漁釧 (已結業)

今日晚上往青衣出席講座, 之後往青衣城漁釧食宵夜, 我點了鐵板牛油焗帶子和海蝦天婦羅。鐵板油焗帶子賣相吸引, 帶子食落新鮮鮮甜, 食落有香滑牛油和惹味蒜香味, 配菜火箭菜能中和蒜香牛油的油膩口感, 惹味的鐵板牛油焗帶子；海蝦天婦羅上桌時熱辣辣, 天婦羅蝦食落鮮甜彈牙, 粉漿炸得薄薄堆乾身, 食落香口惹味。餐廳坐位舒適,環境置身於日本居酒屋和屋台似的, 而且餐廳食物惹味, 份量適中, 青衣夜宵磨的日式居酒屋好去處。

同女友試新餐廳, 又話怕熱氣, 又話想清D, 咁日本野係不二之選, 我揀左係青衣新開既漁釧.一去到唔洗等位以為好冷清? 點知係全院滿座.以為多人就迫, 點知空間感十足. 初到貴境, 問左待應有咩野推介, 叫左以下咁多款, 款款有特色:先黎個松葉蟹沙律, D蟹粉多到...後面D海鮮野都未黎, 就係個頭盤已經用一種不平凡既鮮味攻擊你既味覺.OT左成個鐘先出黎梗係要LONG下個胃先LA, 餃子皮脆多汁. 正野上台, 原條鯛魚. 肉質有咬口, 爽滑.其他三文魚, 劍魚都好肥美.燒帶子又係必食, 落牛油燒香到上台個陣隔離都望過黎睇下你食咩.香濃又唔死鹹, 又好意頭鐵板鰻魚. 咁多碟黎講呢個就一般水準.  因為女朋友本身都鐘意鰻魚. 都叫交到功課.睇唔出個底係咩以為係面包? 其實係明太子淮山片.有創意, 一清一濃又估唔到咁平衡咁夾.呢個唔係度度有, 包冇後悔.食到呢味其實都好飽下. 不過漁釧主打係吞拿魚咁就決定整多個吞拿魚SUSHI盛黎試下.有拖羅, 赤身, 吞拿魚蓉. 食左之後即刻後悔. 後悔食到最尾咁飽先叫.鮮, 肥, 就連魚身同飯既大小溫度都掌握得洽到好處.下次有策略D一早應該叫左呢個先.食

叫了一個$268 嘅壽司set, 嚟既時候並唔係menu上面既壽司款式, 只有數目是一樣, 建議menu可以加番”圖片只供參考”, 以免令顧客誤會吞拿魚被帆立貝調包。 飯好難食, 刺身了無光澤, 冇一件係新鮮, 刺身好薄, 咬落好似一pat野, 太恐怖了, 本身本住唔好浪費食物嘅心態想食埋佢, 但最尾都忍唔住嘔番落碟, 實在太難食！大家睇圖.....🤯 垃圾！！！！！仲衰過響地鐵站買外賣壽司！食完想反胃, 早知唔好勉強食😔！

青衣城雖然開左2期但果邊好似太迫始終唔好行今次過返黎1期見到呢間日本野好有舊式居酒屋既風格●松葉蟹肉野菜沙律估唔到咁大兜，好多鮮甜蟹肉蟹籽都比較大粒有咬感●活魚剌身今日呢條飛機魚係黑鯛上台感覺好有心思成個盤景咁口感較厚實，都爽口既另外有劍魚、油甘魚等平時食剌身會較薄，呢度就切得比較厚所以油脂感覺較豐富大廚今日特別俾咗甘帶子我地侍應話比一般帶子營養豐富好多架顏色係徧黃，味道無一般帶子咁鮮甜但過後甜味既餘韻更吸引●柳川鰻魚鍋係新出既期間限定料理鰻魚肉質細嫩，配埋滑蛋+大量洋蔥一次過放入口都有入口即溶既感覺如加埋白飯就一流 呢個大推介!●燒明太子長芋原來日本既長芋就係淮山鍾意食薯仔既朋友都會鍾意呢種口感粉得黎又爽口●鐵板牛油焗帶子用左比較多黑椒同蒜做調味感覺無左牛油既香味不過男友又好鍾意喎● 日式餃子其實我好鍾意食餃子，日本餐廳都會必叫既小食最後叫多左個● 藍鰭吞拿魚盛位於魚腩位置既大拖羅不負所望，油而不膩，入口即溶中拖羅魚脂適中，魚味會較出另外值得一提侍應服務好好不時會過黎添水問相關食物問題都會答到我

