漁民樂 (已易手) 新餐廳

上次時間太早，未夠12pm店未開。今天行慢幾步12pm到，已坐了幾枱客人。揀漁民樂當然吃魚！魚比手掌還要大，肉質很鮮甜香滑。蕃茄魚湯味較濃帶少少酸和稍鹹，略搶去魚鮮。下次要魚湯！飯有點QQ的，都幾好味。叫了少飯，份量也不少，應該有一碗多吧。這雞翼炸得香脆，肉入味又滑。至於辣味不是從表面的醬而來，而是皮和肉。好味！要預少少時間等候。 至於米線午餐一般$3x。坐下冇耐，已一群群客人到達。

最近網上出現咗「漁民樂」、「前家樂」2間舖既名，貪新鮮既人點都會試吓佢有咩咁特別。湯底有魚湯同蕃茄魚湯2款免費選擇，喇沙就要另外加錢。午餐入面其中一樣就係呢個墨魚餅肥牛翠肉瓜米線，揀咗蕃茄魚湯。一飲湯，魚湯味ok濃，未到屋企靚湯既程度但至少有一半，不過蕃茄味就太淡。配料方面，翠肉瓜大量、墨魚餅係酒樓春卷size有2-3塊、肥牛2-3片，多菜少肉尚算健康，但未必啱食肉獸。最大敗筆係米線份量太少，只有譚仔份量一半，細食女仔應該夠，但食量再大少少都未必夠飽。米線會越食越酸，真係「等到蕃茄湯味番番嚟魚湯味又唔爭氣」，好似係蕃茄湯同魚湯分開煲，你叫就每樣比啲你咁。飲品方面叫咗華田，淡到係有少少味既水。

5月11日, 原來余文樂喺大角咀~~~ 丫唔係, 係漁民樂先啱! 平時食米線唔係南記就譚仔, 今晚難得嚟到大角咀可以有多d街坊小店嘅選擇, 行到見到呢間漁民樂, 主打新鮮魚湯湯底, 鐘意食魚嘅呀比同應該要食多d魚嘅呀菲就決定入去喇! 一場嚟到, 當然想樣樣野食都試下, 又見到有個二人車仔麵餐, 除咗每人有碗雙餸麵或泡飯外, 仲可揀一款小食、魚湯浸菜同飲品~ 都係$90, 超抵!::: 豬潤魚腐通心米線(蕃茄魚湯) :::豬潤同魚腐都夠新鮮但係唔算係特別野, 反而個通心米線幾得意~ 麵身軟滑煙韌又索湯, 番茄魚湯湯底濃郁, 有魚嘅鮮甜味之餘一d都唔腥, 飲得出係新鮮魚熬製而成嘅! 連平時唔食魚嘅呀菲都覺得正~::: 鯇魚腩芝心丸泡飯(魚湯) :::喺街食鮮魚真係少, 呢個魚湯泡唔知對比其他嘅好唔好, 但係我就覺得好好味! 魚湯十分鮮味, d飯又索晒湯, 又有d粟米雲耳咁去吊味~ 鯇魚腩冇腥味, 食得出係新鮮野, 肉地彈牙, 非常之不錯! 芝心丸就係凍肉貨色, ok咁啦~::: 台式鹽香花枝條 :::超讚香口小食! 花枝整成細細條煎香再灑上椒鹽, 夠晒惹味! 不過要趁熱食先夠好味~:::

