漁屋日本料理 (海寶花園) (已結業)

第N次來這家放題..😂食物質素和環境衛生都能保持水準。值得一讚！另外我認為雖然今晚較少員工在場，但在場員工都已盡力發揮應有服務態度。值得一提是聽電話和confirmed booking的那位同事也保持十分要好的態度！是日主題是為阿公慶祝生日🎂因為我要OT，趕不上由頭帶到尾......但適逢鄰桌為孩子慶生，餐廳突然把燈都關上，然後播出不同語言版本的生日歌，也為我們帶來一點點驚喜！沒有拍很多的照片，以下用幾張是日精選作結

假日進入依間店舖食午餐，以為可以輕鬆享用一餐，但負責落單的侍應只有軀殼，完全不知道自己做什麼，講左又唔知自己寫左咩，到送餐的時候問那位年輕人該食品是什麼，佢竟然不知道，沒有回答就放低，之後送的三個餐，侍應完全不知道該食品是什麼！食物味道是可以的，為什麼服務是這樣，到差不多食飽叫侍應加茶，佢竟然三隻手指就插落三隻杯度，完全沒有衞生意識，還把三隻杯拎走，俾返三隻已經混在一起的杯我，但我已經不知那隻杯是我的！所以最後都放棄那杯插左手指的茶！到底依間公司的服務為何，連最後埋單都係錯！真不敢想像！食物是可以的，但就俾一班只有軀殼的年輕人毀滅了！一定無下次！

今次去左間日式餐廳食野，佢中午有分放題同午餐。放題就大幾250蚊一個人，但可以食壽司、龍蝦、炸物等等。但我地比較細食，所以就揀左食午餐。原本以為60幾蚊個午餐，應該會好頹，但一上菜就嚇到小弟嘩嘩餐咁叫。特別係個天婦羅便當🍱。佢大盒到差d連張台都放唔落。佢有厚切三文魚刺身、沙律、甜品、溫泉蛋同埋多到就捨既天婦羅！天婦羅夠脆又唔油！再加埋佢既天婦羅汁真係一流。最欣賞佢既擺盤，好細心，會專登炸一個扇形出黎！真係不得不稱讚佢。

大埔既朋友推介! 話就算九龍既朋友(我)去到都一定唔會後悔，食完後真心超推介👍呢個價錢既放題通常好少有海膽呢啲高級野，漁屋就有齊晒，海膽，三文魚子，鵝肝的有🤤最推介既係鵝肝多士，鵝肝有大大粒，入口即溶，超juicy, 多士都係哄到脆脆的，好夾唔油膩花子戀竟然仲有金箔😂 雖然食唔出，不過夠晒華麗，呃like 一流海膽唔算特別出色，不過以呢個價既放題黎講，有得食已經算偷笑，無限encore🤣一般大路既刺身都有齊晒，推介赤貝及甜蝦，好鮮甜😍長腳蟹其實非常不錯，可惜佢有時黎蟹腳，有時黎蟹鉗，我又唔太識食果啲部位🙈仲有我鐘意食既榴槤波波，同埋Hagan daz 雪條做甜品，大滿足，走前仲夾走左一小包糖比小朋友做手信🤣 平。靚。正👍

每次經過都見到人龍不絕今晚就試試佢，平日晚上6點唔洗等位😛-因為係有備需而戰，所以點餐用app點都好成功😛餐廳飲品有asahi有解茶，又有特飲水果茶好大杯，最緊要係唔死甜😚😚😚😚刺身無得頂呀！我最愛三文魚，竟然有拖羅食加左一大分！！！！！壽司同手卷我都忍唔住食左好多～～～熟食同炸物既選擇都比一般放題多真係超級抵食🥰當然鍋物有牛肉鍋又有海鮮鍋～掛住食無乜點影相不過店家真係好著重交台時間會好準時咁提last order但都好有禮貌，而且上菜速道好快真心食一個半鍾都飽哂！最緊要係佢既味道絕唔係hea你😄

