漁屋日本料理 (海寶花園) (已結業)

星期四晚放題黃雨下晚餐疫情下，兩年幾無食過日式放題突然覺得好正，任點任食，好興奮7人，可坐一枱星期四門4坐滿人上一輪時3是5點半至7點半，因少人，原訂8點至10點，我們可早半小時入去食，太好，食多半小時燒蝦好正！

食物質素差，漏單，餐廳衛生環境差。首先係食物方面：質素差，魚生唔新鮮。D 燒蝦同肉類都好枚，又乾又無味。另外飲品方面：叫左杯柚子蜜，得兩塊柚子蓉，同飲清水無分別。漏單情況：Round One 嘅嘢等左半個鐘先到😥甩單甩得離哂大譜！😢 經常要追單！Round One 落嘅嘢，到最尾叫我地離座先肯補返比我地，然後仲要話賣哂，剩返兩舊。😡餐廳環境方面：D 枱，膠板，鼓油樽好烏糟，好油。D 餐具有好多漬，上一手D 飯乾仲係到😥 D 水杯又有漬。

一句講晒，唔會再有下次，嚴重漏單，落三次都唔出一次，last call人手再追，等到夠鐘，一樣唔嚟，伙記行過當冇嘢，隔離枱首先放棄，收咁嘅價錢而又咁既服務真係未試過！

The restaurant order by scanning QR code/梅蘭菊竹 壽司定食 + 甜蝦鮭魚 + 吉列豬排拉面All the lunch sets here is realy cheap in terms of the price and scale. Strongly advise to try the sushi combo. 7 pieces of sushi combine in a creative way. It is quite special to match sushi with biscuits.

呢間日式料理嘅放題幾乎冇一樣嘢係伏嘅。無論係魚生，熟食，甜品，就連嘢飲都非常有誠意。花之戀上面唔單止有魚籽仲有海膽同金鉑。吞拿魚上面亦有少少黑松露醬。全部刺身都又大又肥美，特別係牡丹蝦。更值得一讚嘅係嘢飲竟然有特調。喺房大嚟講真係十分之罕有。美中不足嘅係，餐廳位置比較逼，二人一台，冇辦法係台上放太多嘢食。可能係想大家食幾多叫幾多？餐廳員工亦十分有禮貌，隔離台慶祝生日，仲特意將餐廳全部燈光調暗，然後為嗰檯客人唱生日歌。總體而言係十分之抵食又好味嘅放題，會再去🤟

每次經過漁屋都座無虛席，今次終於有機會試吓。揀咗個晚市嘅二人套餐，食物種類都算多，冷盤有火腿哈密瓜、辣辣地嘅椰菜粉絲；刺身、壽司都夠凍夠新鮮；熱食有雜菇、蟹粉粥、炸雞翼。食物味道可以，價錢合理，不過就衛生較差。

野食係冇問題既，係食緊野既時間黎sale 我地join VIP ,, 態度一直都冇問題既，一話吾JOIN 個5000 蚊VIP 之後，員工服務態度真係變到超級差，明明見到我地揮手都擰轉頭扮睇吾到我地，之後話吾該上埋個生日蛋糕，佢地就真係成個蛋糕連盒拎俾我地，都算啦，自己拆盒自己整野，叫佢地拎餐具黎，叫左3次都冇理我地，我地蛋糕都切完啦，一直就係度等餐具，搞到本來好地地既生日PARTY變到大家都覺得好吾開心。真心吾推介，如果諗住黎呢度食野記得預錢JOIN VIP呀，吾係會受到不禮貌對待。

大埔抵吃豐富放題之選✨以$278為平日晚市價。刺身款式比一般的多，而且每款也是大大件。壽司款式很特別，種類也多選擇。貴價種類，拖羅、海膽、鵝肝、黑松露也有。黑松露蝦多士好味道！🌈特別推介放題飲品，與大眾放題不同，此餐廳的大部份飲品為手作式飲品，如黑牛、青檸梳打、酒類也有，紙包飲品和罐裝飲品也有。只是環境就比較舊了😂不算太逼夾。總結：抵吃、多選擇，比一般放題優勝。

