滿記甜品 (已搬遷) 新店位置

之前去那間食既晚飯有唔滿足...於是老公車黎食埋個ending 甜品! 我買左個蕃薯糖水,$12, 俾佢....相信幾好食...佢話夠薑味...蕃薯又夠腍....係熱左少少....!我自己就叫左個杏汁蛋白,$25...未食過....不過...每次食襯杏仁製品都覺得好潤.....如果少甜會好!

通常總店是較為令人回味的，喜愛其楊枝甘露豆腐花，配搭、材料新鮮，能開這麼多分店亦不無道理。西貢的滿記果然勢力強大，已有四個舖位，而且分為四個區域：吸煙區、非吸煙區、榴槤區及非榴槤區，亦設有外賣部，可見什具規模，亦為顧客設想，但中間隔著一間日本料理顯然被左右夾攻。欣賞掛在牆上的詩句，亦希望他們能一直堅持：芝麻綠豆雖平常一粒一豆非得閒清水豈能成甘露三兮技巧七分心

個日去到沙田新城市廣場. 諗唔到食咩.. 咁咪去滿記買甜品返屋企食就算.. 個日我買咗 馬豆糕,芝麻胡.諗住無死啦咁出名一定要返咁上下啦... 點之, 出事2 樣都唔好味,唔好味都唔打緊.咁食完見佢\哋D 外賣盒可以用返咁咪諗住囉去洗.一係唔洗一洗就見到個一個要嚟放馬豆糕個盒貼咗另一間公司張招紙.

第一次食滿記,係我讀小五的時候...記得當時自己最鍾意的老師話佢鍾意食西貢某某間舖的榴槤布甸,於是自己就去西貢找,睇下邊度有榴槤布甸,後來聽人講話滿記有榴槤布甸,於是就去呢度試下...榴槤布甸夠滑,裡面有d榴槤肉,好食...當時榴槤布甸係$18而今次係第二次食滿記,不過今次係因為出面落雨,自己冇帶遮而入滿記避下雨...今次我食的唔係榴槤布甸,而係榴槤班戟...記得上次食榴槤布甸時,見到隔離檯的人食緊榴槤班戟,我就話,'我下次要食榴槤班戟!'估唔到,事隔4年,我仲記得呢句話...講番榴槤班戟,班戟皮唔厚,有d咬感,班戟入面有d cream,同埋榴槤肉,比例1:1,成個榴槤班戟食落整體唔太甜,唔錯...食完之後,雨仲落得更大...'下次我兩樣一齊食!'唔知第日,又會唔會記得呢句話呢?

我覺得滿記的楊枝甘露係最正,成日都keep到水準, d西米仲有兩種好感, 好正. 無邊間做到.

從來都不喜歡食港式甜品﹐不過同行朋友好喜歡滿記﹐沒法喇﹗本來想陪佢坐下算喇﹐不過之前鳴苑那餐實在食得不痛快﹐好想食d 甜o野解解悶氣﹐剛巧又見有個“新”甜品(我有起碼兩年冇去過滿記喇﹗) 就試下囉﹗呢個“榴槤忘返”其實係榴槤﹑黑糯米﹑加上椰汁整既﹐食時我將佢地搞勻﹐每啖椰汁中都帶有淡淡的榴槤香味﹐再加上軟軟的榴槤配著煙煙韌韌的黑糯米﹐口感好豐富﹐實在是一個不錯的甜品﹗當然如果榴槤味重d﹐甜味輕d 我會更為欣賞﹐不過就這樣我都還是很滿足﹗和朋友們在露天座位(說穿了就是路邊位置) 天南地北的閑聊﹐每人一個“榴槤忘返”﹐食完之後晚飯的悶氣全消﹐為這個週末畫上一個美妙的休止符﹐我和朋友們又嘻嘻哈哈的在星空下踏上回家之路﹗

真係超中意食佢地D留連班CAKE,味道一流,好正不過唔知點解只中意食西貢個間...唔知點解覺得其他分店冇噤好食...不過我知係心理作用囉...嘻..

其實我唔中意食甜品~因怕甜~好唔中意甜耶耶既感覺~很流很飽咁~而且有很多甜品鋪都係一尾得個甜字~食到我咀都wer 埋~就係咁~就怕左甜既感覺~上個week跟朋友去完布袋澳食海鮮後就黎左呢間貢西既滿記~本來諗住唔食~睇住佢地食就得~但又想8 下點解呢間野只係做甜品都咁出名就叫左個黑白配既芝麻糊碰豆腐花~我只知我食晒~到而家竟然會想再去食~同埋佢地用d 碗好得意~好似好懷舊咁~用左d 舊式60年代小朋友個樣在碟碗底~個個都唔同~食晒之後就睇下人地果隻個樣係點~ 幾得意..

芋頭香甜可口西米彈牙布甸軟淋淋的

因為某d原因,特登入左黎西貢一心諗住黎滿記我叫左個琴日晌apm度食過既椰汁西米露+涼粉我個frd就食左楊枝金露覺得好似apm果間好食d不過個楊枝金露好好食!d芒果好甜!夠晒味!之後再叫個榴槤pancake!正呀!!!!我原本個人唔鐘意cream,但係個pancake d cream唔多,榴槤既portion多d,所以食起黎唔會覺得好cream!唔差唔差~d service真係好好!全部staff都好好笑容,真係唔係好多度可以見到!

遊船河後的一餐。一行十五人與陽光玩遊戲後，身上除了海水味外，便是累意。說真的，並不餓，但見人人吃，也胡叫了一客。要的是焗芋蓉布甸，但因相貌其醜，所以借了友人的芒果布甸一用。自滿記發跡以來，開始杯葛- 它令我失去了「為滿記入西貢」的藉口；再者，店舖數目總是跟宏觀質素成反比。評心而論，總店即或遜色了，仍是最好的。

一直不明白滿記為甚麼這般出名，味道很普通，價錢不平不貴，服務ok，總之就是很普通的甜品店。人多大概是因為很晚才關門（確實是宵夜好去處）及很多人慕名而來吧。到西貢吃甜品其實還有其他選擇，例如燕樂軒。食物水準ok，服務也不錯，且不會那麼多人。

在西貢吃完海鮮, 「順理成章」地便來滿記吃甜品。當日天氣非常炎熱, 從海塝步行到滿記已弄得汗流浹背, 於是便點了芒果涼粉來消消暑。芒果很甜, 涼粉下的也是用芒果汁, 吃完一碗冰凍的涼粉, 果然暑氣全消。有人吃一種叫「白露黑珍珠」的東西, 味道很不錯, 那些黑珍珠聽聞是一種叫「暹邏金不換」的東西, 是一種植物的種子, 口感跟西米差不多, 但比較大粒, 據聞東南亞地區的人把它當涼茶的。看來下次非試不可。

早兩日去買外賣去個frd屋企睇波食綠豆沙+涼粉- 絕對係消暑妙品!!! 透心涼, d綠豆沙唔算甜, 同涼粉好夾~香蕉pancake - 雖然係預先整定, 雪凍左, 但食落口, 個皮仍然有口感, d cream好fresh, 仲要一件係整整半條香蕉冇切冇剩, 俾人地知佢有料到出面d人話呢間野好似唔憂做咁, 我唔認同lor~counter個小姐好nice, 我企左o係度成2分鐘睇menu佢冇催又冇行開, 更加冇露出不耐煩之情當然, 我唔否認, 佢d分店(我食過朗豪坊同apm)真係冇咁正, 但總店既水準絕對冇低到

真係無咩特別, 唔值得等甘耐, 係海滂個間仲正, 招呼一流! 大碗d 添!