之前幫襯過下午茶覺得幾抵食...所以今次午市又再來過...午市餐係貴少少,但係冇諗到份量大好多, 多到食唔哂...叫左個A餐+E餐...A餐係: 時菜+兩送+茄湯+熱飲= $36茄湯好味, 好香蕃茄味但又唔會太酸...米線係多到不停食都仲係好似冇食過咁...好西利..同埋米線唔會煮到淋哂, 口感係彈牙既...每條米線都會有蕃茄味... 不過D送就麻麻地...所以我唔推介A餐...同埋仲有個重點就係...佢舖頭塊白板寫住"時菜: 唐生菜"但食左好耐, 碟時菜都未到, 所以我就摧下伙計...點知伙計話時菜已經係碗米線入面, 就係D芽菜...我覺得成件事好騙案feel, 因為我係望住白板寫時菜係唐生菜先會叫A餐...所以好無奈....咁點解一早塊白板唔寫時菜係芽菜呢?? (有圖有真相)明明唐生菜唔係賣哂架...因為隔離台遲過我地來都食緊wor...ps: 杯熱檸水&凍檸茶真係非常難飲...係又苦又澀, 完全冇茶味...

魚米家、鱻米線（荃灣）... 呢d你地應該不為陌生！魚湯界，大角咀「漁民樂」你又聽過未，食過未？等我介紹下啦，我都算係舊客仔喇，光顧次數都有20次以上，食評今次第一次同大家分享呢間「漁民樂」食後感。餐廳內環境，簡簡單單白色設計。以前，呢到得兩個湯底，分別《招牌魚湯》及《蕃茄魚湯》。最近呢，就加入幾位新朋友，多左《冬蔭功魚湯》《喇沙魚湯》《麻辣魚湯》。幾款湯底中，宜家得番《喇沙魚湯》《麻辣魚湯》我仲未試 ：p 招牌魚湯：個人認為最能夠飲到魚既鮮甜味蕃茄魚湯：比單純魚湯濃味，加入蕃茄，味道方面醒胃呀，帶微酸冬蔭功魚湯：加入泰式香料，香味芳香濃郁！辣辣的，越食越熱，蠻刺激P.S. 魚湯方面，看看運氣，有時好甜但有時又會唔係好甜。（我喜歡食後感不會口渴，相信不是味精湯）點左一個是日午餐，翠玉瓜燕玉餃魚腐米線 (招牌魚湯) $36 送熱飲 配菜有木耳同玉米，呢到玉米特別鮮甜^^ 呢到餸料款式蠻多喔！每一款也不錯，沒有一款特別好食或不好食 ～唯一推介是這家鮮魚湯底！（唔係到處有既通心米線，大家不仿試試看）

在街囗已聞到陣陣麻辣香，今天來到漁民樂試試他們的麻辣魚煲，選了鯇魚，叫了些丸子、烏冬，可邊食魚，邊打邊廬。魚煲本身半熟透，湯底一滾便可以食。魚質很滑很鮮，煲裏還有金菇、蘿蔔，但煲湯底越煲越甜，甜到怪怪地。不過待應不停為我們加湯，不是加水，這個值得加分。今次也算是一餐滿足的打邊廬，樣樣都不錯，相信湯太甜只是一時失準，會再給機會試試他們的麻辣雞煲！

漁民辣汁雞翼(好食指數:7.5/10)蕃茄魚湯通心米線 共$32(好食指數:4.5/10)餐廳名幾搞笑，攞左一個藝人名諧音。雞翼炸後幾出色，非常脆皮，加上少少辣汁，少少酸辣共融，食過番尋味。可惜蕃茄魚湯通心米線實在失色，湯底無味，更遑論有濃郁既魚味同蕃茄味，令人失望。