真係無獨有偶好味嘅嘢真係唔係咁容易咁簡單就講得晒快靚正性價比極高同埋最重要係兩個人近排會有一個好好嘅優惠佢每一道嘢食都係真材實料就算飲品都唔係剩係得罐裝嗰啲飲品係會有特飲即係你即刻叫即刻會整出嚟嘅嘢飲例如梳打客牛奶蓋等等焗嘅食物都係即叫即做全部熱辣辣唔似其他嗰啲凍冰冰最過癮嘅係佢有一個即刻磨嘅Wasabi其實依啲服務雖然係細微細眼但係見微知著你見到依啲已經覺得這間舖頭非常之好所以下次嚟到大埔你一定要試吓真係唔係講笑可以嘅話就book定枱因為都有好多人幫襯

其實要食放題唔需要出到旺角尖沙咀咁遠大埔雖然係新界區已經有一間非常非常之好嘅日本放題真係唔使講嘢見到所有魚生壽司都係新鮮嘅食材再加上其他配套嘅食物我輕輕講一講包括炸物包括錢財包括熱辣辣嘅煮出來的東西甚至乎去到飲品甜品服務等等都係完完全全性價比極高嘅一個地方淨係見到佢個蝦多士又或者其他炸雞翼你已經覺得喺出面唔會見到咁細緻即叫即做嘅放題食物所以大埔其中一個最優越之處因為佢本身唔係一個市中心嘅地方而係一個比較新界嘅屋村地方佢每一個舖頭嘅人情味真係非常之好用嘅時間同心機唔係每一間舖頭都可以媲美

好耐冇去到大埔嘅魚屋，今日諗住再過嚟試吓已經大不如前，唯一保持到嘅就係個價錢，但食物質素下降到兆萬都不如，今日星期四，食到七點半已經得番我一枱，原來今時今日已經變到咁伏🤦🏻‍♂️🤦🏻‍♂️🤦🏻‍♂️最激氣最激氣最激氣⚠️⚠️⚠️⚠️$278+1 係預左有海膽同鵝肝多士，生蝦刺身點知六點半入左就話售罄，就當你五點開始入座，唔通會俾人清晒？即係等於酒店價錢預左有生蠔龍蝦，點知呢個價錢入嚟話賣晒，咁我洗乜$278入黎

因疫情關係 好耐冇食放題，上星期四就同個仔去食，訂8點因限聚令都係食到10點，因幾餓一開始叫左好多嘢，見到成枱嘢都飽，所以下次應該叫左魚生先，而其他食物可以試下叫少少或一份，因有啲嘢份量好大同黎啲平嘢塞飽你😅，好似煎年糕都幾大個，花膠一份都幾多，叫左羊架食到最後都冇黎。魚生比得唔足，可能比較忙，慢慢叫會好啲。如胃口唔大就唔好叫冷麵因都係比較大份，飲品都好多選擇，最後如鐘意食榴槤，可以試下炸榴槤，我覺得幾特別。服務都不錯，好笑的是，好多中年以上的客人不停叫飲品，跟著放哂落已準備的袋內。我見到幾枱都是這樣，不過我地叫雪糕時員工真的問我地是否取走埋單每人大約300大元

基本上每次食放題都會黎尼間食款式多🍗🍖🌮🌯🫔🥗沙律 前菜 魚生 壽司 串燒 熟食 甜品 總有一款岩你口味個人私心推介一口和牛 軟軟口感一流醬汁在口中不斷回味 另推介燒蝦 燒到岩岩好不過唔係重口味嘅我 覺得味道偏鹹 加左幾多味精燒牛肉壽司、灸燒三文魚壽司、芝士大蝦壽司都係必食之選仲有手卷可以選擇 細細份 可以一淡放晒入口岩晒嘴細嘅我甜品款式推介鮮果涼粉 個樣影相好靚飲品款式都有好多最後 每人仲有一款雪糕送tim (可以拎走的）服務：上菜前段時間會快d 到左後段開始慢服務態度都好好整體野食質素唔錯！

第4次到場，卻一次比一次差，全餐平均值都有3分（5分滿），但必須要提一提，最後送每人一杯雪糕，有movenpick添，揀左杯瑞士朱古力，可惜啊，打開係有溶化過既徵象，起過泡，4邊似溶過，表面果層入口真係唔得，希望大家留意唔好order.

我们三个人是定位置去的，然后很快就有很多人。食物上的也挺快的。种类也比较齐全。味道也还可以。还有两个人在过生日呢。热闹的。要便宜吧200多元。蛮不错的，整体感觉。食物都还OK。有回头去的感觉。