今日嚟到青衣城行街shopping 吃埋晚飯才回家 意想不到 唔打唔撞嘅情況之下 青衣城入面有間高質素嘅日式餐廳入到餐廳感覺有如置身日本嘅居酒屋座位尚算舒適闊落 建議可以坐窗旁位置 雖然是室內嘅風景 但係感覺開揚亦可選擇吧檯位置 和廚師來個近距離嘅接觸餐牌方面 餐廳有提供套餐 適合一些有選擇困難症及怕麻煩的人亦可單點選擇自己喜愛的食物 壽司 刺身 串燒 鍋物 爐端燒 一應俱全 選擇蠻多的餐廳附設大魚缸 入邊有活生生日海鮮 即點即煮 非常新鮮鮑魚野菌錫紙燒隻鮑魚新鮮從魚缸內取出 由師傅即場炮製 一打開錫紙好香嘅牛油味 鮑魚切成薄片 口感彈牙鮮甜野菌有三種以上 有不同口感松葉蟹沙律餐廳非常大方 松葉蟹肉和沙律菜的分量 幾乎係一比一 一梳梳嘅蟹肉味道極為鮮甜 沒有雪藏味 啱曬我呢個鐘意食蟹但係又怕拆蟹嘅人牡丹蝦壽司 三文魚壽司 池魚壽司 吞拿魚壽司 鯛魚壽司牡丹蝦壽司蝦肉非常爽口彈牙 而且厚肉三文魚壽司最為肥美 入口有種即溶嘅感覺池魚壽司 魚味最重整體壽司非常新鮮是上等貨色

提早慶祝母親節怕正日出街食飯會太多人 又逼又難搵位 我知阿媽最鍾意食刺身 上網搵咗好耐 畀我搵到呢間高質日本餐廳 阿媽食完都大讚裝修非常和式風格 非常別緻 尤其是係燈罩 最為喜歡 除咗味覺嘅享受之外 視覺嘅享受同樣重要 所以我要求餐廳安排我坐吧枱 可以睇住廚師為我們烹調美味的食物吧枱放滿新鮮嘅食材 全部空運到港 保證新鮮餐牌圖文並茂 睇見已經流曬口水 一定要食活魚刺身拼盤 日本直送鮮鯛魚刺身盛 當中包括新鮮鯛魚(薄切) 赤蝦 厚切三文魚 厚切油甘魚 和我最愛的海膽急不及待要開動了 先品嚐我最愛的海膽 條條手指咁粗咁長 味道鮮甜無比日本直送嘅鮮鯛魚 一啲都唔腥 肉質較為林 但鮮味十足 日本貨真係日本貨餐廳建議配合自家製醬汁 味道酸酸甜甜 同呢種魚非常配合 而且仲可以提鮮另外厚切三文魚及厚切油甘魚 食落口有種幸福嘅感覺 魚脂味豐富 香味充即整片口腔赤蝦彈牙爽口 一個字 鮮韓醬八爪魚八爪魚及青瓜配上韓式辣醬 清新微辣 確實開胃餐廳仲有自家製嘅梅酒 下次有機會再嚟試下呢度嘅串燒同炸物 同朋友飲番幾杯確實不錯下次必定再來光顧

