滿記甜品 (已搬遷) 新店位置

繼續喜慶紀錄。　博藝會婚宴後第二晚即見到新娘，課堂上!新娘子的精力無限，由此可見一斑。　　新娘很nice的請大班同學吃糖水，滿記的。想一想，滿記的英文名不正是Honeymoon嗎?相信新娘本身不知道，卻是一個奇妙的巧合呢! 　我要了白雪黑珍珠，白雪即是椰汁，加上晶瑩精通透的黑珍珠及香蕉、芒果、大樹菠蘿等生果，香甜又清潤，十分美味。　又吃多個芒果班戟，皮極薄，新鮮有蛋香，芒果夠大件而忌廉不會過多，亦是非常有水準。一問，原來是西貢總店的外賣，難怪難怪!　多謝又靚又nice的新婚，祝永遠保持honeymoon的甜美呀!

無論服務、食物質數都較大部份糖水店為好

水準每況愈下, 愈來愈差. 我覺得以前的服務及食品質素都比較好. 近年來, 可能太多人去, 生意太好, 已經失去昔日小店的認真對待客人及食物的態度. 最近一次去, 吃了一碗合桃糊, 簡直差得太離譜. 我以後都不會再去滿記.

難得跟朋友遊車河入西貢, 當然要食滿記啦... 雖然而家周圍都有滿記. 我叫了合桃露+豆腐花, 好香好滑, 不過糖不甩就遜色了一點. 不過我相信大家都係仲意佢\d芒果/榴槤xx 甜品多d.. ^^..

轉眼，已三千。還記得，在Openrice的第一篇食評寫在2001年10月9日，由最初的沒有相，到「手機相」，到「相機相」。而內容，卻一直也寫得隨意。但對於我而言，時間長短沒有關係，數目多寡，也無關宏旨，因為相比起我在Openrice所得著的，這三千，算是什麼？而這裡的一切事和人，才是令我流連忘返的最主要原因。******離開安東尼的食店，再找地方坐一下，轉去吃甜品。技術上，西貢也只得兩個選擇，只列了題目，已立即選了這裡，原因除了是想吃本店，也因為榴槤。不要看這裡橫跨幾個舖位，但十時許也是接近客滿的。大大本甜品餐牌，都只瞄準幾個選擇，就要了榴槤忘返同榴槤布甸。傾下講下，就聞到榴槤味了。榴槤忘返是一舊榴槤肉及黑糯米各半圓型，浸在浸了碎冰的椰汁上，賣相比那個定型在膠兜的榴槤布甸好得多，聞落亦有強勁的榴槤味道。友人說吃落榴槤味不及聞起來的香，我覺得在冬盡春來之時還有口感不錯的榴槤吃，也算收貸；榴槤布甸雖然賣相「行貨」，但底部也有幾多榴槤肉的，味道及口感俱不錯。當然相比起不久之後吃我發記，是遜色了不少。平日的西貢，非常清靜，也是一個不錯的晚飯地方。

係小城大廚食唔到甜品, 當然最好就係過馬路食過.一列多個鋪位都係滿記, 就揀了路邊的位置坐下. 一直覺得西貢的滿記比市區的手造好吃. 係新鮮點定還係心理作用? 是夜叫了兩樣甜品.焗荔茸西米布甸: 8分, 微脆的面加上甜度適中的蛋, 依然係不錯.芒果班戟: 9分, 這個感覺上就比市區的優勝. 芒果同班戟皮都好新鮮, 唔太甜又唔會酸, 係相當出色.依然沒有令人失望. 埋單應該係$44, 老闆娘話新年唔好收$44, 就收$43了.

