滿粥 (已結業)

噚日 (7-7-2019 Sun )同老公喺荃灣買嘢前食嘢,由於我有啲熱氣,老公話食粥,原本諗係咪德發?但老公唔鍾意德發嘅環境同亞姐嘅態度,諗起沙咀道有坐得舒服啲嘅粥舖,於是走嚟.我哋去到,街返一張枱,睇完算多選擇嘅menu後,決定要同樣$24.00嘅皮蛋瘦肉粥同南瓜瘦肉粥,$20.00嘅蛋花腸粉.好快,兩碗粥到嚟,睇見老公嗰碗南瓜瘦肉粥都有幾多南瓜,粥底都唔算好棉,亦唔太熱,瘦肉係正常醃過嘅鹹瘦肉,正正常常.我就冇試過南瓜瘦肉粥.味道: 3分隔咗4分鐘, 蛋花腸粉到嚟,睇見佢嘅蛋,唔同上次我哋喺屯門食到嘅咁,卷住成條腸粉(嗰個食評: https://www.openrice.com/zh/hongkong/review/%E8%A8%88%E5%88%B0%E6%9C%80%E5%B9%B3-e3358812),而係一笪笪咁,佢應該係即叫即蒸,米漿加漿同蔥花一齊蒸,所以係變成一笪笪黃白色花紋嘅腸粉.試吓先,多同米香都有,口感唔會太腍,加埋麻醬好食啲. 味道:5 分食o緊時,老公見到有$30.00嘅豬膶公仔麵同$22.00嘅蔥花蝦米炸兩又想食,但我食完後都飽喇,佢只可叫一樣,我就黐少少

今早唔係好肚餓，突然心血來潮想食粥，途經荃灣嚟到滿粥粥店。往日係荃灣返工久不久也會來到惠顧，但數年前轉了工作地點，已有年多沒光顧。早上 11點入坐顧客不算多，急不及待點了“菜乾豬骨粥加咸蛋”、一碟“炸兩”由細到大好喜歡食咸蛋，尤其送粥美味無窮，煲得綿滑的粥配在菜乾豬骨粥裡，咸香蛋油入口溶化人間美食，菜乾入口淋甜沒有渣，豬骨肉林鮮味，配搭一流炸兩新鮮香脆，每口也脆卜卜，配上甜辣醬，甜豉油，香口好食 進食用餐時非繁忙時間，有一圍枱店員在用餐中，見老闆和店員有傾有笑甚為親民亦欣賞店鋪老闆的善心逢星期三會送出愛心粥給老人家，支持這間美味粥店及善心老闆

今天早上本想陪媽咪去飲茶，但媽咪說今天是初七人日要吃粥，算啦都不重要，最重要是媽咪喜歡就得。因此陪她去食粥，因是過年日子有些鋪都未開門做生意，唔想媽咪失望，只好上網搵，好彩搵到附近有間滿粥粥品，果然好多人初七要食粥，去到見到好多人排緊隊，排左20分鐘都好快，可能食粥比較快。地方不大但都覺乾淨。我們叫左1碗白粥$9，煮得好綿有米的香味，過年吃得太多油膩食物，食碗白粥實在係唔錯的選擇，媽咪話好耐無食過及第粥$35，本想唔比她食，算啦過年就比佢食，因唔想她吃內臟食物，當及第粥送來時我都有食，發覺內臟洗得好乾淨，粉腸無苦味，而且仲不會太鹹，味道剛剛好。一碟炒麵$10，可惜芽菜太少，味道也不錯，一碟炸两$19，油炸鬼唔太脆口，下次來食我會食腸粉，因腸粉比較滑，總共食左$73，覺得媽咪話要去食係岩既，粥可清清腸胃，結帳完出來時見到門口又排左長龍比我之前仲長，好食果真多人排長龍都要吃！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

呢排諗住食清啲所以就睇吓附近有冇啲粥店可以去試吓啦就要先搵到呢間滿粥。嗰日去到大概兩點半左右都好多人，入到去見到門口癡咗好多唔同派送愛心粥嘅資訊，係一間非常有良心嘅企業不過言歸正傳都係講返啲嘢食啦。我哋叫咗一個魚腩粥同埋一個牛肉粥，都配左一碟菜心，其實個菜心就普普通通冇乜特別啦但係就發現洗得唔係好乾淨仲有好多泥係入邊呢一樣野就可能大家食嘅時候要小心。但係過咗個味道就相當唔錯嘅個魚腩係好新鮮，分量都好多，個粥底煲得好綿。整體黎講唔錯

每次經過荃灣，都會諗起呢間粥鋪！貪佢平又好食，老闆又會定期派免費既粥俾有需要人士 今次同屋企人食！當然要試多幾樣野首先食個牛利酥，唔夠熱，有少少失望，不過都夠脆身既，甜甜地，都好食！之後就黎食個炒麵，麵身夠彈牙，雖然好似無咩材料甘，但熱辣辣又夠味，都唔錯我叫左個及第粥，三十幾蚊，有豬潤、豬丸、豬腸、豬肚，各有兩件，熱辣辣，足料好味！有個炸両內脆外軟！加埋甜醬同花生醬！超級正！媽媽仲叫左糭，不過我就麻麻地，好似無咩味甘，唔係甘中意食

