潮州冷小炒 (已結業)

前菜小吃，每次都係花生併咸酸菜，原來可以要求淨花生或淨咸酸菜架。潮式明爐烏頭，今時今日想搵條野生又勁多黃油既烏頭已經無可能喇 ﹗條魚肉質都滿意，都好滑而略有魚味，配埋酸酸甜甜既秘製肉碎湯，又香又開胃，熱辣辣滾住食，好味道 ﹗現時元朗黃油烏頭只在大圍生昌搵到 ﹗鮮甜到不得了 ﹗滷水鵝片，一食落口已經可以分出鵝同鴨既分別 ﹗鵝片肉質滑溜又幼細，無渣又彈牙，滷水入味又唔會過咸，暫時係大埔食過最好食既 ﹗推介必選 ﹗金腿四寶蔬，賣相一流，好有心機做 ﹗珍珠筍、椰菜、西蘭花、小棠菜、冬菇、草菇都係白烚，之後係上面舖上金華火腿，最後加埋個蠔油芡搞掂。味道還可以，係一道非常健康既菜色，不過真係太清喇，我對烚菜麻麻地，我要鑊氣架。

滷水鵝片，滷得入味，滷水汁既香且甜，不會過咸。鵝片口感又嫩又滑，食到唔停口 ﹗刀功銳利，厚薄均勻，超好味 ﹗原味好食，配辣椒油或浙醋同樣好食 ﹗肥瘦適中，唔會話肥脂肪一舊舊，您睇吓鵝片啲肉顏色幾靚，又有光澤。暫時食過咁多間除尖咀金燕島能決一高下外，無一間可以做到咁香甜滑溜架 ﹗ 川椒雞柳，炸得外脆內嫩，又惹味又香口，一定要跟珍珠葉同吃先可以食到真正既味道 ﹗口感味道夠特別，雞肉嫩滑配珍珠葉既脆口；雞肉味濃配珍珠葉既清香連川椒既濃郁，真係好好食 ﹗但緊記要趁熱呀，凍左會比較油膩同偏咸。一直以為綠色葉就係川椒，原來川椒仲細粒過花椒，綠色葉係叫做珍珠葉架喎 ﹗

今天船河日，order 左 HKD3000 大元既日式到會，廿幾人張所有食物清除，渣都無得剩 ~ 六點落船大家玩左成日已經又餓又睏，咁大埔既團友一行六人就即飛的返去搵食 ~ 美女要求由我決定幫襯邊間飯店，食廣東菜唔要打邊爐，仲要一定好食 ﹗烚時間好鬼大壓力添，咁就帶佢地黎潮州冷小炒試試啦 ~ 好采飯後大家都好滿意啫 ﹗滷水鵝片，招牌菜無得彈 ﹗連各路食家們都棟起手指公讚好 ﹗肥美滷水鵝炆得入味，身材夠 fit，無多餘肥膏。質地滑溜非常，肉汁豐富，正抖。配甜醋開胃，配辣椒油惹味醒神，同樣好食。滷水大腸，真係咸左啲喎，跟鵝片味道差好遠，可能大腸吸味特別強。得層皮，口感太腍無趙口，亦無大腸皮彈牙口感，做炸大腸或釀糯米會比較適合。馬拉盞炒通菜，炒功一流 ﹗好搶手既一味，轉個頭就蒸發左咯。好有鑊氣，炒都又香，通菜鮮爽翠綠，味道微辣醒胃，馬拉盞份量剛好，不至有肥膩感成口油。仲有咩要求喎，夠晒喇。魚湯浸魚肚肉碎脆玉瓜，見到 menu 上有味幾特別既菜喎，好奇叫黎試試先，好采都唔算差，不過不失啦，大路穩陣。整體都好味，脆肉瓜新鮮爽口全滿水份。魚肚索盡魚湯，帶有淡淡咸香，跟清甜脆肉瓜同吃，既好味又特別。