一段時間無黎青衣城行街，發現有間日本屋酒屋新開，就入去試下先😁青衣城每間餐廳都幾大下，所以坐得幾舒服😌。有吧台可以睇到師傅即場切刺身壽司！好多松葉蟹肉呀！最愛芝麻醬沙律，夠多醬，又好多蟹肉，好好食！呢個燒到岩岩好，正到不得了，牛舌上既鹽灑得好平均，明顯係落足心機去燒！店員仲好好，提醒我地串燒要襯熱食，估唔到店員個樣好cool，無乜笑容咁，但好細心！☺️呢個鰻魚好厚身，燒到熱辣辣，完全無骨，勁好食！😍以為呢個會好hea，點知無期望，反而越有驚喜，雞肉好嫩滑，大葱好爽口！我發現”炸。雞。軟。骨。粒”呢5個字都幾難讀🤣🤣🤣！呢個我又唔覺太多炸粉，雞軟骨都幾大粒，沾沙律醬食唔油膩！試左當日由日本坐✈️黎既魚，葉上個款叫”鐵𩶘”，我就未聽過未見過未食過，聽店員講，每日飛機到港既魚都唔同，所以餐版不能盡錄。鐵𩶘口感唔同三文魚油甘魚，佢係爽口既口感，都幾好食，我本身一般吞拿魚油甘魚既口感，但我鍾意呢款魚！海膽都好鮮甜，無怪味！睇個樣覺到好普通，但食落知道佢唔係用cheap cheap肥牛，唔太多肥膏，好濃牛肉味！呢個燒魷魚不過不知，無乜特別。我地仲叫左幾件壽司，感覺都係普普通通，黎到居酒屋，我都係喜歡叫

聽媽咪講青衣城開左間唔錯既居酒屋 開頭都好猶疑 今日經過就試一試啦 入面唔算好多人 一去到就有位 幾好先黎一個刺身飯 個樣都算新鮮 食落三文魚都幾有油脂 不過就一半半啦 有d比較薄身 拖羅蓉好好味 帶子都ok ga !呢個就真心唔錯 加拿大海膽手卷 完整大大片 一點都無溶勁靚 食落成口都係好濃既海膽味 真係大叫一聲oishi!!!!!當然都要食菜啦 呢個炒野菜唔算多油 又唔咸 落左黑椒幾香架 可以一試！最後既香芒炸卷都幾抵食 咁多舊 成件事又好夾 比普通炸蝦卷更清新值得一讚係店員們都好有禮貌 而且兩個人都可以坐四人桌 可以慢慢傾計又唔會焗促

睇個樣似啲高質素嘅日本料理店，點知都係令人失望壽司整體味道一般，比元氣壽司店好少少，大拖羅有筋，壽司稱唔上好高質素帶子好細粒，略淡黑毛豬串燒，加檸檬汁只有檸檬味，唔太食得出豬味芒果甜而不酸，味道普通，食食下有蝦殼另外叫了和牛拉麵，湯底好濃郁嘅牛“騷”味，拉麵冇味，要自行加鹽及七味粉調味，雞蛋過熟唔太流心另外再叫了炸雞軟骨，係就係好大粒，但勁多粉漿，雞軟骨好細粒，細到差唔多食唔到埋單600幾蚊，一啲都唔值

星期日，間間爆，見佢無人就入去! 叫左牛定食同滑蛋雞定食! 上菜時間算正常! 但味道超普通，而且死鹹! 食完喉嚨唔舒服要飲水! 連拍照的衝動也没有!d 員工，明明間舖超吉也想叫我坐 bar 台，上菜又黑口黑面，而且2.45pm叫我埋單先 last order. 我好想講你甘你生意，下午茶重唔做(見到有倆pair人也被他們叫走，說不開了)，真系祝你好運! 價錢一點也不低，成佰蚊一個set. 重話有 omakase. 大佬你啲壽司質素. o乜makase?一定無下次