晚上，很少機會一個人搞掂晚飯，今天就是要在下一個人獨自食飯。早前聽聞有店子的名字與某藝人的名字同音，有時候都會想到這店子看看，可是在下最近懶得四圍遊，故此未能造訪。直到今晚自己顧自己，就叠埋心水，去這與藝人同音的漁民樂一試。事隔這麼久，在下也不知道要吃甚麼，去到才看看吧！入到去，其實與其他餐廳沒有大太的分別，又是一間餐廳吧！看看餐牌，有魚底的粉麵，不過以米線為主，其他的尚有火鍋和配料，有小食，還是有私房菜和小菜。當然在下一個人沒可能把火鍋的配料全都吃下，也未必叫小菜呢，就只好要了一碗米線。雲吞水餃和魚腐魚湯米線一共三款餸，配通心米線，通心米線在外邊似乎較為少見。湯底還有蕃茄魚湯，但是在下原味的魚湯，一來想想試下他的魚湯。一喝之下確實有魚湯的香味，而且夠濃郁，可是濃郁得來還未到鮮甜的程度，而且魚湯是用新鮮魚煎熬的，否則會有腥味和要下重藥。至於雲吞和水餃，皮就很薄，可是兩者都較結實，肉質就不太新鮮，而蝦仁就未見爽口，有點實。魚腐幾好味的，彈牙又有咬口，唔錯，至於通心米線就靭來有點實，不易咬開。整體來說，就未至於真的好好吃，也不算太差吧。

早上陪妹妹喺奧海城買書，之後就JOIN陳生行去大角咀醫肚，大角咀實在太多選擇，籌躇之際，見到有間餐廳抽我的男神余文樂水喎，叫漁民樂，咁搞笑？就試吓漁民係咪真係咁快樂先。******************************下午茶時段有輕盈魚湯米線（＄２６兩餸＋＄４自選小食＋送餐飲），我要咗招牌魚腐及雲吞（本來要燕肉餃，不過是日已售罄，因漁民樂聲稱行量產制以確保食物新鮮。）小食就要咗炸雞翼，再另加咗一碟椒鹽冇骨九肚魚（＄２４）。輕盈魚湯米線個樣好簡樸，魚腐及雲吞各兩粒，有點粟米﹑蔥花飾面，果真輕盈。如我所料魚湯清清地冇乜味精，米線爽滑，健康配搭。話明係招牌魚腐，唔知係我唔好彩食到最難食個幾塊，還是失準呢？招牌魚腐則令人大失所望，魚腐好明顯炸得過龍，顏色暗啞，咬下去表層很硬帶點韌，內裡更縮水，一點也不滑，一點也不彈牙！個人比較鍾意翠華的魚腐，又爽又滑又大粒。還好，雲吞正常，沒有特別。炸雞翼炸粉頗厚，非常一般。椒鹽冇骨九肚魚（＄24），炸得熱辣辣，椒鹽味非常惹味，九肚魚外脆內軟，內裡入口即溶，不過略嫌細塊。******************************雖然今次下午茶唔係食

同朋友在附近游完水轉角就找到這間店名很有趣葛餐廳漁民樂=余文樂？大概12點到鋪頭剛剛開門人也只得兩三個餐牌上的選擇很多價錢都相對合理因為系間集中銷售魚的食店相對地各類魚的產品也很多話不多說，上菜我點咗番茄魚湯底葛通心米線再加墨魚丸+招牌魚腐+雲吞上菜後發現餸系每樣各三份其實都幾抵墨魚丸一向系我葛最愛呢度啲墨魚丸比出面細粒少少但系味道冇異一樣爽口彈牙之後最贊系招牌魚腐同我平時食開葛唔同咬開會有湯汁同埋有陣陣魚香至於雲吞葛餡料好新鮮加埋湯底好正番茄魚湯請恕我試不出魚湯的味道但系利用番茄去熬湯反而能帶出少許甜味令人一試耳目清新但系通心米線就有啲“蠱惑”我以為通心米線應該更能吸收湯葛精華之後發現其實通心米線同普通米線冇分別冇咁韌只系粗少少而已食到最後先發現原來最後一啖米線系最入味所以我建議大家如果吾介意啲面淋少少就慢慢食等啲湯米線慢慢入味同行的朋友都系要咗一個魚腐米線28蚊其實有啲唔抵因為只得四塊魚腐要一個兩餸加魚腐可能更好之後我哋仲加咗8蚊要份雞翼可能食完面再食雞翼雞翼似乎有啲已經攤涼了的感覺不過外皮依然香脆加上特製的辣汁大家都值得一試最後我哋兩人買單$74

