潮州公館 (已結業)

住係附近, 經常都會去飲茶食晚飯~~但估唔到, 會有得打邊爐~~仲要唔係太貴~我阿媽係咁話要試~估唔到又真係幾好喎~!~!佢這個火鍋SET, 俾3-4位用~~$238 湯底收費另計~~配料有1. 墨魚丸x4 -- 有蝦釀係裡面, 好大粒2. 潮州魚旦x43.魚旦片x44.班片x5 -- 好大片, 好鮮味!5.帶子x4 -- 每粒一開二, 好大粒, 我阿姐好喜歡6.貴花蚌 -- 不錯架!!!7.雞肉8. 牛肉 -- 想食肥牛可能會失望, 但牛肉唔"UN", 而且健康D添呀!!9.紹菜10.唐生菜11.白蘿蔔x8 -- 薄切, 好快熟, 唔洗等餐死我地再叫左一碟米線, 大家都食得好開心!!!每樣一件好似唔太多, 但其實佢既份量岩岩好, 令你唔會過量進食, 其實已經夠飽~~~而且佢賣相好好~~D野夠新鮮 最後有好好味既"清心丸綠豆爽" 同埋生果~~我覺得都幾抵呀~~~$238 + 湯底錢~~~健康D, 又唔會食得太多~~~唔知會PROMO到幾時~~襯冬天就去試下啦!!

Went to have dinner at this reastaurant with my parents ytd night. We ordered a leung gwa fried egg with prawns, pigs ear with duck meat, ho jai yuk sui congee and a assorted starter plate. The leung gwa fried egg with prawns is ok la, a bit to soft and soggy for me, but the leung gwa is very juicy and the prawns is quite fresh n not very oily so its ok la. The pigs ear and duck meat is very good, the pigs ear is very crispy and chewy and has absorbed the taste of the sauce too, and the duck mea

Went to have lunch ytd with my parents n gf at this restaurant, we ordered lots of things and ended up cant finish it. We ordered a lo sui "ping poon", scallop with broccoli, XO fried cheung fun, chilli "pei darn" and a "lor mei gai". The lo sui pin poon is very good, the food has absorbed the sauce taste, the duck meat is very soft, the skin of duck wings is very soft n thick and the pigs ear is very crispy and very chewy too. The scallop with broccoli is very good, the vegetable is very soft a

打完風同家人飲咗茶至返工,橫風橫兩唔想去咁遠就響附近.見好耐都無嚟幫襯就上嚟.中午時間都大把位,可能係附近工厰寫字樓未返工.一向都唔係好鍾意潮州嘢,上嚟都係食番廣東點心,叫咗煎旦糯米雞,xo炒腸粉,牛肉,春卷,义燒酥,糯米卷,蓮茸飽及燒賣.全部都ok,有水準.坐得舒適,又有無敵大海景,有時間可以多d上嚟.

都不知怎樣設計,裝一排燈；連眼都瞪開,問伙記想轉另一張枱,他說可能客人訂了,甚麽可能真奇怪????女伙記豪無笑容,一句說話都不想答你落order很亂,亂寫order一句講差,差,差

蛋散一擺枱,就有一陣芳香清新ga桂花味,已經吸引住我,一咬落去,嘩!鬆化兼鬆脆.唔同出面ga味,我重外賣咗一盆拎返屋企食.兩個字形容--(勁正)有機會一定要去試吓ar!

選擇試這間潮州菜館原因有二：一定唔使等位及有泊車優惠。果然沒有估錯，真係唔使等位，可能位置唔就腳，又唔近地鐡站掛。侍應安排我哋坐靠窗位置，可以望到海景，感覺舒服。翻開餐牌，價錢與我們想像中接近，唔會太貴。我哋點咗蠔仔肉碎粥，味道OK；清湯蘿蔔牛腩煲，湯底清甜，牛腩夠爽唔會韌，蘿蔔又無渣，good；北菇扒豆腐，豆腐夠滑，芡汁味道尚可。最後先來功夫茶，呷一口膩滯感全消。再送來生果杯，分別有西瓜及蜜瓜，加上話梅碎一齊食，賣相吸引又好味，令人有驚喜，值得再加多些分。

