影片
今次新年反傳統，唔食西餐，去咗天后食潮式私房菜，地方雖小，感覺更加溫馨。潮味居 是坤厨工作室，位置於天后木星街，是我的中產朋友帶我來見識一下。私房菜要預先訂枱，寫好菜單，為了迎接美好的2025，我們吃了一個十全十美 的潮州晚宴。 椒鹽脆鮮魷、麻香鹹海蜇、酒香醉鴨舌 充滿仙氣的美味前菜，滿滿的儀式感，喜歡吃到酥脆的鮮魷魚，很香麻油味的青瓜海蜇，鴨舌食落有很芳香的酒味。滷水鵝片拼鵝腸。腎吃得出風味，多種香料和醬油慢煮的湯底調味，食材吸收濃郁的味道。鵝片嫩滑，肉質緊實，搭配滷水的香氣，味道鮮美。加上鵝肉本身帶有淡淡的油脂，滷水後味道更加濃郁，不會過於油膩。鵝腸脆嫩，帶有嚼勁，散發出滷水的鮮香。潮式芋茸酥炸生蠔大大隻好肥美的生蠔，混合芋茸一起炸，外皮非常酥脆，生蠔的鮮味亦夠突出，熱辣辣，好滋味！潮州紅燒花膠魚翅招牌魚翅，賣相吸引，展現了潮州料理的精緻與講究。花膠豐富的膠原蛋白，口感滑嫩。魚翅經過精心潮州紅燒慢燉，有韌性和嚼勁，用筷子夾起打卡一流。紅燒的醬汁香氣四溢，鹹香適中，提升魚翅和花膠的鮮味，每一口都充滿層次感，華麗美味又滋補。鹹菜梅子煮馬友魚我少吃魚，朋友們吃得讚不絕口。家鄉京葱羊腩煲、自灼羊汁唐生菜熱辣辣香噴噴的羊腩煲，冬天特別受歡迎，羊腩肉質鮮嫩，脂肪適中。一邊傾偈一邊食，慢火燉煮更加軟滑，食到最後釋放出濃郁的羊肉香。京蔥的香氣清新，唐生菜中和羊肉的膻味，香料提升羊肉的鮮味，濃郁味道豐富而不油膩，暖身暖胃。家鄉臘味芋頭焗飯火候剛剛好，家鄉臘味芋頭拌起來，鹹鮮配上粒粒分明的焗飯，好香濃好鬆軟。潮州福果綠豆爽最後必定要食埋甜品，這個潮州福果綠豆爽，賣相吸引，勁滿足。時令新鮮生果食完爽甜提子覺得幸福圓滿。
繼續閱讀
今晚朋友帶我去了間食私房菜嘅餐廳食飯，這裡主打潮州菜口味嘅私房菜，當然朋友一早準備好訂埋位，加埋已經發板了，我們只係食！一上到去餐廳地方唔算大，但各人座位闊落舒適，餐廳內裝修故息故鄉，好有傳統中國feel，而牆上掛滿了證書今晚餐牌就以十全十美為題，由廚師安排了不同特色菜式而在開始前先來杯功夫茶濕濕個口，清清口腔第一道前菜包括了香脆鹽酥脆鮮魷、爽口麻香拌海蜇、酒香濃郁嘅爽口醉鴨舌，上枱時個個鋪排，已經讓人不停打卡，煙霧彌漫，好有feel!第二道就係滷水鵝片拼鵝腸腎，大大碟，中間位置放了滷水鵝片，肉質非常柔軟，鮮嫩多汁。鵝片滑嫩順口，滷汁中的香料融入到鵝片中，散發出濃郁的香氣，滷水鵝片香醇可口。滷水鵝腎煙韌有勁的口感，很爽脆；滷水鵝腸好入味，爽口彈牙，口感豐富第三道潮式芋茸酥炸生蠔，脆皮包住芋茸再包住隻肥美生蠔，外面酥炸脆口外皮包裏住肥美金蠔，入口散發香濃的芋頭香氣，加上酸甜醬~夠哂開胃第四道潮州紅燒花膠魚翅，上枱嘅食具已經贏了，盛滿了黏稠濃厚的花膠魚翅翅，湯翅入口柔軟味豐厚，非常軟滑，充滿骨膠原嘅口感，雖有芫荽可加，但原味入口已經足夠，加上材料十足，真係讓人十分回味第五道臺灣黃鰭馬友魚，以鹹菜