兩仔爺同樣抱恙，找吃的地方自然要較為小心一點....魚湯米線會是一個蠻不錯的選擇....在大角咀遊樂場玩了餐懵之後，落樓時人正正對着中滙街，想起了這間"漁民樂"，主打的正是魚湯米線或撈飯。那就啱晒我哋的嘴形了....兩人皆胃口不佳，所以只叫了一碗三餸米線，再另加兩味小食....很罕見地最後竟然有吃剩的，真是一個千古奇聞呢.....叫嘢食的時候有些神志不清，竟叫了一份不應在這裡叫的日式煎餃子。入口油淋淋的又不夠香脆，還要淋上一個杰撻撻又"甜椰椰"的日式燒汁去食，實在是超級難頂.....金粟鯪魚餅質地有點鬆散不算彈牙。不彈牙的魚餅對小弟來講，是一定視為不合格之作；粟米粒的份量又不夠多少了咬口及甜香....淨魚湯底喝起來看來比較單調，加了新鮮蕃茄下去的湯入口是沒妖邪味很是鮮美。連喝了幾口後隔一陣子也不覺口渴....米線選了一種叫通心的，但食落卻和普通的並無分別，咬入口帶少許煙韌；三款配料當中固之然以老本行大魚魚腩處理得最好吃，質感軟淰極鮮甜；丸類揀了一種較少有的以煙肉及蘑菇作饀的，初時咬入口竟是嚐到像芝士的味道，接着才開始感覺到煙肉的香氣慢慢滲了出來，確是有趣；雞柳的確是明符其實很夠滑不過醃

16.7.2013首先要多謝漁民樂的試食邀請. 和其他食友一樣, 當一收到電郵邀請時, 我都被漁民樂的名字所吸引住. 沒錯, 它和明星余文樂的名字發音一樣, 不過我再看清楚一點, 看到餐廳的英文名字Happy Fisherman, 就隨之想起知魚之樂這個成語. 我們不是魚兒, 當然不會明白魚兒是否快樂. 不過, 既然這店叫做Happy Fisherman (快樂的漁民), 想必當中一定有個快樂的故事. 是什麼樣的故事並不重要, 至少我們已從店主的言談間, 感受到他是樂觀和快樂的.餐廳只是茶餐廳的格局, 但乾淨整齊, 就連廁所也十分整潔, 實在令人難以置信. 而我更發現, 這餐廳大部份員工都是男人呢. 這裡除了有主打的魚湯米線, 也提供魚湯火煱, 小菜, 小食及冷熱飲品. 由於這裡選擇甚多, 所以我和好姊妹也花了十分鐘商量吃些什麼. 最後我們每人點一個魚湯米線, 一個七味炸魚皮, 一個魚湯浸時菜, 一個台式花枝條和炭燒雞串.炭燒雞串是意想不到的好味. 雞肉的外層燒到脆脆地, 但裡面的肉卻嫩滑又入味, 十分juicy. 燒汁香濃惹味, 值得推介.台式花枝條裝滿在一個碗仔內, 每條都脹卜卜

最近收到漁民樂魚湯米線專門店的試食邀請，在看電郵時覺得餐廳名稱很特別，與香港男藝人的名字同音，相信已經吸引到大家的注意，想到餐廳看看是否會見到男藝人吧。餐廳位於大角咀，但不是在港鐵奧運站附近的商場，慶幸有熟路的朋友相伴，我們由地鐵站 B 出口行去，不用十分鐘便到達中匯街，看看四周環境，這是我第一次來這裡。餐廳門口以米白色為主，就像是魚湯的顏色，紅色的招牌字很突出。餐廳雖以魚湯米線為主打，亦提供小炒菜式，門口的手寫餐牌就是當晚的推介，$148 的漁民私房菜，有金菇肥牛卷，魚湯花膠雲吞雞，是日活魚，魚滑浸時蔬和飲品，很抵食呢。一進餐廳，感覺和一般米線店感覺也差不多，不同的是餐廳用上梳化座椅，讓客人坐得更舒適。內裡環境亦以米白色為主，牆上有不同大小的 '漁' 字，簡單得來也配合餐廳以魚和魚湯的主題。餐廳將是日提供的活魚寫在白板上，種類也不少，有烏頭，海鱸，細鱗和星鱸等，價錢由 $48 至 $56。 餐牌以通心米線為封面，內裡選擇多，有小食，活魚，私房小菜，特色魚湯米線，魚湯車仔麵，魚湯火鍋和飲品等。當我們仍不知道選擇什麼食物的時候，店方也推介了一些菜式給我們。點選菜式之後，我們正式味遊漁民樂