漁屋係有兩間一間係大埔一間係旺角，位於大埔嗰間我食過成20次，每次都有不同嘅菜式，廚師刀工十分之一流，食物10分滿分超好食，燒物炸物唔使講都係超好味， 要幾多嚟幾多，呢個唔係間間餐廳都做得到。員工服務良好，但還有改善空間，員工笑容10分好，好多都好禮貌。咁價錢上十分之合理也有六送一位的優惠，在星期一至星期五使用的。如果再加價我覺得係合理，因為這間放題係有鵝肝、刺身係新鮮、甜蝦超甜、羊、鮑魚、焗豪、非常罕有的雞泡魚干、還有其他不是間間都有的食物、壽司非常好食又多款，飲品都好多款有清酒、梅酒、芝士奶蓋紅茶、凍朱古力、雜果賓治、鹹檸七、以及多款不同又新穎的飲品😃😍🤗🤩對於這間喺大埔漁屋放題，我已經食咗20多次每次都帶來驚喜，如果你生日去，佢會為你熄燈播歌送多個蛋糕給你，以及生日嗰位人士會有折扣我非常滿意這間放題，我認為係全香港頭10位的其中之一的最好食的放題，我非常誠意推薦各位去試，（日日爆滿）請預早訂位臨走時佢會送多個雪條或雪糕畀你拎走， 係有名牌的雪條和雪糕， 還有一個小地方係夾糖仔， 係免費畀你夾走

假期前夕的星期四，唔係唔出街食個豐富既lunch 呀～約中午12:45到，大半滿座，好在唔洗等位😆雖然唔食得生冷野，但呢到既熱食都算多款，有丼，有拉麵，有烏冬...今次試下佢個滑蛋鰻魚撈烏冬，另可加$5芝士，咁梗係加喇～！賣相唔錯呀～仲有沙津，麵豉湯，飲品同甜品雪米糍😆😆😆鰻魚都大大塊，厚厚的！烏冬夠熱可以將芝士熱熔👍🏻撈起有芝士同滑蛋好豐富好滿足呀😋😋😋同事既都好有睇頭有長腳蟹既海鮮烏冬真係幾吸引呀😋😋下次試下先～！

好耐之前已經聽人講，荃灣漁屋日式放題好得！雖然我喺荃灣返工，但我一直無試過，原因係每次行過都勁多人，我哋好少預早book定位，因為我哋食放題都好即興。今日收工去大埔搵食，即興去咗漁屋，其實都幾多人，大約都等咗20分鐘位。一入去坐低，侍應就講而家餐廳係冇order紙落單，而係要下載一個叫飯團嘅Apps，係Apps裏面落單！老實講，後生仔搞呢個Apps都要搞20分鐘先開始落到單，仲未計上菜嘅時間，計埋上菜嘅時間，起碼半個鐘頭後先有得食！換句話講，有啲對上網唔係咁熟悉嘅人，明明只係想簡簡單單食放題，就要搞一大輪先可以開始食，大家都知放題係有時限，就係咁搞你半個鐘頭，等你食少半個鐘，加上經常有漏單，咁佢已經賺咗！小食：八爪魚、螺肉、櫻花魷魚，炒埋一兜上～蟹籽沙律刺身：鮑魚、北寄貝、赤貝、三文魚、吞拿庶、阿根廷紅蝦、帶子、松葉蟹腳，水準正常，不過不失。第二次刺身叫咗鱆紅魚，阿根廷紅蝦、赤貝日式海蜇海膽三文魚籽軍艦呢喥有比較貴價嘅海膽同三文魚籽任叫，好彩粒飯唔算好大，而且紫菜食果陣仲脆！唔錯！慢自味無骨鳯爪其實則係泰式鳳爪，不過味道唔錯，可以一試！蔗蝦、燒菠蘿、香煎鵝肝多士、蒲燒鰻魚、清酒煮蜆、鹽

聖誕節平安夜有得放早，同朋友去左大埔漁屋食放題，一早book定枱先有位咋。而加得返大埔同荃灣分店，多年前放題未興時常去荃灣分店㗎，哈哈。刺身厚切幾新鮮，三文魚同吞拿魚夠肥，甜蝦帶子爽口。鵝肝多士好香脆。天婦羅即炸熱辣辣又不油膩。花之戀細細件一口一件，仲有金箔版夠浮誇。有幾樣甜品可以任食，其中一樣係雪糕糯米糍。高級少少嘅雪條就一人一枝，有好幾款口味揀，要左呢個鹹焦糖，幾正喎。食物味道幾好，用手機落單也方便（scan QR code同download app），但係店員無心做，睇住自己枱嘅食物去哂隔離左右（已經提左無數次），而隔離枱亦同左店員講話無點…唉，第一次食放題唔飽，鹹點大部份失蹤，最後係食甜品食到飽變左甜品放題。

