漢年茶餐廳

營業中

休息中

香港既茶餐廳 一向都係出色之選要做代表作 就一定有一兩味招牌呢間就有兩碟必叫之選呢碟雞飯 啲雞係鋪頭自家醬汁調製 夠哂味出哂名既煎肉餅飯 肉餅外脆內軟 即叫即煎最後兩杯濃醇奶茶 茶熱水滾🤤🤤🤤

大圍漢年茶餐廳，一間外表毫不起眼嘅地區茶記，原來有出名嘅鹽焗雞飯，早前食過一次，覺得唔錯。鹽焗雞飯（碗）：雞肉夠嫩滑、唔鞋口，點少少沙薑醬撈飯食仲正！椒鹽豬扒飯（加錢轉炒飯底）：老婆鍾意食濃味嘢，佢就食呢個飯，我食左幾啖，覺得好惹味。豬扒炸得香口、又夠入味，炒飯底好香、又夠乾身，不過個人覺得兩者加埋會偏重口味，下次應該調轉咁叫，即係鹽焗雞飯配炒飯底，加椒鹽豬扒飯（唔洗轉炒飯），咁樣嘅配搭會好少少。

金牌鹽焗雞飯：鹽焗雞飯可以選碗上，碟上，要雞腿又得（$57），炒底又得（要加$11）哈哈。想起最近雜誌報導的某餐廳容許客人上半碟減少廚餘的故事！分量可以自選真不錯啊。友人選了炒飯底鹽焗雞飯，炒飯粒粒分明，有分明的蛋碎和蔥粒，鑊氣十足，一上桌的香味令人食指大動呢。至於主角鹽焗雞入口嫩滑，鹽焗以後味道剛剛好，雞油滲入飯裡面味道就好像大家都喜歡的海南雞油飯。茶餐廳就是有獨有的風味，大家坐下二話不說就點菜，坐的逼狹一些大家都不介意，周圍的人大都點常餐，想必連飲品較划算啊。

今日因工作關係入大圍，打開開飯apps搵食,見呢間漢年茶餐廳食評唔錯。人人都話食雞，可惜我就麻麻地雞，但都選擇無錯，因為發現食雞以外既驚喜！阿姐推薦我食個xo香茜牛肉湯米，一擺係我面前，已經聞到好香！再見到枱面有盒辣菜甫，大膽加d落去試下！嘩！果然有驚喜！菜甫好香，好夠辣！！！成餐飯既重點已經轉左去個辣菜甫身上，相信撈飯都好正！唯一缺點...配飲品要正價。米粉+可樂=60下次再來，一定要試下菜甫撈飯！

大圍名物。康年茶餐廳嘅鹽焗雞飯識食就梗係炒飯底啦＄55/碗連楊岳橋都推介😍特別係鹽焗雞髀茶餐廳位處於大圍一間毫不起眼的位置。當然係茶餐廳嘅格局，座位唔會太舒適，亦都冇乜嘢服務可言， 不過都係好親切有禮嘅。炒飯底好香，炒得好乾身，飯粒粒分明有蛋香。入口唔會好油，每粒飯都別雞蛋包裹著，雞脾當然啖啖肉，柔嫩又滑。。啲雞睇張相都覺得好嫩滑。一上檯已經香氣四溢，又唔會太鹹。配埋沙薑真係好配合。絕對值得一試再試

一碟咸雞是漢年的招牌, 咸雞的肉質熟度處理得剛剛好, 雞肉嫩滑不鞋口, 因為怕肥所以很少食雞皮的我都因為這滑溜薄雞皮的皮下脂肪少, 所以通通都能掉。至於加點的炒飯底, 他們亦處理得不油, 而且粒粒分明不過乾, overall來說整體質素很理想, 如果想要挑剔, 就是略嫌濃調的沙薑醬不易點開。另外不得不說的是過裡的碟頭飯量很足, 飯給得很多；可惜這裡的雞飯都不跟餐飲, 想加杯飲料的話埋單價是另計的, 想要喝杯熱華田, 結果總單要價差不多$70, 老實說有點貴

自小就係大圍生活咗大約10年既時間，印象得摩天輪同乳鴿。而家嘅大圍已經同以前差好遠，租單車嘅鋪頭少咗，中檔餐廳開始越開越多。而家嘅美食資訊令人更容易搵到美食。漢年餐廳係榜上有名，出名鹽焗雞飯。雪藏雞最怕有雪味，漢年既鹽焗雞飯除咗冇雪藏味，入口都會覺得有雞味。落單時先叫左一碗鹽焗雞飯，侍應姐姐第一個反應係問我地夠唔夠食一碗當然唔夠食， 我哋其實係打算嗌多一碟乾炒牛肉烏冬。 干炒牛肉烏冬同普通嘅茶餐廳味道無太大分別，有鑊氣，油，咸

講開大圍美食，好多人都話大圍出名食雞飯，可以講係男人的浪漫，你識條x咩。究竟有咩咁特別呢？一碟雞飯唔該因為無特別要求雞嘅部位，嚟咗雞背，無肉得嚟雞好肥，黃色脂肪充斥著每件雞嘅四周，鐘意食肥雞嘅就岩晒！鹽焗嘅雞咸咸地，肉質尚算滑。值得讚嘅係沙薑汁，撈飯食都得。白飯用碟計算比碗多

聞說這裡的嫌焗雞飯，椒嫌朱扒反，斑腩飯好食，點知。。。。。。1. 食材不新鮮。2. 調味太濃烈，如像吃嫌。3. 環境不但極糟炒，而且坐椅擠迫程度使人極度不快。根本無卡位。主題是食雞，但冇雞味，只有咸味。非常不解為何外面還大排長龍。曾經看過紀錄片，講D養雞場，D雞生活環境好迫，只有一行飼料糟在雞頭前供它們吃飼料，身體根本動都不能動，非常痛苦,不人道。在這間極度迫的"餐廳"食野，就好似D雞食飼料咁迫。如果好食都算，但其味道竟不如美心，大家樂，大快活，等之水平，欺觀！