以前淨係識去大埔潮和興打冷，而鹿嗚居無必要都唔會選擇 ~ 直至潮州冷小炒開張，終於有一絲曙光喇 ﹗係依個打冷介添點希望。裝修光猛乾淨又整齊，雖然有點迫夾，但已舒服好多。出品有質數又穩定，只要唔好係大時大節就必定滿意。多款巧手、懷舊、功夫菜，雖要預訂，唔係隨時隨地有機會試到架 ﹗服務都好熱情殷勤，侍應連老闆都笑面迎人，氣氛不錯 ~ 現時打冷依度係首選 ﹗滷水鵝片，招牌菜 ﹗最緊要係靈魂滷水汁，香甜味美，毫不混濁，帶有清香味道 ﹗配甜醋或潮州辣椒油味道同樣出色 ﹗鵝肉嫰滑又不失趙口，並無半點鞋口感覺，肥瘦適中，一食就知有做開運動架喎。魚湯浸杞子豬潤皇帝菜，見到個名好藥膳吓喎，雖然我不大喜歡皇帝菜，試一試無妨啦。豬潤緊緊熟，我喜歡 ﹗夠爽口滑溜。鮮爽皇帝菜本身帶有辛辣味道配上熱辣辣既甜魚湯，都唔錯。記得飲埋啲湯，肉味、魚味、菜味均特出，可口味美，好飲。依道菜一定要襯熱食呀 ﹗菊花石榴雞，其中一款無需預訂既功夫菜，只係形狀似菊花，並非真係用菊花作食材的呀。見有些食家稱外皮係由鴨蛋做既蛋皮，但我食落似魚皮餃塊魚肉皮多啲喎，嚥嚥靭靭富彈性。先將雞肉碎炒香作餡料，包好後再蒸，最後埋芡既成。餡料包含著

上一次到潮州冷是除夕夜，三五知己食小菜。而上一次10人行食手功菜約是一年前。可惜從今以後，我多數不會再點潮州冷的功夫菜。今次食完之後好想知道厨房是不是轉了班底，因為除了滷水食品外，味道不同了，特別是大菜(手功菜)，味道完全走樣。滷水鵝肝沒有特別的好吃不好吃，但覺得深井的酒浸鵝肝做得較出色。$45一份有點不值…滷水鵝 + 滷水豬大腸仍舊有水準，潮州冷的滷水的確是做得好。煎蠔烙 + 蔥花炸蠔爽仍舊是我的最愛，因為可以做到不會有碟底油，只是蠔味不足。可能因注重賣相，潮州冷用的是珍珠蠔而不是蠔仔，所以少了蠔味及海水味，但你可以食到啖啖蠔肉。有好有不好，但沒有碟底油這一點令我會一而再，再而三光顧。杞子豬潤浸皇帝菜 + 汕頭炒麵線正正常常。川椒雞唔似食川椒雞，只不過是食豉油炒雞，川椒雞應有的香料味全部冇哂。如果你唔當自己食川椒雞，可以接受。欖菜四季豆較油及略鹹，自家炒得更好吃。蠔仔肉碎粥同蠔烙一樣，用的是珍珠蠔而不是蠔仔，所以少了蠔味及海水味。但因為是粥的關係，沒有蠔味的蠔仔肉碎粥不太討好。方魚肉碎粥做得比較好。出事菜式來了…潮州粥潮州粥好綿，所以出事。甜酸粿肉 (須預訂的手功菜)不是第一次食，但

我地一行四人六點四十五分去到老闆娘同我講話下一張台到我，但我等到7點半都未有台，但已經見到好多人入咗台，我問佢點解，佢話要俾訂咗台既人，咁我問佢如果8：30個批人又到，咁我又要等佢地食完先到我！！老闆娘答我係！！完全係不在乎的樣子，令人非常氣憤。其實你如果已經訂滿咗台，你可以同我講，等我地唔駛等成個小時！！！你地唔係大集團就唔好用大集團既方法去分流客戶啦唔該

