福庭」，店內面積寬敞，天花用上大量懸垂吊燈盡顯大氣-🔹晚飯超值自選孖寶：至尊燒鵝 (例) 配小菜一款燒鵝份量十足，外皮充滿油光感；外皮香脆帶炭燒及濃郁鵝油香；鵝肉緊實細緻又入味，肉厚富鮮香，蘸上酸甜梅子醬更添美味層次又能解微膩，出色！小菜點選黃金大蝦球以脆炸的蜂巢盛載著蝦球，具心思及誠意；蝦球即點即炸熱度十足，粉漿厚薄適中，香脆帶濃郁鹹蛋黃香，蝦肉鮮甜爽彈，滋味無窮！-🔹翡翠炒斑球蜜糖豆鮮嫩爽甜，佐以紅椒及黃椒；龍躉斑片厚切肥美，魚皮軟中帶爽，魚肉緊緻嫩滑，魚香豐富-🔹紅燒乳鴿乳鴿皮脆肉嫩又多汁，紅燒鹹香恰到好處-🔹青瓜海蜇青瓜爽脆清甜，海蜇細嫩帶彈性；陳醋酸香及蒜蓉香平衡滋味

屋企人好鍾意嚟觀塘呢間酒樓，覺得性價比好高，我覺得都幾好，裝修得幾舒服，餐桌餐具都乾淨衛生，招呼亦唔錯，黃金脆皮涼瓜(小食)新鮮炸起熱辣辣，外脆內軟，黃金的脆皮有咸蛋黃的味道，香脆可口，內裡的涼瓜正好平衡了惹味的外皮，好食，潮蓮燒鵝湯米線(碗)好抵食，燒鵝皮脆肉嫰啖啖肉，米線份量不少，軟硬適中，太白醉香雞外表看似是普通的白切雞，一上桌已聞到酒香，雞肉非常滑嫰，多肉，每一啖肉都吸收了酒味，正！紅燒乳鴿(隻)很出色的紅燒乳鴿，香脆的表皮，惹味的鴿肉，蘸配一點點淮鹽，更添滋味，皮蛋瘦肉粥粥底綿密，皮蛋瘦肉足料，超抵食，焦糖燉蛋有焦糖脆脆的口感，燉蛋滑溜，而且味道不會過甜，為這頓午餐畫上一個完美的句號。