第一次聽到這店名時，覺得真的很搞笑，"余文樂"? 你知道嗎，從中學到現在我都視他為男神，他真的有很型。對於這邊，不太熟識，搭地鐵到奧運，沿著角祥街一直走，一開始見到一間紅色招牌的漁民樂，但似乎我的目的地是中匯街那間，帶著問號再一直走，走到中匯街，找了一回終於找到我要去的店。細問店員，原來剛才看到那間是同一老闆的，只是賣的食物不同。如你是想吃米線，魚湯的，記得來這店，不要走錯喔。一坐下，店員便介紹這個那個，問他甚麼最好，他說魚和雲吞雞；那我先要條魚吧。餐牌上的食物頗多的，起初我以為只有米線吃，原來山長水遠來到，吃的不止是米線，心情頓時大好，興奮的看著menu。想吃得輕型點，也可以吃米線呢。店內的環境不錯，以白色為主，很光猛。清蒸盲糟經過魚湯浸過。($52)我很喜歡吃魚的，一方面覺得魚很健康又有營養，另一方面魚肉很嫩，不用太用力都可以咀嚼，而且味道大多很鮮。當店員說這裡的魚是很好時，所以二話不說要來條魚。中型大小的盲糟，火喉控制得很好，肉質非常嫩滑；而魚湯味道清而鮮，又不會腥，最欣賞是無添加；因為用魚湯浸，所以豉油另上，這樣魚不用浸在豉油中，不會由雪白魚變成黑魚而導致非常鹹，而這碟豉油似乎

對大角咀的感覺比較複雜，因為大角咀是我中學的所在地，但亦因在別區居住和工作的關係，已經很久沒有再回去，感覺既親近又疏遠。還記得中學那時經常光顧隔條街的X仔，那時覺得很好吃。現在人長大了，味覺也進步了，覺得那個味精湯底不外如是，甚至可以稱得上難食。今次來到漁民樂，讓我對米線的感覺重新定位。餐廳為街坊格局，不要要求有什麼特色裝潢，只要整潔企理汝願足矣！點了餐廳的招牌－魚湯車仔麵(兩餸麵$30)，有多款餸料任擇，麵條和湯底都可供選擇，可謂天天來吃也不會嫌悶。點了魚腐＋燕肉餃＋通心米線，魚腐要另加八元。老闆告訴了魚湯的小秘密－魚湯是以鱅魚，鯇魚，大眼雞煲足三個鐘才於午市奉客，而且湯底是越夜越入味的。老饗們，你們都懂得何時才是品嚐最佳之品嚐時機！煮過魚湯的都知道要煮得好，一點都不容易，不然是水汪汪的不成奶白色的，不然就是淆出個腥味來。讓我告於你：這裡的魚湯就是令人垂涎的奶白色，入口滑潤，很舒服。嚐不到薑的味道（薑可能下得少），但魚湯味道竟然一點也不腥？是用新鮮魚淆製的緣故吧！而且魚鮮味濃，像是集合多條魚的精華於一身，一邊用來蘸點米線，一邊“空口飲”，把一大碗的魚湯喝個精光。另一方面，喝罷魚湯，也