久違的新界飯局，在上個月尾再次同大家見面，由大埔的潮州冷重新出發。因為是夜飯局地點，對大多人來說，是比較偏遠一點，但對於紅叮，西打哥，小YAN子來說，就佔盡主場之利。所以選擇在周五晚上開局，也是想大家吃得無後顧之憂。總共有兩圍人馬二十多人，將本來已經很熱鬧的潮州冷，逼得更水洩不通。上一次來只是三人行，不能盡情品嚐店內一些手功菜式，今次有二十多人，人多自然好辦事，所有功夫菜要早一至兩天預訂，例如百子雞，鋰蝦等等，本來還想要荷包白鱔湯，但索價＄50一盅，恐怕會超出預算，還是作罷。筍蝦當然不是蝦，其實是潮州之筍菜，即是潮州人稱為魚飯，跟本是沒有飯，就是這個意思，此筍蝦入口爽脆，有筍本身的香甜，其醬汁帶一點點酸，頗為開胃。另一味春菜腩肉，最吸引我的，是清甜的湯汁。要了尾烏頭凍食，魚肉纖細嫩滑，充滿鮮味，點些普寧豆醬當然是最正宗之食法，如過淨吃，也沒問題。早前在潮味居，吃過很有水準的鹵水鵝肝，潮州冷的鵝肝賣＄45一大件，店員說來貨很少，所以不能作拼盤，要一件件計，此鵝肝除了鹵得入味，帶有鹵水的清香之外，同時亦不失鵝肝的甘香味道，入口感覺細滑，不老也不帶筋，西打哥事前說此味比潮味居做得更好，當吃罷

四月尾的週五飯局，是應另一有名食友的邀請，參與位於新界太和區的潮菜盛宴，好一個陌生的區域，就依循建議路線，從當區的港鐵站B出口穿過屋邨之後，再到對面馬路，期間經過一番折轉，再找到那一條「舊壚直街」，終於到達今次的目的地「潮州冷小炒」，論潮州菜也吃過多遍，只知這菜館的老闆及大廚也是有點誠意，能以合理價錢，為食客提供一些少見的老派菜式。今次的飯局人腳，與之前的又有所不同，與相熟的食友久違了一段時間，難得親切如昔，更品嚐到其帶來的紅酒，實在有心。加上新相識的女食友更是一個懂酒的人，帶來的玫瑰紅酒味道清新怡人，期間言談甚歡，正是對應了「酒逢知己千杯少，話不投機半句多」。閒話就到此為止，因為當餐的食物實在不少，先上的頭盤小吃，分別有用上春菜及筍蝦炆製的腩肉，春菜可是潮州的特產時蔬，味道苦中帶甘，其清湯也是鮮甜美味，個人來說覺得可以再濃味一點。筍蝦亦不是真的有蝦在內，只是潮州人對風乾筍類的別稱，有別於上一味的清淡，這醬汁帶出一股濃酸之味，平時也是少有機會嚐到筍肉，這體験可算別開生面。跟著來的是兩道鮮味之物，四十五元一副的鮮鵝肝，來得新鮮之餘，輕輕用滷水帶過後，質感上來得細滑，沒吃著粉質的跡象，難得

早兩日去開大埔, 忽然好想食潮州菜, 上openrice搵到呢間好野！因為9點幾先去到, 所以完全唔需要等位, d招呼都唔錯, 唯獨是d餐具真係好污jo下, 個碗都仲痴住粒好新鮮既飯, 湯匙又有積......!一打開menu, 好多野想試, 但人就得兩個, 所以最後叫住三味, 試下先。每一味都好有水準, 令我地食得好起勁, 唯獨是蠔餅, 唔係話唔好食, 而係同相有出入, 因為相係夏門個隻煮法, 點知上到檯, 都係潮式煮法, 攪到我老公有d失望, 但好彩都好好食, 佢都食到停唔到口。因為仲有好多野未試, 短期內一定會再幫襯, 不過就會預埋d朋友, 可以試多幾款嘛。