牛小排壽喜燒超值！估唔到勁大煲 仲要好好好食！😋😋😋 又有好多蔬菜 岩哂新年食左甘多油膩野 平衡番👍🏻👍🏻👍🏻👍🏻下次有機會試下日本和牛壽喜燒呢☺️我地坐bar 木台 壽司師傅聽到我地話想配飯 轉頭就送上白飯！好細心！ ☺️☺️☺️珍珠米 + 壽喜燒汁 一流！下次有機會試下加烏冬（師傳推介）海膽軍艦既海膽超新鮮！😋😋😋鰻魚同雞皮串燒都好好食！😋😋難得有香港手工啤酒 更加要支持一下！店內的佈置充滿日本色彩！bar木台有掛勾可以勾手袋 十分方便

青衣城新開咗一間日本菜，今日還完神，早早地去青衣城開飯。5時45分到達，唔洗等車位之餘食飯又唔洗排隊。見餐牌上的相片唔錯，入去試一試。問題就出現了！壽司飯冇味，d飯又握到實一實，又糊口！唸住食咗d魚算啦！點知d魚唔新鮮，冇應有的光澤！師父的手工又唔掂，切到d魚賣相差(相中的三文魚壽司是爛的）！卷物的紫菜冇味，下等貨！蛋壽司好簿，冇蛋味！小朋友話似豆腐味d飯真係食唔落口！Toro （五十幾蛟一件，但超細！）及海膽一般般。一句講晒，冇樣掂！埋單$520，一d都唔平！很懷念這舖位的前身，板X壽司，起碼都好食d！

現場直擊 星期日間間都爆場得呢間叫做好似少啲人等所以就即管試一試之但係無諗過所有野食由壽司到串燒都可以淡而無味嘅 除咗劍魚腩同沙律叫做正常之外希望呢間舖捱到落去...

見到呢間新店上次已經好想試，但係2點半去到原來3點落場，就無去嚕。今次就晚市去試，6點幾唔洗排隊，入去坐左陣好快滿座。可能因為新開，仲聞到入面仲有少少新裝修既味。佢既設計都好日本，入面都有2位日藉+港藉師父整壽司。講番野食先，本身想叫豆腐蕃茄沙律，未有，鵝肝壽司，無貨。最後叫左4樣，上菜有d慢，坐左30分鐘先上左3樣，最後個蟹肉沙律再問店員有無落單，佢話有，但過左十幾分鐘都無黎到就埋單閃嚕。麻糬配紅豆 免費 ⭐️⭐️⭐️⭐️一坐低店員就拎過黎話係送既，唔知係咪因為新年先有架呢，麻糬好煙韌，整體都好味，不過紅豆應該唔係用日本，無個種香甜，不過唔洗錢都正呀！店員推介鐵板牛油焗帶子$68 ⭐️⭐️⭐️店員話香口好味就試下，係幾香既，不過胡椒味好重同埋比較多油，唔係好食到帶子鮮味。鹽燒牛舌串 $36 ⭐️⭐️⭐️⭐️⭐️本身唔係好鐘意食牛舌既我竟然覺得好好，勁香！唔會太難咬，牛味好重，燒得岩岩好。有驚喜！呢度其他燒物應該唔錯，下次可以encore試多d燒物。壽司盛 $268 ⭐️⭐️⭐️⭐️⭐️有另一個壽司盛3百幾有埋海膽，下次要試下先！拖羅：幸福⭐️⭐️⭐️⭐️⭐️三文魚子：好新鮮同好甜⭐️⭐️⭐️⭐️⭐️赤海蝦：新鮮⭐️⭐️⭐️⭐️⭐️三文魚：掂⭐️⭐️⭐️

食物上菜速度太慢，叫左杯啤酒要20分鐘先上到同埋食物嘅種類、款式太少，冇咩野好食/得別。飯同埋麵太少，唔係太吸引。不過個烏冬嘅湯底幾濃，幾好飲。整體野食味道唔差，衰在上菜速度慢