漁釧 (V Walk)

營業中

休息中

🐟炙燒吞拿魚沙律鮮嫩吞拿魚沙律，加上脆脆＋醋汁超過癮。🔥燒日本魷魚一夜干鮮嫩口感，更能帶出魷魚鮮味。🍣本鮪魚六點盛(壽司)超好味！🐟拖羅層次漸增，肉質新鮮之外，我最鍾意頗有口感嘅吞拿魚蓉軍艦🤤🦪清酒蒸日本生蠔(6隻)清酒真係第一次試，現場添置小爐旁邊蒸，好唔錯！生蠔蒸咗之後，😋帶上清酒香，又可以食到蠔肉嘅肥美，真係非常特別👍🏻🐤陶板炭火燒雞🍤海蝦雜錦天婦羅🐷豚肉味噌湯香脆天婦羅，足料味噌湯，冇估到豚肉片都好驚豔！肥瘦分佈，爽滑口感，令人難以抗拒。🥃自家製梅酒2杯坐係傳統嘅居酒屋環境中慢慢品嚐，真係chill~記得參加清酒配對之夜，由先付至甘味，每道均會配上不同清酒✨一齊體驗PERFECT MATCH嘅奧秘吧~

食物同環境都可以，只係覺得集團式經營，應有既服務都沒有，再三查詢可否扣恒生cash dollar ，店員沒有查詢就說沒有，再致電恒生確認可以扣cash dollar，電郵去集團電郵，也沒有人回覆！

南昌新商場V walk食店林立，不過高質嘅餐廳就唔算多，今日我哋兩個人一齊去試吓新開嘅日式居酒屋，裝修環境十分貼近日本當地嘅水準，令你似乎置身於日本一樣。呢間舖頭主打吞拿魚，吞拿魚相當新鮮，刺身切得好厚身，食落去呢就非常之香濃鮮甜。另外必試嘅桂花梅酒，飲落去一啲酒精嘅感覺都冇，好清新好易入口，有淡淡嘅桂花味，再加上酸酸嘅梅味，真係令人食指大動啊！吞拿魚系列嘅壽司同埋沙律都非常新鮮，係好有水準嘅出品，令人繼續有胃口去試吓其他嘅食物！由於係居酒屋嘅關係啊，好多嘢都比較鹹，例如干燒魷魚一夜干，同埋炭燒雞，呢兩樣嘢都係非常之好送酒嘅，推介俾鍾意飲酒嘅你！至於清酒煮生蠔就好適合唔係好飲得但係又想嘗試下清酒嘅人，清酒同蠔非常之夾，好清新，令你一啖一啖停唔到落嚟，而且飽滿多汁。如果鍾意一路食一路飲吓酒又同朋友傾吓計嘅你呢，非常建議你過嚟試吓，坐得舒服之餘，又能夠嘗試下唔同嘅送酒菜式。

黃昏時份起V walk City附近，唸緊食咩之際，見到商場地下有間裝潢好有日本Feel既餐廳，一於就試下啦~~~坐低第一輪叫左啲小食chill下先燒日本魷魚一夜干，都幾厚肉，但好似冇咩魷魚味，不過不失吧~~~另外叫左支蘋果味的梳打，似係日本直送，包裝全部日文，蘋果味十分突出又夠氣，好飲~~~~另外再叫左幾款串燒，分別係燒羊架，雞中翼，雞柳同雞腎。串燒要比Like, 睇得出同食得出係慢慢燒出黎的, 一啲都唔馬虎，值得等待。我最鍾意食雞腎，外脆內軟，而且好入味跟住叫左少量壽司，三文魚同油甘魚壽司好新鮮，蟹子壽司塊紫菜係脆的，值得一讚主食叫左個好多人Order的海膽炒飯，不過炒飯略嫌不夠乾身，海膽如果再放多少少就好喇最後覺得差少少先夠飽，又叫左個石燒安格斯牛小排(150g)，職員將牛小排放起一舊燒到好熱既石上面燒熟，聽到滋滋聲，覺得賞心悅目，不過職員幫我地切開既時候有點求其，唔理順紋逆紋，總之切開左幾舊，令到味道有啲影響，有點扣分總結: 食物同環境正面評價，絕對有下一次~~