見到食評寫得吾錯, 走去試吓.三個人點左5個餸, 分別有:.糯米釀大腸 - 味道不錯, 吾係好油膩, 夠乾身.鹵水鵝片 - 鹵得入味, 夠淋. 味道吾錯.炸蠔爽 - 蠔細粒左d,但味道都ok. 杞子豬潤浸皇帝菜 - 正! 豬潤剛剛好, 吾太老. 皇帝菜又夠嫩. 頗為驚喜的一道菜咸菜炆門鱔 - ok.兩個飯, 兩個粥, 一支啤酒平日晚上, 都有差不多9成入座率, 其實都好好.美中不足係三個人坐左張12人枱. 最後人多重有人要搭枱.....最後重有係張單計錯數.但總體係一間值得再去食的正宗潮州菜館全晚成為$370

最近成日去，但都未有時間寫。冬至、團年飯都喺呢度食。地點不算就腳，但勝在味道好。店子不大，只得兩張大枱，所以我地十三人次次都坐嗰張枱。坐得逼逼的。食物款式都幾多，鹵水、炸物少不了。鹵水鵝片超鞋，不建議點...鹵生腸不錯，爽脆，無異味。川椒雞好味，好夠鑊氣，不過有時chef 會太重手，咸少少。蟹棗新鮮即炸，不算十分彈牙，但比起其他潮州店，質素已算不錯。仙子百花雞，功夫菜，大大碟，有十幾件百花雞。蝦膠底是雞肉，上面再淋上杰，老實說，味道不是很特別。炸蠔爽，粒粒蠔，肥美；蠔餅也不錯。黃金麵，脆pok pok，加糖加醋味道不錯。豉油皇豆乾咸肉，材料簡單，味道太濃，太咸，豆乾也就是普通質素。馬蹄露好清甜，食到粒粒馬蹄；相反清心丸綠豆爽就太太太甜，食完真係血糖急升呀！整體味道不過不失，好在乎識唔識得叫。

由於南瓜兄近月春風得意,加上某原因,便找個機會請小弟食飯,雖然是朋友間的飯局,瓜兄依然找來一間有水準的食肆,真的要說聲多謝. 大埔舊墟說易去又不是,在太和站行過去,沿路問人,左兜右兜,白行不少冤枉路,睇睇錶,十五分鐘行程,足足花了過半小時. 閒日店內客人不多,門面是有點冷清,一行三人佔了一張六至八人檯亦無問題. 呻著南瓜帶來的紅酒,菜式是南瓜一早諗定,反正是人家請的,自已也不用費神.......哈哈! 魚飯 : 即是平日常常食到的凍烏頭魚,今次來貨真的不錯,魚肉滲出絲絲黃油,非常鮮味,蘸點少許普寧豆醬一齊食,更是食過不停. 春菜腩煲 : 春菜跟腩肉炆得入味,說是汁,倒不如當湯喝,鮮甜可口.腩肉毫不肥膩,咬落更有少許彈牙. 鹵水雙併 : 鵝片併鵝腸,前者由於當做中,食落肥肉,肉質幼嫩香濃,紋理清晰,不過後者似乎淥得過火,口感是有點韌,而且脂肪去得太清,少了一層肥美的感覺,有時候覺得雞腸比起鵝腸更可口. 金不換炒薄殼 : 雖然薄殼個子真的細得可憐,食起來又真的幾麻煩,有時貪方便,一口氣放幾粒入口一次過食,用上金不換來炒,大概是泰式的處理手法,的確非常惹味, 蔥花炸蠔爽 : 一般潮州菜館,大