夜晚約咗一班好耐冇見嘅friend去食飯，諗極都諗唔到食乜，咁不如去食放題啦，乜都有得食坐入去先慢慢揀想食乜都得，夠晒自由啦。漁屋算係一間食物質素非常好嘅日式放題餐廳，啲刺身都相當新鮮，食物嘅種類又真係非常多。不過食得放題個重點就梗係刺身啦。佢啲三文魚，甜蝦，油甘魚都係我嘅至愛，特別要提下嘅係啲甜蝦，真係好大隻架。但係呢佢啲吞拿魚就麻麻哋啦。其實呢佢仲有啲熟食嘅，例如燒鰻魚同一口牛，呢啲都好好食架。而且，佢哋仲有Movenpick雪糕食，所以真係非常唔錯。但係，服務方面，佢地要用飯團apps黎order食物，又要專登download個apps先可以點食物，如果佢地可以畀返order紙客人用，有多一種點餐方法就更好啦。

食物賣相不錯，味道也可以。員工服務態度好，上食物快，無缺單！我有小朋友，好細心俾BB座。大人小孩都好開心😃。推介榴連米慈，十個好味！雪花肥牛火鍋也相當美味，下次會再來！

自從上次食過之後，介紹給朋友知道，朋友有拉住我來食第二次啦，生意都係好火爆，這次排了20几分鐘就到我們啦。來到日式放題都是食夠回本的刺身同埋壽司先，仲有天婦羅，雖然天婦羅不是非常值錢但是真係好好食啊，想一次性食過癮，這次食到上次沒食的芝士焗生蠔，又發現一種美味。

好幾個月前聽朋友介紹過這間大埔少見的放題店後，已經心思思想和寶寶來試試，今個月的慶祝日我們終於都來了！今天是星期一 （7:30左右），價格是$268加一。跟一般放題差不多，刺身、壽司、卷物、冷盤、熱食、鐵板燒、串燒、炸物、飲品、甜品應有盡有。刺身非常新鮮，帶子刺身帶甜又新鮮；三文魚刺身肥美，油脂分布均勻；蝦類刺身鮮甜。惟海膽比較一般，有一件海膽有一點點不新鮮。軟殼蟹手卷炸得很香脆，配以牛油果及蟹籽，令口感更豐富。蒲燒鰻魚串及鹽燒海蝦超好吃！芝士焗蠔很creamy，女生們應該會很喜歡💕炸物全部也炸起即上，因此放上桌時也是熱騰騰的，所以都很好吃。更意想不到的是連粟米也很美味，牛油味很香😋 比較一般的是鵝肝，不太夠肥但配上微熱香脆的多士還好，也可以一試。蟹皇翅有很多的翅，比在酒樓吃的還要好🙈這裏的熱食十分出色！雖然店家有甜品任吃，但截單前10分鐘，店員會遞上一張特別的甜品紙「極品雪糕系列」，這張每人只限點一個，有Häagen-Dazs及Movenpick 的雪糕甜品任君選擇。我們點了個水玄信餅、Dreyer’s 芝士撻雪糕批及Häagen-Dazs岩鹽焦糖雪糕批作為今晚的甜品。

大埔這件放題次次都爆滿，爲了不排隊，特等選了禮拜一來食，真是沒讓我失望，日式菜品種類非常豐富，看花眼選了好多食，天婦羅是剛剛出爐的，好鬆脆，品種都好多，拉麵同外面的拉麵店味道一樣好，刺身想吃幾多就可以點幾多，小食都好多，恨不得自己有幾個胃，這樣的價錢有甘靚正德自助餐食好抵。

這次同朋友一起來大埔這閒日式放題吃飯，真係大飽口福，裏面的食物應有盡有，芝士焗生蠔好正，耗夠新鮮，芝士濃鬱剛剛好，壽喜鍋係非常正宗的日式風味，料加的好足，串燒的種類都非常之多，鷄肉、牛肉、豬肉都是大大塊的，吃得好過癮，最後吃飽，食最後一碗蟹粥暖暖的，好鮮甜，為這餐自助餐做ENDING 超值的日式放題，不好錯過啦！