漁釧 (已結業)

嬲嬲豬完全唔知食咗啲咩。叫咗一個和牛炒飯。等了三十分鐘。催了一次先到。嚟到和牛得五粒。炒飯無味。份量少得可憐。飯粒太爛太乾太碎。唯有寄望五/六十蚊一粒嘅大拖羅同火炙鵝肝壽司。催第二次先有得食。一心以為好正要慢工出細貨。講真壽司擺塊嘢上去就係啦。算。可能正。點知嚟到賣相完全不行。拖羅肉同油脂分離。斷開一節節。又乾。勁細舊。鵝肝好食嘅但好簿。又細。兩舊壽司成舊水可唔可以唔好咁呀。係三張幾嘢嘅Mingorr食過最差嘅日本嘢。嬲到相都無影。

青衣城呢頭真係一個💛店沙漠😫想搵啲啱大家食嘅野都真係唔容易搵下搵下，又發現到呢間日本餐，低調💛店💛漁釧 Isana Kushiro💛睇到佢地個餐牌都已經好吸引，原來以家晚市做緊65折，真係抵爆👍🏻壽司真係無得輸，天婦羅亦都唔錯，每樣食物都唔差唯一唔好係豉油wasabi比得較少，得4包😅不過都係好少事，下次留意返就得啦佢地係將軍澳同深水埗都有分店㗎，好似一樣晚市有65折，大家有興趣都可以去試下💛

疫情持續，今晚又無時間自己煮，又唔想求其食快餐，唯有幫襯青衣城呢間漁釧買兩個外賣，一個係和牛炒飯，另一個係鰻魚炒飯，諗住兩個人食得飽。折後都成80蚊一個。ok嘅嚟得都預咗。等咗20分鐘，見到有攞得就即刻攞啦都冇check過。但回家後就有「驚」喜...份量只得盒嘅大概三份一，好似食淨嘅咁...實在少得過份。味道中規中矩。但呢個價錢咁嘅份量嘅外賣真係前所未見，如果唔係自取，真係會以為俾送外賣嘅偷食左...一定無下次！😡

朋友在黃店沙漠青衣竟找到這間。一人前（竹）晚餐包括沙律、刺身、味噌湯、主菜（選了海鮮豆腐鍋）、飲品和甜品。材料新鮮，味道很好。壽司盛、火炙鰻魚芝士芝麻反卷都很高質，大大滿足了吃壽司的願望。希望下次在日本一起吃。

我最鍾意食日本料理，漁釧係主打食日本高級料理，但價錢卻很親民。今日安排我哋坐bar枱，可以一邊細味即叫即製美食，一邊欣賞廚師👨‍🍳精湛手藝。串燒款式好多，即叫即燒，我哋叫咗5款：牛舌串、雞腎、冬菇、黑豚腩、雞軟骨，師傅火候拿捏出色，串燒香而不乾👍👍，一定要襯熱食。最難忘係燒牛舌入口軟腍味香，黑豚腩就肉香而不膩。燒雞泡魚乾拈上沙律醬食，非常惹味，送酒一流！壽司有三文魚🍣、火炙平目魚邊、元貝，食材極之新鮮，香甜無比。香芒大蝦卷🦐賣相好有氣勢，飯卷包住大大隻炸蝦，鬆脆可口，夾埋芒果一齊食就可以中和油膩感，一口一件，超滿足。

叫左個一人set首先嚟咗個麵豉湯，味道有啲鹹日式果汁，我自己覺得偏甜呢個沙律加上麻醬，好好食，個豆腐都夠滑揀咗刺身，呢個配搭係師傅設定咗。樣樣都有得試吓，都算新鮮最後仲叫咗個魚生飯，吞拿魚係吞拿魚肉蓉，我自己就本身唔係咁鍾意食蓉，麻麻地呢個口感但係整體尚算新鮮，啲飯都夠酸，啲醋都唔會落得太多