梅子蒸煮，上枱剛好，入口魚油極多香濃，魚肉嫩滑配以鹹菜梅子蒸煮，將本身魚腥去走，喜歡食魚嘅朋友兩三下就分走了第六道家鄉京葱羊腩煲，京葱放在羊腩旁，羊腩煲湯底濃郁，羊肉香味四溢又唔臊，暖胃又補身，羊味恰到好處，羊騷味不會太重，口感鬆軟，配上肉厚花菇、入味枝竹，非常入味，如還怕羊肉騷味可加上腐乳醬一齊入口第七道羊汁自煮唐生菜，就係大大份唐生菜在已食得七七八八嘅羊腩煲內，用爽脆嘅唐生菜浸到濃郁湯底內，將剛才入口肥美嘅口感清新一下，同樣唐生菜份量十足，夠晒新鮮第八道臘味芋頭潮州焗飯，有爆香了嘅蝦米、冬菇粒、葱芹與臘味粒，同蒸熟嘅芋頭，口感較乾身，撈勻入口十分入味第九道潮州福果綠豆爽，以冰糖水及馬蹄粉勾芡，簡單以開邊綠豆拌煮，味道淡身，微甜且較黏口稠身，充滿粒粒綠豆，口感清新第十道就係一盤紅葡萄，紅葡萄帶有濃郁甜味，享受爽脆多汁鮮味最後當然再來多杯功夫茶完成今晚嘅盛宴整體店員服務細心，上菜節奏剛好，人齊就可以上菜，味道同樣出色，邊食邊同朋友相聚，這裡又係一個唔錯嘅選擇
繼續閱讀
今晚去這間私房菜, 潮味居, 品嚐多款潮州名菜, 師傅手藝正宗, 滿足了我們的願望. 想同大家分享.師傅介紹晚餐菜單如下, 十全十美. 頭盤, 主菜, 湯, 甜品, 水果.預訂位時已約好開餐時間, 所以到菜館後, 飲杯功夫茶, 吃些開胃小點: 甜酸菜, 炸脆花生. 便上菜了. 前菜, 冷盤三小碟, 打開迷幻的雲霧, 先開始食開胃冷盤.麻香拌海蜇, 椒鹽脆鮮魷, 酒香醉鴨舌 . 味道各有特式, 組合不錯. 鹵水鵝片拼秘制鵝肝, 鹵水鵝, 色澤鮮明, 份量足. 好肉有鵝味, 用古法鹵水汁烹煮, 肉質油脂感豐富, 肥瘦適中, 鵝肉好入味. 墊底用了鹵水豆腐, 花生, 又稔又好食.秘制鵝肝, 肥美香滑, 口感滑溜.潮州紅燒花膠魚翅, 潮州魚翅爽口彈牙, 燉得夠火侯, 湯汁濃稠順滑. 滋味可口. 懷舊脆皮羔燒羊腩, 擺盤美觀. 脆皮羔燒羊腩圍上川椒葉, 底層有炸蝦片, 配燒烤汁, 薄荷醬. 羊腩表面酥脆, 內質軟稔, 吃得有層次, 非常可口,潮式紅扣鵝掌鮮鮑魚 : 擺設吸引, 不單是主角鮑魚, 伴菜也貼上眼睛. 鮑魚, 燜得軟稔入味. 鮑魚香味越嚼越香,配上鵝掌油潤軟滑. 北菇菇味濃, 整體味道非常可口. 潮式咸檸檬蒸馬友, 地道潮州菜, 古法咸檸檬蒸制, 調味非常好. 啖啖有魚香, 味道鮮美.蒜子蝦乾浸大芥菜, 這個好意頭菜, 大芥菜 (財) 配蒜子蝦乾韌韌的, 湯味甘香清甜, 健康美味. 家鄉乾燒雙面王, 潮州馳名糖醋麵, 雙面煎得香脆不油膩, 麵心保持軟稔, 沾上糖醋, 食得滋味. 潮汕香蔥返沙芋, 潮汕傳統甜品,精選荔浦芋頭, 粉嫩香軟, 外面糖炒至起沙, 加上橙皮和香蔥絲, 口感佳, 有潮汕風味. 時令生果, 紅提子. 爽甜好食, 伴上功夫茶, 真係 十全十美. 私房菜提供巧手菜式, 食材新鮮質素高, 招呼好, 私隱度高, 記著要預先訂位.