有朋自遠方來,一共4人.年初五晚上八點去完附近清水灣"布袋澳"食海鮮,有個完全旅程,當然要到另一邊的西貢普通道滿記啦,滿記已有兩個長形鋪位,一個係榴槤區,另一個係非榴槤區.但後來發現最右手邊有間還未開放的滿記鋪位.因太多人,門口的十多張枱也爆滿了,榴槤區又無位,迫於坐非榴槤區,無得食榴槤班戟,可惜~叫左...1.西瓜冰西瓜汁淡左D,圓球西瓜肉補番數,但又太多冰!不過都ok!2.芒果班戟入面太凍了,芒果味唔太突出(可能我太愛榴槤班戟了)3.椰汁馬豆糕ok la . 因為唔係我叫,只嚐了一小口.4.楊枝甘露好濃郁,好多西柚肉, 正~食物ok ,只係檯細張左D .

22-1-2007 下午時份到西貢市中心普通道天后廟對面最左手邊的啡色門面裝修的滿記甜品，入內後坐在非榴蓮區，其後叫了一客果Pan Cake $22, 另外叫一名女待應要一杯水，該名女待應其後拿來用圓碗裝的一碗水，當時感覺真氣憤，感覺她好像拿一碗水比一隻狗喝似的。最奇怪的是店內貼出香港旅遊協會發出的優質証書, 非常懷疑該協會對優質的準則是什麼，這麼差的服務還可以得到優質証書。有心食甜品不要去滿記甜品。

Of all the 滿記s opened in Hong Kong, I think the one in Sai Kung is really the best. My all time number one favorite is their 杏仁蛋白, which is not available during summer for whatever reason. From time to time I'll get their 合桃糊or 湯圓薑糖水(very chewy & not mushy at all). I also recommend their durian pancake.

住西貢的緣故,經常光顧.但只看見漸受傳媒吹捧.甜品日漸商業化.欠誠意.甜品只嘗出只是甜品,看不出過人之處.遺憾!紅豆沙火喉不足,不太起沙.價格極不合理.望有所改進.但榴連巴戟值得一試!

Nothing special. Price is above average.You can find many dessert place better than this one in the city, in terms of both quality and price.I would not come all the way to 西貢to taste it like many other people do.

本身鐘意食紅豆沙, 可惜佢太甜....轉食"紅豆豆腐花", 試過咁多間, 最岩我口味得lee間~~"滿記"紅豆-不太甜豆腐花-好滑仲記得今年中秋去過, 有(燈迷猜)添.....一邊食, 一邊玩, 幾過隠....最後贏左個好靚燈籠!!

薑餅人外賣兩碗糖水回家吃, 令我心情好些, 多謝您.我食果碗係芒果椰汁黑糯米, 芒果有幾大件, 黑糯米黏成一舊舊, 要自行用匙羹整散, 我覺得如汁底用芒果加椰汁攪成會好D, 現在覺得芒果, 椰汁和黑糯米味道是分開的.薑餅人食左一碗椰汁什果西米露, 好似有香蕉粒, 提子乾粒, …, 據說唔錯笑臉係俾至愛的薑餅人的.

上星期跟男友到這裡夜聚,由於他還未吃飯,於是點了一碟糖不甩和一個榴槤忘返,還有一杯木瓜奶.我本身未試過這裡的糖不甩,好好食喎!甜度適中,跟外面的糖水店比較這裡明顯是出色得多呢!另外那個榴槤忘返亦是一次嘗試,跟北角一間甜品唐比較,這裡所包含的榴槤肉比較多噃!而且紫糯米的份量不會太過火呢!整體上每樣材料的份量都是恰到好處呢!木瓜奶是保持水準!

10 月14 日晚上...同屋企人食完餐海鮮...諗住一場入到西貢，冇理由唔食滿記甜品，但係屋企人又想早D 番屋企，所以我急急腳行去滿記外賣甜品行緊果陣已經諗到買咩，芒果班+ 榴槤班冇去一排...原來榴槤班已經加多o左個袋封住D 味~~一開袋...D 榴槤味衝哂出o黎~~真係香~~本來屋企人食海鮮已經食到飽哂，不過聞到咁香又忍唔住食番啖，一食就停唔到口~~之後再食個芒果班...因為榴槤味太重，攪到芒果冇咩味...不過都feel 到好甜~~~>﹏<下次都係留番最後先食榴槤甜品...如果唔係食咩都冇味...