影片
港鐵旺角站 B2 出口, 步行約3分鐘
繼續閱讀
電話號碼
24874488
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
相關文章
呢間起旺角既拉麵店，中午12點先開門，但系週末去基本上都要早15-20分鐘去排隊。呢間鋪同普通拉麵店個玩法有少少唔同，唔同個位系佢地有限製中午時段淨系做沾麵🍜，晚飯時段淨系做拉麵，雖然話就話食法有分別，但系湯底選擇同味道都系偏厚身同濃味🤤，呢個就真系要睇個人喜好，如果平時中意食開豬骨濃湯拉麵果類湯底既朋友應該會好中意呢度😍。湯底既選擇講真唔多，沾麵三款拉麵四款，可以按口味選擇細項，麵量/醬汁/蔥，亦可以按照食量追加配菜，🍵飲品選擇唔多，但系枱面會有水壺提供凍水可以自助。鱼介豚骨焙煎黑芝麻沾麵🍜 ($89)芝麻味極濃！芝麻湯底起外麵比較少見，但系第一次試呢個配搭又出奇地唔違和，芝麻既香滑完美咁中和左豚骨湯既膩感，食落有 creamy 既咸香味，推薦一試。鱼介豚骨番茄海蝦味沾麵🍜🍅🦐 ($92)呢個相對黎講有少失色，本身有期待個湯會偏向重蝦湯🦐既口味，但系食落感覺海蝦味隻系黎至麵頭果d櫻花蝦，甚至乎撈埋成個湯一齊直呈食唔到海蝦應該有既鮮味，個人認爲本身豚骨湯🐷都已經繫偏濃厚重味，蝦味起呢度偏弱完全被覆蓋，所以食落同期望有落差，如果個名改爲魚介豚骨番茄🍅沾麵會更貼切。😂個人十分推薦大家過黎試下，呢個質素同價錢講真香港好少有，如果要揀沾麵同拉麵，我會建議試左沾麵先，湯底口味根據個人喜好揀就得，都起水準以上。😋
繼續閱讀
好幾年沒有來這間拉麵店了。以前來過午餐時吃沾麵，感覺還不錯，且人氣高企，排隊大約20分鐘才得以進入。我們三個人各選了一款拉麵，湯底其實都是一樣的。湯看起來很濃郁，但吃下去卻沒有什麼味道。拉麵和叉燒也一樣，缺乏香味和風味，讓我差點以為自己的味蕾出了問題。不過，拉麵的份量很足，足以讓人吃得很飽。
繼續閱讀
只有這一間拉麵我會不停重重複複又重複地吃🫶🏻最鍾意佢嘅櫻花蝦湯底拉麵，湯汁濃郁，配搭埋煙靭拉麵一啖拉麵，一啖湯汁真係好正！次次差唔多成碗都飲晒😍地址： 旺角快富街39號建煌華廈地下地鐵站B2出口直行電話： 2487 4488 營業時間： 12:00 - 16:30沾麵時段 16:30 - 22:00拉麵時段#香港好去處 #香港美食 #香港打卡 #香港美食指南 #香港生活
繼續閱讀
作為台風忠實粉絲，一路幫襯咗好幾年食過咁多次，真係香港食過最top嘅拉麵店，但好可惜近期拉麵質素真係差咗好多。拉麵湯底太稀，無咗以前濃而唔鹹嘅味道，拉麵麵底都變咗另一款，粗幼明顯變咗，無咗以前嘅口感，叉燒無燻過嗰隻香味，似就咁普通豬肉。第一次係食完覺得失望兼唔想再食佢晚市拉麵最近決定比多次機會食沾麵，慶幸沾麵質素無點變，麵汁好濃好香，麵底無變，仍然係好好味！但變相呢次體驗要評論嘅係店員質素以往食開都見到個識講日文女店員，服務態度好好，即使可能做得幾攰都唔會擺個樣出嚟同人講唔想再serve人，令我對餐廳一直有好好嘅印象但今次見到個金金地頭髮嘅男店員，明顯feel到佢好唔願serve客，又向廚房員工高談闊論某d客人幾麻煩，又類似話4點半唔想再有客(可能就嚟完沾麵section?) 其次係放低碗麵，客人有少少阻住咗佢，佢唔出聲企喺到expect客人自動自覺讓出位置，又無啦啦喺客人食緊野嗰陣，唔出聲伸手入去放低下一位客人所需嘅點餐紙老實講，咁樣都幾趕客😅知道請人難，但我諗都要認真諗下點維持原本嘅服務同食物質素先留住到客人了
繼續閱讀
一間屹立响旺角近十年嘅店，捱過疫情，仲係客似雲來，點都應該有佢獨特性同賣點。今次唔係我第一次食，不過第一次係太耐之前，嗰時都未開波寫食評，今次一於評評佢！《魚介🐟 豚骨🐖沾麵🍜》香味 (4/5) - 香味濃郁又醒神，仲左魚介味之外，聞得出佢有其他調味導至嘅香氣。沾汁 (4/5) - 夠濃郁，濃稠，鹹度剛好，相當好味。除左魚介沾麵該有嘅味道外，我相信佢加左唔少黑胡椒調味，同適量辣椒🌶️粉（一味粉呱），少少辣辣地幾醒胃，想像到如果飲左酒，少少醉醉地食會相當夾。不過不得不提，個沾汁係偏甜的，我本身鍾意食甜味，所以係ok，如果唔好甜嘅朋友要注意返。食到一半左右，加埋調味架入面嘅生蒜蓉🧄，同一般港式打邊爐食到嘅生蒜🧄係一樣風味，我作為一個土生土長嘅香港人，我覺得非常好味，風味有提升！我大概加左兩匙。麵條 (4/5) - 中太麵同太麵之間，作向係太麵。麥味非常夠，煙韌有咬口，少少鹼水味但唔算強，配呢個沾汁係幾夾架喎。份量我認為都幾足，我點嘅係中等份量（不用額外加錢，同小份量同價），張點餐紙冇寫有幾gram，不過一d網友分享過以前嘅點餐紙係有寫，中等即係200g。雖然我唔知而家有冇改，不過感覺係多於200g，足夠我暢快地享受同食晒。配料 (3/5) - 先講d豬叉燒，佢係角切嘅腩肉，全數放晒落個沾汁道，都有4-5塊左右。肉味非常夠，唔肥，甘香好食。荀就麻麻地，太腍，有d煲左好耐嘅湯渣feel。溏心蛋方面，跟半隻，有入味，蛋味係夠強，可惜得半隻唔夠喉😂 。一如既往，最後加埋湯，將未食完嘅麵同料放埋落個溝稀左嘅湯入面，享受到最後一分一秒一滴。整體 - 值得推薦 👍👍👍👍
繼續閱讀