青衣雖然居住環境幾好🏠但真係好少餐廳加上青衣城長期勁多人食飯長期等位🎭好彩搵到呢間良心店舖唔使等位又可以食返啲高質日本菜🇯🇵🥢北海道赤福丼 + 錭魚湯 $248個丼有多款海鮮 每一款都好新鮮🐟海膽食落去都好鮮甜 個味完全唔臭🐡加上個錭魚湯用黎送飯係一流超濃魚香味 令到淡味既飯都好濃🐠🥢本鮪魚盛6件 $208有大拖羅 中拖羅 赤身 火炙赤身 吞拿魚蓉軍鑑各1件  鐵火卷(3件)🐟 我就相對黎講唔太鐘意食拖羅但友人話每款拖羅都好肥美 食落係好重魚味但份量相對黎講就少啲🤏🏻🥢軟殼蟹卷 (8件) $98炸到脆卜卜既軟殼蟹加埋紫菜簡直係冇得輸🦀但軟殼蟹同飯既份量就岩岩好而且食落感覺唔會好多炸粉👍🏻🥢海蝦雜錦天婦羅 $70有海蝦 南瓜 蕃薯 冬菇 青椒🦐炸粉都係唔算多 炸得好夠脆🍤放左一陣先食都夠脆特別鐘意個蕃薯好甜🍠係呢個冇得去旅行既時期都係時候對自己好啲食返啲好野先得😌

今日有同事last day, 午餐就去了同事最想食的日式餐廳。剛好正值餐廳在做推廣活動，午市雙重優惠，一來免收加一，另外一點前離座九折優惠。而餐牌中有午餐套餐，一個套餐有主食，沙律，湯，蒸蛋和飲品。我叫了一個角切剌身丼定食，魚生的種類有例如三文魚，八爪魚等。重點係量係足夠而且有質素，魚生入口鮮甜。另外整個套餐食完會有一個滿足感，好似完成了一個完整的午餐。其實這間餐廳價錢不算便宜，但它比一般日式餐廳出色的原因是它勝在以下三點：一，食物夠新鮮二，魚生的量足夠三，午市有優惠不過其他熟食就不算十分吸引。

🍳自家製玉子燒（$68）蛋魔表示熱辣辣好好食😋·🍚海鮮海膽炒飯（$108）八爪魚粒🐙蝦粒🦐蟹柳絲及香蔥炒成😋粒粒分明👍🏻可能我麻麻地鍾意海膽.覺得加左唔會令炒飯特別好食🤣·🥘美人鍋（$188）味道較想像中清淡🤪但配料足～嫩滑雞件🐔豆腐🥢菜🥬等·🍣香蔥吞拿魚腩卷（$138）外觀怪怪的🤣味道中規中矩·📍漁釧青衣青敬路33號青衣城2樓202號鋪

岩岩考完嗰試就去食好野 就randomly 揀咗間日系居酒屋 店員都很好 為我放置好啲行李 叫了帶子三文魚親子丼 價錢$125 到 三文魚跟帶子都好新鮮 睇個外表都覺得好有色澤 顏色均勻 份量就一般 不過當日我地星期二去有8折 相對而言個價錢都合理 但覺得下次可以試下其他更有特式的菜式另外還點了 軟殼蟹卷 價錢$98 到 其實得8舊真係有點貴 但又幾好食 首先炸軟殼蟹已溶化咗我 它個軟殼蟹佔個卷物都幾大大舊 正合我心意 至於整體上就冇咩特別喇 如果唔係8折我就有啲嫌佢貴