每次去大圍想試新餐廳 都敵不過雞飯的引誘每次必嗌的鹽焗雞飯雞飯有分碟上同碗上有男朋友包底 當然碟裝開心啲啦一如以往 非常非常大碟雞件份量不姑寒 數數埋埋都有10份今次就無加炒底雞件夠鹹香夠哂入味 半點雪藏味都無雞肉好嫩 唔鞋口 (可能咁好彩唔係雞胸)雞皮好薄好滑溜 中間無乜肥膏 毫不猶豫一啖食落肚沙疆醬好濃厚 用來撈飯一流 用雞肉沾來食 增加了雞味的層次呢乾炒叉燒烏東炒得夠火喉亦夠哂色水 但略嫌叉燒比較瘦 如果用半肥瘦叉燒比較好比較起來 下次還是會食返鮮茄豬或者椒鹽豬

很久沒有來到漢年了! 難我在石門完成工作,自自然然乘西鐵來到了大圍,不由地來到這裡.3-4年前, 經常在這裡附近租單車,吃飽便出發到大埔去. 貪這裡地點方便,食物大方!事別多年,重踏舊地,環境依舊沒兩樣,倒是舊式茶餐廳的潔白! 姐姐倒們人情依舊,和我寒暄了兩句.是日午餐正好是本人最好的涼瓜斑腩飯! 以往來這裡多點三絲炒烏冬 和 鹽焗雞飯.難得地,當天的午餐投我所好! 不消5分鐘,斑腩飯便上桌了!熱煙紛紛湧到鼻上,那是一陣強烈的豆豉香味! 惹味的象徵! 拍了照片便立即開動! 斑腩外皮炸我結實,內裡的肉則是軟稔,相當出色!味道上,更是毫無雪味,強烈的苦瓜甘味和豆豉咸香,都裹在斑腩和醬汁上, 加上醬汁杰度調得好,一啖斑腩,一啖醬汁佐飯,也是相當開胃而不膩!苦瓜明顯是輕輕炸過,再炒,故此熱度十足,鑊氣的感在此最為明顯!不知是不是年紀增長了,對於這道甘苦味道,感到十分同情.... 一種浪漫的淒美感覺,想起了各種昔日的回憶.... 畢竟餐廳和食物就是有一種牽引情感的調子!最後作結是熱奶茶一杯! 依舊香滑,,嘆到最後一點是回甘 豐富美味的一餐為是日下午劃上完美句號.不合下次再來漢年會是甚麼時候了,希

人人都叫。鹽焗雞飯 今日秋高氣爽適宜行山我哋由黃大仙出發行到去大圍歷時約3小時我哋九點半出發12:30就去到行完山食飯啱啱好我哋最鍾意捐窿捐啦搵地道嘢食打開「open rice」搵地道食店排第一就係呢一間茶餐廳我哋等左一陣先有位客似雲來我見個個人都係哎鹽焗雞飯、椒鹽豬扒飯我哋當然跟風啦鹽焗雞飯名不虛傳椒鹽豬扒亦相當惹味（略嫌有點濕）炒底煩粒粒分明，有鑊氣唯一不足之處係佢杯凍檸茶因為通常老牌茶餐廳嘅凍檸茶底通常好味但呢杯同大家樂大快活都好飲過佢可能佢真係非常專注係個雞飯上面如果下次食咁油膩嘅飯建議都係叫可樂可以清一清啲油膩

這夜一個女人享受男人的浪漫。$49+1外賣都好多餸，燒肉不會只得肥膏，菜唔會太老，好有誠意，食得好滿足。其一原因令我喜愛這社區，有得揀，有平有貴，不用天天光顧商場連鎖店，食大家鍋不如黎呢間。支持小店！

一句講曬，高質茶餐廳，唔試既真係走寶！不過呢間茶記係大圍已經出曬名，不斷都有好多人食完都會宣傳，真係試左你就知😋雖然店內地方有點淺窄，中午午飯時段都總係避唔開要等位，不過食既係食物質素，性價比極高，絕對有鑊氣同茶記傳統風味！必食之一既菜式:*** 椒鹽豬扒飯 (大大碟，勁香口)*** 鹽焗雞飯，走翼炒底 (招牌菜，無得輸)呢兩款只係禁岩今次食既，佢重有其他選擇都好正架。。。例如: 鮮茄豬扒飯，栗米班腩飯，干炒牛河，咸魚雞粒炒飯等等。。。。。總之就次次去親都會有選擇困難症禁啦😂🤷🏿‍♂️真係誠意推介去大圍又想食茶記既朋友試試😋😋

《失望而回既茶餐廳》原本想去隔離茶餐廳，但係睇錯入左呢間之下，見到咁厲害人山人海坐到逼一逼，想必係有過人之處，於是就坐底試一試。見到隔離幾乎每一圍都有人食緊鹽焗雞，於是乎我都叫左一個鹽焗雞湯飯。滿心歡喜地等我既湯飯，終於熱辣辣既湯飯黎到，香味撲鼻而來。心急地即刻要飲一啖湯試一試，呷一口湯，原本以為係清清既雞湯味，點知只係普通既味精湯，真係將我由天堂打落谷底😥😥試一下佢既鹽焗雞，唔太入味，每一口雞肉都要靠個沙薑雞醬調味😭😭不過佢既雞係幾滑既，而且雞都算多，可能唔叫湯飯會比較好😰