特盛醬油濃雞白湯拉麵$98(另收加一)Lunch set附送前菜、沙律菜、茶碗蒸🥗沙律菜夠新鮮有啲柚子醋，有幾款唔同既菜同車厘茄，酸酸地好開胃！！！拉麵賣相唔錯👍🏻一共有6塊日式叉燒，不過就無餐牌張相咁大塊，叉燒正常厚薄仲幾香添，有小小燒過既味，仲有一大堆木耳，一片紫菜同溏心蛋，拉麵麵質略嫌唔夠彈，湯底比較杰身但可以再重口味D ，茶碗蒸超滑溜入面仲有小小蝦肉🦐~ 以$98質素嚟講可以有更好嘅選擇

原條藍鯨吞拿套餐真心正，重本之餘，價錢唔算貴，可惜只做一個星期，極之難得桂花味梅酒，必飲唔會好濃烈酒精，桂花同梅酒嘅味道，一試難忘飲一支都唔會醉仲要買多支拎返屋企串燒食到停唔到口肉汁豐富，又唔太乾，剛剛好配搭以蘋果、蘆筍、牛油果，一啲都唔熱氣壽喜燒都係一個唔錯嘅選擇，簡直可以用人靚聲甜嚟形容！仲有一個童星點心麵加熱浪嘅沙律🥗簡直顛覆咗你嘅味覺同視覺唔試過都唔知道係咁得意環境舒適店內同事服務態度親切，超水準簡直一流

漁釧期間限定--清酒配對の夜$398/位 6品配6款酒品前排join 咗漁釧嘅Sake Pairing Dinner， 感覺好好呀，入面個場唔大裝飾就係好地道居酒屋setting，唎酒師就慢慢講解每樣清酒特式同點搭配，一路由先付到甘味，仲會每枱都過去同大家互動，感覺超好同有氣氛！下次想去將軍澳分店睇埋佢地即席解吞拿魚先得（擺相無跟次序靚就擺先）😂📍先付吞拿魚酒盜芝士 配 豐盃 綠ん 純米酒：呢款酒味偏淡，清爽偏酸用黎作為開首就啱晒📍刺身中拖同大拖羅加腦天 配 鳴海 純米大吟醸うすにごリ生原酒 山田錦：上槽後直接入樽，所以睇到酒身比較濁保留咗最原來風味；味道帶蜜瓜柔和甜味同醇厚味道📍寿司吉列吞拿魚鮮魚卷 配 鳴海の風 特別純米 直詰め生 ：以白麴釀造，具有柑橘類香氣和微炭酸口感，美麗的酸度和輕微的回甘營造出清爽的口感，推薦作為用餐清酒📍煮物慢煮牛柳配和風芥末汁 配 豊盃 純米吟醸 華想い：以青森縣產華想い及青森開發的酵母釀造，具有華麗果味嘅衝擊力。📍強肴蜆肉舞茸斧飯配東灘アクチバ純米原酒·一火：味道清新，優美既甜度同酸度，口感醇厚溫和～📍甘味柚子雪葩 配 泉姬ゆず酒：有別於一般連皮一起

朋友住附近所以帶咗我黎漁釧到食野海鮮海膽炒飯：海膽鮮甜而且份量好足鰻魚柳川鍋：鰻魚冇咩細骨連埋蛋花同醬汁一齊食味道好特別，值得一試咸蛋黃軟殼蟹：入口好香咸蛋黃味，軟殼蟹好脆口，而且冇非常油腻既感口非常好食鐵板牛舌：牛吞爽口唔韌而且配洋蔥都非常多吸引哂d醬汁一樣好好食烤魷魚：魷魚爽口彈牙，食得出有燒烤既味道串燒牛舌 ＆ 大蔥雞串：串燒類非常出色，牛舌好爽口，再加上檸檬汁味道更佳、雞肉嫩口燒得啱啱好價錢親民，而且待應服務態度好好，有機會一定會再去試其他菜式

漁釧--清酒配對の夜😍漁釧不定期會舉行一啲活動，今次見到同清酒有關，梗係第一時間去試😍套餐包括：先付 ‧ 刺身 ‧ 寿司 ‧ 煮物 ‧ 強肴 ‧ 甘味 (6品) 配 六款清酒。今次活動由清酒達人一同品酒並解說清酒嘅搭配要點、6款清酒嘅特性及品飲筆記；更有與其配搭得宜嘅六品菜式。由先付至甘味，每道均配上不同清酒，體驗PERFECT MATCH嘅奧秘🤩🤩首先會上一杯薑黃酒，解酒用嘅，可能擔心我哋會醉🤣第一次飲薑黃酒，有啲似橙汁，幾得意。第一杯酒係豐盃純米酒，濃厚啲，酒精度低啲，充滿花香同果香。食物配嘅係酒盗芝士，鹹香嘅芝士加上鮪魚，好好味，而且非常適合送酒。第二杯係純米大吟釀，天然乳酸製造，厚身啲，滑啲，米味重啲，充滿菠蘿蜜瓜芒果等熱帶水果味。配嘅食物係刺身😍中拖 大拖 腦天，全部都勁肥美，好香口，食完飲一啖酒，魚嘅香味會更持久。第三杯鳴海之風，有青檸、檸檬、柑橘嘅味，生酒，充滿炭酸，似唔甜嘅七喜，帶有少少苦澀味，可以帶出食物鮮味 ，個人認為比較辛辣，食物方面配上炸物-吉列鮪魚鮮魚卷，好特別嘅菜式，好味又香口。第四杯係豐盃嘅純米吟釀，日本北部青森縣，最出名係萍果，酵母發酵嘅味都神奇哋帶有紅