本來同靚女M一同上Mrs L家中,拜年兼逗利是,可惜主人家晚上沒有空,結果晚上團拜改成為中午"潮拜",在M工作附近的漁人碼頭"潮州公館",來個開年午飯局.午市估不到的旺場,幸好一早致電留位,否則Walk-in一定打回頭.如果一圍大檯,更可要求坐窗口位.三個人就只能坐在鹵味檔前面.天氣寒冷,來個胡椒豬肚湯,其他的,不要粵式點心.要個鹵水拼,上次吃過幾好的糯米大腸呀,燒鱔碟,韭菜果等等.唯一一味非正式潮州味,應該是上湯蒜子豆苗.兩女一男,照計也夠吃.鹵水鵝片拼豆腐,其鹵水味香甜,但不算特別濃厚.鵝片肉質帶點結實,吃落也鬆化.鹵得亦入味.此店的糯米大腸,上次已品評過,今次同上次吃的沒有兩樣.保持水準.韭菜果也是上次吃過,四四正正,煎得金黃香脆,咬落內裏的韭菜香甜味,也隨之而出.燒鱔亦是燒得香脆,鱔肉嫩滑.味道也夠鮮.胡椒豬肚湯最後才上,次序有點出錯,天寒地凍,來一碗味道刺激的豬肚湯,整個人即刻暖笠笠.留到最後,可算錯有錯著.主人家份屬大忙人,難得出來茶聚兼派利是,小弟說唔好同我爭埋單呀下!)反之過來,如果在福記,陸羽的話,我就不會如此地豪情壯語了.哈哈!

雖然住在黃埔區，如不是友人介紹，也不知有這問潮州公館在漁人碼頭，即使我久不久也會去某Ｂｏｕｔｉｑｕｅ購物，可能因為它的招牌字體太藝術，唔認真睇都唔知是什麼字。今次因友人介紹才睇清楚個招牌。平心而論，該處的無敵海景很不錯，亦可能少人知同埋地方吊腳，所以當晚星期三由晚上七時食到十時也祗有六七客人。以潮州酒樓而論，食物價錢不算貴，某些菜式如上湯蘿蔔牛腩令人有意外驚喜，蘿蔔吸了牛腩及上湯的味道很好，牛腩又腍滑，但味道又很清；欖菜肉菘四季豆是很好的下粥菜式，不過齋食會偏咸。因此，如對食物要求不是特別高而又想三五知幾小聚的話，這裏是不錯的選擇。

今日過節,一早搵地方飲茶,其實油尖旺好多酒樓都試過哂,想試下d新野,就一早上黎搵下有咩好野推介,見到呢到都幾多好評,又近近地,決定同屋企人一行四人就試下.環境:因為好大既落地玻璃,人又唔多,因為佢地開10:00,又清靜,只有一dd假既雀仔聲,如果以靜靜地環境飲下茶,我覺得個環境係唔錯,不過有時真係講野都怕嘈親人,哈哈點心:十分十分失望,叫左蝦餃~一夾就骨肉分離,真係唔係好得燒賣~好削,一係一夾幾乎難,都唔明點解可以咁削潮州粉果~唉,潮州酒樓都做到咁差,個皮係可以,不過d料就一pet野咁,好似食d攪爛哂既糊仔,不過都有一兩粒好似沙葛既野生煎飽~我家姐同我講做咩個煎饅頭,d皮厚到哎極都未有料唔知咩煎咩磁~油到......好緊要炸油角~都真係幾一般奶黃飽~呢個就不過不失,一般野鮑汁雞腳~ 呢個係最好食,花生同雞腳都好入味因為一早就冇咩糯米讓大腸,所以又冇得試.4個人埋單$190不過有個男侍應服務態度好好理論上食滿$300可以免費泊車二小時不過佢都幫我開張300元既單係車入面我地成家開左個小會係咁多人既一致裁定,呢間食肆既早茶(只係早茶)將會列入黑名單

男朋友最近搬左黎呢頭返工, 所以黎同佢食晏。男朋友唔太食內臟0既, 但佢都話鵝片幾好。蝦餃梗係好味啦, 仲有奶皇飽。同埋蛋煎糯米雞真係好煙韌。環境幾好, 雖然食中菜, 都幾有氣氛。希望男朋友工作順順利啦!

