漁港薈 (已結業)

訂8點3去到, 成場客都仲慢慢咁食緊, 唔催又唔趕, 女侍應話我早到左, 在場嘅都係6點幾嘅客, 好快會走叫我等等咁出返去等啦, 期間一路有人唻, 但佢地完全唔理所謂第二場嘅客, 白等到8點7, 心諗堂食如果到10點, 點樣可以喺一個半鐘以內食完海鮮蒸煱? 一路就係望住入面啲客仲慢慢食, 仲上緊菜, 睇返個入座紙, 大部份客都係6點半入座, 食到8點7未走, 咁我9點先入係咪起碼要去到11點?所以都係選擇走人, 嗰時個員工先同我講佢地開到12點, 但我都唔想無了期咁等喇等入座個位又焗又冇冷氣, 冇下次

位於銅鑼灣軒尼詩道，坐係靠窗卡位，可以欣賞到軒尼詩大街街景，一邊同朋友傾偈一邊食下自己喜歡食嘅嘢，都幾寫意，呢間餐廳主打海鮮，價錢方面都幾優惠，我最喜歡食佢哋套餐嘅黃金川辣炒蟹，比一般酒樓炒得特別好食😋肉汁鮮嫩😋值得推介👍👍疫情期間，嚟呢啲餐廳坐位比較舒服，環境優雅，枱與枱之間距離比較鬆動，所以我一定會再來。

經open rice 買咗銀裝海鮮蒸鍋套餐，見咁多好評就試下。 個湯好飲，乳鴿同蟹都好食，但蒸嗰D海鮮唔係話真係咁新鮮，鮑魚同元貝正常，蜆同蝦唔肥唔夠鮮味，安格斯牛柳D肉質麻麻，反而最尾個粗糧同綠豆沙ok。試一次就夠。

漁港薈 位於銅鑼灣Sogo 隔離交通便利看見餐廳推出蒸海鮮半價優惠馬上與朋友往品嚐餐廳安排近窗卡位绐我們餐廳面積不算大但坐位都很舒服環境簡潔衛生 店員貼心有禮先來一盅燉湯 (蟲草花松茸赤肉燉雞腳)再來川辣炒蟹(算辣，蟹肉鲜甜惹味接下來店員幫我蒸海鲜(餐廳的海鲜生猛鲜甜)龍蝦多膏厚肉，鮮甜 海中蝦彈牙鲜味蟶子 大元貝 鮑魚 …………還有海膽炒飯甜品有鮑魚綠豆沙( 顧住食無影相)樣樣都 超正， 超新鮮 ，超好味 我覺得用這個價錢吃到這優質海鲜晚餐， 環境及服務實在超值

好耐無去食好西😎今日就去試下蒸海鮮先~·📍漁港薈.🍽蒸鍋套餐(原價每位$488🤩而家特價$328位)超抵食!!套餐有蒸海鮮之餘，仲有小菜、湯品同糖水👍🏻真係食到捧住個肚走嫁🤣·🥣無味精靚燉湯-餐前飲碗燉湯暖下胃~幾足料👍🏻🦀招牌黃金川辣蟹-加入咸蛋黃炒😍辣辣地又夠香~🐧脆皮妙齡乳鴿-熱辣辣又夠juicy!🥢生猛大連鮑魚-鮮甜喎~正!😍蘇格蘭蟶子皇-蒸到啱啱好就會爽口唔韌👍🏻🥢北海道大元貝-洗得好乾淨~食得開心又放心☺️🦐鮮甜海生蝦-夠新鮮~肉質鮮甜🥰🥢鮮甜貝貝殼-好甜好甜😆好好味🐠游水海斑件-幾鍾意食魚~但可惜有少少魚鱗未處理乾淨🥺🐮安格斯手切肥牛.絕對係重點！油脂分佈平均🍠粗糧拼盤-健康恩物😌有南瓜、紫薯同芋頭~夠哂飽肚🥄綠豆沙-甜度啱啱好嘅糖水作結😋好滿足

我同老公都好鍾意食海鮮，識食當然是食蒸海鮮啦！ 可以食到原汁原味嘛。上星期我地就拍拖拖去左食海鮮蒸氣火鍋，揀左一檯二食， 一個人不用$200頗抵食。先食香脆乳鴿打打底，再食主菜蒸海鮮。冰鎮海鮮大拼盤，賣相極具霸氣。- 彈牙嫩滑大連鮑魚- 爽甜海生蝦- 厚肉北海道元貝- 鮮味龍躉斑- 肥美法國青口後食火鍋，火鍋料有油脂分佈均勻，肉質嫩滑的安格斯手切肥牛及丸類。再食埋一籃新鮮蔬菜，飽住走... 

