漁民樂 (已易手) 新餐廳

今日難得放假， 已經諗住下午去奧海城行下買下野，去之前當然要去醫肚啦，就係大角咀附近搵左一陣，就入左呢間叫”漁民樂“米線鋪頭。大約一點鐘，人都幾爆下，可能食飯時候，有學生哥仲有好多上班族，好彩我一個唔洗等位我點左一個兩餸米線，米線就試下通心米線，我都係第一次食，先試下D 湯～好甜，好清的湯底，仲有濃濃魚味，GOOD～！魚腩出奇地沒有腥味，有成四片多之後再試手打魚滑，口感不錯，平時食個D 感覺好多細細魚骨，呢間完全沒有，有3粒～我再跟餐再加多一碟餃子，又係意想不到！皮不厚，不太油的感覺～值得番食！我下次有機會去開大角咀，會再試下～

細細個媽咪成日都煮大眼雞滾蕃茄湯再加米粉俾我食，所以一向都想搵D魚湯米線店鋪試下～上星期四去左大角咀一間叫“漁民樂”食米線，之前都有聽朋友講過呢間，呢一日終於試到了仲有想講個名我開頭諗係唔係某某藝人～我大約兩點幾去到基本上都唔洗等位，我叫左個兩餸米線，一個餸係招牌魚腐，再加多個魚皮餃，湯底我就選左蕃茄魚湯底，米線當然要通心米線～湯底好濃好甜，再加上蕃茄甜甜酸酸，不錯不錯～ 招牌魚腐食落好有口感，魚皮餃也不錯！通心米線吸收曬魚湯甜味，仲好彈牙。雞翼醬汁味道酸酸辣辣，確實幾惹味。總括我覺得幾岩我口味，有機會應該會去再食，但就想試下夜晚去食約埋朋友，因為可以試下魚湯火鍋。

藝人余文樂憑著最近的一齣賣座電影《春嬌與志明》中翻拍「別問我是誰」的驚嚇造型和毫無保留的演出，大受歡迎。大角咀的這間「漁民樂」雖然沒有余文樂最近那麼當紅，憑著它的魚湯米線，原來也有不少捧場客呢！莫非是年多以前附近的「鱻」結業後，喜歡吃魚湯米線的顧客都轉到這兒幫襯了嗎？週日的中午時份，兩夫妻結伴前來這間「漁民樂」吃飯，只見店內雖未至於人頭湧湧，生意都算過得去。店內雖然有不少菜式選擇，不過當中的一款「二人麵餐」，看來最為抵食，包任何雙餸麵或泡飯，「魚滑浸時蔬」和兩杯飲品，此外，還可在十多款小食中任選一款佐餐。幾乎所有小食都是較為濃味的菜式，好像「吉列豬扒」、「七味炸魚皮」、「川式紅油抄手」和「漁民辣汁雞翼」等，正好與味道清淡的魚湯飯麵與時蔬相配。這兒的魚湯車仔麵，餸料選擇極多，除了要加錢的生滾配料好像鯇魚腩、鯇魚骨、鯇魚咀、鯇魚骹、鯇魚尾、鮮魚卜和招牌魚腐外，還有二十多三十款配料可揀，實在十分豐富。至於湯底方面，除了可揀魚湯或者蕃茄魚湯底外，還可加 $2 叫特色的魚湯冬蔭功湯底，最適合嗜辣的顧客。而即使是最簡單不過的米線，這兒也有獨家首創的通心米線，方便客人在吃米線時可以啜吸米線中的魚湯，