繼續閱讀
趁假期約定好友飯局，當然要預早安排地點餐廳，記得早排老闆帶過我們去一間潮式私房菜非常出色，今晚帶老友們去試試看。訂位時預先跟餐廳安排好今晚餐單，一去到就可以坐定定等食。傳統潮州菜好多都保留餐前一杯功夫茶，潮汕茶道是中國茶藝中最具代表性的一種，是融精神、禮儀、沏泡技藝巡茶藝術。功夫茶甘香醇厚，品味人生，值得大家細味品嘗。第一道小食拼盤非常吸睛，一上枱仙氣十足，上面放上有椒鹽脆鮮魷、麻香鹹海蜇、酒香醉鴨舌，各款小食都非常出色，惹味的椒鹽配搭爽口彈牙的鮮魷；海蜇拌上青瓜絲，味道清爽，鹹香脆口；醉鴨舌夠哂入味，食時淡淡酒香包圍著鴨舌，不但香氣撲鼻，味道醇厚甜美。滷水鵝片拼鵝腸•腎滷水鵝片厚薄均勻，滿滿的舖滿整個碟，鵝片色澤一看就知滷得相當入味。 鵝肉稔身容易咀嚼，一啖入口，滷水香氣已充滿在口腔中，味道調配得適中，不會過份鹹。鵝腸還挺脆口，而鵝腎口感爽脆。潮州紅燒花膠魚翅紅燒花膠魚翅用以瓦碗盛載，可以保持魚翅溫度，魚翅份量十足，而且湯頭濃郁可口，師傅以雞肉、花膠、豬骨等材料熬煮湯頭，最後加入花膠魚翅，滿嘴骨膠原滿滿的口感，富肉香，口感層次豐富，鮮味十足。家鄉京蔥羊腩煲秋冬時節最適合來一鍋暖心滋味的羊腩煲，不僅能驅寒保暖，還富含蛋白質，濃郁的湯汁滲透嫩滑的羊腩，每件羊腩已經預先起晒所有骨頭，非常貼心，搭配枝竹、冬菇、馬蹄等食材，滋味十足。自灼羊汁唐生菜入口菜嫩清甜，生菜吸盡湯汁精華，不比羊肉本身失色。家鄉臘味芋頭焗飯臘味和芋頭是冬天的絶配，足料炮製的臘味芋頭焗飯 ，臘味粒咸香惹味，芋頭爽口，飯粒乾爽分明。
繼續閱讀
有朋友係外國回港，同佢食一間天后私房菜，聽太太講說，這間算是新開的，主要食潮州私房菜，同一定要一早訂枱的，坐位只可以坐到三圍大枱左右。【滷水鵝片拼鵝腸腎】滷水味十足，鵝肉身厚而且軟腍，皮有咬口但沒有過多肥膏，味道鮮香又濃郁，又不算過鹹。鵝腸非常爽脆，鵝腎有鵝油香味。【潮式芋茸酥炸生蠔】芋茸加了生蠔一起炸，炸得非常鬆化，層次豐富，做到酥香效果，又不會油膩。【潮州紅燒花膠魚翅】花膠翅的口感是非常濃稠，鮮味濃郁，內裡勁多都是花膠魚翅。【家鄉京葱羊腩煲】湯底熬得十分濃厚，羊腩肉質鮮嫩又夠肉汁，再配上腐乳醬汁，令羊腩煲提升。【羊汁自煮唐生菜】叫了羊腩煲附送新鮮唐生菜，在食到差不多時候可以加唐生菜去一齊煮，每顆菜吸收哂香濃羊腩煲的湯汁。【臘味芋頭潮州焗飯】焗飯內裡有爆香了的蝦米、臘味、芋頭、冬菇粒等等，飯粒口感較為乾身，撈埋一起食，添加了的惹味。
繼續閱讀
您可能會有興趣的...