上次食過呢間蒸鍋海鮮非常新鮮今次再約朋友嚟食，朋友比較細食今次叫咗火鍋加蒸鍋OpenRice做緊優惠198一位$200都唔使真係好抵首先係熱辣辣嘅脆皮燒乳鴿，皮脆肉嫩勁Juicy跟住就嚟蒸鍋，侍應會全程招呼，咁就唔怕啲海鮮蒸得太耐過熟啦海鮮非常生猛鮑魚仲跳緊舞㗎仲有生蝦、龍躉、大元貝、青口仲有一碟安格斯手切肥牛，牛味濃又淋好正之後到火鍋爆炸芝士丸，鮮味墨魚丸，爽滑牛肉片玩三年都好好味真材實料，我最鍾意墨魚丸非常彈牙仲有烏冬同埋雜菜藍

平時放假想食海鮮，都會諗起西貢或鯉魚門。但今日喺銅鑼灣行完街，又想食海鮮，看到在地鐵站附近的「漁港薈」有蒸海鮮食，真係一大喜訊😄這裡有幾個海鮮套餐，我哋叫咗一個「一檯二食海鮮鍋」，蒸鍋有鮑魚、海生蝦、龍躉班件、元貝、青口、脆骨腩，火煱材料有幾款丸類、安格斯肥牛、烏冬、菜，而湯㡳是芫茜皮蛋。除咗蒸鍋和火鍋食材，套餐還先上熱辣辣的脆皮乳鴿，真係非常豐富👍至於蒸海鮮的時間，我真係完全唔懂🙄但餐廳的餐牌有哂不同海鮮需要蒸的時間，仲有埋計時器供應，這已經幫我一大忙。但重點係，最後係店員幫我哋計時處理，不同蒸海鮮的時間由店員幫我們調較，十分好的服務❤️

對上一次食蒸海鮮都有一年了，今次食這間與其他海鮮蒸氣火鍋店不同，是單層蒸煮。當我在品嚐紅燒脆皮乳鴿時，店員正為我準備蒸海鮮，完全不用擔心會過火。半價$198品嘗海鮮蒸氣鍋， 套餐提供多款海鮮，包括︰肉質鮮嫰大連鮑魚、新鮮生猛海生蝦、鮮味龍躉斑件、厚肉鮮甜北海道元貝、肥美青口等等，全部都鮮味十足。魚蒸得剛好，好嫰滑蒸完海鮮之後就開始食火鍋，有入口軟綿安格斯手切肥牛、爽脆脆骨腩、手打特式墨魚丸、牛丸、芝士丸、時令時蔬及日本烏冬等，真的好滿足。

前排同朋友聚會去左銅鑼灣食海鮮💓餐牌有小菜同蒸氣鍋而蒸氣鍋有幾個套餐選擇 仲做緊折扣優惠我地揀咗一枱兩食 真係超扺食有得食蒸氣又有得打邊爐先上乳鴿 每人半隻皮燒得幾脆口 肉質滋味多汁然後就到蒸海鮮🦞有鮑魚 青口 元貝 海蝦 龍躉班件蒸生猛大連鮑魚 肉質彈牙爽口 海蝦鮮甜 青口元貝蒸完依然保留到水份 好juicy龍躉班件 啖啖肉 蒸完海鮮就食打邊爐 湯底係皮蛋芫荽有海鮮嘅鮮甜味火鍋料有肥牛丸蔬菜烏冬安格斯肥牛好有肉味一餐食到兩種食法真係好滿足

我認為海鮮最好嘅食法係清蒸，最緊要係海鮮夠新鮮。吃海鮮之前首先飲一碗老火燉湯。 非常鮮甜。呢一間漁港會係專食蒸海鮮的，所有海鮮都非常新鮮，一大盤上場，都幾震撼㗎。每一件海鮮都會有店員細心幫你整，就唔怕蒸過龍啦。沙白夠鮮甜， 元貝大隻肉厚。 魚肉非常滑， 啖啖肉， 一啲骨都冇。 仲有清蒸牛肉，時間拿捏得啱啱好，有牛尾有咬口。 鮑魚黎到嘅時候仲識郁嘅，非常鮮甜煙銀。 最後仲有農家粗糧， 粟米南瓜芋頭紫薯，全部都好甜。 明明已經好飽嘅我都忍唔住食晒。