近排食得太多熱氣野喇，要食啲清淡野調理一下，如果唔係暗瘡飛滋就輪住出嚟，毫無疑問這間粥店絕對會滿足到以上要求。裝修同一般粥店沒有什麼分別，餐牌都是大路的款式。唯獨是有一個比較特別的腸粉款式是雞蛋葱花腸粉，還有窩蛋碎牛粥。材料非常簡單，雞蛋蔥花腸粉皮。但係有時簡簡單單放在一起就成為了美味的菜色。原本蛋和腸粉是比較淡口的材料。但配合適量的蔥花和豉油就變成了食不停口的菜色了。上菜時窩蛋已經融入了粥裏面，混合了蛋花和碎牛肉，整個每一口都是軟綿綿，呈糊仔壯的口感，吃罷必會是有滿足飽腹的心情。這裏的價錢平易近人，加上手工不馬虎，而且每個星期三早上亦會免費派粥予長者。這樣的小店絕對應該多多支持。

早前約左妹姊妹食飯但突然間喉嚨發炎無咩胃口所以好姊妹就係我公司附近搵左間清清淡淡既粥店我個人好鐘意食皮蛋瘦肉粥而好姊妹就叫左個艇仔粥我地怕員食粥會有點清...（加上我地又會好口痕）我地就加單加左個布拉腸粉雖然睇落樣樣都好清淡但實質好好味又抵食推介

在附近商場逛街後，天氣涼涼地便上網搵搵附近有沒有粥品店，很好附近不到五分鐘就有呢間小店，見comment 幾好就來試一試。點了生滾魚腩粥，好似有三大舊魚腩真材實料，可惜我喜愛的牛脷酥可能無咩人喜歡呢款油條，所以放到夜晚變得又'銀'又唔夠熱，心想早知點炒麵😂。到差不多十點見有不少在附近工作的客人來光顧及外賣，應該是信心保證。阿姐服務有禮，小店逢星期三上午會派發1xx碗粥給長者👏👍👍，希望小店繼續行善及生意更好。

我覺得呢度環境都幾清幽，地點又方便，豆漿好甜啦，同埋啲粥都好好食，好足料，男朋友話及第粥好食，有得加豬紅好正。欣賞佢地願意幫助有需要嘅人，回饋社會。下次再黎過！今次係病左，所以誤打誤撞入左黎。

這店已被報導多次會每星期派粥給老人家，而且很多人話用料不錯也好吃。今天來試試看。點了南瓜瘦肉粥，南瓜是先煮爛然後放到粥裡，而瘦肉則是少少咸的瘦肉。粥底綿滑，加上瘦肉絲很好吃。反而南瓜味不濃，若一起煲住就更好了。

下午去荃灣有事辦，路過呢間平時見佢有定期派粥比長者既粥店同老友入去食少少嘢啦，每人叫咗杯豆漿都幾有豆味而唔太甜，之後叫在炒麵炒麵食落就麻麻喇，可能調味出現咗問題，所以最後要加D甜醬等D濃味蓋過原有既味道！另外仲叫咗碟炸兩食落覺得唔係即叫即做的，不過應該唔算做咗好耐，仲有微微地脆同少少暖，喜歡食混醬腸粉的人應該ok，佢D醬放哂喺枱面可以自己無限量添加，2個人44元都唔算貴，須然食品唔太突出，但持著良心食店之名可離補不足可以再光顧！

老公帶去食粥，因為近曰胃不舒服。入到店座下，見到牆上有告示話星期三免費派120碗粥比老人，未食已經好warm.Order: 生菜靚魚球粥，熱熱的，多生菜，魚球鮮甜彈牙，粥底一睇一吃 wow, 米煲的，南瓜粥，超多南瓜蓉好好味，菜乾粥，完全是小時祖母的味道，有很多菜乾和咸香瘦肉。最好是沒有味精腸粉雖然不夠熱，但是布拉腸粉牛肉腸沒有soda 粉味，好吃蛋花腸粉，攬蛋锵煎，本人不覺有什麼好吃。炒米粉完全不油，好乾身油菜份量好夠，菜又新鮮👍食完如果想做善事，可以捐錢，他們會紀錄捐錢人名和銀碼。

作為一名荃灣友, 自問平時都好少走過來沙咀道呢邊, 所以都無試過呢間滿粥, 今晚經過附近一於入去試下首先叫左一個皮蛋鹹蛋肉片粥, 問心, 價錢偏貴, 但好足料, 食落好入味, 粥底亦都好綿, 用餐果陣更聽到隔離枱話好食過德發好多, 的確係事實, 但客觀少少講句, 始終價錢差左一截, 唔應該咁比較另外叫多一碟蛋花腸粉, 抱著一試的心態, 因為響外面好似未食過, 食落都唔錯, 不過如果畀我揀, 我都係鍾意傳統腸粉多d, 下次再試喇最後有加點一條油炸鬼, 但忘記左影相, 油炸鬼賣$8印象中同其他地方比偏貴, 而且唔脆, 不過可能因為係夜晚臨近收鋪所以先會唔脆掛 

係荃灣行街，行行下有d肚餓。見到有間鋪叫滿粥，一睇到個一刻就感受到有d窩心，呢個名真係改得好！我叫左一碗冬菇滑雞粥，d粥好綿好香冬菇味。而且d雞既份量都幾多，一個人食一碗真係好滿足。佢既好食程度係令我即刻叫多碗外賣比媽咪食😍

由於近來少去荃灣辦事，所以好久设有來。昨天路過順便再去光顧，諗住試試水準是否可以保持。我今次試了剛推出"清新之選"的涼瓜豬潤粥+炒麵。豬潤爽得來又有豬潤味配起涼瓜不會太熟又爽脆，粥底好綿。所以覺得非常好味及感覺好清新，水準依然保持到。值得推薦