✔︎鮭之魚定食配油揚烏冬 $118烏冬煙煙韌韌有咬口幾彈牙 湯就偏咸 但係夾埋甜甜地嘅腐皮一齊食有唔差喎😌三文魚set份量偏少 三文魚壽司同花之戀都比平時食開嘅細舊 但係刺身又唔會好薄而且幾新鮮💓個定食set仲會有蒸蛋 個蒸蛋幾夠味 不過不失啦🤭沙律菜份量都多嘅 但係個人就覺得唔係幾夠醬🤣整體而言 呢個定食set不過不失 但係呢個價錢就偏貴 性價比唔算高 而且唔係幾夠飽✔︎特盛醬油雞白湯拉麵 $88呢個有少少失望🥺湯底唔夠濃郁 偏淡🥲麵就ok嘅軟硬適中 叉燒都算香口 不過不失🤭佢隻溏心蛋唔係好似其他日本餐廳咁 有用醬油醃過 所以無咩味 呢個位有少少扣分嘅🤭份量方面就適中 都夠飽～ 叫一碗拉麵會配埋蒸蛋同水果茶 水果茶唔會好甜 好fresh嘅感覺🤪🤪好味指數：♥︎♥︎♥︎♡︎♡︎抵食指數：♥︎♥︎♡︎♡︎♡︎回頭指數：♥︎♥︎♥︎♡︎♡︎

平時好少黎呢頭，但估唔到有間幾好食嘅日式居酒屋😃野食種類都好多，今日主要想食串燒😆🥢極盛四色刺身丼三隻大嘅刺身蝦、拖羅、帶子同拖羅蓉🤭加埋隻日本蛋真係不得了😆刺身都好新鮮，拖羅入口即溶而且啲拖羅蓉夠撈成個飯食✌🏻🥢燒日本魷魚一夜干一夜干源自於日本北海道地區風乾一晚之後鮮味會更加濃縮而且魷魚燒得好好，唔會太乾👍🏻調味亦都岩岩好🥢燒雞頸肉串雞頸肉唔係每間餐廳都有得食，因為佢係雞頭往頸延伸嘅部位，上下只可切出兩條食落爽口彈牙，係一個特別嘅部位☺️🥢鹽燒牛舌牛舌真係好考燒嘅功力，只要燒耐少少就會好韌但呢串十分嫩😚都係好爽口！加少少檸檬汁去食更佳👍🏻

而家由鑽石山去南昌真係方便好多，幾個站直到😎V walk，多野行，食店又多。今日放假特意帶媽咪黎呢個商場行下食下，好快消磨左一個下午。又到晚餐時段，預先已於漁釧訂咗枱，好快等左一陣就安排倒坐位；餐廳極巨日式居酒屋🏮風格，以木系做主打色調，整體感覺乾淨整齊，店員亦有禮貌☺️。先黎一個沙律做下前菜先🥗網燒牛肉野菜沙律🥗，份量好多，沙律醋甜酸度適中，沙律菜好新鮮，牛肉燒至約5-6成熟，中間仍見非常粉嫩，入口嫩滑。🥢鐵板牛舌，呢個比起鹽燒牛舌串燒，因為較薄，口感冇咁豐富，但係味道就較好，入口易咬牛舌味濃，鐵板底鋪上滿滿半熟洋蔥🧅絲增加香氣。🥢活鰻魚串燒，兩件好厚身，外層燒至微蕉，一啖咬落去，夠彈性，啖啖肉，油花係口腔漫遊，味道極之豐富。🥢燒雞頸串，雞頸第一次食，柔軟多汁，肥瘦適中肉質有嚼勁，呢個下一次必定係encore之選🥢海蝦什錦天婦羅，薄薄一層粉漿，外層唔會好油膩，海蝦有3大隻，炸至挺直，非常新鮮，另外仲有矮瓜🍆、鮮冬菇、南瓜🎃同豆。