今日同中學同學食飯，之前有時搵佢幫手，今次請佢食飯佢發板，佢就揀咗呢間日式餐廳。望吓餐牌價錢都可以接受，壽司拉麵燒物乜都有，我哋就叫咗一人一個熱辣辣嘅拉麵同烏冬，兩個三文魚手卷同埋一份金菇肥牛卷🤗手卷到啦，三文魚肥美細滑，脂肪分布唔算平均，係就係幾大塊不過味道略為偏淡。呢個係醬油濃雞白湯拉麵，湯底勁鮮甜，不過湯嘅份量太少，好快俾啲麵吸乾，食慢少少都杰撻撻，但係味道一流，濃郁嘅雞味帶甜而不鹹，叉燒就一岩一忽，脂肪比較多，個人喜好比較鍾意食瘦叉燒，不過湯底搭救，最怕啲拉麵成碗都係油，呢碗無乜油岩曬我。呢個海蝦天婦羅配到庭烏冬我就覺得麻麻地，烏冬湯底味道偏淡，只食到輕微嘅醬油味，發揮唔到烏冬嘅極致，本身好鍾意食烏冬嘅我竟然食淨😫因為真係太淡，天婦羅都冇味，麵衣似乎未能鎖住蝦肉嘅鮮味，同埋冇乜調味料，味道淡上加淡。。金菇肥牛卷就極大對比，呢個激鹹，肥牛過瘦鞋颯颯，金菇份量太多令調味料未能覆蓋所有食材，即係咬開入面啲金菇係冇味，但出面啲金菇係好鹹，比較覺得奇怪嘅係佢落咗黑椒，因為通常食開嘅都係燒汁，加埋黑椒感覺唔似食緊金菇肥牛卷，似係食緊黑椒牛仔粒嗰隻味。

推薦指數：🤩🤩🤩午市套餐 大概HK$120成個lunch set以三文魚為主食，加個熱烏冬👌🏼份量都尚算ok ! 三文魚刺身兩件，三文魚腩兩件，花之戀壽司兩年。刺身都幾新鮮，但可以再厚切少少，咁就更加分😜烏冬彈牙，加左個豆皮，好好食。沙律菜，麵豉湯，醃菜，基本定食必備。整體可以一試，平平均均，但可能呢個lunch set唔對男仔黎講就太少啦。🤔不過總算不過不失的一個日式午餐。下次大家經過青衣城可以食下😬

喱間食日本嘢嘅門面都幾有日本風格嘅。出面重有短片介紹吓佢d食材係喺日本邊度嚟，咁d客喺出面等緊位都唔駛咁悶囉。嗰日同朋友到達門口，竟然兩三分鐘都唔見有人登記同帶位，我地重以為好似快餐店大XX咁要自己入去揾位添，後來终於有人出嚟問幾位啦。食飯時候都等左成半個鐘至有位。入到去，見倒d裝修真係幾有東洋風味，但除左幾張四人位外，其他位都幾迫吓，冇乜私隐，講乜隔離都聽倒，同女友談情就唔多啱喇玉子燒都唔錯嘅，清淡食材中煮出風味。喱個所謂豆腐我就嫌佢太齋囉，唔見有乜特色。牛油焗帶子都泡製得唔錯嘅。熱度夠，調味都掂，帶子都算幾嫩滑。本來係要鷄串，落左單一陣至番嚟話冇鷄，好彩改左豚腩串都幾好味，稍焦而有口感嘅外層又能保存倒入面肉汁嘅鮮味。兩類手卷數量攪亂左，要攞番入去換番。天婦羅太靱又凍唔多好食。呢個吞拿魚手卷亦都係一般般。呢個沙律賣相唔錯，食材舖排用心，清清地做吓前菜都0K嘅。大致上呢間d野都算幾好食嘅，但服務水平就差dd囉，上菜又有d混亂咁喇。

係一次非常唔好既用餐經歷，以後都唔會想黎。坐底之後，有個男既後生待應幫我地落單。 等左半個鐘之後，隔離枱遲黎過我地，都開始上野食，我地d野一樣都未到，就麻煩d待應幫我地跟一跟。結果係漏咗單，唔係漏咗一樣無落到，係全部野都無落到單，該位後生男待應亦未見到有任何歉意。唔會再黎幫襯，如果你黎食既話，要主動留意下d單，因為部機顯示你咩野都無落坐係到，佢地都唔會留意到ga。唯一要讚係等既途中，有其他女待應會主動不時加茶俾你。希望呢間鋪頭既管理層見到，要正視下。

晚飯時間係青衣城搵左間比較少人等位既餐廳,係類似居酒屋咁既.我地叫左個14件壽司盛.我覺得魚既鮮味欠缺 而價錢亦都唔係特別抵食.然後有個餃子,睇圖都見到係未煎到,所以都係一般.海膽炒飯都係一般般