天氣漸漸轉涼，決定放工後同朋友搵間蒸氣火鍋或火鍋食晚飯，最後決定試下呢間位於銅鑼灣既蒸氣火鍋。餐廳座位寬闊，坐得舒適。同朋友最後商量食套餐，又有蒸海鮮，又有打邊爐，兩食。✔️一檯二食海鮮鍋 HK$198 (每位)➡️紅燒脆皮乳鴿每人有半邊的乳鴿，乳鴿皮香脆，乳鴿肉嫩滑肉汁多，夠入味。➡️生猛大連鮑魚鮑魚時間掌握得剛剛好，不會過老或太韌。➡️游水海生蝦海蝦新鮮生猛，口感彈牙爽脆。➡️北海道元貝蒸海鮮比燒海燒多了一份鮮味，而且更能保留原有既水份，所以元貝非常Juicy 又鮮甜。➡️龍躉班件魚肉鮮甜嫩滑，沒有骨，啖啖肉，十分滿足！➡️法國青口青口size超大，青口肉漲卜卜，飽滿圓滑。食完海鮮仲可以打邊爐，而套餐火鍋配料都唔少，有牛有丸有魚有菜有烏冬。➡️安格斯手切肥牛➡️牛丸墨魚丸芝士丸➡️順德脆骨腩➡️時令蔬菜➡️日本稻庭烏冬最後同朋友食到好飽，飽到捧住個肚走，非常滿足的一餐。

今次去食呢間新開嘅海鮮餐廳 十分驚喜😍😍😍點了銀裝海鮮套餐 🦀🦐🐟每位$328 包括燉湯 黃金炒蟹 乳鴿 仲有蒸新鮮海鮮-有鮑魚 聖子 扇貝 蝦 斑片仲有肥牛 仲有粗糧雜錦同埋甜品 呢個價錢食到咁多嘢真係好抵！！燉湯好鮮甜 而黃金炒蟹超級特別 用鹹蛋黃再加埋辣椒炒蟹好惹味 仲有綠豆沙都好好味😋而嚟呢度一定要食蒸海鮮 海鮮係超級新鮮 上枱時鮑魚仲郁緊 店員服務非常好 會幫你計時 呢個價錢食到咁多嘢真係物超所值👍🏻👍🏻👍🏻

.經同事介紹一間抵食海鮮餐，兩個人一齊放工去食大餐。.餐廳地方大，座位寬闊，坐得舒適，同三五知己聚會再適合不過。.餐牌有小菜或火鍋，而蒸氣火鍋更有套餐提供。套餐折扣優惠多，所以最後決定了”一檯二食鮮蒸鍋”.每人半邊紅燒脆皮乳鴿，乳鴿燒到剛好，皮脆肉嫩，滋味十足。輪到重頭戲啦，蒸氣海鮮。生猛大連鮑魚，鮑魚洗得乾淨，食得放心。約蒸五分鐘到，蒸得剛剛好，肉質彈牙，有咬口。海蝦爽口彈牙，每人兩隻略厭不夠，食完仲想再encore ! 元貝用蒸的方法，水份還能保留在殼上，鮮甜又juicy ! 青口Size 超大，新鮮而且有陣陣海水的味道。龍𧄌斑件，蒸兩分鐘，肉質嫩滑，啖啖肉沒有魚骨。食完海鮮後餐廳會把芫茜皮蛋放進鍋裏，變成打邊爐。打邊爐材料包括各種丸類，牛肉，脆骨腩，烏冬及蔬菜。 一個套餐，兩個食法，食出兩種不同的感覺。

今日出咗銅鑼灣漁港薈食蒸海鮮，原來而家二人餐有半價，每位都係二百蚊左右，算扺食啊！套餐有半邊乳鴿、五種蒸海鮮（青口、海蝦、鮑魚、元貝、龍躉班件），還有火煱料（肥牛、三款丸類、烏冬...）很豐富啊。海鮮都很新鮮，乳鴿熱辣辣、香噴噴，烏冬很彈牙，很好味😋但有點美中不足的是，湯底比較淡而無味，要自己加多啲調味料。店員的服務很好，幫我們蒸海鮮及上碟，又常常幫我們轉換新碟👍店內環境舒適雅致，朋友食飯相聚的好選擇！