好耐冇晚市堂食喇！！行開V Walk就緊係係到食埋晚飯啦, 而我都好一排冇食過日本餐, 所以諗都唔洗諗就入左黎😁🙆🏼‍♀️韓醬八爪魚蟹籽沙律🐙 $88都幾大碟同埋撈得好好食, 係一個唔錯既starter!😋🙆🏼‍♀️ 味噌蠔鍋🦪 $98有四隻蠔, 豆腐同菜, 必定足以兩個人飲用, 味噌湯味濃郁, 令人飲完一啖又一啖🙆🏼‍♀️海膽年糕燒 $78店員好貼心咁叫我哋盡快打卡後就要食咗佢, 因為年糕岩岩做起帳卜卜會好快凍唔好食, 所以我哋打完卡就立即食, 配上海膽一陣食感覺好特別😊🙆🏼‍♀️ 鰻魚柳川鍋🐟 $98鰻魚係精粹固然係知, 但原來側邊嘅蛋花同樣出色, 醬油味超濃, 如果去買飯食真係不得了！🙆🏼‍♀️ 極盛四色刺身丼(配日本蛋)🍱 $208有成四個餸都只係講緊200頭, 你真係好多地方已經去到300或以上！全部餸都好新鮮尤其係大蝦🙆🏼‍♀️ 炙燒比目魚邊三文魚子丼🍱 $158比目魚油膩味香, 而且分量超多, 絕對抵食!

平時好少行V Walk呢個商場, 但原來都幾多岩我既商店😍高級店至平民化既都有, 都幾多元化👍🏾食飯時間又到, 發覺已經有一排無食日本菜🇯🇵🇯🇵, 呢間漁釧外觀好有日本風情, 而佢地既菜式都幾多樣化所以就選為今晚晚餐喇😄1/ 韓醬八爪魚蟹籽沙律🐙 $88韓式辣醬鋪滿整個沙律, 辣辣地好惹味, 八爪魚片都幾多件, 而且撈得好勻旬入味😋2/ 海膽年糕燒 $78兩小件既海膽年糕燒一送到上枱, 店員就叫我地打完卡就要快的食, 因為年糕會好快凍冇咁好食, 所以我哋打完卡就立即食, 軟糯既年糕加上鮮味十足嘅海膽食落好特別, 感覺令海膽嘅體積增加, 好滿足😊3/ 鰻魚柳川鍋🐟 $98大大件鰻魚, 配上蛋花汁首先講佢嘅蛋花汁充滿醬油味, 如果有飯黎撈就正喇, 鰻魚熱辣辣, 完全feel唔到有骨👍🏾4/ 味噌蠔鍋🦪 $98有成四隻蠔, 粒粒都唔細, 食落鮮甜! 而味噌湯味濃郁, 帶有少少酒香味, 呢個價錢都幾抵食👍🏾5/ 炙燒比目魚邊三文魚子丼🍱 $158份量應真唔少, 比目魚邊燒得岩岩好, 而油脂分部恰好處配上三文魚子撈飯黎食真係一絕👍🏾6/ 極盛四色刺身丼(配日本蛋)🍱 $208海鮮全冇揸流攤, 有

經過v walk被呢間日本餐廳嘅店外裝修所吸引，今晚就食呢間啦！打開餐牌，食物選擇有好多，沙律、串燒、鍋物、揚物、壽司、刺身丼、飯類、麵類⋯真係應有盡有！鹽燒雞腎串雞腎口感爽脆有嚼感，簡單以海鹽調味，滋味不凡，令人回味。燒雞頸肉串平時豬頸肉就食得多，雞頸肉串真係好少見，當然要試吓啦！估唔到雞頸肉串係啖啖肉，相信要好幾條雞頸先做到一串，一定極花工夫⋯經燒烤後，保留咗雞頸肉嘅豐富咬口感，的確唔錯！鐵板牛舌火喉控制得剛剛好，食落爽口唔韌。牛舌下面以洋蔥墊底，吸收晒洋蔥嘅香味⋯鐵板牛肉飯呢個牛肉飯既好玩又好食，鐵板煎起牛肉嘅焦香，非常惹味！肥牛口感嫩口，伴埋雞蛋同飯，入口綿軟，食食下仲有脆卜卜嘅飯焦，增加咗整體嘅口感。海鮮海膽炒飯海膽味道唔太濃，炒飯炒得香口，配上北寄貝、蠑螺、八爪魚等海鮮，口感Q彈Q彈⋯