如果非友人在此約午膳,相信好難會踏足漁人碼頭這個"不毛之地".全因友人在附近上班,順理成章相約在此.選址商場二樓之潮州公館,環境光鮮,180度全方位海景,外面藍天白雲,沒有來自珠三角的污染空氣包圍著,一望無際.在這個環境下午飯,實在寫意.友人吃得不多,看著點心紙,粵式點心佔很大比率,但如果叫小菜,兩個人又怕吃不下.唯有著手點幾味點心,再加一些潮州小吃,實行精兵制.鹵水菜式一定要一味,要個牛肚,友人不吃牛,例牌要小弟獨食.此店的鹵水味道鮮,層次感略欠,沒有陳年貨的沉厚,不過牛肚鹵得入味,不知不覺,獨食也會肥.公館叉燒酥,用得店名行頭,水準應該不錯,外層酥脆,餡料的叉燒亦不錯.煎韭菜果,外皮煎得金黃,內裏的韭菜很甜,甜到有汁"必"出.有水準.圖中的炸糯米釀豬腸,這味算是潮式味最重的點心,同日前在西環德記吃過的不同,炸過的豬腸,份外香脆.加上豬腸內的糯米,口感豐富.靚人靚景,這個短短一小時的午飯,只能既嘆時間太短,如果可以將時間停頓一陣子,便好了.埋單友人請,多謝.

潮州公館的環境係漁人碼頭算好，落地玻璃飽覽海景，開陽光猛，侍應服務態度又好，令人坐得舒服自在。我們五大人和一"大食"細路，點了非常抵食的$308蚊套餐：- 點心：蝦餃，uncle激讚晶精瑩通透- 點心：粉果，auntie十分欣賞個水晶皮- 點心：燒賣，小外甥搶住食- 小炒：潮州小炒，炒肉絲、牙菜、西芹絲，普通啦- 小炒：菜圃煎蛋，非常可口，男友最為欣賞- 麵飯：蠔仔粥，蠔仔細，但肥美，一點也不腥- 滷水：滷水鵝併內臟，滷水鵝偏鞋，鵝腎非常好吃，鵝肝有點鞋甜品另外叫，水準一般：- 奶皇包，奶皇餡太杰，稀點仲好- 水晶包，有豆沙餡和蓮蓉餡，我沒吃，Auntie話OK- 清心丸綠豆爽，不會過甜，清心丸爽但口感粗，綠豆爽不會過粉這裡的大點要$22.5，特點要成$30，還是建議大家點套餐，較抵吃。

今天早茶有靚海景,無獨有隅,晚飯一樣有靚景.本來不嗜潮州菜,但此商場內其他食肆水準不高,唯有一試.一行三人,點了5味:鹵水鴨舌- 雖是小食但份量十足,與例牌無異炒雜菌- 份量足.味道不俗蒸燕星班- 大約一斤,新鮮味美竽鴨- 竽茸香口,鴨件太乾南瓜竽頭排骨煲- 無甚出色,敗筆之作埋單470元.價錢普通,不算抵食,但仍可一試.

都來過幾次，星期日又來晚飯。伍晃榮話齋- 皇馬好波嘅時候真係好好波！哩道一樣，好起來真係好好食...例如佢個招牌公館蒜香骨，好起上來真係好好，不過佢d伙計都解釋，因為工序多，如果有一個師傅唔配合就出事。仲有佢個蠔洛，好嘅時候真係甘香可口，d蠔又大又好味，蛋又香；不過唔好嘅時候就蛋還蛋、蠔還蠔。不過佢有兩個無可取代好處，就係佢位處個商場真係少人到不得了！停車場又平！