近來一連幾天都吃了中餐，所以周末的晚餐就想吃一點別的，在尖沙咀逛街之後，卻又不想在尖沙咀找東西吃，所以我們走到巴士站，看看有什麼目的地有好東西吃，最後我們上了一架住往大角咀的小巴。本來是打算來大角咀吃西餐的，因為印象中有兩家新的西餐店，可是其中一家沒有開門，另一家又沒有得到鬆弛的歡心，最後走著走著，來到這裡的門口，他被這裡的店名吸引了（要澄清一點是我並沒有喜歡那個同音的男藝人哦～）。店裡面人很多，剛好有一張有客人結帳離開，所以我們就順理成章進去了。其實一開始我沒有很想吃這個魚湯米線，因為我婆婆常常煲魚湯，我不太喜歡喝，而且魚湯一定要趁熱喝，稍為涼了一點就已經有一點點腥味，所以我有點害怕。坦白說座位不是很舒服，反正就是那種茶餐廳格局，而且要搭檯的。本來我們跟兩個女孩子分享一張四人檯，點完餐以後旁邊有一張二人檯，店員也很好替我們換檯，要知道這種又小生意又好的店，有時候真的不願意替客人換檯，說點了菜就不要換又或者是其他一大堆的理由，所以感覺服務也不錯。魚湯是這裡的主打，怎樣也應該叫一碗試試的，除了魚湯還有蕃茄魚湯和冬陰公湯，心裡想加了蕃茄的魚湯應該比淨魚湯多了點酸甜味，魚腥味就應該不會太明顯

上星期日到過中匯街，很自然便想起這間店，一間似車仔麵可以任揀配料的魚湯麵店。今次叫了紫菜四寶米通和鯇魚冰豆腐魚肉米線。魚湯很鮮甜，鯇魚很滑，沒泥味，很鮮甜，魚肉應是自家製，很鮮及爽滑，冰豆腐吸滿魚湯味道，正。魚腐，魚肉鮫，魚肉，魚旦頭加上紫菜再配上蕃茄湯底，好味不過帶一點點魚腥。這是一間給好魚者的一個不錯選擇，抵食。

有數款是日活魚以供選擇。我們點了兩條活魚跟湯飯，湯底可選魚湯或蕃茄魚湯，為試出魚湯真味，選了魚湯。 另加 $8 點了魚湯浸莧菜。銀鰽肉質實而魚油豐富，黃立鯧肉質較軟，兩者相比，銀鰽魚味較重。魚新鮮嗎？靚嘛？不太懂，只覺魚肉沒霉爛，不腥沒怪味，感覺不錯。魚湯魚味重，帶點腥味，是可以接受，若桌上有胡椒粉就更好了。下次會試試其他較平的餸如鯇魚腩之類和蕃茄魚湯底。兩口子吃個晚飯，簡簡單單健健康康的，這裡是不錯的選擇。

呢間sell魚湯既食店,我已經食過幾次,特別喜歡食佢個蕃茄魚湯底的泡飯,有蕃茄肉,個感覺幾真材實材,對上一次食已經係2個月之前既事,今次再去,蕃茄魚湯的質素不變,依然係好味!不過今次去已經加左價,我個人認為而家通脹,食材既來貨價樣樣都高哂,加$1價的確唔過份,但是令我有d失望就是加價之後,蕃茄魚湯泡飯既飯竟然差唔多小左一半! 而蕃茄魚湯亦都係得返一半!明顯比以前小左好多,以前魚湯連飯注滿後約有碗既8,9成~但而家就只有5~6成, 我食完哂泡飯都唔算飽肚~令我有d失望!

在基哥的介紹下, 得知呢間米線魚湯出色, 必須一試哇, 一o黎到, 竟然要book 位, 有乜聽過米線要book 位?? 真厲害。好彩係咁o岩那個唔好坐o既二人位有人走咋要了最正宗的魚腐魚湯米線, 凍利賓納, 再加漁民辣汁雞翼先講米線, 終於可以食番咁正o既魚湯, 無疑似味精, 魚味濃郁。米線軟度對辦, 唔會淋晒。魚腐都好軟糯入味小食雞翼真係無介紹錯, 平時甚少食辣o既我, 都要讚一讚。惹味之餘, 辣度有點高, 一定能滿足嗜辣之人。肉質嫩滑無"那"味, 好有水準想試o既食家 可能真係訂檯好o的, 呢度仲會有原條魚上o既米線喔

同朋友行開大角咀,見個名咁搞笑,又係魚湯米線就試下點了個套餐1,香辣大千雞,係用辣椒炒既雞,幾惹味2,大蝦海鮮冬蔭功,幾足料,有蜆,魚肉,魚旦,青口,菜,蟹肉,仲有兩大隻彈牙既大蝦,但湯較酸會再好D3,魚滑浸莧菜,夠淋,但魚滑太淋有點失色4,梅子桂花魚,新鮮魚5,叫了一個白飯及一碗蕃茄魚湯米線,個湯底好鮮甜亦有好多蕃茄肉,我飲到落碗底聽員工講套餐每晚都不同,D 魚每日下午先買保證新鮮不不過吾係去開大角咀都幾吾方便