我們訂左位，六點多就到餐聽，唔洗等就有位!雖然餐聽裝潢唔華麗(好平實)，但係餸菜令人難忘。爸爸係潮洲人，但我對潮洲菜，除左食粥打冷外，就唔係好有概念。到潮州冷小炒食飯，食左一餐地道的潮洲菜，有一股耳目一新的感覺。蠔仔粥味道恰到她處，好甜好好味!滷水鵝片咸味剛剛好，好入味!滷水豬大腸配豆腐香軟可口，同樣美味，我們好快就清晒成碟!蠔餅足料，炒皇帝菜清甜!潮式雙麵皇係全晚的驚喜，炸好的潮洲麵，加醋同糖，意外地好味!炸麵香脆可口，加醋同糖有奇妙的美味效果。(等於食提子加cheese (例如:Brie)奇妙地好夾)我地問伙記D麵係o羊野麵，伙記話係o向潮洲入口買回來，仲想買番屋企試下煮o添，算LA。凍大眼雞配麵鼓醬令我們有點失望，條魚唔夠新鮮。 下次會試下烏頭。總結來說，我們一家都好滿意，會有空再來幫趁。

月前貴網的寫食評贏獎金的比賽,結果一早塵埃落定,當然有人歡喜有人愁.總之一張大牛,看盡網民眾生相.事後茶杯裏的風波,還是不說,只知道,我是其中之一位得獎者.因為憑爐兄之生日局食評中獎,道理上也應該請他吃一頓飯,地點最好在東鐵沿線,結果便找到去平生從沒來過的太和,舊墟直街上的"潮州冷",其實,潮州冷本來是次選,首選為點心皇海魚專門店,可惜周一是休息日.對我這個區外人來說,地點並不難找,坐巴士在寶鄉橋下車,行大約十分鐘便可.平日的潮州冷,食客不多,環境闊落,我們一行三人,被安排坐在一張六人檯.餐牌上的潮州菜式,並不是只是打冷,還有很多功夫菜在內,不過要在早兩日預定,是日純屬半即慶,就算一些無須預訂的菜式,也有大把選擇.價錢亦比外面的名店便宜呢.假若自攜酒品的話,收四十一支開瓶,也是合理價錢.早前看過西打兄之食評,他是我其中一位欣賞的食家,相信他說好的,應該有所保証,第一道菜上的是魚飯,是夜為烏頭,時價計,$80一條.此烏頭肉質粗中帶幼,魚味濃郁,點些普寧豆醬吃感覺更佳.在方魚炒芥蘭同春菜腩煲之間,選了後者,雖然春去秋來,但此味很鮮甜,腩肉吃落去"索索"聲,帶點彈牙,而不失鬆化.煲內的汁又可

八月二十三日，天氣時晴時雨，約了安仔及一班老友，到沙田踩單車上大埔，因八月季節不宜行山，而更大原因是----安仔話大埔舊墟有間隱世潮州菜館。踩單車12人，但到晚上食飯就17人，六時到左舖頭，如果唔係安仔帶我都唔知係邊，原來在明星酒樓後面，坐低之後，梗係啤酒先啦! 叫了兩碟鵝頭頸，試試先；味道唔錯，我喜歡鵝頸，板香肉軟，期間見有紅酒賣，價錢可以，叫了兩枝， 過樽唞氣，一手鵝頸，一口紅酒，非常可口，安仔安排了多個手工名菜，原來他在數天前已經落單了，七點所有老友到齊，通知上菜，精彩的一餐，由這一刻開始。是日菜單 ：先上 滷水鵝頸頭 --自己只吃了頸，因我不吃頭，但味道濃郁，香味不錯，一口咬落頸，皮香肉鬆，不太乾實，確實可口，一口紅酒，一口鵝肉，相當稱意。 油炆筍腩肉 -- 食到小時候排檔味道，但從前沒有腩肉的。 春菜五花腩 -- 一般，因自己在家烹煮時，是隔夜才食的所以感覺上唔入味。 荷包饍 ---------精彩的一味，好喜歡；鱔肉新鮮，入口溶化，有火煺香味，湯水更好，只因有一片咸菜放在湯內煮出了鮮味來，這菜原來要花上數小時燉製的。