對於鍾意食魚既人, 依間會係唔錯選擇! 試過幾次, 好似有盲槽, 細鱗, 紅鮋, 鱸魚等.今次就試左加洲鱸魚 加 魚湯底通心米線 ($44). 條魚係原條上, 應該係冇腌過, 好淡但幾滑, 火候剛好. 食米線要小心, 因熱湯會容易燙傷嘴!又試左豬仔柳同金沙骨, 雖然熱氣, 但幾好味. 套餐加個菜(魚湯浸)都係七蚊, 抵!不過最後食完會感覺幾口喝, 可能都有落味精或雞粉.環境OK, 又有電視睇. 但開門時, 會有一股熱氣或二手煙由街外抽入黎.價錢合理, 會再黎.

小小的店鋪，餐牌選擇多至媲美茶餐廳，花多眼亂。根據侍應推介，點了火鍋套餐($98)，有活魚一條、雲吞雞及蒜泥小青瓜，另配白飯或米線二碗。活魚有白花、盲曹、金鮪、加洲鱸選擇，以冬菜肉碎浸熟，要多加$2。魚肉滑溜，有冬菜調味，所以不用醬油味道恰好。雲吞雞以小鍋上桌，雲吞四大粒，加大約四份一隻雞(迷你品種)。雞肉仍然嫩滑不(o鞋)口，湯底濃郁鮮甜，似沒有味精，而且一點也不油膩，可以喝到碗朝天，讚！可惜份量確實 ........米線湯底可以選凈魚湯、蕃茄魚湯或冬蔭公湯。 我選了冬蔭公湯，辣道適中，雖然沒有泰式冬蔭公的酸香，但是亦沒有泰式椰奶的膩口，而且湯底亦看不到油，這改良版的冬蔭公感覺較健康。 反而米線只是一般。在大角咀區此店不算便宜，但是想吃得清淡點、健康點，這裡還不錯

該店以漁湯米線為主打,夠健康~~價錢都唔算太貴, 呢個價錢食到大廚用心煮既食物, 環境又乾淨,連雜誌都去報導啦,証明係好野唔怕周街知.....叫了二人餐,有魚湯浸白菜芯,魚湯浸烏頭,蕃茄魚湯通心米線埋單唔洗一百倒咋~~p.s 凍奶茶好好味,奶同茶洽到好處

呢個價錢真係抵食. 大約$40-50. 要視乎你食邊種魚. 有7,8款揀. 上星期食. 桂花魚$50, 加洲爐魚$40. 但就海鮮價. 日日都會有些少出入. D　魚真係煮得好滑。　就算鯇魚都一樣好滑。湯都可以飲晒. 都幾清~加碟菜都係7蚊. 你話專程去食. 就未必值得. 因為唔太就腳. 去開果頭或者有車既就值得試下.

其實對魚湯既野情有獨鍾... 去果好多間, 一係覺得太淡, 一係覺得做得唔好味.呢間每次去都會飲晒d 湯, 其實真係幾好飲... 唔似出面有d 店會有陣腥味其實呢間d 野食差唔多樣樣都叫過啦. 個人最中意就係食牛肉火鍋, 因為覺得個魚皮好好味... 如果每個鍋都有魚皮就好啦我個朋友佢就中意食原條魚既米線... 佢話係屋企要同人地分享條魚.. 好難一個食到一條原整既.. 其實食過禁多間, 呢間真係值得一去再去....

光猛既門面,環境都算乾淨一個人叫左3樣野-魚湯通心米線,湯底有濃濃既魚味,喜歡佢既通心米線,彈口-辣雞翼,送米線食最good!!!酸辣汁唔錯~~~-秋刀魚,燒得幾脆口..熱辣辣...又ok喎(好想試佢個豬扒蛋包飯,不過已經好飽喇,下次一定會試~haha)